موضوع مثير للجدل !!!!!!!!!
 

بجد انا مش عارفه ابدا منين و لا ازاى بس بجد الموضوع ده

شاغل دماغى جدا و انتشر جدا و اصبح اساس

المجتمع عارفه انى طولت عليكوا هخش فى الموضوع على طول

الموضوع باختصار بخصوص المستوى التعليمى

اوضح اكتر زمان كان الرجل بيتزوج المرأة لاربعة اسباب كلنا

نعرفهم

او كما يقول الرسول الكريم

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

لكن دلوقتى اصبحت تنحك المرأة لمستواها التعليمى اى ان معظم الشباب و ليس طبعا كلهم يبحثون عن الدكتور و لا المهندسة و لا الصيدلانيه ده بالنسبه للكليات العلمية او ما يعادلها فى الادبيه زى اعلام و اقتصاد و علو سياسية و غيرهم عشان يتجوزها دون التفكير فى اى شئ تانى مع ان الادب فضلوه عن العلم و لكن اصبح المستوى التعليمى هو الارجح و كل واحد اول ما يفكر يتجوز يقول اشوف واحده فى نفس مستوايا التعليمى او اكتر كمان مش عارفه ليـــــــــه ؟؟؟؟؟؟

بجد احترت و يمكن اكون فاهمه غلط

و بجد مستنيه ارئكوا فى الموضوع ده بالذات لانى اتعودت انى اشوركوا فى كل حاجه لانكوا زى اخواتى :d

طبعا الدين شىء مهم وده الاساس لكن الكفاءة فى الزواج بشكل علمى او اجتماعى لم ينكره الدين علينا وبعدين معلش يعنى هو التدين مرتبط بس بالمستويات الادنى اللى ممكن متكونش مناسبة لحياتنا لاء طبعا ده موجود فى كل المستويات وبظلال متفاوتة يعنى التوسط مطلوب والالتزام والاكثر التزاما فى كل الاوساط فى الزواج ننظر للشخص ككل تدين طباع وشكل واسرة ومستوى ثقافى وعلمى ومنا من يغلب شيئا على الاخر واخر يفضل ان ياخذ الحد الادنى او الحد المقبول من كل شىء فتواجد كل شىءفى واحد هو امر صعب تماما
وفقك الله وانصحك بان لاتنظرى للامور هكذا فالزواج اولا واخيرا رزق مقدرمن عنده سبحانه ولن يفوت احد رزقه

اوكى انا فاهمه حضرتك بس انا شوفت خطوبات كتييييييييييير كلها عشان المستوى التعليمى و بس و لا بصوا و لا للدين و لا للجمال اصلا .

انا من رايئ الدين اهم حاااااجة وبعدين الجماااااال ويكون مستواااها التعليمى كووويس
لانهااا مش هتكون زوجة وبس لا هتكووون ام لاولاد

ده اكيد لكن طبعا المستوى التعليمى مش رقم واحد

بمعنى ان الشاب يتجوز مدرسه متدينه افضل من دكتوره ضعيفة الدين و الايمان .

اكييييد طبعاااااا هتفيدنى فى ايه الدكتورة مش عااااوز كشف ببلاش:d

اعتقد انو المفروض الكل يبص على الدين و الاخلاق والمستوى الديني مهم

هههههههههههههه

لا يا متر مش ده الغرض و لكن ما تدخله من دخل فى البيت هو الى مهم :blush:

ههههههههههههههـ وهو فى راجل بمعنى راجل هيتزوج علشان مراته تصرف عليه:excl:

طبعا بس بجد الزمن اتغير او بمعنى اصح اتدهور .

طبعا يا تووته و بجد نورتى .

مش معنى انها بتدخل دخل انها بتصرف عليه لكن بتساعده عشان يعيشوا عيشه مرتاح بس والله لو الانسان
مكنش هيتجوز البنت الا عشان ذاتها يبقى مينفعش .

بجد نورتى و دايما ردودك بتكون احلى من الموضوع نفسه .

بجد ارئكوا ريحتنى جدا و انا خلاص اقتنعت و مش هتنازل عن دكتور :d .

لالالالالالالالالالالالالالا اوعى تكونى زعلتى انا بهزر و الله .

أعتذر عن الخروج عن الموضوع
ولكنك اليوم قمتي بوضع أكثر من موضوع في القسم العام
وقوانين القسم لا تسمح إلا بموضوع واحد في اليوم حتي
يتاح لبقية الأعضاء وضع موضوعات أخري وكذلك يأخذ كل
موضوع حقه من النقاش والتفاعل .
عليكي اختيار أحد هذه الموضوعات لتركه مفتوحاً لكي أغلق
باقي الموضوعات الخاصة بكي , علي أن يعاد فتحها بواقع موضوع
واحد كل يوم .
أعتذر مرة أخري عن الخروج عن الموضوع .

اوكى يا مستر خلى ده مفتوح على ما الاداره تتصرف فى موضوع فكره جديد .

أولاً بالنسبة للموضوع
فأنا لا أتفق علي أن معظم الشباب يبحثون عن الزواج ممن هن في مستوي تعليمي
أعلي منهم ( ربما كان في نفس مستواهم , ولكن أعلي ... لا .. أقلية من يفعلون ذلك )
كما أنني مازلت أري بأن الدين والأخلاق هما الأهم في اختيار الفتاة ويأتي بعدهما المستوي التعليمي والاجتماعي وغيره .
ثانياً : بالنسبة للتعليقات علي الموضوع
أعتقد بأنه قد حدث خلط بين الشهادة العلمية وبين المركز الوظيفي .
فلو أن فتاة تخرجت من كلية الطب أو الهندسة مثلاً ولكنها لا تعمل , فلا يوجد أي مانع من أن تتزوج من أي خريج جامعي ( هي تحمل شهادة فقط ولن يحدث بينهما مشاكل علي نوع الشهادة )
أما ان كانت الفتاة تعمل فهنا أعتقد أننا يجب أن ننظر إلي المركز الوظيفي وليس المؤهل الجامعي , فمثلاً ان كان الشاب خريج لكلية الحقوق ( 4 سنوات ) ولكن تم تعيينه في النيابة وأصبح وكيل نيابة ( لا يستطيع أحد أن ينكر بأنه مركز مرموق جداً ) فلا يوجد أي موانع لديه من الارتباط بأية فتاة تحمل أي مؤهل جامعي وتعمل به .
نفس الأمر ينطبق علي رجال الأعمال الناجحين في أعمالهم بصرف النظر عن نوع المؤهل الجامعي . وكذلك ينطبق علي الضباط سواء للكليات الحربية أو كلية الشرطة , بالرغم من أن دراسة كل منهم هي أربع سنوات أيضاً , ولكن كما قلت المركز الوظيفي هو الذي يجب أن يؤخذ بعين الاعتبار .
شكراً علي هذا الموضوع .
تقبلي مروري .

شكرا يا مستر و بجد رائ حضرتك هو الصواب و قولت المفيد الى ريحنى .

شكرا ليك انت يا طاهر و نورت و لكن لا يوجد شعور الان

فاصبح من يحب ( طبعا ده على قدر كلامه انه يحب ) يحقق ايات المنافق الثلاث

اذا حدث كذب ( و طبعا معظم الكلام و المشاعر كلها كاذبه ) و اذا وعد اخلف ( و ده الطبيعى يوعد و عند الجد

يخلع ) و اذا ءأتمن خان ( و طبعا بقى مش محتاجه اقول حاجه على الخيانه دى بقت اشهر من النار على العلم )

معلش طولت عليكوا .

اطالة ايه ده حضرتك نورت الموضوع و بجد حضرتك معك حق و شاهدت انا شخصيا مشاكل كثير و طلاقات اكثر لنفس الاسباب و بجد بشكر حضرتك مره تانيه و ربنا يزيدك .

أنا رأيى إن الدين عامل مهم جدا فى الإختيار
لكن هناك عوامل أخرى مهمة جدا
وكون الفتاة متدينة وكفى ... فهذا لا يكفى ولا يناسب كل الشباب
انا أبحث عن فتاة ملتزمة لكن وفق ما انا ملتزم به ... مستواها الثقافى والاجتماعى متقارب منى ... لا تفوقنى كثيرا ... ولا أقوقها كثيرا ...
التوافق ... هو اهم العناصر من وجهة نظرى
وأشكركم

اكيد استاذ هانى و لكنى اعود الى نفس النقطه و نفس السؤال ان المؤهل ليس هو كل شئ :blush:

و كما يقول الرسول الكريم

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ


لكن دلوقتى اصبحت تنكح المرأة لمستواها التعليمى
اى ان معظم الشباب و ليس طبعا كلهم يبحثون عن الدكتور و لا المهندسة و لا الصيدلانيه ده بالنسبه للكليات العلمية او ما يعادلها فى الادبيه زى اعلام و اقتصاد و علو سياسية و غيرهم عشان يتجوزها دون التفكير فى اى شئ تانى
مع ان الادب فضلوه عن العلم
و لكن اصبح المستوى التعليمى هو الارجح و كل واحد اول ما يفكر يتجوز يقول اشوف واحده فى نفس مستوايا التعليمى او اكتر كمان مش عارفه ليـــــــــه ؟؟؟؟؟؟

تشرفنا بوجهة نظرك و نورتى الموضوع .

ماحدش جاب سيره كليه علوم ده انا علي كده بقي مش هلاقي عروسه !!!!!

لا العرايس كتير هو حد يطول كليه علوم بردو :d

عندك حق و انا بحترم رايك و نورتى الموضوع .