|
مبروك للمؤقتين
انا كلمت مدير الاحصاء قالى ان المؤهلات العليات والمتوسطة من العقود المؤقتة سوف يتم تثبيتها انما العقود المميزة لازم تدخل امتحان
|
سؤل عن التسجيل فى اختبارات الكادر " مدير قسم الاحصاء "
رقم تلفون مدير قسم الاحصاء لاحد الادارات التعليمية والمسئوال عن التسجيل ولامانع من الاتصال للاستفسار الآن 0106169181 أ/ خالد دة اللى قالى الكلام دة واللى مش مصدق يكلمة ويتاكد منة |
انت والله دمك خفيف وصدقته لا املك سوي ان اقولك صبرني يارب واللي عطاك الشهاده مش عارف اقول ايه بس زي بعضه غريق بيتعلق بقشه بقي العقود المميزة تخش امتحان وباقي الناس هتثبيت من غير احم ولا دستور يبقي احنا في دوله فقدت المعايير
|
اقتباس:
سُبحَان الله ! |
والله العظيم دة اللى حصل وانا لغاية الوقت مش مصدقة وممكن حضرتك تكلم الشخص دة هيقولك نفس الكلام
|
اقتباس:
اولا انا معلم مساعد تعاقد 2009 ولسة هتنيل ادخل الامتحان انا لما سمعت الكلام دة سلمت امرى الى اللة وبرده حبيت اطمن الناس لان موظف الاكاديمية فى دمياط قال العقود المميزة بس هتتثبت والباقى فى الشارع دة نص كلامة وبعدين اية اللى ادانى الشهادة ظلمنى ياريت نراعى اننا مدرسين والاسلوب يكون افضل من كدة فياريت بلاش تستخف بكلام زميلك عيب وعاى العموم انا ذكرت المصدر وتقدر تكلمة وتتاكد منة شكرا يا مستر على احترامك الزايد |
بالتوفيق للجميع |
اقتباس:
|
يا جماعة هو نقل كلام سمعه وعطاكم رقم تليفون المصدر مش ذنبه يعني
|
ممكن برضه وده الاحتمال الاكبر
|
لان مدير قسم الاحصاء من كفر الشيخ ويتكلم على اساس الفاكس الغريب الذى وصل اليوم من المحافظ والذى ينص على تعيين كل المؤفتين
|
يارب الخير للجميع
|
صبرااااااااااااااااااااااا كما صبرتم من قبل
واذا كان التعيين لكل المؤقتين يبقا خير للكل منزعلش ده احنا نفرح احنا تعبنا واخدنا كل اللى هما عيزينه وقدمنا كل ورقنا مش معنى كده اننا نتدايق لو التعيين للكل حتى للى متعبش ليه نتماله التعب والذل اللى شوفناه الخير يعم على الجميع وياريت الكلام يبقا صحيح وانا واحد من الناس لم تصلنى رسالة التهنئة بالرغم من استيفائى جميع الشروط ولكنى لا املك الا الصبر وحمد الرحمن |
الحقوا العقود العادية حسبوا تقعوا فى المطب دة
: الناس ده هتتعين فعلا : لكن اساسيه 150ج : ومرتبه : 200ج : انما مثيله بالكادر : مرتبه 600ج : وبكده الحكوومه : هى اللى كسبانه : ياحلاوه : متعين وبقبض : 300ج : انما الكادر فى كل ترقيه يفرق الضعف |
ربنا يفرجها على الجميع ويكرم الكل
|
الاخت مروة انا من دمياط تعيين 2004 ومدخلتش امتحانات الكادر علشان العقد القديم واحنا دفعة كبيرة فى دمياط تعيين 2004/2005
معنى كلامك ان احنا هنثبت من غير امتحانات الكادر لو سمحتى قوللى مدير الاحصاء ا/ خالد تبع ادارة ايه فى دمياط وشكرا ليكى |
فى دمياط دفعة مؤقتين تم التعاقد معها على الباب الأول عام 2004 والمسئولين فى دمياط خالفوا تطبيق المادة 73 من قانون الكادر ئل بتقول يتم التعاقد مع المعلمين المؤقتين اللذين يباشرون العمل فى وظيفة معلم مساعد وتم التعاقد مع معلمين جدد فى 2007 وتم تغير المسمى لهم لمعلم مساعد 2008 ودهؤلاء تم دخولهم الكادر وبناء على خطأ هؤلاء المسئولي الفاسدين والمرتشين تم حرمان دفعة 2004 من دخول الكادر
هل هذا عدل أن يكون معلم مؤقت يعمل منذ عام 2004 لم يثبت ويتم تثبيت معلم مؤقت تم التعاقد معة فى 2007 / و2008 غير منطقى بدليل النهاردة تم تجديد التعاقد مع دفعة 2004 وعلى فكرة مكتوب فى عقدهم تم التعاقد على الباب الأول وياريت كل من يحمل عقد معلم مساعد ياريت يعيد قرائتة مش هيلائى أى بند مكتوب فية الباب الأول والعقد موجود الفيصل بينى وبينكمإذن لو فية تثبيت هيكون لكل المؤقتين اللذين مر على تعاقدهم ثلاثة سنوات سواء دخل الإختار أم لا بدليل أن عندما تقوم المديرية بترشيح المعلمين المستوفين الشروط للتثبيت سيتم مراجعتة من التنظيم والإدارة وهناك سيتم أكتشاف من يحق ومن لم يحق معلش طولت عليكم |
ايه الكلام الغريب اللى بشوفه ده ؟؟؟
|
خلاص الواحد مبقاش فاهم حاجة
انا من كفر الشيخ وشغال بالاجر يعنى كداااااا هانتعين الرحمة من عندك يارب |
انا سمعت من ناس ان فيه فاكس وصل كفر الشيخ
بتثبيت العمالة الموقته بس لسه ماشوفتش الفاكس ؟؟؟؟؟؟؟ ياترى الكلام ده حقيقى |
| جميع الأوقات بتوقيت GMT +2. الساعة الآن 12:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.