هي مصر كانت كلها الريس
 

في البداية أنا لست مع أو ضد الرئيس حسني مبارك ولكن تعالو نتكلم بصراحة هل الرئيس أخطأ ؟ نعم أخطأ بتمسكة بالحكم لفترة طويلة *لأختيارة أعوان ووزراء فاسدين * لأقحام إبنه في السياسة المصرية *لسكوته عن الفساد ولكن الرئيس له إيجابيته أيضا فهو بطل الحرب والسلام * حدث تطور في فترة حكمة في معظم المجالات وكلنا من الممكن أن نتحقق من ذلك لو قارنا بين الماضي والحاضر
وتعالو من الأخر نحاسب أنفسنا كلنا *يا جماعة دا لو كان لنا صاحب في فرن عيش مكناش بنقف في الطابور ولو لك واحد بيشتغل في محل كان بيبعلك أرخص ولو عمك كان شغالل في مكان كان بيوسعلك ولو ولو ولو
وتعالو نعترف أن هذا قد يقل ولكن سوف لا يختفي لأننا مش ملائكة وأدعو الكل إلي النظر إلي الأمام وعدم النظر للخلف وتعالو نكرم الريس علي إيجابيته ونسامحة علي سلبياته وإذا كان أخد فلوس هو والوزراء نرجعها وكل ما يقال الأن لا يجب أن نصدقة لأن فيه حاجات صح وحاجات خطأ فالكل بيلعب علي أوتار الثورة وبيحاول يشعبط فيها 0
تعالو ننتج تعالو نعمل تعالو نحب مصر

فعلا يا جماعة عيب وى تعالو نسامحه على سلبياته

يا ام الشهيد تعالى سامحيه معانا عيب عليكِ آه ابنك كان شاب مفيش زيه وشجاع وعنده ضمير ولسة صغير بس كله يهون عشان خاطر الرئيس

ياللى ابنك مات مخنوق من القنابل المسيلة للدموع المستوردة من امريكا سامحه عيب عليك

ياللى انت اتسرقت وعايش فى بلدك متهان عيب عليك سامح الريس

ياللى فلوسك والغاز الطبيعى بتاعك بيتباع لاسرائيل برخص التراب عيب عليك سامح الرئيس

ياللى انت كنت بتتكسف تقول انك مصرى من فضائح رئيسك عيب عليك سامحه دة زى ابوك

هو آه قتلك وسرقك وظلمك واحتقرك بس هو زى ابوك سامحه بقى

الله الله الله ...........................................قلت الى الناس كلها بتقولة

احنا اسفين ياريس

ههههههه النكتة اللى فى الموضوع دة

ايام ما كانو الأحرار بيقولو الشعب يريد اسقاط النظام ومبارك وكدة

كانو بيقولو انتو كأنكو بتهتفوا تسقط مصر اصل مبارك رمز لمصر

وجمال واجرامه ((معلش معلش الرئيس معرفش يربى))

وأول ماظهرت كل مساوئ مبارك وأعوانه ظهر سؤال يطرح نفسه ((هى مصر كلها كانت مبارك؟؟))

ههههههههه والله العظيم يا جدع

انا متفق مع كاتب الموضوع في أن الرئيس له ايجابيات و سلبيات
بس انا عايز اطرح سؤال لكل الناس
الفساد استشري في المجتمع في السنوات الاخيرة بشكل مريب
و لكن فلنتساءل عن سبب هذا الفساد
فالفساد ليس متجسد في شخص الرئيس فقط
و لينظر كل منا إلي اخطائه
مين اللي كان بياخد رشوة
مين اللي كان بيدفع الرشوة
مين اللي كان بيشهد زور
مين اللي كان بيشتغل بالواسطة
مين اللي كان بيدي كل اهتمامه لمجموعات الدروس الخصوصية و منفض للمدرسة اللي شغال فيها
مين اللي كان بيساعد المدرسين دي علي كده و ساكت عن حقه كل ده
و مين التاجر اللي كان بيغش و بيحتكر السلعة ومين اللي كان بيسكتله بدل ما يقاطعه و يجبره انه يراعي ضميره
مين الصنايعي اللي كان بيغش في الخامات و بيسرق او مبيراعيش ضميره
مين المزارع اللي كان بيرش مبيدات مضرة لزيادة المحصول
مين اللي كان بيسمح لحد انه يهرب ممنوعات داخل الوطن
و مين و مين اللي كان بيبيع صوته في الانتخابات و مين ....الخ

ومن كان منكم بلا خطيئة فله كل الحق ان يهاجم و بقسوة كل من اساء اليه ويحاسبه
اكييد كل واحد فينا كان بيغلط
كل واحد بدون استثناء مننا مسئول عن كل الحاجات الغلط اللي كانت بتحصل و اللي حصله نتيجة عمله
فأيه رأيكو اننا نغير من نفسنا احنا ونبطل السلبيات اللي ف كل واحد مننا و ساعتها نري نتيجة التغيير بجد و نبطل نعلق كل اخطاءنا علي ناس معينيين بس و نبطل ننشر أي كلام نسمعه و خلاص
اتمني ان تكون الرسالة فد وصلت والا تسمح لأنفسنا أن نري ما سبق و حدث مرة اخري من فساد و ظلم
فلو كل واحد بدأ بنفسه و باللي حواليه و الله هنكون احسن بكتير
إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ

ي جماعة فى كل مجتمع خلقه ربنا فى الدنيا دى فيه ناس مش كويسة عندها قابلية للفساد

أومال ربنا لى وضع حدود للى يخالف القوانين؟؟

حسنى مبارك دة رأس الفساد وهو اللى شجع الناس الفاسدة خلاهم كبار البلد

ازاى يعنى عاوزين تسيبوا رأس الفساد وتمسكو فى الناس التابعة له ... اموت وافهم التفكير ازاى يعنى حاجة غريبة والله

يعنى انتو معترفين انه فاسد وظالم وطاغية وفيه كل العب وتيجو تقولوا سامحوه .. ودم الشهداء

لالا استنو بس متسكتوش اقنعونى عشان انتو بتنرفزونى

يعنى اى واحد يفسد ويظلم ويقتل ونقول ما كله بيغلط وكله مليان فساد ((مين اللى ساب اللى يرشى يرشى ومين اللى ساب الحرامى يسرق ومين اللى ساب القاتل يقتل ومين ومين ومين لما هو مش عارف يمنعهم يمشى ويسيبها لغيره لكن هو اصلا واحد من المجرمين هو الكبير جوى اللى بيعلمهم أسهل طريق للذهاب الى جهنم والتذكرة مجانى

كانت معكم آلاء التريكاوية من قلب الاستفزاز .. التوبيك العجيب .. الثانوية المصرية

الاستاذ اللى بيتكلم بإسم الاسلام ربنا وضع قوانين عقاب للمجرمين

وحسنى مبارك متنوع فى اجرامه نحاكمه على اى ولا اى يا ربى

بيقول ان الله لا يغير ما بقوم حتى يغيروا ما بأنفسهم الحمد لله الاغلبية غيروا ما بانفسهم وطلعو ظاهروا وطردوا الرئيس

يا جماعة بلاش نغير معانى الآيات يا جماعة هو ربنا قال اللى يقتل سامحوه كلكو بتغلطو اللى ينشر الفساد فى الارض سامحوه؟؟


لا اله الا الله ... يا رب رحمتك بينا يا رب

يا رب هيجيلى الضغط بدرى بدرى والقولون انا لسة فى ثانوى

عندك حق فعلا
الكل بيقول الريس عمل وعمل وكان مافيش اى حد غلط فى الكون كله غيره اى نعم اخطائه كانت كبيره بس هى دى طبيعة الانسان الانسان خطاء واللى فينا مابيغلطش يروح يحاسبه
الوقتى هو غلط وبياخد عقابه زيه زى غيره فرفقا رفقا باولى اموركم
وادعوا اللهم ولى امورنا خيارنا ولا تولى علينا من لا يخافك ولا يرحمنا

خلاص يا جماعة كل واحد يعذب نفسه وسيبو الرئيسمحدش يكلمه

كل واحد يروح يتفالح على الضعيف اللى غلط لكن حسنى مبارك رغم انه غلط سامحوه ومتكلمهوش عيب عليكو

انا عن نفسى هعتقل نفسى فى اوضتى شهرين من غير أكل ولا شرب عشان انا مش ملاك وأكيد بغلط وبلاش اقول الرئيس وحش انا اللى وحشة انى سايبة مذاكرتى وبتناقش

الرئيس دة ملاك انزل من السما يا جماعة

المهم دلوقتى مش الريس يحاكموه او يسيبوه مش هو ده المهم
المهم ان احنا ازاى نصلح البلد دى تانى وازاى نخليها تقف على رجليها ويبقالها مكانة وسط دول العالم
لازم نكمل الثورة صح هى كده مخلصتش ده كله كان مجرد بدايه
لعهد جديد لازم يكون افضل دلوقتى دورنا علشان نبين للعالم كله ان احنا
مقمناش بالثورة فقط تقليدا لتونس انما قمنا بها لاصلاح مصر دون السعى وراء مصالح شخصية
الريس ربنا هيحاسبه فى الاخرة على كل اللى عمله تحاسبوه اة تسامحوه مش فارقة

انتى مش وحشة و كلامك كله صح وذى الفل دا الناس باين عليها لسه مش فاهمة حاجة بعد كل المصائب و السرقات و المليارات و الاثار ال اتسرقت و الاراضى و..........و.............و..........وووووووووووووو ووووووو و كل ده المفروض نقول أحنا أسفين يا ريس أسفين يا حكومة الريس أسفين يا بتوع مجلس الشعب و الشورى و مش هنعمل كده تانىو نتمنى من الله قبول فائق الاسف* :006et4:

لا بد من القصاص العادل عن ملايين المصرين الذين ماتو بسبب فساده في العقود الفائتة

أستاذ سمنودي في الديمقراطية والشعوب المتقدمة هناك حكمة تقول أن الأختلاف في الرأي لا يفسد للود قضية وإذا أختلفت مع إنسان في الرأي وزعل فهذا التخلف بعينه لذلك أنا أقولها بعلانية أنا أحترم الشباب والثورة وأشهد لهم أنهم غيرو أشياء كتيرة لكن لا يجب أن يتحول الناس تحول كلي فيجب أن يحاسب المقصر ونأخذ فلوسنا من اللي سرق ولكن هل عند أحد منكم دليل علي أن الرئيس هو اللي أمر بضرب النار يوم الأربعاء علي الثوار خاصة بعد خطابة الذي أثر علي معظم الناس فلعقل يقول أن هذا ليس في صالحة والعق يقول من اللمكن أن يكون ناس أخرين ولعوها لذلك أرجوا من كل الناس أن ينتظرو حتي تنتهي التحقيقات ووقتها من اللمكن أن نقول أن فلان حرامي وهذا طاغية ..............ألخ وأخيرا فقد قلت أن الرئيس أخطأ في أشياء عديدة ولكن أنا أدعو للنظر إلي الأمام لكي نبني مصر وندفعها للأمام وننسي الماضي وبعد ما نأخذ حقنا من الذي يثبت القضاء أنه ظالم نسامح ونبني وننتج ولا ننظر إلي الوراء وهقولها تاني مصر كلها ما كنتش مبارك وأحنا كمان كان فينا سلبيات فهيا نعمل ونترك القضاء يمارس عمله
و تحيا مصر حرة مستقلة بأولادها

إن الله لا يغير ما بقوم حتى يغيروا ما بأنفسهم
أى غير نفسك يغير الله لك
فلينظر كل منا فى نفسه ويحاسبها ثم بعد ذلك يحاسب غيره ( أنا فهمت ذلك )

هذا فعلا أستاذي العزيز ما قصدت قوله. وقصددت أيضا أن نهتم بالعمل ومعظم الذين غيرو رأيهم الأن صدقني لو رأو جاكت مبارك من شهرين كانو أسرعوا علشان يتصورو بجانبة وعلي فكرة أنا لست عضوا في أي حزب والحزب اللي ممكن أدخله هو حزب الشباب والثورة لأنه يعبر عن الشعب وحقق مطالب الشعب

الرسول الكريم قال :
" كلكم راعِ و كلكم مسئول عن رعيته " يعنى هو المسئول الأول عن أعمال الـ 85 مليون مصرى , لكنه قصـّر فى مسئولياته تجاه الشعب تقصير منكر و اهتم بنفسه فقط .
و كمان الشاعر قال :
إذا كان ربُ البيتِ بالدفِّ ضاربً فشيمةُ أهلِ البيتِ الرقصُ
يعنى لما المسئولين اللى تحته لقوه مقصر .. قصروا زيه
ده غيرآلاف المصريين اللى غرقت و اتحرقت و ماتت من التعذيب و القمع أو من الفقر و المرض و هو قاعد فى التكييف .. كلهم ذنبهم فى رقبته الى يوم الدين .
بعد كل ده ... ييجى منين الرفق به ؟!!!

بسم الله الرحمن الرحيم
السلام عليكم جميعا
نفسي أقول لكل من مع أو ضد النظام السابق كفانا كلام فيما لايجدي نفعا فالنظام السابق قد أنتهى بكل أيجابياته وسلبياته وأن كانت السلبيات تفوق الأيجابيات بمراحل . ولكن ماذا علينا الآن :-
_ أن لا نلتفت الى الوراء وأن نركز كل في عمله وأن يراقب كل منا أدائه بكل دقة للنهوض بهذا البلد العظيم مرة أخرى
والى ديان يوم الدين نمضي *** وعند الله تجتمع الخصوم

ارهن انك حزب وطني او بقايا النظام او امن دوله او بلطجي ويجب وضعك في القائمه السوداء ويجب محامتك علي خيانه البلد ويجيب ازي ياعم تجراء وتخالفهم في الرأي لالالاانت غلطان انا زعلان منك انت مش عارف ان الديمقراطية ان محدش يخلفهم في الراي اشرب بقي

عندك حق يامستر حسن الكل بيلعب على أسم الثورة

يلا بينا نبنى ونحمى مصرنا الحبيبة

جزاك الله خيرا

اختر الإجابة الصحيحة مما بين القوسين أنت ( خائن - عميل - وطنى واطى - يهودى - كل ما سبق )