|
محافظة بني سويف
أخواني أخواتي أبناء محافظة بني سويف
تحية طيبة وبعد نظرا لتضارب الآراء والتشتت الفكري والتلاعب بالأحاسيس البريئة وحرصا على الصدق والأمانة نخصص هذه الصفحة لأبناء محافظة بني سويف وكل من لديه خبر حقيقي يتفضل بنشره ؛ وليتق الله كل إنسان فيما يكتب ..................... مع تمنياتي لنا جميعا بالتثبيت والتعيين والأمن والأمان في الدنيا والآخرة تقبلوا تحياتي |
زميلي لسة متصل بيا حالا من امام المديرية وقالي ان هم مش راضيين يعلقوا الأسماء لحد دلوقتى
بس قالولهم ان اللي جات له رسالة التهنئة بالقرار هو اللي اسمه موجود في المعينين |
اكيد الكلام دة يا مستر عبد المجيد ولا اية ؟
|
يامسهل الاحوال يارب
|
الأسماء اتعلقت دلوقتى حالا وزميلي اتصل بيا وطمني
اللي هيروح دلوقتي هيشوف اسمه والكلام ده اكيد |
اتعلقت فين يا مستر عبد المجيد
|
الاسماء جات يا جماعةواتعلقت فى المديرية 2660 أسم وكان معانا دكتور هشام
ونقيب المعلمين كمان الوزير مكنش معتمد الكشوف رفضوا فى الاول اعلانها بس بعد مظاهرة رجالة بنى سويف المديرية طلعت الكشوف والحمد لله معظم الناس اسمائها جات وممكن بكرة تشوفى اسمك وعلى فكرة دول أكتر من 100 كشف فيهم الاسماء اما الناس اللى اسماؤهم لم تنزل كلنا وقفنا معاهم وعملنا مذكره ورفعناها للوزارة والاكاديمية |
يامسههههههههههههههههل
|
اسماء محافظة بنى سويف بس وممكن اسماء المينا
|
الحمد لله انا اسمى نزل والشكر للدكتور هشام
|
هى الاسماء لسة متعلقة ولا بكرة بقى
|
هى الأسماء المتعلقة دى خاصة بكل ادارات بنى سويف
|
ياريت يا جماعة حد يصور الكشوف دى ويرفعها هنا
|
خسارة انا كنت هنااااااااااااك
انا مشيت بعد ماقالو مش هتتعلق ياريت لو حد يقدر يصورلنا الكشوف |
لو سمحتم حد يكون في بني سويف يطمن الناس
|
هل المحافظ اصدر القرار يا جماعة ولا لا لانه لازم يكون قرار محافظ
|
ياريت حد يقولى يا جماعة هى الكشوف اللى بتقولو عليها معتمدة من المحافظ ولا لا ارجو الرد بسرعة
|
انا بحب مراتى موووت ووشها حلو عليا
|
ممكن الأستاذ عبدالحميد والأستاذ داود يطمن الناس أكثر ؟؟؟؟؟؟؟؟؟
شكرا لكم جميعا وتعاونوا على البر والتقوى |
حد يطمن بتوع المنيا من أخواتهم بتوع بنى سويف
يا ريت الأساتذة الأفاضل من المنيا أو بنى سويف يقدر يرفع الكشوف ويطمن زميله
|
ياريت ياجماعة والله
|
بعد صمت طويل من المعلمين رافضين المشاركة في الاعتصمات او التظاهرات واثقين في منظومت التربية في بني سويف لكن فاضي بنا الكيل و كان اول تجمع لنا اليوم بمبني المديرية و سنستمر في التجمع ان شاء الله يوم الخميس للمطالبة بحقوقنا .
و لن نرضي بما يسمونه عقد مكافأة شاملة لانة مسمي ثاني للعمل بالاجر . هما عوزين يضحكوا علينا |
ارجو من السادة المعلمين الاتصال معنا من خلال موقع الفيس بوك علي صفحة معلمين بني سويف
http://www.facebook.com/pages/%D9%85...673478?sk=wall |
في بني سويف الاسماء موجودة في المديرية وكنا هناك حوالي الساعة الثانية ظهرا وبعد ما ان وقف المعلمين وقاموا ببعض الهتافات للمطالبة بالكشوف خرج اليهم أحد المسؤلين يدعى د/هشام بالكشوف واعطاها لهم وكل اللي كانوا موجودين شافوا أسمائهم وأنا شوفت اسمي ولما سألت الدكتور ما المطلوب منا الان قال لي ليس مطلوب من اللي شاف اسمه في الكشف اي شىء والخطوة الجاية الادارة سترسل خطابات التثبيت على المدرسة اللي انت تعمل بها والف مبرووووووووووووووك للجميع واللي عايز يتأكد يذهب للمديرية غدا ليرى اسمه
|
اقتباس:
للاسف انا مشيت قبل مااشوف الاسامى ومش عارفة اشوفها ازى |
ممكن من أبناء مدينة بني سويف يؤكدوا الخبر
شكرا لكم |
ياريت الناس الرجاله اللى فى بنى سويف يرفعوا الاسماء على الموقع لان فى نايس مش اتقدر تروح بنى سويف علشان تشوف اسمائها وكمان فى بنات كتير نفسها برده تتأكد
|
ياجماعة ما حد يتطوع ويحاول يجيب لنا صورة من الكشوف دى او يقول اى حاجة يطمنا ؟
والف مبروك للى شاف اسمه وعقبالنااااااااااااااااااااااااااااا والاسامى المتعلقة دى متصنفة ادارات ولا تخصصات ولا ايه ؟ ياريت اللى راح وشاف يجاوبنا ياجماعة |
ياريت الناس الرجاله اللى فى بنى سويف يرفعوا الاسماء على الموقع لان فى نايس مش اتقدر تروح بنى سويف علشان تشوف اسمائها وكمان فى بنات كتير نفسها برده تتأكد
فعلا ياستاذ احمد الله ينور عليك ياريت ياجماعة حد يجيب صورة او خبر مؤكد |
أن شاء الله انا رايح غداً المديرية ، وهحاول تصوير الكشوف كلها
|
ياريت اللى يروح المديرية يطلب منهم يبعتوا الكشف الى الادارات التعليمية
|
أتمنى رفع الأسماء عى الصفحة ليتمكن الجميع من معرفتها بسهولة
شكرا لكم جميعا |
اقتباس:
اما بالنسبة لوضع الكشوف فهي مقسمة حسب التخصصات وليس الادارات لان كل الاسماء مع بعضها بدون فصل ادارة عن اخرى حتى يراعى التسلسل واحب اطمئن حضراتكم أي حد جاتلوا التهنئة من غير مايروح يتأكد ان اسمه في الكشوف والف مبروك للجميع تحياتي لكل اخواني في بني سويف :022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4::022yb4::022 yb4::022yb4::022yb4: |
مبروك التثبيت
|
صباح الفل على طه النجم وعلى المعينين الف مبروووووووووووووووووووووووووووووووووووووووك
|
محدش عارف اخبار المنيا ايه
|
الاسماء بها محافظة المينا ولا
|
ما زال الوضع غير مطمئن في محافظة بني سويف
فقد شهد شارع صلاح سالم اليوم مظاهرة قام بها المعلمون أمام مديرية التربية والتعليم ببني سويف والأكاديمية وبلغ عدد المتظاهرين حوالي 200 من المعلمين والمعلمات .. وتم قطع الطريق لفترة طويلة ، وكان دور رجال الشرطة والجيش مميزا و مشرفا .... وتركزت مطالب المتظاهرين في : 1- تثبيت جميع المعلمين المتعاقدين دون التقيد بشرطي الاختبار والرخصة الدولية لقيادة الحاسب الآلي . 2- رفع أجور المعلمين حيث يتقاضى المعلم المساعد 359جنيها فقط ....... وأصر المتظاهرون على الاستمرار في التظاهرات للمطالبة بحقوقهم .. وجرت حوارات للمطالبة بمنح الحكومة الجديدة فرصة للعمل وتلبية المطالب ...... |
حسبنا الله ونعم الوكيل ف اللى قطعو الكشوف اللى اتعلقت امبارح
رحنا النهردة نشوف الاسماء لقينا الكشوف اتقطعت والله حرام كده |
| جميع الأوقات بتوقيت GMT +2. الساعة الآن 12:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.