اين التثبيت بالازهر
 

السلام عليكم ورحمه الله وبركاته


فرحنا بقرار التثبيت وبدانا نجمع الاوراق والاستمارات وبعدين الادارات رفضت استلام الاوراق هو ايه اللى بيحصل مش فاهمين هو فى تثبيت فى الازهر ولا لا ؟؟؟؟؟؟؟زملاءنا فى التربيه والتعليم استلموا الجوابات وخلصوا واحنا لسه قاعدين ننتظر ..ياترى ايه الاخبار فى كل المحافظات

اللي جيه الازهر مش قرار انما فاكس للبدء في الاوراق
لان القرار بيكون فيه رقم ومجموعة من القولنين ومواد للتنفيذ

يتم اعداد الاسماء ومراجعتها في المناطق تمهيدا لارسالها الي الازهر

الاول راحت كل ارسماء على كده وهى فى ايد الجهاز المركزى للتنظيم والادارة
ثانيا : ترجع الدجات من التنظيم والادارة ويرجع الازهر بالقرار
ثالثال: يتم استلام الاوراق والتعيين بناء على رقم القرار زى اخر مسابقة 631


والله اعلم ده بقي هياخد قد ايه فيه واحد فى شئون العاملين بيقول المدرسين قدامهم شهرين تلاته........

ربنا ييسر لنا امورنا

ربنا ييسر لنا الخير

يااااااااااااااااااااااااااااااااااارب

شكرا للجميع على المشاركه والرد جزاكم الله خيرا

الازهر كالعادة نايم فى العسل وخلينا نيمين معاة فى العسل ونستنى اما التربية والتعليم ينزلوا قرارات وتتنفذ ونقلدهم وحتى مش عارفين يجمعوا الورق ياخدوا ورق ويضيعوة ويطلبوة وهكذا

التربية والتعليم قدامها كتير يا رب الازهر ياخد خطوة ايجابية حرام عليهم الازهر

التربيه والتعليم فيهم محافظات كتير خلصت اجراءات التثبيت وزملاء كتير استلموا خطابات التعيين

انا اللى بطرح السؤال ؟؟؟؟؟؟؟؟؟؟؟؟؟؟؟؟؟؟ هو فين التثبيت...
حت النهاده منطقة سوهاج وكل الاهتمام منصب على الكادر وسايبين التثبيت خالص......انا لله وانا اليه راجعون

متخوفوش الناس التثبيت حصل خلاص كلها مسألة وقت

no there are alot of them before the end of march

لكن ده يبقى حرررررررررام لو هننتظر لشهر 7 كفايه انتظار احنا انتظرنا كتييييييييييييييييير لسه كمان هننتظر بجد كده هنشعر بالظلم لان زملاءنا فى التربيه والتعليم خلاص استلموا

ادعو بالتساهيل

انا لسه متصل حالا بشئونا لعاملين تعيينات قالوا المناطق بتجمع لنا الاعداد الى مر عليها 3 سنوات وبيحذفوا الناس المنقطعه عن العمل عشان نعرف الاعداد الحقيقيه بالظبط عشان نوفر الدرجات الطلوبه ولكها ايام ان شاء الله ونحصل على القرار لكن المفرووووووووووض المناطق تستلم الملفات لكن هما بقه كسالى

القرار الخاص بالتثبيت صدر واحب ان الفت نظر الزملاء لحاجة هامة
اولا : قرار وزير المالية ورئيس الجهاز المركزي للتنظيم والادارة والقائم باعمال وزير التنمية الادارية بتثبيت كل من امضي ثلاثة اعوام تم وانتهي وده ينطبق علينا
ثانيا : كانت المشكله كلها في منشور التثبيت اللي وصل من القاهرة للمناطق والمنشور كان لا يشمل قرارات انما كان كل كلامه في ضوء قرار وزير المالية والتنظيم والادارة واضيف لها مشكلة الكادر واتعطلنا
ثالثا : لما قمنا بعمل اعتراض ووقفات اصدر شيخ الازهر قرار التثبيت بدون شروط لكل من امضي ثلاث سنوات مع تاجيل باقي الشروط وبناء علي ذلك وصل المناطق منشور التثبيت الجديد
واحنا في اسيوط تقريبا تم تجميع معظم ملفات المستحقين للتثبيت وذلا لارسالها للقاهرة
وبالنسبة لاخوانا في التربية والتعليم اللي امتحنوا كادر من سنة ونص ورقهم مستوفي تماما وبذلك كان تنفيذ القرار اسرع لديهم
واحب ان انوه الي ان التربية والتعليم اصدرت قراراا بتثبيت كل من امضي ثلاثة اعوام بدون شروط تقليدا للازهر وليس العكس فقد كان الازهر سبلقا في رفع الظلم عنا
واهم حاجة احنا موجوديين وبنراقب واي تراجع عن التعهدات اللي قطعها مسؤلو الازهر علي انفسهم نسطيع ان نتصرف وناخذ حقنا
ولا اعتقد ان وضع البلد يسمح بهذه الامور
حفظ الله مصر والازهر وكل مؤسسات البلد
واقول لاخواني المتشائمين ( يسروا ولا تعسروا وبشروا ولا تنفروا)

يلتقى مجلس نقابة التمريض الدكتور أشرف حاتم وزير الصحة الخميس المقبل، لمناقشة رفع الحوافز والبدلات، بالإضافة إلى مجمل القضايا العالقة بين النقابة والوزارة.

وقال فتحى البنا نقيب التمريض فى تصريحات لـ "اليوم السابع" إن وزير الصحة وافق على رفع راتب الحاصلين على بكالوريوس التمريض إلى 1100 جنيه والدبلوم لـ800 جنيه شاملة الحوافز، بالإضافة إلى رفع بدلات السهر إلى 15 جنيهاً والنوبتجيات إلى 10 جنيهات.

وطالب النقيب بانضمام النقابة إلى اتحاد المهن الطبية، مع التمتع بكامل حقوقهم المالية، مشيراً إلى ضرورة تعديل قانون مزاولة المهنة بما يواكب المستجدات التى طرأت على المهنة فى السنوات الأخيرة، لافتاً إلى موافقة وزير الصحة على منح دفعة دبلوم التمريض 2007 تراخيص مزاولة المهنة.

طيب والازهر ليه ميثبتش دفعة اولى الناس اللى امتحنت وقدمت اى سي دي ال وبعدين ياخد ال3 سنين زى التربية والتعليم ولكن لنا الله