|
أحمد جمال الدين موسي وزيرا للتعليم مرة أخرى
الدكتور احمد جمال الدين موسي الذى سبق له تولى وزارة التعليم قبل يسرى الجمل سيتولى وزارة التعليم مرة اخرى بالاضافة للتعليم العالى
ويذكر انه تمت اقالته عام 2005 بعد عام من توليه الوزارة او اقل نظرا لقربه من شخصيات اخوانية وهو ما دعى النظام السابق لاقالته |
طب هل هو راجل كويس و الا لا
|
اللى أعرفه عنه إنه راجل كويس جدا وهو أول من فكر فى فكرة كادر المعلمين ولو كان قدر له البقاء فى الوزارة ما كان هذا حالنا .
|
بس بيقولوا فى الاخبار انه قريب جدا من الاخوان
دى مش حاجة تخوف؟؟؟؟؟؟؟؟؟؟؟؟؟ |
لا ما تخوفش
اخوان مش اخوان كلنا مصريين كفاية جهل |
اقتباس:
|
مرحب بالدكتور جمال ةياريت نظرة للتعليم وحاله
|
إن شاء الله فتحة خير على التعليم
|
اخوان يعنى كل خيرررررررررررررررررررررررررررررررررررررر
|
السلام عليكم
والله نشوف اعمالة وانجازاتة وبعدين نحكم علية ويارب يكون راجل كويس اول شئ يفكر لنا فية ناس متخصصة فى عمل المناهج التعليمية الصحيحة للطلبة لان دا هو الطريق الوحيد لاصلاح التعليم وان شاء الله كل شئ فى مصر يكون فى افضل حال لو اخلصنا العمل لله وكل واحد عمل اللى علية وفقكم الله جميعا |
لماذا الخلط بين الدين والسياسة المهم انه يصلح التعليم طول عمرنا بنجيب خبراء أجانب وبنطبق تجارب دول أجنبية التى باءت بالفشل الذريع إخوان ولا مش إخوان كلنا مصريين المهم انه يصلح ما أفسده الدهر
|
اللهم ولى أمورنا خيارنا ولا تولى أمورنا شرارنا
|
د/احمد جمال الدين راجل محترم وهو كان صاحب فكرة كادر خاص للمعلمين
|
يعني مش دقون طويلة وجلاليب قصيرة - مع انصياعي التام لسنة النبي صلى الله عليه وسلم -
يأخي وهل هذا شيء يحمدون عليه والله إني لأحبهم جدا وعلي صلة بهم وهم يعلمون أن هذا تقصير منهم أسأل الله أن يغفر لنا ولهم . ولكن أقول هذا يعيب أحد ذقن وثياب قصيرة أليست سنة رسول الله أم ماذا ؟ وحضرتك إنصعت ولو لربع أو أقل لسنة رسول الله ما استطعت أن تقول هذا . اللهم اغفر للمسلمين والمسلمات . تقبل مني وافر الحترام والتقدير . وأخيرا عذرا علي المداخلة . |
شكراا جزيلا على ردودكم |
انا اللى اعرفه انه كويس وحكااية انه يبقى وزير التعليم العالى والتربية والتعليم احسن فكرة عشان ميحصلش خلاااافات ما بين الطرفين وحكااية الاخواان ديه فيها ايه يعنى هما مش كلنا اخوااااات احنا كلنا مصريين واول حاجة لازم نفكر فيها عشاان نبقى مصريين بجد ان احنا ميهمناش اخوان ولا اى حاجة احنا اهم حاجة عندنا انه يبقى كويس وينفعنااا ويحط نظااام يغير من مصير مصر مصر هتتغير لو حجتين اتغيروا واحد تفكير الشعب المصرى اتنين ان احنااا نحب مصر بجد مش كلمه بنقولها وخلااااااص ارجوكم يا جماااعة ولا يهمك اخوااان ولا اى حاجة احنا لازم نكوون ايد واحدة كلنا تحت خدمة مصر وبس .....
|
أنا لا أؤيد من يقول ليه نخلط الدين بالسياسة دةكنا بنخاف نقولة أيام الحكم اللى انتو عارفينو
وليس الاخوان من يربون لحيتهم ويقصرون جلبابهم الله أعلم اية فكرهم ولكن الشئ المعروف لنا دائما أنهم معارضين دائما ً للحكومة القديمة لانها كانت كومة مستبدة وظالمة أهم شئ أخوتى فى الوضع الراهن أن يعمل جميع الوزراء ليس وفقط وزير التربية والتعليم ولكن جميع الوزراء الصالح العام لشعبنا وأمتنا كل فى مكانه وأن ينهضو بتلك البلد التى والله ان الخير فيها لكثير وكثير ولكن كان منهوبا عسى الله أن ينفع بهم أأسف للاطالة عليك |
اهم حاجة يكون مالهوش فى شغل الجوده و الورق اللى بيترص و الكلام الأشائى و متابعات دورات المياه و النظافة و يركز على مستوى الطالب التعليمى و مدى تقدمه و انسوا كلمة اخوان و خلافة اللى يسىء لك ومنك هو الجاهل اللى منتسب اليك فقط
محمد عشرى |
علي فكرة الراجل ده من أفضل و أنظف الشخصيات اللي تولت الوزارة قبل كدة و علشان كده شالوه لان في بلدنا النظيف مبيقعدش ، كفاية أنه قال أنه مش حنحارب الدروس الخصوصية الا لما يزيد راتب المدرس لحد أدني 1500 جنية و علي طول وزير المالية اتصل بالريس و اتشال في الحال |
انا المهم عندى الامور تمشى
ليه الكل هاجمنى اوى كدا بسبب انى قولت اخوان ؟؟؟؟؟؟؟؟؟؟؟؟؟ انا اللى يهمنى ان حالنا يتصلح وحال التعليم يتصلح |
ارجوا ان يصلح الله التعليم علي يده
|
خذهوها قاعدة كل مسئول اقاله مبارك بسرعة فهو مسئول كان عنده ضمير وكويس أوي وأسألوا المشير ابو غزالة واحمد رشدي والجنزوري وعمرو موسي اللي كتبت واوصت مادلين أولبرايت وزيرة خارجية امريكان في مذكراتها اقالته فوراً وما ما قام به مبارك فوراً!!!!!
|
اقتباس:
|
ياجماعة الخير التعليم بصفة عامه يحتاج الى تغيير و اصلاح ولو لى قرار لأصدرت قرار بفرم الكتب الدراسيه واعادة صياغتها بشكل صحيح وما المانع من اننا نستعين بعلماؤنا العظام امثال زويل والباز ونستعين بهم فى صياغة التعليم من اول وجديد الله يصلح حالكم شغلنا بالكادر ومسمياته وانصغنا وراالدروس الخصوصيه:039uw8: واواه منها والضمير اصبح معدوم فهل يفيق القائمين على التعليم وصياغته صياغة يعنى ولاده جديده كما فعلت ثورة شباب 25 يناير ولا....................... لنا الله وعمار يامصر المحروسه.
|
شكراا جزيلا على ردودكم |
الاخوان ناس محترمة معتدلين في اسلامهم وليسوا متطرفين كما شوههم النظام السابق الفاسد
نرجوا تطهير البلاد من النظام الفاسد وفلوله كما نرجوا النظر الى تقابة المعلمين والفساد الموجود بها في جميع المحافظات |
الدراسه الاسبوع القادم
الدراسه الاسبوع القادم بالمدارس وتاجيل اسبوع للجامعات
|
مصدر الخبر للتاكد لو سمحت
|
المصدر جريدة اليوم السابع
|
المصدر التليفزيون المصرى يااستاذ
|
احنا بشمال سيناء وضعنا صعب وغير مهيأ
|
الراجل ده من عندنا من السنبلاوين وعائلته طيبة جدا وعارفين ربنا قوى وربنا يصلح على يديه
الدكتور فاروق الباز قال لازم توجه الدولة كل طاقتها للتعليم أولا ثم ستحصد الخير كله بعد كده من تجارب ماليزيا والهند وكوريا وانشاء الله كلنا يد واحدة لخدمة بلدنا |
والاسكندرية ؟
|
طيب وكفر الشيخ
|
ياريت يا سيادة الوزير تنظر لكادر المعلم وياريت تلغي الجودة وتبحث عن نظام مراقبة للعمل داخل المدارس يؤدي الي نفس النتيجة
|
استئناف الدراسة بالمدارس الأسبوع المقبل وتأجيلها بالجامعات
أعلن الدكتور أحمد جمال الدين موسى وزير التربية والتعليم والتعليم العالي استئناف الدراسة بالمدارس بجميع المراحل بداية من الأسبوع المقبل مع منح المحافظين صلاحية تأجيلها وفقا للأوضاع داخل كل مديرية تعليمية. وقال الوزير إنه من المقرر تأجيل الدراسة بالجامعات لمدة اسبوع ، مشيرا إلى منح الجامعات الخاصة صلاحية تحديد موعد بدء الدراسة. |
ازاى بس المدارس ترجع ومافيش شرطه كفايه لسه فى المحافظات ده مخاطره باطفالنامش هيجرى حاجه لو اتاجلت واتحذف اجزاء من المناهج او يتلغى التيرم كله ويراعى هذا فى العام القادم لان اكيد من فوائد الثوره العظيمه واحد ثمارها هيكون تعديل المناهج وتخفيف الاعباء عن الاطفال الابرياء ولا الوزير الجديد هيكون على نفس السياسه المهم كله تمام ومش مهم اولادنا
|
حراااام عليكو ازاي اطفالنا هينزلوا المدارس و الامن لسه مستتبش في البلد و لا اولياء الامور هيسيبوا شغلهم وينزلوا يعملوا لجان شعبية حولين كل مدرسه عشان يحرسوا اولادهم
يعني يا ريت وزير التربيه والتعليم يفكر شويه في الاتي: 1- غياب الامن 2- هروب المساجين و انتشار بلطجيه و مع كونهم ايضا مسلحين 3- رجال الامن زات نفسهم فيهم مجرمين 4- اطفالنا لا حول لها و لا قوه ايه اللي ممكن يحصل لو استخدموا كرهائن كوسيلة ضغط وياريت وزيرنا مينساش بلطجيه (موقعة الجمل) و مين اللي كان وراها 5- يا ريت منمشيش زي زمان بالقرارات الفرديه لا بد من تنسيق مع وزارة الداخليه ان كان من الممكن استئناف الدراسه ام لا 6- يعني معلش ازاي الجامعة تؤجل اسبوع و المدارس لا هل يعني الصغار قبل الكبار عجبت لك يا زمن عايزين نتطور بقى و منرجعش للتخلف اللي كنا فيه و يا ريت المدارس تتأجل الى ان يستتب الامن 100% ان شاالله تتاجل شهر, نستغنى عن الدراسه ولا نستغنى عن اطفالنا ؟! |
نفسي أعرف الدراسة هتبدأ بشمال سيناء على مسئولية من وكيف؟
الشيخ زويد ورفح لا يوجد بها فرد أمن واحد |
ترحيب بالوزير الجديد لوزارة التربية و التعليم و التعليم العالى
سادت حالة من الارتياح داخل الأوساط الطلابية وبين العاملين بوزارة التربية والتعليم وأبدى الموظفون سعادتهم بأن السنة التي قضاها موسى في الوزارة منذ نهاية 2004 ولمدة عام كانت من أفضل سنوات عملهم، وقالوا إن "موسى كان عادلاً في توزيع المكافآت المالية وإثابة المجتهدين، بعد الإعلان عن دمج وزراتى التعليم العالي والتربية والتعليم وإسنادهما للدكتور / أحمد جمال الدين موسى الذى سيعود مرة أخرى لتولى حقيبة التعليم ، وإن دعوه إلى الاعتماد على أبناء الوزارة وعدم استقدام معاونين من خارجها. واتفق المئات من العاملين بالوزارة على تنظيم استقبال حاشد لـ"موسى" بمجرد دخوله إلى ديوانها العام، كما شهدت جنيات "التعليم" أعمال تنظيف وتزيين، استعداداً لقدوم الوزير الجديد. أحمد جمال الدين: قبلت منصب وزير التعليم لأنه ليس لى طموح سياسى http://www.youm7.com/images/NewsPics...0092122324.jpg الدكتور أحمد جمال الدين موسى وزير التربية والتعليم العالى فى أول تصريح له بعد اختياره وزيراً للتربية والتعليم العالى فى الحكومة الحالية، أوضح الدكتور أحمد جمال الدين موسى أنه قَبِلَ الانضمام إلى حكومة تسيير الأعمال، لأنه ليس من أصحاب الطموحات السياسية المستقبلية، ومن المعروف أن حكومة "شفيق" لن تستمر أكثر من 7 أشهر. وقال "موسى" الذى سبق وأن شغل منصب وزير التربية والتعليم لمدة عام قبل 6 سنوات، إنه مستعد لخدمة مصر تحت أى ظرف، وأضاف، فى تصريحات لـ "اليوم السابع" "نحن فى وقت حرج تظهر فيه معادن البشر لذا قبلت المنصب". وذكر "موسى" أنه سيؤدى اليمين بمجرد أن يطلَب منه ذلك، واستطرد "فى المرة الأولى التى توليت فيها منصب وزير التربية والتعليم بذلت قصارى جهدى وهو ما سأكرره هذه المرة". وكان "موسى" الذى شغل منصب وزير التعليم فى حكومة "نظيف" الأولى قد خرج بعد أقل من عام من الوزارة ولم يُعرَف حتى الآن سبب خروجه، وإن كانت كل الترجيحات قد أفادت بأن قرابته بأحد قيادات جماعة الإخوان المسلمين كانت وراء عدم استمراره. |
البيانات الشخصية الاسم أحمد جمال الدين موسى تاريخ الميلاد 28/5/1951 الحالة العائلية متزوج وأب لثلاثة أبناء العنوان 28 ش الدكتور عبد الرزاق السنهورى، متفرع من ش مكرم عبيد، مدينة نصر، القاهرة المؤهلات العلمية
|
فى حراسه قوات من الجيش
بالزغاريد والطبل البلدى والزفه تم استقبال وزير التعليم الجديد http://www.alnaharegypt.com/nhar/upl...20-%20Copy.jpg د. أحمد جمال الدين موسى وزير التعليم و التعليم العالى وصل الدكتور احمد جمال الدين وزير التربية والتعليم والتعليم العالى إلى ديوان عام الوزارة فى تمام الساعة الثالثة والنصف وسط حراسة من قبل قوات الجيش واستقبله الموظفون بالطبل البلدى والمزمار والزغاريد مرددين مجموعه من الهتافات منها بالروح والدم نفديك يا جمال. ثم دخل الى مكتبه وكان فى استقباله كل من عادل شكرى مستشار الوزير السابق و أحمد عبد المنعم مدير مكتب الوزير السابق و اللواء عبد المنعم معوض مدير العلاقات العامه و احمد طبال معاون الوزير لشئون التكنولوجيا و حسام ابو المجد مدير الاداره المركزيه للأمن و رمضان مدير اكاديميه المعلمين، وبعد دخوله الى مكتبه طلب حضور رضا ابو سريع مساعد اول الوزير الى مكتبه . والجدير بالذكر انه يدخل مكتبه السابق الحالى بعد غياب دام 6 أعوام منذ أن تم إقالته فى أواخر عام 2005 . ولم تدم فرحة الوزير بهذا الاستقبال الحافل سوى دقائق، حيث قام مايقرب من 200 من معلمى المكافأة بحصار مقر مكتب الوزير مطالبين إياه بالنزول والاجتماع بهم ورددوا هتافات من بينها "واحد اتنين الوزير فين".."شمال يمين مش ماشيين من غير تعيين".."مش هنروح مدارس اقفلها أول مارس".."ياوزير فينك فينك الفاسدين بين وبينك". حاول مدير أمن الوزارة اللواء أسامة أبو المجد تهدئة المتظاهرين وتوجيههم إلى قاعة إلا أن المعلمين رفضوا الانصراف وافترشوا الممر المقابل لمكتب الوزير. من جانبه، عقد الوزير اجتماعا مغلقا بعدد من قيادات التعليم الجامعى فور دخوله إلى مقر ديوان الوزارة يضم كلا من الدكتورة سلوى الغريب أمين المجلس الأعلى للجامعات والدكتور ماهر الدمياطى رئيس جامعة الزقازيق والدكتور أحمد بيومى رئيس جامعة المنصورة والدكتور محمود الطيب رئيس جامعة حلوان والدكتور فوزى ترك رئيس جامعة كفر الشيخ بالإضافة إلى رئيس قطاع التعليم وكيل أول وزارة عبد الحميد سلامة وصفوت سالم رئيس قطاع مكتب الوزير. |
موقع الدكتور احمد جمال الدين موسي
|
|
جزاك الله خير الجزاء
|
شكرا لك جزاك الله خيرا
|
لا وألف لا للتربوي البغيض أهدر كرامة المعلم المصري أثبت جهل من أخترعوة ماهو الانظريات على الورق جميع المعلمين المسجلين للحصول على التربوي الفاشل لهم خبرة في التدريس لاتقل عن ال20 عام كل واحد منهم يستطيع أن يعطيك نظريات حديثة ومفيدة وعملية لأنها من واقع الممارسة الفعلية للتدريس أتقوا الله في المعلم المصري وفى أنفسكم وتذكرو قول شوقي رحمة الله كاد المعلم أن يكون رسولا وقول المصطفى صلى الله علية وسلم من علمني حرفا صرت له عبدا |
المشكله أن النظام السابق جعل جميع الناس يتشككون فى بعضهم البعض
الأن .. لاخوف نقف رجل واحد وكل من يخطأ نحن قادرون على إيقافه |
ياريت نصلح من انفسنا واللى بيته من ازاز ميحدف الناس بالطوب
|
شكرا جزيلا
|
| جميع الأوقات بتوقيت GMT +2. الساعة الآن 11:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.