|
حل أزمة التخصص
كلنا بنعاني من ازمة التخصص وكلنا فشلنا مع الموظفين المتأخرين مهنيا وفكريا ومغموسين في قاع البيروقراطية
الحل صوتنا يوصل من غير اعتصام ولا اضراب ولا شغل فوضوي البلد مش ناقصة بس لو عايزين الحل ده ينجح ما ينفعش حد يكسل ويعتمد على غيره زي المظاهرات الحل هيكلفك 5 جنيهات تقريبا فاكس نطالب به الوزير بحل المشكلة يصاغ بطريقة رائعة (طبعا ممكن نستمر لمدة يومان نشوف مقترحاتكم للصيغة المناسبة وتكون صيغة ثابته واحد نلتزم بها جميعا ولكن كل واحد يكتب اسمه في نهاية الطلب قبل ارسال الفاكس وكلنا هنرسل الفاكس في يوم واحد هنحدده طبعا بعد تشكيل الوزارة وكل واحد هيرسل 5 نسخ لو فرضنا احنا 200 يبقى هيوصل للوزير 1000 فاكس بنفس الطلب هيعرف اننا نعرف بعض لأن الصيغة واحدة رغم اختلاف المحافظات وبالتالي احنا تنيظم واصحاب مشكلة واحد وسيخشى من اتحادنا وسيجد لدينا الحق لأننا نطالب بأمر فني وليس مالي هيستجيب الوزير لنا ان شاء بشرط طلب مكتوب كويس وياريت نشوف افكار محدش يكبر ويوفر الخمسه جنيه بل انصح زملائك بنفس المشكلة ليشتركوا العدد يفرق تحديد يوم واحد للارسال انتظر رأيكم |
انا معاك وإقتراح جميل
|
اوافق على رأيك وبشدة |
جزاك الله كل خير تفكير سليم جدا
وانا معاك وناس كنير من زملائي الاهم حضرتك ترسلنا صيغه الفاكس عشان تبقى موحده وياريت توضح فيه تخصص المرحله طبقا للمؤهل فما يبقاش خريجي تربيه عام ودرسات عليا ويعطي ابتدائي وشكرا |
انا معاك معاك معاك حتى لو كلفنى 50 جنيه انا الان فى مدرسة ابتدائى فقر و عايز اروح اعدادى
|
السلام عليكم ورحمة الله وبركاته اخوانى الاعزاء الافاضل من هم فى نفس حالتى ونفس معاناتى
احى صاحب الفكرة ولكن مايخوفنى هو اننى قمت بارسال اكثر من 10 فاكسات ومراسلات عبر الفاكسات والبريد الالكترونى ولكن للأسف المسؤلين بمكتب الوزير يقومون فوراً بتحويلها للمحافظة التابع لها صاحب الفاكس واخرها يوم الاربعاء الموافق 23/2 الماضى تم تحويل الفاكس للدقهلية المشكلة هى ان تصل الفاكسات للوزير شخصياً ولكن يوجد للوزير مساعد له واسمه الدكتور رضا ابو سريع ما شاء الله عليه لا يقرأ مضمون الفاكس بل يقرأ عنوان راسل الفاكس ويوجهه للمديرية التابع لها نود الاتحاد لحل تلك المشكلة انا معكم انا البلد لا تتحمل الاضراب او الاعتصام بس ايه الحل |
شوفوا هاتعملوا ايه و امتى و انا معاكم
|
اقتباس:
ان احنا على الاقل عايزين المرحلة تتغير في التعيين ويكون انتداب من الاعدادي لابتدائي حتى ظهور مكان في المرحلة الاعدادية لان مش معقول تكون المرحلة الاعدادية فيها فراغات لينا كلنا ده رأيي لان احنا لازم نفكر بمنطق ملحوظة : الكلام ده كان بيتم في ايام التكليف ( كان تربية عام بيتم تعيينه في المرحلة الاعدادية ويتم ندبه للابتدائية لسد العجز |
انا بقول نجرب الفاكسات و الاميلات المجمعة المنظمة ولو ملقناش فيها فايدة نرجع للتظاهر و الاعتصام
|
وأنا موافق بس على فكرة فى نشرة تعديل العقود حسب التخصصات وصلت اسكندرية النهاردة ومش عايزين يعترفو بوجودها فى الأدارات وهاجيب صورة منها بكره من واحد متعاقد :stickjo4:
|
وانا معكم في نفس المشكلة
|
اصح راى هو كلام الاستاذ mhegazi
|
بس محتاجة نظام والفاكس يكون موحد وهنلاقي استجابه ان شاءالله
|
لان فيه ظلم ان اختبار يحدد مصير الواحد وايه كان لازمته المؤهل على كده
|
اقتباس:
الكلام ده على تغيير التخصص مش تغيير المرحلة يعني من مدرس فصل الى مدرس مادة وفقط |
معاكم ان شاء الله
|
انا معاكم بس ياريت صيغه الفاكس بسرعة
|
اقتباس:
|
علي فكرة بيغيروا في محافظة 6 اكتوبر الي التخصص بس علي نفس المرحلة بس يا اخواننا يبقي كده فية امل نغير المرحلة بما انهم غيرو التخصص اذا مفيش اعتبار لاختبار الأكاديمية وبالتالي بما ان فيه بند او قانون اتكسر اذا من السهل كسر لباقي يلا نجرب الفاكسات وانا ممكن اكتب الصيغة واعرضها علي سيادتكم بس ياريت نبقي ايد واحده عشان دي مشكلة ناس كتير ولو بدأنا فيها هيبقي لها صدي كبير وناس كتير هتشارك بس يا ريت ندخل كل يوم علي الموضوع ده ونتكلم |
اقتباس:
انا معــــــــــــــــــــــــاك |
انا معاكم و هبعت فاكس للوزارة بس لو حد عنده الفاكس الصح ياريت يكتبه
ولو فيه صيغة فاكس موحدة يكون افضل |
عاوزين صيغة للفاكس
|
يعنى ايه نغير التخصص ارجوكم حد يفهمنى دلوقت
|
واحنا ان شاء الله رايحين ادارة المنتزة بالأسكندرية يوم الأحد لتنفيذ قرار تعديل المسمى من مدرس فصل لمادة ولو بالأعتصام داخل الأدارة عشان مش شوية موظفين قاعدين على مكاتبهم ومش عايزين يشتغلو هما اللى يقررو مصيرنا
|
وانا معاكم
|
صيغة الفاكس
بسم الله الرحمن الرحيم تظلم السيد الأستاذ المحترم / تحية طيبة وبعد مقدمة لسيادتكم / حيث انني حاصل علي ( بكالوريوس - ليسانس ) تربية عام قسم / ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا ومراحلنا فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك |
اقتباس:
الله ينور عليك مجهود ممتاز تبقى الاتفاق على ميعاد الارسال |
يا جماعة عايزين صوتنا يوصل بسرعة موضوع الفاكسات مش مجدى اوى انتوا فاكرين نفسنا بس اللى عندهم مشكل فى ملايين عندهم مشاكل مختلفة واكيد بيوصلهم يوميا ما لا يقل عن 5000فاكس عايزين نعمل حاجة تانية ونضم اكبر عدد من اللى عندة المشكلة دى
|
اقتباس:
|
ان عندى راى اتمنى الموافقة عليه مبدئيا
كل محافظة تخش هنا ويتم تجميع مدرسين كل محافظة او انشاء صفحة على الفيس بوك للتعاون والذهاب الى المديرية فى وقت واحد اذا لم نفلح فى المديرية نقوم بالتسيق معا بعد تعيينا ونذهب فى وقت واحد للوزارة والله المستعان |
اقتباس:
|
ياريت انا بجد تعبانه من كده ونفسى اروح مرحلة اعدادى انا تربية عام ياريت نتفق ونيكون التعيين تبع المرحلة ايه ذنبنا من الفوضى اللى كانت شغاله انا يقالى 8 سنوات بعقد ابتدائى ارجوكم يا جماعة نعمل حاجة ونتعين تبع للمؤهل ده فيه ناس تربيةتعليم اساسى ومشغلينهم مرحلة اعدادية ده حرام فيه ظلم كل واحد يتعين فى المرحلة طبقا للمؤهل كفاية ظلم انا معاكم
|
طاب و الفاكس طبعا لسيد الوزير تعتقدوا انه ممكن بهتم بمشكلاتنا
|
وانا معاكم
|
كلنا معاك ياريس
بارك الله فيك |
انا عايز اغير تخصص مدرس الفصل واستلم تخصصى اللى قعدت عليه اربع سنوات من التعب والمذاكره
حراااااااااام والله كدة لو سكتنا كدة احنا هنظلم طول عمرنا وفى كتير اماكن فى المدارس يوجد فيها عجز |
التخصصات المظلومة قوى اللى مشى فى الابتدائى ( الفرنسى - علم النفس - الفلسفة ) واللى مؤهله تربية عام فى التخصصات الاخرى ( الانجليزى - التاريخ - الجغرافيا - العلوم - العربى - الرياضيات
|
كلنا مش لازم نسكت على تعديل التخصص بتاعنا لازم نعمل حاجه
كل اللى بيطالب بحاجه دة الوقتى لازم بياخدها ليه نسكت ونعيش طول عمرنافى شغل احنا مش فاهمينه وغيرنا يبقى مرتاح حرام والله فى نشرات جاتت بتغير التخصص لكن البهوات اللى فى المديريات والاداره خبوها علشان مفيش حد يطالب بحقوقه كنا ايد واحده لغايه منغير التخصص بتاعنا |
لازم تكون فى النشره تغير التخصص يناسب كل مدرس حسب تخصصه بدل من مدرس الفصل
اللى خاصه بالتعليم الاساسى ازاى مدرس حاسب الى ويدرس مدرس فصل ويعطى ( حساب وعربى ودين وموسيقى وفنيه ) حرام يبقى تخصص الكليه مالوش اى فايده خالص |
هنعـــــــــــــــــــــــــــــــــــــــــــــــ ــــــــــــــــــمل اي’؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش عايزين نتكلم كتير |
|
في المنيا عملنا حاجة اسمها تغيير المسمى الوظيفي.. وغيرنا من مدرلاس فصل لمدرس مادة..
بس كان بشروط |
اقتباس:
وما هي الشروط ؟؟؟؟؟ |
وما هي الشروط ؟؟؟؟؟ |
وما هي الشروط ؟؟؟؟؟؟؟!!11 |
هو سابنا كدة من غير ما يقولنا الشروط
|
ياريت نكون ايد واحده نكون مجموعة تتكلم باسمنا عند الوزير فى تغيير المرحلة وتغييير التخصص كلا تبع المؤهل يتكلموا مع الوزير صدقونى ده ل كويس مجموعة تتكلم باسمنا كلنا مما اتظلم فى التخصص او المرحلة نتيجة للفساد والاهمال اللى جة على مستقبلنا
|
انا معاكم ومعايا 280 مدرس
محافظة شمال سيناء |
أ- محمد ناصف صيغه جيده جدا ولكن ارجو اضافة ما يدل على اتجاهنا للقضاء في حالة عدم التنفيذ وموقفنا القانوني جيد جدا لأن لو قدرنا نجيب نشرة واحده لشخص واحد غير التخصص نطالب بالمعامله بالمثل وساعتها موقفنا القانوني هيبقى كويس
ياريت يا شباب نركز في موضوع واحد سواء ده او اي موضوع تاني بس ما نعملش اكثر من موضوع ونتشتت انا عايز موضوع واحد اتابع منه الجديد او متبرع ينشئ لنا صفحة فيس بوك خاصة بنا لأن ادارة المنتدى لا تثبت اي موضوع خاص بتلك المشكله مش عارف ليه بصراحة تقريبا هما كمان ضدنا ومش شايفنا الفاكسات جزء من الحل وليس الحل الايميلات بعد الفاكسات مرحلة ثانية البريد المسجل مرحلة ثالثة هنوصل ان شاء الله بس بشرط تحركنا يبقى جماعي مش فردي بخصوص ان الوزارة بيوصل لها 5000 فاكس هتبص على ايه ولا ايه اعتقد لما يكون منهم 2500 فاكس او اكثر بخصوص مشكلة واحده يبقى الموضوع محتاج نظر خاصة لو هددنا بالاعتصام والقضاء وياريت ا- ناصف تضيف ان الحل يكون بقرار وزاري عشان يبقى حل جماعي لينا ولغيرنا مش حل فردي يعني ضيف سيادتك في الطلب (الفاكس) نطالب السيد الوزير باصدار نشر او قرار وزاري بتعديل التخصص والمرحلة وتضيف ان يتم انتدابنا للمراحل الابتدائية حتى لا نحدث عجز وبالتالي اول ما مكان يفضنا نروح وننتقل وبكده نظهر حسن النيه واحنا مش هدفنا الضرر بس هدفنا الحق وتضيف التهديد بالاعتصام والتهديد ( طبعا بصورة شيك) باللجوء للقضاء لأن هناك المئات غيروا التخصص باستخدام الواسطة والمحسوبية ارجو الرد على وجهة نظري |
اقتباس:
لأن المجموعة لازم تكون 100 شخص لتلفت الانتباه بس لما الامور تهدأ لأ، امام الوزارة دلوقتي المئات مش هنظهر لكن بعد شهر مثلا تكون الامور هدأ ونروح كلنا عند الوزارة ونختار منا 5 اشخاص للحديث بس لازم نكون كتير امام الوزارة عشان يرضوا يتكلموا معانا صح يبقى ترتيب الحلول ا- فاكس 2- ايميلات 3- جوابات مسجلة 4- الاضراب عند الوزارة 5- القضاء ايه رأيكم |
| جميع الأوقات بتوقيت GMT +2. الساعة الآن 03:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.