والله انفراد لكل اللى مجتلوش الرسالة ادخل بسرعة
 

انا مقدمه شهاده الحاسب من شهر مارس وبرضه مش جاتلى اى رساله يعنى ايه يضيعوا ورق ؟؟؟؟؟؟؟؟؟؟ دى مصيبه

انا مقدم الشهادة الاصلية ى شهر 10 /2010 يانهار اسود لو ضاعت دول واخدين الاصل اجيب منين اصل تانى دى تبقى مصيبة

مش ممكن العدد ده كله يكونو ضيعو ورقه انتو بتهزرو ولا ايه
فى كتيييييييييير زي وزيك مجتلهوش الرسالة
انا زيكو بالرغم من ان شهادة الاى سى دى ال كانت معايا قبل مبقا معلم مساعد من 2004

وطيب ايه الحل وليه منزلوش اسامينا ياترى هتنزل قريب وهيكملوا اليومين القادمين ولا احنا نستنى شوية

والله هو ده اللى حصل وضيعوا ورقى ولو عايزين تتاكدوا خشوا على مشاركتى وشوفوا حتلاقوا انى كنت طلبة صورة من اوراق تقرير الوجه والله العظيم ده اللى حصل معايا والسبب انهم ضيعوا ورقى

انا بقول دى غلطات اليكترونيه واصلا الاكاديمه غلطاتها كتير

يا ااستاذة تضييع الورق اللى بتقولى عليه ده مش مشكلة اساسا
لانك وانتى بتقدمى الورق بتاعك وانتى واقفة بيعلمو قدامه فالكشف عاللى بتقدمية علامه صح
وهما بيوصلو الكشف ده مش بيوصلو ورقك
ورقك ده فمصوغات التعيين ييجى دورة

ياسيادى الفاضل والله هذا حصل خش فى مشاركتى واتاكد واتمنى تكون انت اللى صح

والله انا مبكدبك فحاجه مهو ده حال موظفين مصر وده الطبيعى
انا بقول انه باذن الله مش مشكلة لانهم فعلا بيعلمو قدام الورق اللى بتقدمية فالكشف

هو انت نفس المشكلة برة

انا اسفة على الغلطات لانى متوترة

يعنى هيا الالوان خلصت من الدنيا عشان تكتبى باللون اللى يجيب العمى ده
عجبى !!!!!!!:040vk0::040vk0::040vk0:

شكرا على زوقل ياسيدى الفاضل

انا برضو مقدمة كل الاوراق اول دفعة طلبوها ومش جتلى الرسالة وكل اصحابى معايا قى المدرسة اللى نفس ظروفى جتلهم

ايوة انا نفس المشكلة مجتليش الرسالة


وبالنسبة لاستاذنا الفاضل ميدو بوى ممكن حضرتك تظلل اللى كاتباه الاستاذة وهتقراة طبيعى
ودع الخلق للخالق يا اخى والله ما فى مجال لهذة الصغائر الان
كلنا متوترين

طب ممكن اعرف حنعمل اية لو لقينا ان الفرصة دية ضاعت علينا

يا جماعة مفيش مشاكل في موضوع التعيين ومفيش ورق ضاع ولا حاجة كل الحكاية انهم قالوا من الاول التعيين حيكون علىرمراحل وبرده زيادة تأكيد كل واحد يذهب للأكاديمية بكره ويسأل في الموضوع ده احسن ما تخبطوا في بعض وفي انفسكم

انا الحمد لله جتلى الرساله

ان شاء الله خير
احنا معلمين مساعدين وعلى رأس العمل مش ممكن هيجى القرار لناس وناس لا
وغير كده الادارات التعليمية كمان بتجمع من المدرسين اللى زينا نفس الورق اللى اخدته الاكاديمية مثل الرخصة الدولية والتربوى بس زيادة الكشف الطبى ونتيجة الاكاديمية واكيد ده مش هزار يعنى اكيد خير يعنى

الزملاء الى لسة ماجلهمشى الرسالة الجديده يتصلوا بالاكادمية ويطلبوا من الموظف يفتح على صفحتهم ويشوف الورق الناقص اية ولو كان شهاده الicdl يصوروها ويدهلهم ثانى بس لازم يشوفوا الاصل


ان شاء الله خير

وممكن توصلهم الرسالة بكره

طب اتقسمت على مراحل على اساس اية

كان الوزير السابق زكى بدر قايل سوف يتم التعيين على مراحل
وطبعا على اساس مراحل تجميع شهادات الرخصة الدولية
مع ان لسه على موقع الاكاديمية المرحلة الثانية عشر من تجميع شهادات الرخصة الدولية

والله انا حتجنن وزهقت من القصة البايخة دية لسه حنروح وحنعمل ورق تانى

يسادةانا ورقي كامل قبل 11/2009وفي الايصال الي واخده من الاكاديمية معلم علي كل الورق حتي ؤيمومع كده مجاتنيش رسالة وبعدين اهم حاجة الباب يتفتح وبعد كده الطريق سهل

انا حاسة انها فرصة مش جتتكرر تانى

ههههههههههههههه
 

والله العظيم عندك حق دا انا اتعميت على ما قريته
من غير زعل لصاحبة الموضوع
ومبروك علينا كلنا التعيين

لا حول ولا قوة الا بالله العلي العظيم
استغفرك ربي واتوب اليك

[]اقسم باللة فى ناس فى منتهى التفاهة وعدم مراعاة شعور الاخرين حسب الله ونعم الوكيل

إلاهى انت تعلم كيف حالى فهل يا سيدى فرج قريب

بعون الله مش هتحتاجى ان حد يراعى شعورك لانك هتبقى فاحسن حالاتك
ربنا هيرضينا احنا وكل اللى مظهرلهمش رسالة التهنئة باذن الله

ياااااااااااااااااااارب بجد انت انسان محترم واتمناللك كل خير ياعزيزى

متزعليش نفسك ولاتتوتري كل حاجه قسمه ونصيب . وبعدين انت احسن من ناس كتيير ان شاء الله بالوصل اللي معاكي تكوني معاهم كمان في حاجه التهنئه اللي نزلتها الوزاره قالت اللي مخلص ورقه يسرع بارساله لاكاديمية انتي ان شاءالله بكره روحي واسالي عليورقك واديهم نسخه تانية عشان يبعتوها في حاله لو كان ورقك ضاع عندهم وحتي لو مضاعش حطيه مع الناس اللي هتبعت وخير ان شاء الله ظز ومتنسيش ربنا مبيعملش غير الخير

يعني مفيش غير اللون الاصفر حرام عليكي غيريه انا اتعميت

مش خمسة <<<<<<<<<< 6

اومال انا رحت فين

من فضلك ا\ رباب غيرى لون الخط حترى يسهل على الاعضاء قراءته وجزاك الله خيرا

والله انا كان عندى مشكلة شبيهه لمشكلتكوا بالظبط والمشكلة دى متكدبشي الاهمال والاستهتار انا مقدمتش ورقى ولا حاجه بس لقيت نشرة جيالى من الادارة قسم التعينات من حوالى بالظيط 7 شهور ان شهادة المؤهل الأصلية مش موجودة فى ملفى فى الادارة والمطلوب منى أسيب حالى ومالى واروح اطلع واحدة تانية بالشئ الفلانى ادى الإهمال ولا بلاش والله العظيم ولا وديتها ولا عبرتهم خليهم كدة على اهمالهم ومعنى انهم يسبوا ملفى 7 شهور من غير شهادة المؤهل ولا حتى صورة ليها يبقى الإهمال بيعينه
الناس اللى عرفت انهم ضيعوا ملفاتهم ميسكتوش ولازم يتصرفوا بسرعه
والناس اللى هتمتحن لازم التقديم يكون اليكترونى مش عايزين طوابير وتصوير ورق ونشوف خلقة موظفين مهملين

الحل بسيط وهو التزام الهدؤ والتوجه فورا الي مقر الاكاديميه للاستفسار لان كل اللي قاعدين هنا زيك تمام مش عارفين حاجه ولا نظار مدارس ولا مديرين ولا قسم الاحصاء في ادارتكم ولا حتي مدير الادارة ولا وكيل الوزارة يعرف حاجه الحل الوحيد الالتصال او التوجه لفرع الاكاديميه اللي انتي تابعه انتي وزملاءك ليه وان شاء الله خير ولا داعي للقلق لان الورق طالما معاكي يبقي ان شاء الله هتتعيني والور جاي تقبلوا مروري

ان شاء الله هنبشركم كلكم

الموضوع موضوع وقت وأوراق وبس

لاتحزنوا أبداً

انا برضو لسه ما جاليش اى رساله

انا مقدمه الورق كله كامل وموصلتش اي رساله

هي الرسالة بتيجي فين بالظبط

اى واحد حاسس انة اتظلم يقدم شكوى فورا وميسكوتش

يجماعة اهدوا شوية بلاش الاسلوب دة عيب
انا حقلوقوا على حاجة عمر ما خاجة حضيع طالما انتى اخدتى جواب باستلام الشهادة بالاكادمية
لو ضاعت حيروح فى داهية اطمنى بقة حتى لو ضاعت ممكن تطلعى بالصورة اللى معاكى اصل تانى من المنطقة الشمالية ب100 جنيه بس