|
عرفتوا اخبار الشهر المكافأه ايه ؟!!!! بس ارجوكم بلاش ضحك !!
اولا الشهر اصبح بقدرة قادر عشرون يوما فقط و مش لكل العاملين بالتربية و التعليم فقط الاداريين و العقود التي لم تحصل علي الكادر .. و طبعا المدرسين مالهمش في المكافأه دى علشان بياخدوا كادر ..
نفسي اعرف بس حاجة واحدة هما مفكرين الكادر دة ايه ... ما فيه ناس بتشتغل في الكهربا و المياه و الغاز و البنوك و بتاخد اد الكادر دة عشر مرات و ما حدش بيقلهم تلت التلاته كام ؟ كل حاجة مالناش فيها علشان الكادر درجات - مكافأه المولد النبوي .. الـ 50 % بتاعه المحليات مش عارف بس الظلم دة اخرتوا ايه ؟ و لحد امتى حينضحك علينا يا جماعه لازم نشوف حل الا نلاقيهم شايلين الكادر و يقولوا اصل انتم بتدخوا كادر فملكوش كادر ؟؟ ايها المعلمون الافاضل لازم نكون ايد واحدة و ندافع عن حقوقنا المهدورة .. |
حسبنا الله ونعم الوكيل
|
يا غالى الكادر خدم ناس وظلم ناس اذا هو قانون ظالم انا مثلا 11 سنة مازلت على الدرجة الثالثة احصل على ستمائة جنيه والاسم بناخد كادر منهم لله ربنا ينتقم من الظلمة
|
لكل ظالم نهاية
|
لما الى خد الكادر بيقول كدة امال بقى احنا نقول اية انتظرنا ندخل الكادر بعد الدرجة المالية ولا خدنا الدرجة ولا خدنا كادر ولا شهر ولا 20 يوم نقول بقى اية على كم الظلم الواقع علينا
|
اقتباس:
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
لا حول ولا قوة إلا بالله
اللهم رد حق المظلوم وانصره آميين |
اللهم انتقم من الظالمين
الا لعنة الله على الظالمين |
حسبنا الله ونعم الوكيل
|
يا جماعة بلاش اشاعات السكرتيرة عملت الشهر خلاص وراح الادارة وكان 400 جنية كلة زى بعضة لكن رجعوها بية وقالوا لها اخصمى نسبة المعاشات منة يعنى هيكون تقريبا 375
|
الاخ اللي بيقول انهم حيصرفوا 400 جنية لكل المدرسين طبعا هذا الكلام غلط لانه حتى لو حيدوا للكل مش حيكونوا زى بعض لانه علي الاساسي .
ثانيا : عندنا السكرتيرة في دمنهور محافظة البحيرة خلاص عملت الكشوفات بعشرين يوم فقط من الاساسي و للاداريين فقط اللي ما بيخدوش كادر . و علي فكرة تم مراجعتها من الادارة اليوم و ستصرف قريب . |
اقتباس:
يا أخى لا تحزن فما عند الله خير وأبقى !!!!!! عشرين يوم والا شهر كلها ليست نقود ماهى الا ملاليم !!!!!!! لأن مرتباتنا بكادر او من غير تجيب الحسرة !!! هل يعقل ان ذوى الدبلومات فى البترول والكهرباء يتقاضون أضعاف رواتبنا؟؟!!! ونحن نلهث وراء حوافز تافهة وكادر تافه لم يرق لحوافز الكهرباء او الضرائب الحل يا اخوانى ليس فى مطالبنا السطحية التى لم تعد لتسمن من جوع لنطالب جميعاً بهيكل للأجور موحد بغض النظر عن الوزارة خدمية او انتاجية جميعنا نعمل ونخدم هذا الوطن ولنا حقوق متساوية والتزامات متشابهة ولذا نطالب بأجور موحدة او متقاربة بين القطاعات المختلفة بالدولة لكن هذه المطالب أتمنى ان نطالب بها بعد أن نعطى فرصة لتحقيق المطالب الأهم التى من أجلها استشهد أبناءنا واخواننا من شباب الثورة هذه المطالب سنطالب بها بعد ان نعطى فرصة لتحقيق قيم أعلى وهى الحرية والديمقراطية وساعتها يأتى وقت (( العدالة الإجتماعية ))!!!!!!! |
امال في اسكندرية مقلوش حاجة عن الشهر ده يعني
|
معى صورة من حافز الاثابة وهى 500 جنيه مدير عام الادارة و450 جنيه وكيل الادارة و400جنيه جميع العاملين ( مدرسين /اداريين ) و300جنيه لجميع العمال دائمين ومؤقتين و250 جنيه لجميع العاملين بالعقود
|
يا جماعة الصح اننا نتساوي بكل من الكهربا و المياه و الغاز و البنوك وشيلوا الكادر الي هم عملوا عشان يعجز الناس وهي ملليم شوف الموظفين الي في الهيئات بتاخد كام ونتساوي بيهم
احنا بنبني جيل التمريض خد 600% علي المرتبات وطلعين يتظاهرة عشان يزيدو والكهربا و المياه و الغاز و البنوك بيتظهرو عشان يزيدو واحنا نعمل اية نتفرج الكادر مش عايزينو وعايزين نتساوي بالكهربا و المياه و الغاز و البنوك زي زيهم هم بيادوي عملهم وانا نفس الحكاية لية التفرقة كلنا نسعي لنفس الهدف وهو الرقي بالمجتمع وبناء اجيال قدرة علي النهوض بمصر زي شباب 25 يناير مش دة حقنا زي كل واحد بيادي وظفتة في المجتمع |
متأكد يالطفى من الكلام ده
|
يا أخى لا تحزن فما عند الله خير وأبقى !!!!!!
عشرين يوم والا شهر كلها ليست نقود ماهى الا ملاليم !!!!!!! لأن مرتباتنا بكادر او من غير تجيب الحسرة !!! هل يعقل ان ذوى الدبلومات فى البترول والكهرباء يتقاضون أضعاف رواتبنا؟؟!!! ونحن نلهث وراء حوافز تافهة وكادر تافه لم يرق لحوافز الكهرباء او الضرائب الحل يا اخوانى ليس فى مطالبنا السطحية التى لم تعد لتسمن من جوع لنطالب جميعاً بهيكل للأجور موحد بغض النظر عن الوزارة خدمية او انتاجية جميعنا نعمل ونخدم هذا الوطن ولنا حقوق متساوية والتزامات متشابهة ولذا نطالب بأجور موحدة او متقاربة بين القطاعات المختلفة بالدولة لكن هذه المطالب أتمنى ان نطالب بها بعد أن نعطى فرصة لتحقيق المطالب الأهم التى من أجلها استشهد أبناءنا واخواننا من شباب الثورة هذه المطالب سنطالب بها بعد ان نعطى فرصة لتحقيق قيم أعلى وهى الحرية والديمقراطية وساعتها يأتى وقت (( العدالة الإجتماعية ))!!!!!!! ونحن معك وحسبنا الله ونعم الوكيل |
ياجماعة والله فيه حاجات اهم بكتير من الكادر المنحوس ده مثلا اين كرامة المعلم؟
اين نقابة المعلمين ؟ التىتدافع عن الحكومة ضد المعلمين انفسهم انظروا لنقابة المحامين ماذا تفعل لو احد المامين تعرض لاى اهانة فى اى مكان؟ تأملوا جيدا تلك الخرافات التى يطلق عليها مشاريع الامتياز والجودة لا احد ينكر اننا نحتاج الى جودة التعليم ولكن لماذا كل هذا التعقيد فى التنفيذ ؟ اليس ذلك لمصلحة مجموعة معينة هى التى تستفيد بالاف من الجنيهات الموضوع ابسط من ذلك بكثير نريد جودة لتكن الجودةنابعة من داخلنا |
اقتباس:
|
نعم أنا متأكد ياخ السيد درويش ومعى منشور بحافز الاثابة بتاريخ 10/2/2011
|
معلمون بلا نقابة
و حتى لما كان لنا نقيب ماذا فعل للمعلمين الشرفاءءءءءءءءءءءءءءءء |
يا جماعة اسمعو منى الكلام الصحيح بخصوص شهر المكأفاة
انا من الغربية وقام موظف المرتبات بالمدرسة بعمل هذا الشه لكل العاملين بالمدرسة وتم حساب هذا الشهر على الاساسي لكل موظف بالمدرسة وتم ارساله أمس للإدارة التعليمة .... وربنا يسهل ان شاء الله |
ارفع نسخة
اقتباس:
يا اخي لو عندك صورة ارفعها علي الموقع علشان نعرف لو لينا نقابة محترمة بسم الله الرحمن الرحيم السيد رئيس مجلس الوزراء بعـــد التحية ..... مقدمه لسيادتكم المعلمين فى جميع أنحاء الجمهورية مطالبين سيادتكم 1- رفع الحد الأدنى الاجور الى 1500 جنية . 2- لايقل المعاش عن 2000 جنية . 3- عمل كادر خاص للإداريين والعمال والمشرفون ومساواتهم بالمعلمين . 4- إقالة نقابة المعلمين الحالية . 5- تعينات جديدة للشباب وخاصة المعلمين وذلك لسد العجز . 6- عدم مد سن الإحالة للمعاش إلى 65 سنة لإتاحة الفرص للشباب . 7- مساواة التربية والتعليم فى المرتبات والبدلات بوزارات . ( العدل - البترول - الكهرباء - الضرائب - هيئة مياة الشرب والصرف الصحى ) 8- الرفع عن كاهل المعلم وعمل تعينات جديدة . 9- فتح باب الترقيات لخرجى المعلمين والمعلمات أسوة بزملائهم . 10- معالجة الرسوب الوظيفى ( الدرجات المالية ) . 11- رجوع الأنسبة الخاصة إلى ماكانت عليه قبل كادر المعلم . 12- معالجة أبناء المعلمين وأسرهم بالتأمين الصحى . نـنـــوه : أنه فى حالة عدم تنفيذ مطالب العاملين بالتربية والتعليم سيتم الإضراب عن جميع أعمال الإمتحانات ( الثانوية - الأعدادية – الأبتدائية ) [/quote] |
فين مبنى نادى المعلمين بالإسكندرية
دعوى للشرفاء من معلمى السكندرية
عايزين النادى بتاعنا دول اخدوا فلوس من متباتنا بالهبل و فى الأخر يأجروه لشركة ده تهريج نقابة حرامية تسقط النقابة و النقيب و الفساد |
ياعم احنا مش نساوى ممرضة فى وحدة صحية ريفية يا عم مفيش فايدة
|
حسبنا الله ونعم الوكيل
|
اقتباس:
اوافقك الراى لنطالب جميعاً بهيكل للأجور موحد بغض النظر عن الوزارة خدمية او انتاجية جميعنا نعمل ونخدم هذا الوطن ولنا حقوق متساوية والتزامات متشابهة |
والله والله والله وزاره التربيه والتعليم هي اغني وزاره في مصر منذ السنوات وفيها اموال كثيره وان شاء الله من مطالب المعلمين تحقيق مبدا العداله الاجتماعيه ان تحقق كل المعلمين المساعدين يتعينوا ويتثبتوا ويتحقق مطالب المعلمين في مصر
ولكن هناك جشع وطمع وسرقه ونهب من مسؤلين التعليم ونقابه المعلمين |
قل اللهم مالك الملك تؤتى الملك من تشاء وتنزع الملك ممن تشاء وتعز من تشاء و تزل من تشاء بيدك الخير انك على كل شيئ قدير
|
والله عندك حق انا كل ما اعدى على النادى اتحسر وبقالهم ميت سنه بيقولوا بيبنوه ربنا يخودهم ويريحنا
|
والله انا معاكم
لنطالب جميعاً بهيكل للأجور موحد بغض النظر عن الوزارة خدمية او انتاجية جميعنا نعمل ونخدم هذا الوطن ولنا حقوق متساوية والتزامات متشابهة كل اللى على درجه واحده اجور متساويه فى كل الوزارات [/quote] |
قل اللهم مالك الملك تؤتى الملك من تشاء وتنزع الملك ممن تشاء وتعز من تشاء و تزل من تشاء بيدك الخير انك على كل شيئ قدير
|
فعلا عشرين يوم فقط وللاداريين
ده الكلام الاكيد |
اقتباس:
اقتباس:
هو ده الكلام اللي المفروض نتكلم فيه لا تلهثوا وراء الملاليم وغيركم يطالب بالالاف وهم اقل منكم مكانة وقيمه |
يا جماعة نفسى احول اى وزارة اخرى نصرف اى مرتب زى الناس واى حوافز النلس وكمان نفسى وانتيى اصرف شهر مولد او شهر عيد اى عيد المهم نفسى اصرف اى شهر تحت اى مسمى
|
قالها سعد زغلول من قبل ومحدش صدقة : مفيش فايدة
|
حسبنا الله ونعم الوكيل
|
جزاكم الله خيرا
|
نقابة معلمين 25 يناير facebook
|
سقط النظام فهل تستمر سياسته في التعليم
كان النظام السابق يهدف إلى إضعاف الشعب من خلال تسطيح التعليم، وإهانة المعلمين وازدرائهم، وأصبحت مهنة المعلم في عهد مبارك سبة ومنقصة، وكانت سياسات الحكومة تهدف إلى إظهار ذلك، فلم يتوجه الرئيس السابق ولو مرة واحدة للاحتفال بعيد المعلم، وأصبح المعلم محلا للشك وتحميل مسئولية انهيار الأخلاق والمجتمع كله، كما تعمد النظام أن يصبح التعليم من أقل المهن أجورا رغم الكادر المزعوم، ولنقارن بين دخل المعلم الذي أفنى عشرين عاما من حياته في بناء العقول وتخريج الأجيال بدخل ضابط شرطة أو قاضي أو موظف ببنك أو بالضرائب، وليس هذا فقط فكان من عادة النظام السابق تفضيل من يعمل في ديوان الوزارة وهو أمر يحتاج إلى واسطة على المعلم القابع في فصول الدراسة، فكان موظف الديوان يحصل على منح ووفرات ومكافآت أضعاف ما يحصل عليه المعلم حتى شعر المعلمون بالدونية والإهانة. وحتى اليوم بعد ثورة الشعب المجيدة ما زال نفس النظام السابق يعمل بكفاءة، فالمعلم هو الأقل قدرا ودخلا بين المهن، وهو الذي يهان بامتحانات علنية يتندر بها المجتمع، والموظفون في الديوان يحصلون على دخل أعلى من دخل المعلم فحتى متى؟ |
اسمحوا لى ابلاغكم انهما عملوا كده ليه لانهم عرفين كويس ان كل المدرسين بيدوا دروس خصوصيه فسيبوا الادرين يخدو حاجة
|
| جميع الأوقات بتوقيت GMT +2. الساعة الآن 01:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.