لسه جاى من الادارة والله ده الى حصل
 

يعني من كانه تعاقد خلال 2008 مش فارقة شهر كام

طب لو سمحت قولي انت من إدارة ايه و استحلفك بالله ان يكون هذا الكلام صحيح لأن أصعابنا اتحطمت من كتر الاخبار

يعم الحاج ايه هو ده الكلام ده بكل بساطه غير صحيح بالمره

نرجوا التوضيح اكثر
يعنى ادارة ايه ومنطقة ايه والتفاصيل لكى يستريح الجميع

انت حضرتك محافظة ايه؟ وما معني هذا الكلام يعني المتعاقد شهر 8 واستوفي الشروط هيتعيين ولا هيستني لشهر 8 أرجو الرد

مش صح مش صح مش صح مش صح يا اخواني الكلام ده ليس له اي اساس من الصحه

ملحوظة : للتوضيح
يمكن القرار خاص بالعمال العاملين باجر (فراشين - حراس امن)
هل قرات هذا القرار بعينيك؟
اويمكن تقصد تحويل العقد 105 اى مميز اذا كان هذا تثبيت
عى العموم نحن لنا قانون ولايمكن تطبيق كلامك

مش ممكن يعنى ايه طيب يكون مستوفى الشروط وحيعملوا امتحان للى لسه ممتحنش او عنده ماده وبعدين 3 سنين دى ازاى هما مش قالوا انها مش حتتطبق علينا ؟؟؟؟

نرجوا التوضيح للأهمية

الدقهليه وعددهم فى ادارتى 170 عقد مميز فقط المتعاقدين بالمكافأه الشامله والله لو عندى وسيله لرفع النشرة كنت عملتها
زمايلى الى اعرفهم كانوا متعاقدين من 2003 عقد 105 واتحولوا فى 2008 الى مميز ومعظمهم من 1/10/2008 اكتر من كده مش عارف

طب ياجماعه دول سنه 2008 وقبل كده
طب 2009 ؟ ياتري ايه موقفهم
ياريت حد يرد عليه

اكتب اللي شوفته بحذافيره علشان الناس تتطمن

وممكن لو تكرمت تخدمنا كلنا

اذهب لأأي مكان فيه اسكانر ارفع النشرة وثوابك على الله

يا استاذ بدر لو سمحت انت متاكد ان الكلا م ده للمعلمين مش للاداريين ولا العمال يا ريت تطمنا ارجوك

مره تاني نحن نتبع قانون كادر خاص وكلام الاخ مستحيل تطبيقه والا تبقي بوظه

شكرا ويريت التأكد مالخبر

يا اخوانا هو عارف انه الخبر مش صحيح وعلشان كده مردش

معاك في هذا الرأى مينفعش القرار الشمولي بس اللى خانقني بجد أنا مافيش حد يطلع يوضح اللى هيحصل زى أى دولة محترمة يتعمل مؤتمر صحفي ويقوله ده غير انك تحس انا كل محافظة عايش في قارة تانية لوحدها

انا والله لقيت اسامى زملائى مدرسين فى الاسماء كلها ومكتبوين اخر 4 اسماء من 170 مدرس وكمان القرار شامل الابتدائى والاعدادى والثانوى والله بالنسبه للاستاذ محمد عاشور انا عارف وفاهم قصدك بس انا شايفها تثبيت ولا تحويل ولا حاجه والقرار رقم 72 بتاريخ 14/2/2011

ايه اللخبطه اللى احنا فيها دى ؟؟؟؟؟؟؟؟؟؟؟؟؟؟؟؟؟؟؟؟؟

يمكن هيثبتونا مرتين
يلا صبرنا و نولنا

علي العموم اسالك سئال اشمعنا ادارتكم اللي حصل فيها الكلام ده باقي الادارات فين

ماشي يا أستاذ وائل على العموم شكرا للاهتمام
واضح ان ادارتكم غريبة اوى قرار التعيين ده بياخده الوزير اللى هو 53 جابوم منين 73 واشمعن ادارتكم بس

حضرتك اداره ايه فى الدقهليه يا استاذ بدر؟؟؟؟؟؟؟؟؟؟؟؟؟؟؟؟؟؟؟؟

الوالله دا الى شوفته بعنيا وبلغت زمايلى تصدقوا انتوا حرين بس والله دى الحقيقه يمكن فهمت غلط انتوا صح بس دى الحقيقه روحوا اسألوا فى ادارتكم بدل منتوا قاعدين ليل ونهار على النت وبتدعوا لا عتصمات وبتهيجوا الناس وبتشيلوا اى خبر او موضوع يوزوقف الاعتصامات وانتوا فاهمين قصدى بس انا مش بكذب ومش طالب اى شئ شكرا

طيب حضرتك اتثبت ؟؟ يعنى اسمك مكتوب ضمن المثبتين؟؟؟؟؟؟؟

ياعم والله انا مصدقك لان البلد دي مافيهاش اى نظام في اى حاجة

الكلام الاخ بدر صحيح وانا كنت انبارح فى مديرية التربية والتعليم بالدقهلية انبارح وقريت الفاكس دة من مكتب مدير وكيل الوزارة وسالت فى التعينات اكدوا ان التعين لمن مرة علية 3 سنوات وسالتهم انا عقد مميز 1/7/2008م وقبلة عقد عادى ب 174 جنية هيتحسب قالوا ايوة ومرضيش يخلينى اصورة ومرضيتش اكتب على المنتدى لانكم هتطلبوا صورة الفاكس على فكرة الفاكس دة اللى اترفع على المنتدى قبل كدة وخاص بتثبيت الجميع من ضمنهم الصحة والتعليم وغيرهم والشرط الاساسى هو من امضى 3سنوات فقط بس فى حاجة انا متخوفة منها كمان لان فى نهاية بيقول من استوفى الشروط فخايفة يكون موضوع اللى اتكتب قبل كدة خدعة تثبيت المتعاقدين صحيح وانا على فكرة مستوفية الشروط جميعها بس فية تضارب فى الاقوال دة مش مطمنى يظهر بيسكتوا الناس وخلاص . دة لينك خدعة تثبيت المتعاقدين http://www.thanwya.com/vb/showthread.php?t=288710 وكمان يكون القرار اللى نزل على الاكاديمية تسكين على درجة معلم

يااستاذ مونى والاستاذ بدر نحن لانريد اى استهتار ولا استهزاء ولا تجاهل لكلام حضراتكم فانتم شخصيات محترمه بس الناس مبقتش ناقصه تضارب فى الاخبار الوزير نفسه اللى احسن من الاداره كلها قال التعيين للمستوفين للشروط وبناء على كده عمل الطريقه اللى من خلالها يقدر كل واحد يعرف وضعه وكمان حدد امتحانات جديده وكمان قال اى مستوفى للشروط هيعين حتى وان كان شخص واحد وحضرتك يااستاذ مونى قلت ان فيه شرط استيفاء الشروط فى النشره ده صح؟ يبقى معنى كده لازم الشروط التابعه للكادر وكده يبقى احنا صح

ال 3 سنوات لو هينفذوها يبقى هيضيفوا السنه اللى كانت قبل المعلم المساعد وبكده نتم 3 سنوات وده صعب لانه بعيد عن قانون الكادر

وباقى الشروط معروفه للكل

ارجو ان تكون فهمتنى

احنا بس تعبنا وقلقنين وربنا معانا جميعا والف مبروك للكل

مفيش مدارس ولادراسه ولاتعليم وكل حاجه هتقف لغايه تحقيق مطالب المعلمين كلها ونشوف المعلمين ولا شويه الحراميه واللصوص عملنها تكيه لهم ولابناءهم
اضراب واعتصام مفتوح لغايه تحقيق مطالب المعلمين ومفيش مدارس ولادراسه

ياجماعة الفاكس اللى وصل الدقهلية بيخاطب جميع الجهات ونحط تحتها مية خط لانهم مخدوش الشروط بتاعتنا من امضى 3 سنوات بالعقد ياجماعة ونقطة شروط اللى مذكورة فى المنشور ممكن يقصد بيها على بند اجور اية والله اعلم دة المنشور اللى قريتة من مدير مكتب وكيل الوزارة ودة كان مرفوع على المنتدى قبل كدة وانا فضلت ادور علية ملقتهوش يظهر الموضوع اتحذف

ياريت شوفوا خبر سوهاج وتتاأكدوا انى كلامى صح
كفايه

يا جماعة الموضوع بالشكل الليس حأقوله بالضبط
بالنسبة للعاملين بالتربية والتعليم قسمان
1- قسم المعلمين : دول يتبعوا قانون 155 سنة 2007 والذي ينص على تعيين المعلم المساعد المستوفي الشروط وهي اجتيازه الأكاديمية بالاضافة إلى مسوغ التعيين الذي تفرضه الوزارة وهو الحصول على الرخصة الدولية ( ليسم مرتبطين بعدد سنوات التعاقد ) حتى لو كانون سنتين فقط
2- قسم العاملين ( موظف - اداري - أمن - عامل ) لازم يكون على باب أول أجور ويكمل ثلاث سنوات
ياريت أكون و

احنا مدرسين اعدادى لم نمتحن الكادر من الشرقية
هل سوف يتم تثبيتنا
وان كان لا ما ذنبنا فى ان الوزارة لم تدرج اسماءنا مع مدرسين الابتدائى؟؟؟؟؟؟؟؟؟؟؟؟

انت حضرتك محافظة ايه؟ وما معني هذا الكلام يعني المتعاقد شهر 8 واستوفي الشروط هيتعيين ولا

يا جماعه الفاكس ده وصل جميع المصالح الحكومية بس لتعيين المعلمين شروط منها النجاح فى الكادر وicdl

احنا كمان محافظه كفر الشيخ كل من هو علر راس العمل سواء عقد مميز او عادى او حصة المحافظ اعتمد كل الاسماء دى للتثبيت بدون اى شروط وده كلام مدير الشئون المالية والادارية فى المحافظه مش عارف ده تخريف ولا بجد

والله ولا داخل عقل اى حد حتى العيل المولود بس ده اللى بيتقال وبيقولوا كمان ان احتمال الاكاديميه تتلغى وكل الكلام القديم ده يروح لحاله معى الوزير الجديد لان اعتصامات بتوع العقود العادية والحصه شغاله مش بتنتهى

هذا الكلام لا يمكن ان يكون صحيح