|
هام لمن يعمل فى غير تحصصه
السلام عليكم ورحمة الله وبركاته اولاً نحن جميعاً نحيى الثورة العظمية والتى قامت وقالت كلمتها لا للفساد والظلم ثانياً مصر فوق الجميع ولا ادعو للتظاهر الفئوى لمجرد التظاهر ولكن من يريد الحصول على حقه ليس امامه سوى الوقوف فلقد سلكت جميع القنوات الشرعية للحصول عليه ولكن دون جدوى . ثالثاً لقد كتبت فى تلك الموضوع من قبل ووجدت كثيراً يعانى نفس المشكلة والان وبعد ان قمت بتجميع كل المحاور للوصول وطريقة التعامل مع حل تلك المشكلة ليس امامنا سوى العمل بنصحية احد العاملين بوزارة التربية والتعليم كلنا يوافق على اخذ حقه واعطاه ما عليه من حقوق اليوم كنت بوزارة التربية والتعليم لمقابلة مدير او رئيس لجنة الفتوى بالوزارة بخصوص من يعمل فى مجال غير مؤهله الدارسى وانا منهم امثال خريجوا كلية التربية العام وحملة الماجستير والدكتوراه الذين يعملون بالمرحلة الابتدائية وغيرنا يحمل مؤهلات ليست اقل منا ولكن هى خاصة بالمرحلة الابتدائية من تربية تعليم ابتدائى ودبلوم المعلمين فوفقاً للمادة 77 من قانون الكادر رقم 155 لعام 2007 الفاسدة والتى وضعها الوزير الفاسد يسرى الجمل تلك المادة التى تنص على مجال عمل المعلم داخل المراحل التعليمية ليس بالمؤهل الدارسى ولكن باجتيازه اختبار الاكاديمية الامر الذى اعطى فرصة كبيرة لاصحاب النفوس الضعيفة والقلوب المريضة بمساعدة مؤهلات التربية تعليم ابتدائى ودبلوم المعلمين بالتسجيل على مرحل عليا من اعدادية وثانوية وعند اجتيازهم للاختبار تم نقلهم قانونياً وفقا لتلك المادة للعمل بالمرحلة الخاصة بالاختبار وليس المؤهل الدارسى هل هو تطوير التعليم الذى اوجع راسنا من المسؤلين ودخول خريجوا التربية العام وهم لا يحملون سواه دون المحسوبية الواسطة لاختبار على المرحلة الابتدائية ليتم بقائهم وتثبيتهم عليها فكان كلام السيد رئيس لجنة الفتوى لى بانه اصدر قرارات نقل لمؤهلات تربية تعليم ابتدائى ودبلوم معلمين بالنقل للمرحلة الممتحن عليها مستندا لتلك المادة دون المؤهل الدراسى وقال هذا قرار وزارى وعلى الرغم من علمى بانه مضيعة لحقوق الكثير ولكن ليس بيدى شيئاً فالتسكين على مرحلة الاختبار وليس المؤهل سواء للمتعاقد او المعين سابقاً وطبعا كلنا يريد ان يعمل تحت مبدأ تكافؤ الفرص وفقا للمؤهلات الدراسية وللاسف لا يجوز الا لمن لم يمتحن من قبل ومن تم اختباره لا يجوز له اى شئ سوا البقاء ولما تطلب من الاكاديمية تسجيلك على المرحلة المناسبة للمؤهل لا توافق لانك على مرحلة ابتدائية فيجب عليك النقل الاول اليها ولما تطلب من الادارة او المديرية او الوزارة نقلك للمرحلة المناسبة لمؤهلك لا توافق لانك امتحنت على المرحلة الابتدائية وتدور فى حلقة مغلقة ولا تجد منها مخرج او بمعنى اخر ( البيضة الاول ولا الفرخة ) لذا يجب علينا الاتحاد حتى نسقط تلك المادة او على الاقل تعدل لان يكون الاختبار مناسب للمؤهل الدارسى والتسكين بالوظيفة مناسب للمؤهل الدارسى ايضاً ومن يريد الاصلح فعليه الاتصال بى على الايميل التالى mohamed.allame على الياهو او الاتصال بالرقم التالى 0192302965 حتى نقف معا مطالبين بالقضاء على تلك الظلم وعودة حقوقنا لنا واضعين فى ذهننا ان علينا حقوق لا نتجاهلها تجاه وطننا الحبيب |
أين انتم يا من ضاع مستقبلكم ومستقبل أبنائكم بسبب قانون الكادر مادة 77
|
حسبنا الله ونعمه الوكيل
|
طيب انا معاك اية المطلوب بالظبط
|
انا معك ومعى كثيرون نعمل اخصائيين مكتبات ولكن تخصصى فرنسى وغيرى انجليزى ومواد اخرى كثيره تعبت من اللف والدوراران وناوى اروح لاخر الدنيا بس اللى معطلنى انى مشغول الايام دى فقط فى موضوع الماجستر
|
تمام نريد ان نجتمع على اكبر عدد منا ونحدد يوم من الاسبوع القادم للذهاب امام الوزارة
|
لو سمحت الادارة تثبت هذا الموضوع لما له من اهمية على مستقبل من يحملون المؤهلات المناسبة للمرحلة المناسبة وشكراً
|
انا معاااااااااااااااكم يا استاذ محمد واقسم بالله قولوا امتى رايحين وانا هكون معاكم باذن الله
|
تليفونى 0113599191
|
الدقهلية معاكم ان شاء الله
|
ر جاء تثبيت الموضوووووووووووووووووووووووووووع
|
ربنا معاكم
|
انا كمان معكم وحسبنا الله ونعم الوكيل
|
وانا معاكم حسبنا الله و نعمه الوكيل فى اللى ظلمنا
لازم كلنا يغير تخصص مدرس الفصل وكل واحد منا يستلم تخصصه اللى فى الشهاده الجامعيه |
حتى لو اضطرينا ندخل امتحان تانى ونغير التخصص
|
يا جماعة بخصوص الحصول على البكالوريوس فى تخصص والعمل فى تخصص
أخر ما العمل اداب فرنسى يعمل امين مكتبة |
على فكرة فيه ناس كتير اتصلت وممكن نحدد ميعاد للذهاب هناك وسلمياً
|
وانا كمان معاكم الواحد خايف يكمل دراسته العليا وهو لسه في الابتدائي
صعب جدا التدريس في غير مكانه \ومعلمين كثر معي في هذا |
أنا خريج تربية عام قسم فلسفة واجتماع 2003
وتعينت مدرس فصل ........ |
وعلى فكرة أنا فرحان بالتعيين
ومش عاوزين نتمرد على المرحلة اللى لولها مكنش حد أشتغل لأني عن نفسى مكنش أدامى شغل الا ابتدائى الخلاصة اللى عنده عجز فى تخصصه يسعى لسده هل يعقل أن كلو عاوز يشتغل فى تخصصه حتى لو مفهش عجز |
حسبنا الله ونعم الوكيل انا اعمل حاسب الى وتخصصى علوم
|
الحمد لله
مبروووووووووووك للجميع التعيييييييين |
كان الله فى عونكم وما ضاع حق وراءه مطالب
|
امتى هنروح حددوا المعاد بسرعة
|
اصبر يا مسيو عاطف الحمد لله فيه اقبال كبير
وفيه ناس كتير اتصلت بيا وان شاء الله هنحدد الميعادالاسبوع ده مع بعض ونروح ان شاء الله |
رجاء من الادارة ياريت تثبيت تلك الموضوع رجاءاً وشكراَ
|
انا معاكم بس نتكلم فى التخصص والمرحلة انا تربية عام وشغاله ابتدائى نفسيا تعبت عايزه اثبت اعدادى طلقا للمؤهل يا ريت نتكلم فى المرحلة والتخصص كل واحد لازم يكون فى مكانه طبقا للمؤهل
|
ياريت ياحضرات اللى بيقول انا معاكم ياريت اما يتصل على الارقام المكتوبة فى اول المشاركات بتاعى او رقم الاستاذ عاطف لاننا بنعمل كشف بالاسماء والعنوان لحين تحديد المعياد لكى يكون فيه وسيلة اتصال مباشرة بيننا
الكشف الان اللى انا عامله بالاسماء وارقام التليفونات والعناوين وصل لعدد كويس والكل عنده استعداد انه يسافر معانا ونقف |
رجاااااااااااااء من السيد المشرف تثبيت الموضوووووووووووع لأهميتة
|
ما ضاع حق وراءه مطالب ونحن نطالب بحقوقنا ليس اكثر لقد استلمنا عملنا فى أوقات كان يسودها الغموض حيث كثيراً من القيادات بدايةً من وزير وحتى مدير مرحلة هم اعضاء حزب وطنى الامر الذى جعل الكثير منهم اثناء استلامنا للعمل اما الرضاء بالامر الواقع او الطرد فى الشارع وظللنا نطالب ونطال قبل الثورة وكثرة الضغط تولد الانفجار تلك هى الامور التى جعلت الشباب ينفجر ويقوم بتلك الثورة الجميلة
انما نحن نطالب بتسكيننا على المرحلة الاعدادية وفقا للمؤهل وعودة المؤهلات الابتدائية من تعليم ابتدائى وغيره لطبيعة عملهم الان مايحدث ليس بعدالة يقولون من لم يمتحن يتم التعديل له بينما من اجتاز الاختبار ليس له صلاحية التعديل وفقا للقوانين اين تلك القوانين الناصفة فقد تم تعديل الدستور نفسه فقاً للديمقراطية والحرية الشعبية |
بنطلب من الادارة تثبيت الموضوع مش عارف ليه مش راضية
|
علي فكرة كده ما يصحش يا سااااااااااااااااادة انا طلب منكم عدة مرات تثبتو الموضوع ومفيش فايدة برضة ياريت نثبت الموضوع لأهميتة لعدد كبير من المعلمييييييييييييييييييييييييييين
|
انا معاكم انا عايز اعدادى كفايةذل فى ابتدائى النهاردة مدرس مجال صناعى بدبلوم صنايع بيقولى اتثبت و بقيت زىى و انا حاصل على دبلومة خاصة جيد جدا و هو مدرس مجال صناعى.اميلى هوgentlegeorge67*yahoo
|
انا معاكم انا عايز اعدادى كفايةذل فى ابتدائى النهاردة مدرس مجال صناعى بدبلوم صنايع بيقولى اتثبت و بقيت زىى و انا حاصل على دبلومة خاصة جيد جدا و هو مدرس مجال صناعى.اميلى هوgentlegeorge67*yahoo
|
ياريت اخوانى كل اللى بيقول انا معاكم يترك وسيلة اتصال او يتصل على الرقم الموجود باول مشاركة حتى يتم درج اسمه بالكشف حتى نتمكن من الاتصال به مش يقول انا معاكم وبس رجاء
|
جميل جدااااااااااااااا
|
الللة ينوررررررررررررررررررررررررررررررررر
|
النهارده الموجه بتاعى جايبلى امر نقل من الاعدادى للابتدائى على اساس ان اسمى جه فى اللى امتحنوا كادر مدرس فصل مع انى غيرت التخصص من اكتر من شهرين ونقلت اعدادى وشغال فى الثانوى مدرس فرنساوى منتدب بقالى سنتين
اعمل ايه معاه ؟ انا مش هقبل النقل |
ولا يهمك يا مسيو عاطف
|
الى اخوانى الى من عاش الظلم فترات طويلة الى من تم اجباره على العمل بالمرحلة الابتدائية فى حين يعمل بالمرحلة الاعدادية من هم مؤهلون للمرحلة الابتدائية هم ليس اقل منا ولا هى اهانه منا لهم
ولكن كل خلق لما يسر له اصبحنا الان عدداً لا بأس منه اود ان ابشركم بالاتحاد الذى وصلنا له ياريت اللى لسه ماتصلش يتصل بينا حد نحد اليوم اللى هنطالب فيه بالاحترام والادب والسلمية حقنا |
اقتباس:
بس ياريت تنروح فى اقرب وقت وحددوا المعاد علشان اخد اجازة اعتيادى |
يا جماعة ياريت نحدد اليوم بقى ونذهب جميعاً لان كده حرام
استفسار يا ترى في حد منكم عمل اقرار قيام بالعمل كمعلم اصل احنا الاسماء وصلت الادارة بس معملناش اي حاجة بيها |
يا جماعة ياريت نحدد اليوم بقى ونذهب جميعاً لان كده حرام
استفسار يا ترى في حد منكم عمل اقرار قيام بالعمل كمعلم اصل احنا الاسماء وصلت الادارة بس معملناش اي حاجة بيها |
kwنصبر شوية يا جماعة حتى يتم استلام التعيين للكل ونحدد الميعاد ونروح الوزارة
|
الشرقية معانا بقوة والدقهلية والاسكندرية و.............................عايزن حد من الغربية يرتب معانا ويتصل بينا
|
والله لو اتعينا فى الابتدائى ما هنقدر نخلع منه ولو بالزمر البلدى
مش دى عقدتنا واحنا بالتعاقد مش لازم نصبر انا معاكم ولو قلتم بكرة هكون قبلكم ان شاء الله |
الله ينور عليك استاذ محمد فيثاغورس الكل بدأ يتشجع ايوه كدا يا أصحاب الحقوق الضائعة
|
موضوع مهم جدا وربنا يوفق الجميع
|
عاوزين كل واحد يحاول يوصل الخبر فى جميع الادارات وننظم نفسنا الاتصال مع مسيو عاطف والاستاذ محمد علام العد بيكبر وانا متابع كويس جدا
|
لا إله إلا الله علية توكلنا و هو رب العرش العظيم
بإذن الله أنا معاكم , والله أنا محسيتش بفرحة التعيين بسبب هذا الأحباط من عملى على أبتدائى فى الوقت اللى شايف فية ناس غير متخصصة تعمل فى أعدادى و ثانوى لأنها أقدم شوية ليسانس آداب و تربية _ لغة أنجليزية عام دبلومه عامة إعداد معلم فى الآداب دبلومة خاصة إعداد معلم فى الأدب الأنجليزى و بدرس كات و هات و رات... لحد ممات ( الله يرحمه) ربنا معانا و شوفو هتعملوا أية لوقف هذة المهزلة و أنا معاكم |
| جميع الأوقات بتوقيت GMT +2. الساعة الآن 04:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.