|
يلا نبنى مصر
السلام عليكم ورحمة الله وبركاته
زملائى الاعزاء طبعا السؤال ده موجه للجميع : مين بيحب مصر ؟ الى يحب مصر يعمر مصر - الى انا شايفاه دلوقتى ان الكل عايز ياخد ومحدش عايز يدى مصر اى حاجة انا عارفة انكم صبرتم كتير بس الوقت ده وقت لازم كلنا نقف ايد واحدة عشان نعمر مصر بلدنا - الثورة الى بجد لازم تكون من جوه كل واحد فينا ثورة على كل حاجة وحشة جوانا لازم نصلح من جوه عشان يبان ده من بره لازم تعرف نفسك الاول وتغير نفسك للاحسن - لازم نفكر ازاى نبنى عقول طلابنا الى فى كتير منهم مش فاهمين هو فيه ايه بيحصل - لازم ننهض ببلدنا ونحاول نغير من نظام التعليم ونخلى التعليم يكون تعليم نابع من حب الطالب انه يتعلم ويبحث بنفسه عن المعلومة ويتعب ويجتهد - يا ترى هييجى اليوم الى اشوف مصر احسن بلد فى الدنيا كنت بسال نفسى كده زمان لكن دلوقتى بقول لازم هييجى اليوم ده وكلنا لازم نشارك فيه بحب وتعاون ده كله هييجى ازاى بطل تفكر فى نفسك شويه والله انا زيكم معلم مساعد وتربوية وامتحنت كادر ونجحت ولا حس ولا خبر بس ده مش وقته انا حسيت ان موضوع التعيين بدا ياثر على ادائى فى الفصل عشان كده هرميه ورايا دلوقتى لان مصر اهم بكتير هتقولوا طب وحقنا هقولكم ادوا البلد فرصة تقف على رجليها الاول وبعدين لو مفيش تحقيق للمطالب انا اول واحدة هعترض واقول لا وانا شايفة ان شعارنا كلنا لازم يكون الى يحب مصر يعمر مصر لازم نكون ايد واحده وان شاء الله يتحقق كل احلامنا |
يلا نبنى مصر
|
محدش عايز يشارك برايه ؟
|
يا ريت كلنا نشارك ونبنى بلدنا من جديد
الى عنده اقتراحات يا ريت يقولها |
يلا نبني مصر
نهتم بالطلاب نشرح علشان ربنا مش علشان الموجه والمدير نعلم قيم من خلال التواجد في الفصل في المدرسة نغرس روح الحب * مثلا طال تعبان نتصل بالتليفون مش نستكبر احد العمال عنده فرح نذهب ونشارك نحسس الكل اننا في مركب واحد |
تمام رضا الوادى كل دى مقترحات جميلة عشان نبنى بلدنا
يلا كلنا نشارك |
يلا نبنى مصر ونبدا بنفسنا الاول
من اساس مصر |
انا بكره نازله شغلى وهبذل كل جهدى عشان ابنى عقول جديدة
لان الجيل الى جاى هو الى هيكمل المشوار فلازم يفهموا كل حاجة صح |
عايزين بكره اول درس يبقى يعنى ايه ثورة .
ازاى نبنى بلدنا طبعا احنا بدانا الاسبوع الى فات والطلبه كان معظمهم مش فاهم هو فيه ايه وحاولنا نفهمهم بس كان عندهم روح حلوه اوى يا ريت نستغلها يلا نبنى مصر |
نفسى المدارس ترجع عندنا وارجع ادخل الفصل واشرح زهقت
|
انا معاكى في بناء مصر يا ايميي بس ناخد حقي من الحرامية البلد
|
عايزة اسال سؤال :
كل واحد فيكوا عمل ايه فى اول يوم دراسه ؟ والطلاب كان رد فعلهم ايه على كل الاحداث دى ؟ |
اول مرة اشرح يضمير بعد25 يناير وحاسس ان قي مصر جديدة اما المدرسة كلها فلاحين مش فارق معاهم اهم حاجة الجاموسة فطرت ولا
|
تحيا...............مصر
|
اقتباس:
الجاموسه فطرت والا لا المهم ان اكيد شعور كل واحد فينا اتغير واكيد كان عندك حماس انك تشرح وتقول يعنى ايه ثورة وان بلدنا اتغيرت ربنا يوفق الجميع لكل خير ويا ريت الحماس ده يستمر على طول |
تحيا مصر
عاشت بلدنا جميله بينا بحبك يا بلدى وحبك ملينى ولو غصب عنى بعيد هتلقينى اجرى عليكى عشان تضمينى |
الله يكرمك أختي ايمي ...ويارب الناس تفهم بقى وكل واحد يبدأ بنفسه.. فإن القاعدة السليمة تفرز قمة سليمة
|
انا معاكوووووووووووووووووووووووووووووووووو
|
شكرا يا على ويا ريت الناس كلها تغير من نفسها للاحسن عشان مصر تبقى اجمل
وان شاء الله بكره احلى من النهارده |
روحكم الحلوة دى مصبراني على الوضع البطيء لجوابات التعيين
|
انا معاكى كلامك سليم
|
روحنا كلنا لازم تكون حلوة وجديدة وجوابات التعيين هتيجى هتيجى دى مسالة وقت واجراءات
شكرا ليك يا ايهاب وكلنا لازم نبنى بلدنا من جديد نتحمل شوية واكيد بكره هيبقى احلى وربنا يوفقنا |
بإذن الله ربنا هيكرم الجميع
|
الاخت الفاضله صاحبه الموضوع واضح انك بتعيشي في عالم وردي وليه لا وانتي بنت يعني مش مطلوب منك شقه او مهر او اي حاجه ان شاء الله بلاش شغل اصلاً لكن الكلام ده لا ينطبق علي الشباب الي فعلاً محتاج التعيين امبارح قبل النهاردة علشان يقدر يفتح بيت يارب افرجها من عندك يارب |
شكرا لحضرتك على المشاركة
وانا فعلا بعيش فى عالم وردى وجميل وحلم اتمنى ما اصحاش منه ابدا انى اخيرا حسيت بنفسى وانى قدرت اتنفس هوا جديد وعشت لحد ما شوفت بلدى بتتولد من جديد على فكرة انا احق واحدة بالتعيين ومع ذلك ولا حس ولا خبر مش معنى كده انى مش عايزة اخد حقى او انى ضعيفة بالعكس انا عايزة الصبر شوية لحد بلدنا ما تبدا تقف على رجليها من تانى وان شاء الله بكره الحال هيتغير وتتحقق كل الاحلام وتبقى الدنيا احلى ربنا يوفق الجميع للخير |
ازيكم زملائى اخباركم ايه
اخبار الدراسه ايه والطلاب عاملين ايه |
| جميع الأوقات بتوقيت GMT +2. الساعة الآن 05:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.