|
الاولوية فى التعيين لخريجى تربية ودون شرط سابقة العمل بالحصة
نطالب بذلك السيد الدكتور الوزير الجديد احمد جمال الدين موسى وعدم الاستماع لمتظاهرى الحصة
يعنى اداب اجتماع وفلسفة يدرس ايه فى الابتدائى واصول دين وشريعة وقانون الخ ده كلام ويتركن بتاع تربية لانه ما اشتغلش بالحصة لان البهوات جاءوا بالحصة وسايط ومعارف ومحسوبية وبعد كدة ينشغل المدرس بالدلومة التربوية ويعطل العملية التعليمية طب ما خريج تربية جاهز وانت راكنه مش عاوزين عودة الى عصر ما قبل الثورة تانى عصر الوسايط والرشاوى اللى ينكر الكلام ده يتفضل يرد الكلام ده للتعينات الجديدة فى وظيفة معلم مساعد بعد تثبيت اللى نجحوا فى امتحانات الكادر على درجة معلم |
كلام منطقي
|
انا معاك في هذا الراي وكاتب موضوع مثلك كلام صح 100 %
|
حسبي الله ونعم الوكيل
|
من الطبيعي جداااااااااااااا
كلامك صحيح جدااااااااااااااااااا مدرس مساعد - لغة انجليزية - كلية التربية - الازهر الشريف دفعة 2005 م الازهر الشريف وشكرااااااااااااااااااا |
يعنى الناس تشتغل بالحصة 4 سنوات او 5 وبعدين نتركهم وبعدين يا اخى م معظم الناس القديمه كانوا مؤهلات اكاديمية مش تربوى وانا من وجهت نظرى ان التربيه تتعلم بالممارسه مش بالدراسه ووالله انا متاكد ان خريجى التربية ما بيستخدموش حاجة فى الفصل من اللى اتعلموها فى الكليه دا اذا كانوا اتعلموا شئ اصلا فى الكلية
|
لكن ممكن نقول ان التربويين اصلا لهم الاولويه لان ملهمش مكان غير التربية والتعليم لكن الاكادبمى ممكن يلاقى فرصة فى مكان تانى
|
الله الموفق
|
من راي ان خريج كلية التربية يجب ان يرقي الي درجة معلم بدون امتحان كادر مع استيفاء شرط الحصول علي اي سى دي ال اما امتحان الاكاديمية يكون لغير التربوبين فقط مع الاخد في الاعتبار عن قبول طلبات عمل جديدة في التربية و التعليم تكون الاولوية لخريخ التربية لانه ليس له اى مجال اخر غير التدريس وهذا من شانه ان يودى الي رفع مجموع القبول بكليات التربية و بالتالي يكون الملتحقون بهذا الكليات من ذوي الكفاءت و هذا يؤثر بالايجاب علي العلمية التعليمية
|
ياباشا تمنى الخير للجميع
زى ماتحب الخير لنفسك حب الخير للاخرين وتمنى ليهم الخير ولو ليك نصيب تشتغل هاتشتغل دى ارزاق ربنا مقدرها واتمنى يكون حوراك افضل من كدااااااااا الناس التانية مش جايه من الشارع دول خريجى جامعات زيك كدااااا |
اقتباس:
انا مقلتش ناس جايةمنالشارع بس مش من العدل نسيب خريجى كلية تربية ونعين الكليات الاخرى فى وظيفة مدرس ياباشا قبا كدة خريج تربية كان بتعين بعد تخرجه مباشرة بامر التكليف اللى اتلغى وخلوا ليه الاولوية فى المسابقات حتى جاءت الكوسة والمعارف والمحسوبية لتزج بغيره وده عن طريق قبول الكلياتالتانية فى العمل بالحصة علشان لما ييجى تعيين ويشترط العمل مسبقا بالحصة يخدوه وانا فى ادارتى عملوا كدة واللى حصل انه اخر دفعة اتعينت خدوها كلها تربية وبعدين بعد ضغوط شالو بتوع تربية واشترطوا العمل مسبقا بالحصة طب ذنبهم ايه وهم رفضوا تعيينهم من الاول بالحصة يرضى مين الكلام ده اىواحد خريج كليةاخرى غير تربية مكنش حاطط فى نفسه انه يبقى مدرس وكان بيعلنها لكن لما لقاش غير التدريس شبط فيه وبطرق غير مشروعة فى العهد البائد اللى مش عاوزينه يرجع تانى لكنخريج تربية من اول يوم باراسته بالكلية مش قدامه غير التفكير فى التدريس لدرجة انه اى مصلحة اخرى ما بتقبلوش للعمل فيها يقولك اعمل بيه ايه يبقى ده عدل من وجهة نظر حضرتك |
طب بالله عليك يا اخى انت بتقول خريج التربية ملهوش مجال غير التدريس كلام مظبوط ... بس زيه بالظبط خريج الاداب ودار العلوم هيشتغلوا فين غير ف التدريس .. على العلم ان التربوى ده كلام ف الاونطة ولا حد بيستخدمه ف الفصل وانما الموضوع بييجى بالممارسة ... وهما دراستهم اكاديمى فبيكونوا اقوى فى تخصصاتهم من خريج التربية
قصدى ان الموضوع كله محتاج لتعديل جذرى . فبلاش النظرة الانانية ف الحوار دى عشان ربنا يباركلك .. وحب لاخيك ما تحب لنفسك يا اخى ربنا يكرمك |
استاذ زياد كلامك صحيح واي واحد يقول غير كده
يبقى هو اللي مش عاوز عدل ولا مساوة هو اللي عاوز يستغل الفرصة لان شغلهم في التدريس اصلا خطأ والاخ ابو سوزان متعممش المسألة يمكن انت شفت واحد تربوي مش كفؤ يبقى كلنا كدا لا طبعا ولو الموضوع ممارسة روح سعادتك افتح عيادة وقلهم الطب ممارسة لية بس التدريس هو اللي مفتوح للجميع |
كل الناس فى كل المصالح الحكومية وقفت وقفة راجل واحد و ايد وحده الى احنا بنقول انا و بس و لما البعض بيوصل لغرضه بينسى زميله
|
وانا بايدك فى هذا الكلام واطلب من اى عضو يكون بيعرف يتعامل كويس مع الفيس بوك نعمل حمله على الفيس بوك نطالب فيها وزير التربيه والتعليم باعاده التكليف لخريجى كليات التربيه لانهم ليس لهم مجال اخر للعمل غير التربيه والتعليم وياريت الا يعمل هذا على الفيس بوك يعرفنا ويكون شاكر لمجهوده لاننى لسه جديده فى الفيس بوك مش بعرف اتعامل معه كويس ارجوكوا تسعدونى فى هذا الطلب وانا كان لى طلب قبل كده بعنوان نداء الى خريجى كليات التربيهhttp://www.thanwya.com/vb/showthread.php?p=3085441
|
كلامك تمام 100% والا نلغى كلية التربية ونكتفى بالاداب وغيره
|
عايزين نساعد بعض ونوصل كلامنا للوزير باى وسيله وعمل حمله على الفيس بوك
|
انا معاكوا فى هذا الكلام لانه كلام صح 100%
|
انا تربية وشغال بالحصة
|
ياريت كلامنا يصل يا جماعة للمسئولين ................................ حرام بجد خريجى كليات التربية حقهم يضيع
|
اقتباس:
فعلا معاك حق و ياريت سيادة الوزير ينظر في امر اعادة امر التكليف لكلية التربية لان لما خريج كلية التربية يتعين بعد ما يخلص الكلية ما ينساش اللي درسه في الكلية مع الاخذ في الاعتبار ضروة تطوير الدراسة و المناهج بالكلية و التاكيد علي الجانب العلمى و الممارسة الفعلية لمهنة التدريس اثناء الدراسة بالكلية |
اقتباس:
الاستاذ الفاضل مش كل اللى بالحصة او بالمكافاة اتعينوا بالكوسة علشان لو البلد كلها كانت كوسة يبقى سيادتك اكيد اتعينت بالكوسة وخلى بالك ان كل الناس كانت معاكوا علشان تتعينوا متجوش بعديها وتتكبرو على الناس وعلشان اريحك فى ناس خريجى تربية زى الفل وفى ناس لا بس خريج اداب ودار علوم ..............الى اخرة اول مادخلوا الكلية دى مبصوش على دروس زى ما حضرتك بصيت عليها قبل ما تختارها ربنا يعنكوا على الغل اللى جواكوا تمنوا التوفيق للجميع وبلاش كدة |
كنا منذ ايام قليلة نتكلم بصوت واحد وبحس واحد وبفكر واحد مع شعور بالظلم والمرارة نعيشة كلنا
ولكن الان اصبحنا شيع وفرق فينا من يقول الاولوية فى التعيين لخريج التربية وفريق اخر يطالب بالتعيين للجميع بلا استثناء كنا نعانى جميعا خريجى تربية او اداب او غيرة من اننا نعامل معاملة سيئة من زملائنا المعينين لانهم يقولون علينا معلمين بالقلم الرصاص وهذا كان لا يعجبنا جميعا تربية واداب ولكن الان وبعد ان صدر قرار بتعيين من اجتاز الكادر اصبح الزملاء الذين سوف يتم تعيينهم يقولون ما كان يقال عنهم وعن الجميع وعن من عن زملائهم بالامس القريب انا لن اخوض فى اى كلام عن الاولوية لخريج التربية لانه تربوى او الاولوية لخريج الاداب لانة اكاديمى واقوى فى التخصص والمادة من غيرة ولكن سأقول شىء واحد وهو اننا كلنا اخوة وزملاء عندما يعانى منا فرد من ظلم ياعنية باقى الزملاء فهى منظومة واحدة دعونا لا نختلف ولا نرتكب ما كان يرتكبة زملائنا القدامى والمعينين ولا ينسى خريج التربية او حتى الاداب او غيرة ان نشأ وتربى وتعلم فى مدرسة ابتدائى كان كل معلمية من خريجى الدبلومات التربوى اى انهم لا كانوا اداب ولا تربية ارجوا من الجميع احترام الجميع ولا تجريح ولا اهانة فالنتحد من اجل شىء واحد الا وهو مساعدة بعضنا البعض فى مجال عملنا وشكرا للجميع |
اللى بيحصل فى المتعاقدين واللى بالحصة دا حرام
|
معلشى فى التعبير انت مش تستاهل اسم زياد لان يا افندى فى ناس اصلا شغالين بالحصة ووخدين تربية وفى ناس شغال بالحصة من قبل سيادتك ما تتخرج يبقى تقف جنبهم ولا تتكلم عليهم كده . انت لو اشتغلت فى اى مكان وانت مش تخصص سنتين حتحفظ وتفهم المنهج . ياريت مش نتكلم على بعض كده ونقف كلنا ايد واحدة علشان نحقق هدف واحد هو التعيين للجميع وليس لفئة معينة .
http://www.facebook.com/#!/home.php?...913864265&ap=1 |
|
ياريت يكون فى جديه فى الموضوع
|
صيام رمضان احمد محمد
ليسانس تربية انجليزي 2007 معلم مساعد لغة انجليزية مدرسة كوم البيجا الإعدادية_قنا_فرشوط_كوم البيجا الوزارة الوحيدة التي تهين ابنائها هي وزارتنا وزارة التربية والتعليم المفروض نتثبت احنا الأول بتوع كلية التربية وبدون كادر فين التكليف بتاع زمان......... اي حد عاوز يشتغل استاذ نشغلوه حتي لو معاه دبلوم صنايع ماهي اصبحت وزارة اليتامي اللي ما عندهمش خير في وزاراتهم وييجوا يزاحموننا نحن في وزارتنا وفي الأخر يتثبتوا بتوع دبلوم الصنايع والتجارة والأداب واحنا نستني دورنا اطالب جميع خريجي كليات التربية بالإعتصام امام وزارتنا وما نمشيش حتي يرجع امر التكليف لكلية التربية والتثبيت بدون شروط حتي ترجع كرامة خريجي كلية التربية |
اقتباس:
|
انا تربوى بس احنا بنطلب التثبيت للكل بس هما بيعلقو ان احنا مش هنقدر نعمل كل حاجه فوقت واحداحنا نعمل حل وسط هما يثبتونا دلوقت ويخلو المرتبات زى ماهيا ونديهم فرصة يرتبو الامور بعدين نطالب بفلوسنا وكد كدا هما طبيعى هيخلونا بالعق لمدة لاتقل عن سنه يبقى كدا احنا استفدنا وهما استفادو وحلو مشكلتهم ومشكلتنا صح ولا لا ياجماعة؟
|
كلام جميل ماقدرش اقول حاجة عنه
|
الناس كلها عمال تتحرك وتعمل مظاهره ويخدوا حقهم واحنا مش عيزين نتحرك
|
سيادتكم انسان انانى انا راجل خريج اداب لغة عربية يعنى دارس العربى احسن من بتاع التربية بشهادة الجميع وبحضر دبلومة تربوى يعنى حيبقى زى زيك يبقى مين اللى يتعين خريج الاداب ولا التربية
|
اقتباس:
المشكلة ان الناس بتاخدها بشكل شخصي مع ان المسالة قاعدة عامة لن ينصلح حال التعليم الا بمراعاتها تخيلو اللي في كل كلية تربية السنة دي وجايب في السنين اللي فاتت جيد جدا هيروح فين لما مدرسي الحصة يتثبتو مش هيفضي مكان غير كمان10 سنين على الاقل ايه ذنبه انه كان متفوق في الثانوية عن غيره فدخل تربية واتفوق فيها برضه ولو راح يشتغل في اي مكان السؤال معروف معاك ايه؟ معايا تربية . طب وبتاع التربية هشغله ايه عندي !!!!!!!!!!!!!!!!!!!!!!!!! ياريت محدش ياخد الكلام بشكل شخصي لان التدريش مش وظيفة ناكل منها عيش وخلاص |
انا معاك ان التدريس المفروض يكون الاولويه لتربيه لكن فى تخصصات فى التعليم الفنى يكون الاولويه للهندسه والفنون الجميله
مثلا قسم الزخرفه لايقبل خريجى التربيه النوعيه ويفضل الفنون الجميله |
مدرسين الحصة عندنا نصابهم كل واحد 6 حصص وفى منهم واخد 3 حصص فى الاسبوع وهما تقريبا 8 مدرسين تخصصات مختلفة وكلهم بلا استثناء خريجين جامعات خاصة او تقدير مقبول جدا ومفيش ولا واحد تربوى ....... يا ترى ازاى نوفر درجات مالية لكل الاعدادا دى وازاى يتثبتو او ياخدو عقود و خريجين التربية بتقديرات جيد وجيد جدا قاعدين فى البيت ......... لازم نكون واقعيين وحقانيين ان التدريس للاكفأ واللى حصل على شهادة تربوية اصلية ........ بجد مدرسين الحصة عندنا كلهم وسايط وكمان مفيش اى تأهيل بانهم يكونو مدرسين
|
اقتباس:
كلامك زين بدر قال الكلام ده وعشان كلام زين وصواب معجبش حد |
خريجى التربية لوزارة التربية و التعليم
|
انا عايز الناس اللى بتتكلم يعرفوا ان التربية طب الادبي و كلية الناس الغلابة اللى معندهمش واسطة اجتهدا فى الثانوية و طلع عنيهم علشان يدخلوا تربية علشان يتعينوا لو ليهم واسطة كانوا دخلو اعلام او سياسة و اقتصاد
مع احترامى لخريج الاداب و الكليات الاخري خريج التربية مؤهل للتدريس لانه ببساطة بياخد تربوي فى الكلية و تربية عملى كمان |
اقتباس:
|
اقتباس:
|
فوضى تعليميه
عدم الاعتراف بالتخصصوان اى واحد مش لاقى شغل يشتغل مدرس زى مثلا خريج دراسات اسلاميه يدرس رياضيات وبكالوريوس تجاره يشتغل مدرس كمبيوتر وهو ما يعرفش يشغل الكمبيوتر وهكذاااااااا وهو ده السبب الرئيسى فى دمار التعليم الابتدائى ثم بالتبعيه بقيه المراحل بصراحه مهنه التعليم اصبحت مهنه من لا مهنه له وفى الاخر يقولوا دورات تدريبيه ودبلومات تربويه ,,,,,,,,, الضرب فى الميت حرام
|
انا معاك في هذا الراي
|
اقتباس:
انا شغلت المكنة والمكنة طفت وهكذا واشتغل بس عشان له قريبه مستشار وعلى فكرة عيلته كلها اشتغلت بنفس النظام خلص الدبلوم وروح على المدرسة استلم الشغل يبقي بعد دا كله مصر هتتقدم |
اقتباس:
|
اقتباس:
احنا ما بنتكلمش في قضية شخصية دا مبدا عام نرى انه سيساعد على نهضة التعليم ومن ثم نهضة مصر البلد مش هتتقدم طول ما اللي جايب مقبول او جيد حتى شغال مدرس وخريج التربية وجايب تقدير برضه وكتير منهم جيد جدا قاعد في الشارع |
واللة ياأستاذ احمد كلامك عسل لان كل المدارس باظت وخربت لأن بتوع المعاهد والاداب وخريجى الازهر ملوها على الاخر وغير مؤهلين ولا حتى نافعين مدسين فصل ولا عمال ولابد من وضع الانسان المناسب فى المكان المناسب انا معك يازياد وياريت تعمل صفحة على الفيس بوك تنادى فيها باصلاح التعليم واللى يزعل يتفلق لان فى مدارس عندنا فيها كتيير من هذا النوع ومش فاهمين حاجة خالص واول ماتقول للواحد منهم كدة غلط يعمل نفسة عامل فيها عنتر زمانة ويقولك البلد كلها خربانة جات على انا معاك يازياد
|
http://www.facebook.com/?ref=home#!/...479352875&ap=1
رابطة طلاب وخريجى كليات التربية - معا لعودة التكليف |
كلامك صح جدا وكفاية المجموع الكبير بتاع الكلية والمواد التربوى والارف اللى شفناة بعد دا كلة اتساوى باى كلية تانية طبعا حرام وياريت كلامك دا يطبق
|
| جميع الأوقات بتوقيت GMT +2. الساعة الآن 03:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.