|
انا مش اسف يا ريس
فى البدايه انا عمرى ما كنت قاسى و لا عمرى حكون بس انا عايز اعرف الناس اللى صعبان عليهم الريس الان ميصعبش عليكم غالى..
انا مش اسف يا ريس ولا عمرك هتصعب عليا . المفروض يعنى انك تصعب علينا دلوقتى عشان انته تعبان ما فى 100 الف واحد كانوا تعبانين قبلك و ماتوا عشام معهومش حق الدوا او مستنيين لسته طويله عشان يتعالجوا على نفقع الدوله وسبحان الله لما حد كان بيتعب منكم او من شله العصابه بتاعت كان بيسافر يتعالج بره و برضه على حساب الدوله . اللهم لا شماته بس كان لازم هيجى اليوم ده عليك انت مش ابويا مافيش اب ياكل وعياله جعانين او ينام في قصر وعياله ساكنين عشوائيات والجبل يتهد عليهم وهما نايمين ... ...او يتريق على 1000 واحد الحيتان كلتهم في البحر . مافيش اب يكون من اغنى اغنياء العالم وعنده املاك وعقارات في كل مكان ونص شعبة تحت خط الفقر مطحونين كتير من ولادك حرامية وكتير منهم شحاتين ...وبيتعالج في انضف مستشفيات وعياله نايمين ع الارض في المستشفيات مافيش اب يعلم ولاده الكدب في الاعلام والتزوير في الانتخابات مافيش اب ايده ملطخة بدم اولاده المناضلين في الثورات احنا اسفين يا مصر لاننا سكتنا كتير علي الظلم وكنا سلبين اوووي احنا اسفين يا ريس علشان مش وقفنا وقولنا لااا احنا اسفين يا شهيد لاننا مش معكم احنا اسفين يا ام الشهيد لان بسبب اننا ناخد حريتنا قتل الشهيد احنا اسفين اووووي يا مصر احنا اسفين على سكوتنا الفترة دى كلها ع اننا سكتنلاك 30سنة من الذل 30سنة من الاهانة وقلى الكرامة 30 من الفقر والجوع 3سنة سرقة ونهب واحتيال واحتلال وبيع فى البلد وتاخد حقوق الشعب ونهبو وكل دة واحنا ساكتين وحمدين ربنا وخايفين ننطق علشان الى كان بينطق كنت بتخلية اخر مرة ينطق فيها وكنا بردو بنسكت احنا اسفين علشان كنا سلبين وادنالك الفرصة انك تعمل فينا كدا واكتر من كدا بس خلاااااااااااااااااااااااااااص اتنهى عصر الفساد والغباء والغمامة الى الناس كانت عايشة فيها وفقنا خلاص بجد اسفين ع كل دة وصدقنى والله العظيم عمرنا ماهنسكت عن حقنا تانى ولا هنبقي بهايم عايشين فى الارض وشكرا لانك خلتنا نقوف وخلتنا نثبت للعالم كلو ولنفسنا اننا فعلا ايد وحدة أنا آسف يا أرواح الشهداء انا اسف يا ريس اننا صبرنا عليك كتير .. انا نادم اننا مقمناش بالثوره من سنين و سامحونى لو اتنرفزت فى كلامى شويه لان ده كلام الشباب الواعى http://a1.sphotos.ak.fbcdn.net/hphot..._2534767_n.jpg |
بجد بجد اولا اللهم ما لا شماته بس بجد انت قولت كل اللى عايزه اقوله
فعلا كلامك مايتقالش بعده حاجه وربنا يعينه على اللى هو فيه ويشفيه بس احنا هنطلع احسن منه وهندعيله مهما كان لاننا شعب مافيش زينا فى الوجود توبيك رائع تحياتى |
سلمت يمينك .
ليت الجميع يفكر بعقله لا بقلبه ! مشكور علي هذا الموضوع الأكثر من رائع . |
مش اسف يا ريس::دانت ياما جوعتنا ومن المجاري شربتنا وبالامراض صيبتنا ولما قولنا نشتكي بالضرب سحلتنا وبالخوف خرستنا كانك مش واحد مننا حتي الامان اللي بيه قرفتنا طلع سراب وبيه علقتنا
دا الحرب كان ارحملنا من خيانتك ونهبك ارضنا:( مش اسف يا ريس |
شكرا على مروركم
|
[[ ياهههههههههههههههههه طلعت كل اللى جوايا ونفسي في رسالة أخرى للمنافين كدابين الزفة المبخرتية
|
يابني الريس مش محتاجك تدعيلة اصلا
في غيركم 79 مليون بيدعولو |
بجد تسلم على كل كلمه قولتها عبرت عن كل اللى جوايا
بس احنا احسن منه وبندعيله يمكن ربنا يسامحه على الشعب اللى ضيعه وهو كان مسئول عنه |
أنا اسفة يا ريس
مش ديه الطريقة اللي يمشي بيها بطل الحرب ورجل السلام وبعدين انت شايف ان حسني مبارك هو بس يعني الفاسد بص حوليك هتلاقي كل البلد كده وليه تبص حوليك بص ف نفسك الأول على الأقل هو كان بـــــــــــــــــــــــــــــــطل الحرب انت مين ليه موقفتش ف الأول واتكلمت مكنش حصل اللي حصل وبرده أنا مبنفيش عيوب نظامه ولكن لاشيئ يكمل لكنه كان رجل السلام طول حكمه البلد مدخلتش حرب وللا كان كويس اللي بيعمله جمال عبد الناصر أول م أي بلد حد يحتلها يبعت جيش وما أدراك ما الحرب |
كفايه بقي بطل حرب هو انتو بتضحكوا علي نفسكم ابطال اكتوبر هم من شاركوا في الحرب اما اللي كان في مقر القياده فلا
وانا نفسي يحاكم لا يسامحه لا دنيا ولا اخره دم الشهداء احسن من مليون |
طيب ياجماعة ايه رايكم
باللى كانوا قبل التنحى بينصروا مبارك وبعد ما يمشى يشتموا ويهزءوا فيه انا الحمد لله أنا طول عمرى معارضة ليه |
أخت اليزابيث
مش معنى انه كان كان بطل حرب كنا نسيبه يعمل فينا اللهى هو عايزه فيه ناس كتير أوى كانوا ابطال اكتوبر زى سعد الدين الشاذلى رحمه الله وبعدين البلد اسراءيل مادخلت مصر بسبب معاهدة السلام مش اكتر اللى هى اساسا مش سلام لأنهم بيقتلو اخواننا فى فلسطين وغزة بكل اجرام ومبارك ساعدهم بكده والدليل الجدار الفولاذى بين غزة ومصر |
جمال عبد الناصر
الاعتقالات والتعزيب ايام عبد الناصر كانت اضعاف ايام مبارك
وعبد الناصر حدثت في ايامه النكسه والسادات عمل كامب ديفيد يلا بينا نولع في رموزنا الريس قلها سيب التاريخ يحكم ماله وما عاليه بس ارجعو شوفو مبارك استلم البلد ازاي وسيها ازاي بس الناس بتنسا مبارك اخطأه كثير وبالذات اخر عشر سنوات بس هو مش صدام حسين اخير انا اسف ياريس وعلي فكره انا منتخبتش مبارك في انتخبات الرياسه بس بحترمه كفايه انو مهربش زي زين العابدين بتكلمو عن ثروته متشفو المزرعه بتاعه السادات في امريكا مات 400واحد في الثوره طيب كام واحد منهم مات امام الاقسام ووزاره الداخليه في محاوله لاقتحامه الشهيد الي مات في المظهرات بس واعتقد انه اومره كانت محدش يتعرض ليهم والكلمه المشهوره سبوهم يلعبو دليل علي كدا بس فيه زبانيه حوليه هما السبب في كدا انا بسأل لو كان في 30 سنه دخلنا حرب كان مات كام عموما كفايه ليه انو ساب البلد ومفيش عسكري اجنبي علي ارضها ومفيش حته منها متخده |
اقتباس:
اقتباس:
اقتباس:
|
شكرااا علي الموضوع الرااائع
|
شكرا على المرور
|
اقتباس:
انا عمرى ما حكون منافق و لعن الله المنافقين |
يعنى لو كنت اتعمت على لمبة جاز وكنت بتأخذ أصلا الجاز بالكابون وكنت بتقف على الجمعية طوابير طويلة من اجل علبة رابسوا او حتى صابونة بطاس ومكنش فيه اصلا صابون بريحة ولكنت بتشوف لحمة الرأس والكرشة وكل املك أن تأكل لحمة الجمعية ولو كنت بتسكن فى بيت كل أسرة مكونة من خمسة او اكثر فى حجرة ورغم ذلك كان فيه العصبجية وبتوع أمن الدولة ولا صوت يعلوا على صوت المعركة كنت عرفت تتكلم مع رموزك إزاى ولكن مهى هيصة
https://lh3.googleusercontent.com/_A...%D8%B1%201.jpg |
اقتباس:
وأهم حاجة مقر القيادة لإن إذا كان مقر القيادة ذو كفاءة فالخطة ذات كفاءة والجنود أيضا وربنا يتوب عليه قبل مايموت وزي ما قلت مش هو بس الفاسد ده معظم الشعب فاسد بص حوليك هتلاقي الفساد وللا أقول بص ف نفسك الأول |
اقتباس:
ما الناس الكتير اللي كانوا أبطال أكتوبر ما هو يستحق معاملة كويسة زيهم وبعدين معاهدة السلام اللي هو عاملها مع اسرائيل هيه اللي بتحمي مصر من خطر إسرائيل مبارك عمره ما كان معين لإسرائيل أو الأمريكان والدليل انه عرض ع الدول العربية تهيئة جيش للدفاع عن غزة ومحاربة اسرائيل وتحرير فلسطين عل أن يكون الجنود مصريين أما عدة الجيش وأسلحته فعليهم ولكنهم رفضوا |
اقتباس:
وعلى فكرة السنين الضوئية وحدة قياس مسافة وليست زمن |
اقتباس:
|
الى الاخ صاحب الموضوع
تذكر الاتى 1- الريس ابونا كلنا سواء سئنا ام أبينا لانه ولى الامر ويجب علينا طاعتة كما نص القرآن على ذلك 2- الخروج على الحاكم فيه معصية كبيرة كما قال الرسول صلى الله عليه وسلم (( لا تخرجوا على الحاكم ولو كان فاسقاً ) وكما قال (( أطيعوهم ما أقاموا فيكم الصلاة )) يقصد الحكام وكما قال (( أطيعوهم فان عليهم ما حملوا وعليكم ما حملتم )) 3- ثالثا ما نتائج هذه الثورة الملعونة ؟ خراب - دمار - قتلى من الشعب والشرطة - خسائر بالمليارات - ..... الخ 4- ما يحدث فى البلاد العربية الاخرى وابتهاج الدول الغربية بذلك بدعوى المناداة بالحرية وهم يقصدون تمزيق الشعوب الاسلامية وتفريقها |
اقتباس:
تذكر الآتي: 1- الثورة ديه ما كنتش خراب نتائج الثورة ديه جاية بعد عشرر سنين و البيت المهدوم يجب إزالته تماما قبل بناء جديد 2- الساكت عن الظلم يعتبر ظالم لنفسه 3- اللي بيحصل ده ده بشرة خير بس هم أساءوا في نسب الفساد إلى مبارك بس رغم ان كل البلد متسببة فيه الشعب متسبب فيه لإنه سكت عنه من الأول |
يعنى ايه كوكا كولا زيرو - يعنى رئيس و 8 مدولة يقتل 365 من شعبه بالرصاص و 9 مليون بالكبد الوبائى ليون بالسكر و يصيب اطفاله باعلى نسبة سرطان اطفال فى العالم و ......85000 حوادث طرق و 35 مليون جاهل و 30 مليون معدم و نقول له احنا اسفين يا ريس!
|
اقتباس:
|
اقتباس:
|
اقتباس:
و بعدين الله اعلى واعلم ديه تتقال ف كل وقت حتى لو اللي بقوله ده شايفاه قدام عيني وكمان أنا أقول اللي أقوله |
الحلم المستحيل هو حلم كبير علينا نعيش زي أي انسان من سنين دقنا الهوان لما حد جاه و قالنا يلا بينا يبقى عميل الأمريكان يبقى خاين أو جاسوس أو جبان لما سمعنا عن فلوس كتير متهربة سألتني أمي يعني كام يشتروا كم رغيف هي الفلوس دي تكفي حق الغطا و لا الدوا أو كسوة مرة كل كم سنة قلتلها ياما دي فلوس كتير مالهاش عدد ممكن تكفي شعب كافح من زمان شعب جاع سنين طويلة شعب حفر قناة و رجع عبرها شعب حارب أعداء كتير شعب شال فاس و قلم و بندقية شعب سافر بلاد كتير و ساب ولاده شعب طاطا راسه في بلاد غريبة علشان بلاده ضاقت عليه مع انها بلاد كبيرة تكفي اللي فيها بس اللي يحكم فكر انه لوحده و ان الخلايق كلهم دول ملك ايده هو حلم كبير علينا ؟؟؟؟؟؟؟ لما نسأل فين ولادنا ؟ اللي غرق و اللي اتحرق و اللي اعتقل و اللي اتسرق يبقى لما ييجي حد منا يقولنا يلا بينا يبقى عميل الأمريكان يبقى رخيص ينضرب يترجم يتحبس يتهان هو حلم كبير علينا ؟؟؟؟؟؟؟ هو لسة الشعب عايش ؟؟؟ لسة فيه شباب يطالب ؟؟؟ لسة فيه الحق غالب ؟؟!!! لسة يعرف يعني ايه كلمة كرامة ؟؟ لسة بيفكر يخطط أو يطالب لسة ما شافوش العلامة ؟!!! اني وحدي فوق اي حد أو أي حق شعب عايز و عايز و عايز شعب عايز مكان ما عـنده المكان طوابير كتير مالهاش عدد طوابير كتير في كل شارع و لكل حاجة للعيش طابور و الجاز طابور حتى العجايز ليهم طابور في كل شهر لمرتباتهم واقفين طابور شعب جاحد نسي عملت ايه ؟ رشوة و حرايق جوع و فقر شوف أد ايه يبقى حلم كتير علينا ؟!!!!!!! ان الشعب عرف الطريق صوته علي شق السكوت راح الميدان طالب و عامل مسلم مسيحي كبير صغير راجل و ست أحمد و سلوى شوقي و منال و محمد و بطرس كمان كل دول انا شفتهم واقفين هناك و شفت ايه فيهم عمل النظام سلط عليهم كلابه و خيله و جماله سلط عليهم نيرانه بقسوة مالهاش مثيل مات محمد على كتف مايكل و شفت عادل شايل ميشيل كل دول كان حلمهم في يوم يلاقوا لقمة و هدمة و سقف يستر عرضهم كان حلمهم في شغل فيه يلاقوا رزقهم بس اللي بيحلم عندنا ده جزاءه ضرب و إهانة و معتقل و كمان إبادة داس على حلمهم تحت البيادة يبقى بجد كتير علينا نحلم في يوم من عبيد نتحول لسادة الطــــــــــــــــــــــــــــــــــــوارئ كلمة كانت زمان بتعدي علينا في كتب المطالعة و التاريخ أو قصيدة عن الوطن كلمة موجودة في معجم أو قاموس كلمة اتنست من زمن كلمة ضاعت من حياتنا بأبخس تمن كلمة اتمحت و انداس عليها لما قالوا فيه قانون اسمه الطوارئ يعني إيه كلمة طوارئ دي مرادف كلمة مهانة أو للزعيم هي الحصانة يعني اسمه قانون الإهانة اللي خلانا نطاطي راسنا و ندمن الاستكانة اللي سلح كل جاهل ببندقية وضهره لعدوه بندقية متوجهة لوش صاحبه أو جيرانه كل حاجة و اي حاجة مسموحة لحفظ النظام احتقار ، اعتقال ، زنزانة باردة في عز الشتا لقمة ناشفة تترمي من تحت باب و مافيش غطا هو ده قانون الطوارئ سنين طويلة على قلبنا كاتم نفسنا كل ده لحفظ النظام يبقى لازم القانون يتفصل تمام تلاتين سنة و يا عالم هيزيدوا كام خلى المبادئ حطام كسر القلم كتف ايدينا و لجم اللسان عرفت ايه معنى الطوارئ كل ده لحفظ النظام طيب ايه هو النظام ؟ النظام ده شخص واحد مش دولة كاملة يعني الطوارئ و الإهانة لشخص واحد ؟ مش أي واحد ، ده رمز كامل ضاعت في عهده المسئولية و الاحترام خلى المواطن ملطشة لكل عابر خلى الشوارع مزبلة و حفر و ركام خلى العساكر مدة ايدها عيني عينك و اللي يعدي لازم يراضي اللي قاعد باعوا البلاد و العباد و شوف بكام خلوا الخلايق شوية ورق وسط الزحام قطورات تولع ، بواخر بتغرق و الباشا نايم كل اللي الحاصل ان الكبير في الكرسي لازق دساتير نصلح قوانين نفصل حتى القذارة في البرلمان زور و نقي كل اللي يعرف يقول آمين رافض يسلم لحد تاني كل اللي شاغله انه يسلم الكرسي لابنه ابنه و صاحبه فاكرينها سايبة فاكرينها عزبة أو تكية ما يعرفوش ان الشعب ثاير راحوا و رفعوا صوتهم بكل المظالم نادوا و هتفوا انه يرحل كل ظالم يارب نصرك انت اللي عالم ان الغلابة مالهومش غيرك و امحي اللي منعوا عن الخلق خيرك E. waly 2011 |
اقتباس:
|
اقتباس:
اكبر حرامى فيهم تبقى مصيبه كبرى لانه عايش فى دنيا تانيه متكنعنيش انه كان مسالم و سايب البلد فى ايد ناس بنتهب فيها و هو مكنش بيعمل حاجه , لا هو كان عارف اللى بيحصل فى البلد كويس و هو الرأس المدبره للفساد |
إلي الشباب
كفي تشفيا وانتقاما ولنترك أمر الرئيس ورجاله للجهات المحاسبية والقضائية ومن قبل ذلك ومن بعد لله تعالي وهو خير الحاسبين ولنتجه جميعا إلي العمل بل وإتقان العمل بكل طاقاتنا وقوتنا وحتي لا يضيع ما قامت الثورة من أجله وحتي يمكن تعويض مافات ولا نقف ننصب المحكم والمشانق وهذه ليست مهمتنا وشكرا |
مفيش حاجة أسمها أبونا الريس نهب البلد مفيش حاجة اسمها إحنا أسفين
|
فى احب اقول ليكم انى انا من اوائل الناس المعارضين لمبارك و عارفة اد ايه الشعب المصرى عاش فى ظلم و اضطهاد
وعارف يعنى ايه اطفال ابرياء نايمين فى الشوارع على الرصيف فى البرد وهم جوعى وعارفة يعنى ايه انسان برئ مات بلا ذنب عشان مش لاقى دواء وعارفة يعنى ايه مصر تستورد لحوم مسرطنة و تدمر الاف الابرياء وعارف يعنى ايه طفل يتولد فيجد نفسه يتيما ولا يجد من يرعاها و عارفة ان فى ناس منكم كتير هتقول و هو ذنبه ايه فيقول الرسول كلكم راع و كلكم مسؤل عن رعايته صدق رسول الله و اللى اعرفه ان اللى مش اد المسؤلية ميمسكهاش و احب لاخوانى اللى بيدافعوا عن مبارك لو ابوك او اخوك او اختك او ابنك ممن ماتو من هذا النظام الفاسد هل سيكون هذا رد فعلكم بس احب اقولكم ان ده مش وقت العتاب فمبارك فقد رحل فيجب علينا ان نرحمه وندعو له بحسن الخاتمة فقد اصبح حى ميت وانا عن نفسى فقد سامحته عما فعله لان هذه مظالم عباد اللهم اغفر لنا راحمنا يا ارحم الراحمين |
يظهر أن الأخت اليزابث كانت عايشه بعيد عن مصر فلا تعرف شئ عما كان يحدث لهذا الشعب المطحون
|
أنا أن شاء الله هدعيله بس لما
يرجع لنا شهداء الثورة 365 خيرة شباب مصر يرجع أموال هذا البلد التي نهبت لما يحاكم هو وحاشيته محاكمة عادلة بالقانون ولو كان برئ وعد علي أدعيلو ليل نهار |
فعلا مش اسف و عاوز حقي وحق ابويا و مي بعد اذنك انا نقلت الموضوع علي فيس بوك
|
اقتباس:
و شكرا على المرور جميعا |
اقتباس:
|
عجيبه
من عجائب الدنيا ما يدعو إليه هؤلاء المعتذرون......البلطجة و الفوضى ولدت من رحم هذا النظام الفاسد ، أطفال الشوارع الذين استولى المسئولون على الإعانات المليارية المرسلة إليهم هدية النظام إلينا .... المخدرات التى أصبحت تباع على الأرصفة من إنجازات مبارك فى الشارع المصرى .....لكن الحق يقال أنه صاحب الفضل الأول فى السلام الذى خيم 30 عاما على الشعب الإسرائيلى الشقيق و لذلك أدعو المعتذرين إلى التجمع أمام الكنيست الإسرائيلى لأن المصاب واحد و يا ريت يكون الشعار من وحى الثورة الشبابية ( المعتذرون و اسرائيل إيد واحدة......!!!!!!!!!! )
|
شكرا على المرور ميس امانى
ربنا يستر على مصر |
أخت اليزابيث
نفسى أعرف هو عمل ليه الجدار الفولاذى وقفل معبر رفح ماحد يرد أخ أسامة البنا احنا ماكنا عايشين على عهد عبد الناصر أو السادات احنا عشنا فى أيام مبااااارك لما نييجى نحاسبه مش هنحاسبه مقارنة مع اللى فاتوا وعلى فكرة الثورة كانت سلمية واللى خربوا كانوا بلطجية احزب الواطى>>>>>الوطنى سابقا |
اقتباس:
:dحبيبتى كلكم راع وكلكم مسئول عن رعيته وأكيد حاشيته كانوا بياخدوا أوامر منه واذا ماكان أعطاهم أوامر أكيد هو كان عارف ايه اللى بعملوه وأقل حاجة كان ممكن يعملها انه يشيلهم من النظام |
شكرا على المرور
|
بجد والله حضرتك انسان محترم وياريت الناس تفهم بقى بدل ما يصعب عليهم الراجل اللى مجوعهم
الراجل ده مافيا لوحده |
طبعا مش اسفين وهو اللى لازم يعتذرلنا عن اللى عملوا فينا......ونفسي ربنا يشفيه ومايموتش علطول عشان يتعذب بالمرض شوية .........وبشكرك عالموضوع الرائع جدا:) |
انا مش اسفة يا ريس اول مرة اقول الكلمة دى من بداية الثورة وكنت من اللى شعروا بالرحمة نحوه وضعفه وكبر سنه ولكن بعد تنحيه
وظهور الحقائق اوضح واوضح لا مجال للرحمة كيف نرحم من لا يرحم وانت عبرت بكل ما اشعر به لا يستحق العطف منا وكل ما يحدث به قليل مما عاشه الشعب المصرى لا شماته ولكن كما تدين تدان اشكرك على هذا الموضوع |
شكرا على المرور الطيب جميعا
|
أنا آسف يا أرواح الشهداء...
انا اسف يا ريس اننا صبرنا عليك كتير ... انا نادم اننا مقمناش بالثوره من سنين... |
أنا مش آسف يا ريس أنا مش آسف أنت من يجب أن يعتذر ولا نقبل حتى اعتذارك
يا قاتل الشهداء .. يا ناهب البلاد أنا مش آسف ... يا صاحب السبعين مليار دولار أنا مش آسف يجب أن تحاكم محاكمة عسكرية ولن أكون عليك آسف ********** شكرا لحضرتك على التوبيك الرائع |
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.