Alittle bit of wisdom
 

كدة يبقى احمدعز وشلة الوزراء السابقين احسن مننا .. على الاقل نهبو البلد وهيه واقفة على رجليها... اما احنا بننهب البلد وهيه واقعة..
صبرتو 30سنة مش قادرين تصبرو شوية كمان !!
((وأفوض امري إلى الله إن الله بصير بالعباد))

اتفق معك تماما فى الراى

جزاك الله خير

فعلا الحكمة مطلوبة اليومين دول بالذات

بارك الله فيك ياعلي

صح يا على أنا معك البلد محتاجة عمل مش محتاجة أعتصامات ومطالب قد تؤدى بنا للهاوية

انا معاك يا على

أنا آسف يا مصر ......
أنا آسف .....!

يارب احمى مصر

مع احترامى ارأيك ان غير موافق

لسبب هو انت ......... عارف لية ......... علشان انت طلبت حقك فى التثبيت بالا عتصام
ولما ختوه مش عاوز حد يتساوى بيكم
عجبى

انا معك استاذ علي
وان كان البعض قبل احداث يناير ينادي بالأعتصام من اجل تثبيت المعلم الوقت ده كانت البلد واقفة علي رجيلها ودلوقتي البلد ربنا يستر عليه

هناك اناس عندما تتحدث يزداد عدد الافراد التي تكرهه امثال محمود وجدي وعمر سليمان
نيتك جميلة ولكن اسلوبك وطريقة كتابتك لاترتقي لحسن نيتك كيف تقوم بعمل مقارنة بين اناس وصوللين ولصوص
وحرامية واوغاد مصوا دم الشعب بالمدرسين الذين يبحثوا عن حقوقهم المبعثرة وكرامتهم المهدورة وسط اناس لا ينظرون للبشر الا مما يمتلك
لا تقارن ارجوك وحاول تصحح من طريقة كتابتك واذا لم تعرف فلا تكتب افضل لانك لو كتبت مرة اخري بهذة الطريقة ساكون انا ممن ...........................
شكرا

والله يا ابو اياد فهمتني غلط .. انا بقول كلنا لينا مطالب .. وممكن ناخدها بمليون طريقة.. وفي ظروف احسن من كدة.. ومجبتش سيرة الشهداء ودم الشعب زي ما حضرتك بتقول.. دول حاجة تانية وحقهم هناخدة مش هيضيع.. لو سمحت ابقى ركز ومتخطفش الكلام .. انا بتكلم على حاجة محددة .. وهيه المطالب الفئوية.. يعني حضرتك عاجبك اللي بيحصل ..وحال البلد اللي واقف؟!! .. اما لما بقول احمد عز وشلته نهبو البلدوهيه واقفة على رجليها .. مش معناة اني مؤيد للي عملوه..واللي يقول كدة او يفهم كدة ياريت ميسكتش على نفسه ويروح لاقرب طبيب نفسي..كلامي واضح .
وبعدين بالنسبة لاسلوب الكتابة .. المرة الجاية هبعت للكاتب والسينارست بلال فضل يبقى يكتبلي الكلام اللي هنزلة في المنتدى عشان يعجب حضرتك.. دة اسلوبي ودة رأيي.. مش عاجبك بقى انته حر.. كل واحد يعبر عن رأية بالطريقة اللي تعجبة طالما مفيهوش تجاوز ولا تجريح لحد
يارب تكون فهمت حاجة..

هو ده الكلام الصح فعلااااااااااااا
بارك الله فيك
وياريت الكل يفهم وينفذ

بلاش نردد كلام زي البغبغانات وخلاص ونقول بلاش مطالب فئوية كلمة فئوية دي بتنطبق علي كل موظف في مصر يعني المسئولين اياهم مش حد يطالب بحقة عاوزين الناس تسكت , وبعدين الحكمة تقول ( لا يضيع حق وراءة مطالب) والسادة البشوات عاوزين الناس تسكت خالص مش تفتح بقها ولا تفتكر انهم هيخبطوا علي الابواب ويطلبوا من الناس تيجي علشان تستلم جوابات التعيين بتاعتها!!!!! واصلاً لو هما فيهم الخير كانوا استجابوا للناس دي من زمان , ولما الناس بدأت تطالب بحقها يقولولهم بلاش مطالب فئوية وطبعا السذج امثالك بيرددوا كلامهم وخلاص ومش عارفين ايه المقصد والا رد عليا وقولي هو الاعتصام السلمي قدام مبني المديريات او مبني المحافظات بيعطل ايه ؟ ماهما الموظفين في مكاتبهم بيشتغلوا ولا الاصوات
بتزعج السادة المسئولين الي هما اصلاً موظفين ومتعينين واكيد مش حاسين بمعاناة الناس دي , وخليني افكرك بحاجة ( لولا الاعتصامات والمظاهرات والاحتجاجات مكنش حسني مبارك هيرحل .... ولاايه؟؟؟؟؟؟؟؟؟؟

استاذي الفاضل / مدرس على ما تفرج..
من حقك تختلف معايا.. بس مش من حقك ولا من الذوق انك تغلط في شخصى.. يا استاذي الفاضل حقك طالب بيه بس من غير ضرر البلد ..ومن غير تكسير وحرق ..من غيرمانعطل مصالح الناس..مش عارف حضرتك فهمت أزاي؟!
انا بطلب من اي حد يدخل ويشوف الموضوع والردود بتاعتي عليها.. مفيهاش كلمة واحدة خارجة .. او تجاوز على حد..
بس معلش هضطر اقولك حاجة والله أول مرة تطلع مني :
لكل داء دواء يستتطب بيه.. إلا الحماقة أعيت من يداويها..

ربنا يصلح حالنا وحالك ..

بحترمك وبحترم ردك بشدة.. بارك الله فيك

جزاك الله خيرااااااااااااااااااا

والله يا استاذي الفاضل.. انا مش مستني حضرتك تقولي اكتب اوماتكتبش.. انا اكتب في أي وقت.. لاحضرتك ولا غيرك يقدر يمنعني اقول رأيي.. وبعدين ياريت تبقى تعبر عن رأيك وسيب الباقيين يعبرو عن رأيهم..ومعتقدش ان حد كلفك او وكلك عشان تتكلم نيابة عنهم وتقول انهم بيكرهوني او بيحبوني.. وبعدين انا لما بعبر عن رأيي بعبر باحترام .. ولما بختلف مع حد باختلف بكل أدب وذوق ..

ياريت تتعلم من الزميل (ابو منة محمد) اختلف معايا في الرأي بكل أدب وشياكة.. وانا قبلت رأيه بكل ذوق
يار يت يا استاذى الفاضل نتعلم كيف نختلف مع الاخرين ..
ربنا يهديك وإيانا...امين

هههههههههههههههههههههههههههههه انا اسف ياريس

ربنا المستعان على ما تصفون

جزاكم الله خيراً
يا اخواني كلنا يريد الخير ارجوكم هيا بنا كل واحد في مجاله و في مدرسته يغير كل ما هو سلبي و يطبق ما يطمح له باختصار اصلح نفسك و ادعو غيرك يا ريت نسعي لجني ثمار الثورة و نحس بالتغيير و الله انا كنت متابع لاحداث الثورة و كنت بابكي علي الشهداء و ما كان يحدث و بعد الانتصار و خلع الطاغية نزلت مدينة الفيوم و لمست السعادة و احسست ان الناس يتنفسون الحرية و بجد كنت سعيد جدا بهذا الاحساس و الاجمل اني كنت عندما امر بجوار قصر الثقافة في الفيوم و اري صورة الطاغية كنت باقول لنفسي او الي من معي من اصدقاء " متي امر من هنا و لا اري هذه الصورة " حتي تحقق ما كنت احلم به فدعونا نعيش و نتنفس الحرية و نتكاتف من اجل مستقبل افضل لنا و لاولادنا و دعنا من الخلاف
بالتوفيق للجميع

مشكلة الاخ علي وغيرة انهم يفهمون الوطنية علي انها شعارات والرضي بالظلم والاضطهاد
هل تعلم يااخ........
ان عامل الكهرباء بيأخذ مثل مرتباتنا ثلاث اصعاف
الساكت عن الحق شيطان اخرس

يا استاذي .. انا بتكلم في حاجة وحضرتك بتتكلم في حاجة تانية خااالص.. اللي حضرتك بتقوله بالنسبة للمرتبات انا بتفق معاك تماما فيه..وبقول ان لينا حقوق.. بس مقلتش نسكت عليها .. او نفرط في حقوقنا.. لكن فيه مليون طريقة ناخد حقوقنا بيها .. بس منعطلش البلد ونورطها.. فمثلا ممكن كل حد عايزة حق يكوّن وفد من 4 او 5 او 10 يتكلم نيابة عنهم .. لكن مش نقطع الطرق السريعة ..ونولع في مباني الادارات .ز يارب يارب تكون وجهة نظري وصلت..

ربنا يصلح حالنا ويكرمك..

استاذي الغالي ابو منة محمد.. كلامك عين العقل .. بارك الله فيك.. وانا عن نفسي والله مافي اي مشكلة شخصية مع اي حد .. بس التاس بتشخصن الموضوع .. ربنا يهدينا ويصلح حالنا جميعااااااا

بااااارك الله فيك اخ علي

ويارب كل الناس يكونوا علي نفس التفكير

اصل الناس فاهمه ان لو ما خدتش حقها دلوقتي يبقي مش هتخده

وبيستغلوا الفرصه ودلوقتي حد يفكر ان انا بقول الكلام ده علشان اتعينت لا والله احنا كنا المفروض متعينين من سنه لان ده قانون

ولو فضل الحال كده في مصر يبقي ربنا بس وحده اللي يعلم مصيرنا ومصير مصر

وربنا يحميناااااا ويسر امورناااااااااااا

جزاك الله كل خير


وياريت الكل يفهم ويستوعب كويس وبعد كده ننقض

شكرا اختي الكر يمة..وهو دة اللي انا اقصدة.. نفهم الاول وبعد كدة ننقد ..