|
حمله تربوى عايز يتعين
بسم الله الرحمن الرحيم " و تعاونوا على البر والتقوى و لا تعاونوا على الإثم و العدوان " صدق الله العظيم فى البدايه كما منا يعانى منذ تخرجه من كليه التربيه بعدم تعينه حتى الان فمنذ سنوات عديده لم يتعين احد الا بالمسابقات التى تعتمد بشكل كبير على المحسوبيه والوسطه فكثير من يقوموا بالتدريس الان ليسوا من خريجى كليه التربيه ومع احترامى الشديد لهم جميعا الا انى اقول اننا نحن خريجى كليه التربيه الاولى بذلك وانا ادعو وزاره التربيه والتعليم ان تقوم باعاده التكليف لخريجى كليه التربيه لانه لايوجد عمل اخر يصلح لهم الا التدريس ولذلك ادعو جميع خريجى كليه التربيه ان يطالبوا بذلك عن طريق الطرق والقنوات المشروعه وان نقوم بارسال فاكسات وخطابات مسجله بصفه شهريه الى السيد وزير التربيه والتعليم الدكتور / احمد جمال الدين موسى نطالب بضروره تعيين خريجى كليات التربيه لانه لايضيع حق وراءه مطالب وان نرفع شعار واحد فى هذه الطلبات وهو تربـــــــــوى عــــــــــايــــــــــز يــــــــــتـــــــــعـــــيـــــــــن وادعو الجمبع الى التكاتف لنقوم بذلك سويا مع خلال وضع مقترحات واراء لتبنى هذه القضيه الهامه لنا جميعا كما ادعوا الجميع الى التصويت على الاستفتاء الذى يبين من الذى قام بالفعل بارسال طلب حتى نحصى عدد من قام بذلك ونقوم بارسال اللينك الخاص بهذه الصفحه الى سياده الوزير 00000والان مع بعض العناوين الهامه لوزاره التربيه والتعليم 3 شارع صفية زغلول من شارع القصر العيني القاهرة .او 12 شارع الفلكي من شارع المبتديان القصر العيني القاهرة . رقم الفاكس : 27921231 او 27953102 رقم التليفون : 27946145 E-mail : cservice*email.emoe.org وده كمان لينك من موقع وزاره التربيه والتعليم يوضح كيفيه عمل وارسال شكاوى الى وزاره التربيه والتعليم سواء باليد او بالبريد العادى المسجل او E-mail وكمان فيه نماذج لعمل شكاوى موجوده فى اسفل صفحه اللينك الخاص بالوزاره يرجى الاسترشاد بها http://knowledge.moe.gov.eg/Arabic/Services/CitServices/method1/ ملحوظه هامه لابد من ان يتمتع كل شخص فينا بالروح والنفس الطويل حت يتحقق مطلبنا فليس معنى ان المطلب الذى ننادى به لم يرى صدى عند المسوليين ان نعجز ويصيبنا فقدان الامل 000بل يجب علينا الصبر ولذلك انادى ان هذه الفكسات والخطابات تكون بصفه شهريه وحتى اذا تغير وزير التربيه والتعليم فى المستقبل حتى يتحقق مطلبنا المشروع باذن الله 0 ارجو تثبيت الموضوع حتى يعلم الجميع |
انا خريج تربية عين شمس لغة عربية تقدير جيد 2003 شعبة عامة ومجموعي في الثانوية العامة 90%
1998 التحقت بكلية التربية جامعة عين شمس وحصلت غلي مكافأة تفوق لانها كانت بتقبل 82% وانا مجموعي 90%وكان التكليقف موجود 1999 ألغي نظام التكليف علي حظي الحلو وكنت في سنة تانية وعملوا مسابقتين في سنتين بعدها مكنتش لسه اتخرجت 2003 كان قد ألغي التكليف وبعد المسابقتين مفيش مسابقات تاني فعملت بعدة مدارس خاصة 2005 عرفت ان الحكومة فيها بالأجر روحت اشتغلت وكان اللي بالأجر ملوش لازمة ومكانش ساعتها فيه نظام العقود 2008 عرفت بالصدفة حيث أن الأخبار غير معلنة عن مسابقات في السر روحت أسأل قالولي لازم تشتغل بالأجر الأول 2009 اشتغلت بالأجر في مدارس 6 اكتوبر وكل سنة ولا اتنين يغيروا الوزير تقوم السياسة بتاعته تتغير يعني لعبة القط والفار بقت بيني وبين التعيين ومن ساعتها مفيش عقود وانا مش عارف حتي اشتري كيلو لحمة في البيت علشان خاطر العمل بالأجر اللي انا مش بعرف اقبض فلوسه وحاليا انا مدرس اول بالأقدمية في مدرسة خاصة وتعلمت فيها ان امشي بجوار الحائط + احترام التلاميذ والتغاضي الكامل عن انفلاتهم الأخلاقي علشان خاطر البيه مدير المدرسة ميمشنيش لمجرد اني اقوم سلوكياتهم + فقدان الثقة بالنفس بسبب نظرات فيها امتهان من مدير المدرسة حيث انه حاصل علي معهد تجاري سنتين وانا عندي 32 سنة و لسه بكون نفسي يعني لسه حتي مفيش خطوبة .........سؤال هو الواحد قدامه اد كام سنة ويتجوز علي الظروف دى وكل ده والاقي الغير تربوي متعاقد ومتعين وبعد كده ال ايه يترجوه يعمل دبلومة تربوي ...تكونش تربية عين شمس دي بتاعة محو أمية وانا فهمت غلط! |
وانا خريج من سنة 2002 و خريج بكالوريس تربية نوعية شعبة الحاسب الآلى . وحتى الآن لم اتعين
مش ده يبقى حرام وخريج دفعة 2001 اتعين .... |
أنا خريج آداب طنطا 2006 وعملت تربوي 2007
أنا خريج آداب طنطا 2006 وعملت
تربوي 2007 بتقدير علي جيد جداً يعني أنضم إليكم |
انا انضم اليكم
انا خريج 2010 كلية التربية شعبة الرياضيات تقديرى جيد حدا وحاصل على icdl شغال مدرس بالاجر |
يا شباب نرجو تقييم الموضوع حتى يتم تثبيته 0000
واى واحد عنده اقتراح او فكره معينه او نصيحه ممكن يقولها |
انا خريج تربية نوعية قسم حاسب الى 2008 بتقدير جيدجدا وحاصل على الرخصة الدولية للحاسب الالى ولم اشتغل بالتربية والتعليم حتى الان والله حراااااااااااااام
|
اه راى حضرتكوا نعمل صفحة على الفيس بوك نسميها تربوى عايز يتعين
|
انا خريجة 2008 كلية تربية لغة عربية 2009 حصلت علي دبلوم مهنية في المناهج وطرق التدريس 2010 حصلت علي دبلوم خاصة في المناهج وطرق التدريس 2011 ان شاء الله احصل علي تمهيدي ماجستير وبعد كل دا لم اجد عقد في الحكومة اصلي معنديش وسطة واشتغلت في مدرسة خاصة مش كداحرام:av4056bb7jp3: |
تطوير التعليم يعتمد بشكل اساسى على المعلم
لا بد من اكرام المعلم وارجاع مره ثانيه تكليف كليات التربيه من أجل حصولهم على حقوقهم لا بد من طلب حقوقنا لأنها من حقنا |
اقتباس:
أنا أؤيد هذا الرأي |
انا احيك اخى الكريم على هذه المبادرة فأنا خريج 2000 وحتى الآن لم يتم تعيينى ومنذ التخرج وانا اعمل فى الدروس الخصوصية
|
انا خريج 2008 كلية تربية بيولوجي (أحياء)
2009 حصلت علي دبلوم مهنية في المناهج وطرق التدريس (جامعة المنصورة) 2010 حصلت علي دبلوم خاصة في المناهج وطرق التدريس (جامعة المنصورة) 2011 ان شاء الله احصل علي تمهيدي ماجستير وحاصل علي دورة الكمبيوتر icdel ومش متوظف الأن . |
لو حد يعرف ايملات او فكسات جديده للوزاره ياريت يكتبها |
ياه على كده انا قديم اوى طيب انا خريج تربية 1999 وكان نفسى اتعين وكان كل التعاقد بالكووووووووووسه وكنت فقد الامل خلاص ياترى بقى فيه امل ولا خلصت
|
وانا خريج كليه تربيه دفعه2009 بتقدير عام جيد جداا
وحاصل على دبلوم اكاديمى تخصص تدريس ماده اكاديميه بتقدير جيد جدا وكمان معايا الرخصه الدوليه لقياده الحاسب icdl ولم اجد فرصه عمل حتى الان من الواضح ان بعد الثوره ان الاتجاه السائد لتحسين الاجور ورفع المرتبات وتناسى الجميع الشباب المتعطل اللى قام بالثوره ..اصبح هم كل المدرسين الان القيام بالاحتجاجات وتقديم المطالب لرفع مرتباتهم دون اى تقدير لخريجى كليات التربيه الذى لهم الحق فى التعيين وتناسى الجميع خريجى كليات التربيه الذين لا يجدون العمل والنتيجه النهائيه زياده فى مرتبات العاملين واستمرار العاطلين ولا عزاء لخريجى كليات التربيه لنا الله |
يا شباب لازم حملة لإلغاء التعاقدات السابقة على مدار العامين السابقين لأن كل التعاقدات دى بالواسطة
|
اقتباس:
ياريت ياعم التربوي تعمل صفحة علي الفيس بوك وكلنا حنشارك وأدينا معاك ياعم |
انا معاك
احمد رضوان 0128740904 |
حمله تربوى عايز يتعين على الفيس بوك
|
ليه الصفحه على الفيس بوك فاضيه تمام
ليه مش يتكتب فيها مطالبنا وتعريف بالصفحه |
لابد يا جماعة من نشر هدة الدعوة والحرص على تنفيذها من قبل المسؤلين لذا علينا الاهتمام ونشر الدعوة بشكل اعمق على الفيس
|
خريجة تربية انجليزي واتعينت النهاردة
طبعا معاكم حق في الكلام ده اكيد من باب اولى يتم تعين خريجي تربية فقديما" كان اسمة تكليف اي يجب ان تعمل بالتدريس مادام معاك تربية..........
وانا عندي ليكم خبر سعيد انه انا حاصلة على تربية انجليزي عام 2007 اشتغلت بالتعاقد مدة 3 سنوات والنهارده جالي خبر التعيين قرار رقم 53 بتاريخ 14/2/2011 وعقبال جميع الزملاء ولا تفقدوا الامل |
الف الف مبــــــــــروك طب ممكن حضرتك توضحى ازاى تم التعاقد معاكى عشان الكل يستفيد ومرة تاينة الف مبروك ويا ريت لو عند حضرتك معلوما واتليفون اواميل او اية وسيلة اتصال عشان في كتير يصيبة الدور وربنا يوفق الجميع
انا خريج 2008 بس مش شغال غير دروس بس منتظر رضا ربنا وتوفيقة |
انا خريج 2001 رياضة و مش عارف اشتغل لا بحصة و لا بعقد و لا تعين و لا مدرسة خاصة و عندى 31 سنة ايه الحل يا ترى
|
انشر الدعوه
ممكن يا جماعه نغير توقعتنا فى هذا المنتدى ويكون باسم حمله تربوى عايز يتعين
وكمان نضع رابط هذه الصفحه ورابط الحمله على الفيس بوك فى التوقيع00 وياريت اللى بعرف ينشر الدعوه على الفيس بوك بشكل افضل يقوم بذلك وله جزيل الشكر |
من راي ان خريج كلية التربية يجب ان يرقي الي درجة معلم بدون امتحان كادر مع استيفاء شرط الحصول علي اي سى دي ال اما امتحان الاكاديمية يكون لغير التربوبين فقط مع الاخد في الاعتبار عن قبول طلبات عمل جديدة في التربية و التعليم تكون الاولوية لخريخ التربية لانه ليس له اى مجال اخر غير التدريس وهذا من شانه ان يودى الي رفع مجموع القبول بكليات التربية و بالتالي يكون الملتحقون بهذا الكليات من ذوي الكفاءت و هذا يؤثر بالايجاب علي العلمية التعليمية
|
كلام جميل يا اخ تربوى 0000 ويالا يا تربويين نجمع علشان نتعين ونشارك فى الحمله على الفيس بوك
|
انا علاء سلامة خريج تربية نوعية جامعة الزقازيق 2009 ومفيش عقد ولما جابوا جابو المعهد خدمة اجتماعية وكلية تجارة يدرسوا حاسب آلى فى إدارة الصالحية الجديدة محافظة الشرقية لانها ماشيه كوسة ولحد الان مفيش اى عقودات لخريج تربية نعمل ايه فى الحظ ولا نقول ده ما فيش اى اعتبار لينا نحن التربويين لانى افضل كل شخص يشتغل فى تخصصه بمعنى ان كليات التجارة يشتغلوا فى تخصصهم والتربويين لاصحابه نحن التربويين افضل من اى تخصص اخر حتى السفر علشان نشتغل بره طلب خبرة سنتين اجيب انا الخبرة دى من فين واحنا حدانا الكوسة فى التربية والتعليم دى الوزارة اسمها الاول التربية الاصول يغيروا اسمها من وزارة التربية والتعليم الى وزارة الكوسة والمحسوبية
|
يا جماعه انا سامع انه فى وقفه احتجاجيه للمعلمين يوم الاحد 6 مارس
لابد ان نشارك فيها ونرفع شعارنا تربوى عايز يتعين |
ربنا معاكم ويكرمكم وشدو حيلكم
|
مطلب عادل 00000000000
|
ياريت نعمل كلنا وقفة احتجاجية لتنفيذ مطالبنا المشروعة فانا خريخة تربيةفنون واعمل بالحصة من سنتين والحل بسيط في تقديرى وهو تثبيت المعلمين المساعدين جميعهم بدون شروط وعمل عقود مميزة لمعلمى الحصة لاحساسهم بكينونتهم والله المستعان
|
خريجى التربيه
|
نرجو المشاركه اكثر فى الحمله
|
ياريت ياجماعه كل واحد يعمل شير لصفحه تربوى عايز يتعين على الفيس بوك لانى شايف ان الصفحه بتتحرك ببطىء شديد
وعددها محدود جداا |
اقتباس:
share share |
شارك شارك شارك شارك شارك
شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك شارك |
انا خريج 99 الدفعة التى اتلغى عليها التكليف واحنا بنستلم الشهادة وكان كله كوسة لحد ما فقدت الامل يا رب حد يسمعنا
|
ياجماعه خريجى البريد عملوا وقفه احتجاجيه عشان التعيين فبداو فى تعيينهم
وخريجى البترول عملوا وقفه فبداوا تعيينهم واحنا فين من كل داا |
انا متخرج سنه 2009 ومش لاقي تعين زيكوووووو بالظبط طيب حرام بجد يا جماعه
عاوزين نقدم قائمه باسامينا ايه رايكم انا خريج كليه تربيه كيمياء و فزياء بتقدير جيد جدا مش حرام بجد احنا الامل في الجيل القادم |
ليه المشاركه ضعيفه جدا كداا
عدد اعضاء الصفحه ع الفيس بوك 40 عضو بس ياريت كلنا ندخل على صفحه التربيه والتعليم ع الفيس بوك ونطالب بحقنا فى التعيين وليه منحاولش نكون وفد مننا نقابل الوزير عشان نعرض مطالبنا |
انشر انشر انشر انشر
يا جماعه ممكن كل واحد فينا يبعث برسائل خاصه الى زملائنا البارزين فى المنتدى يعنى لو كنت مدرس رياضيات مثلا ابعث الى عشره من الاعضاء البارزين فى هذا القسم و تشرح له بشكل موجز هدف الحمله وتضع له رابط الحمله على موقعنا العزيز وكمان رابط الحمله على الفيس بوك وتدعوه للمشاركه00000 وتكلفه بان يبعثها لعشره اشخاص وهكذا 00000وربنا يسهل وتنشر الحمله بشكل افضل 000000000000وسوف ابداء بنفسى اليوم باذن الله
|
لابد من وقفة احتجاجية حتى تم النظر الينا
|
انا خريج كليه تربيه عين شمس 2007 (شعبه تاريخ ) بتقدير جيد
واعمل فى مدرسه خاصه وجميع القطاعات الخاصه سيئه ومعكم فى التصويت للعمل |
لازم كل خريجى كليات التربيه اللى مش لاقيين شغل يعملوا وقفه احتجاجيه
لحد امتى هنفضل ساكتين على حقوقنا المهضومه فى التعيين وزير الصحه بيفكر فى اعاده التكليف للتمريض وهيئه البريد وعدت خريجى تجاره البريد بالتعيين وشيخ الازهر طلب من رئيس الوزراء الدعم لسد العجز فى المعاهد الازهريه ووزيرنا المحترم هيرفع حوافز الاداريين 75 % وتناسى تماما حقوق خريجى كليات التربيه وليذهب خريجى كليات التربيه اللى مش لاقيين شغل للجحيم |
أنا خريج تربية أسكندرية دفعة 2002 قسم فلسفة واجتماع ولحد دلوقتى مش لاقى مدرسة حكومية لابعقد ولا بالحصة لأن كله ماشى بالكوسة والواسطة ، ولذلك أضم صوتى لصوتكم وأسمى وائل ورقم تليفونى 0148220082 وياريت حد يعرفنى حنعمل ايه عشان أبدأ معاكم وربنا يوفقنا جميعا.
|
ياجماعة لازم نحدد يوم عشان نعمل فيه وقفه لان ده حق كل خريجى كليات التربية
اصحاب العقود بيعملوا وقفه عشان يتعينوا واحنا اصحاب الحق الاول مش بنتحرك والعجز فى المدارس كتير جداااااااا لازم نتواصل مع بعض واللى يعرف حد يقوله ونبدا فى تحديد يوم نتجمع فيه وتأكدوا ان كل الناس هتقف معانا احنا عددنا كبير جدا احنا من دفعة 1999 حتى الان ( لايضيع حق وراءه مطالب ) وزير الصحه بيفكر فى اعاده التكليف للتمريض وهيئه البريد وعدت خريجى تجاره البريد بالتعيين ...... اين وزير التربية والتعليم من هذا ؟ ونحن الاحق هل يوجد عمل اخر غير التدريس؟ |
ياريت يا جماعة يبقي في صحوة لنا ... احنا متخرجين من سنيين و كان اللي معاه واسطه كان بيفوت في الحديد
و احنا لا تعاقد و لا بالاجر و لا تعيين ولا حاجة ..... ربنا كان معانا في حين اللي شغالين - بعضهم - غير مؤهل تربوياً و غالبا تسببوا في التدهور الموجود للعملية التعليمية . أنا خريج 99 قسم لغة فرنسية تقدير جيد و حاصل علي دبلوم مهني تدريس مادة أكاديمية جيد جداً وحاصل علي شهادة delf معتمدة من سفارة فرنسا وحاصل علي دورات مكثفة في الحاسب الالي و أجيد الغة الانجليزية + دبلوم الخط العربي لكن للاسف ؟؟؟؟ الثورة هتعلي ناس و هتزيد من معاناة ناس ياتربويين ... لنا رب العالمين |
فى 10 مليون دولار بعتتهم كندا بس لوحدها لدعم تشغيل الشباب المصرى دا غير المنح من بقيه الدول
لكن طبعا اكيد الفلوس دى هتروح لزياده المرتبات او للمستشارين والخبراء اللى موجودين عندنا واحنا بقه الشباب اللى عاطل ننتحر احسن |
| جميع الأوقات بتوقيت GMT +2. الساعة الآن 06:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.