|
اعـــــتـــــــــــــصـــــــــــــــــــــــــــا م !!!!!
السلام عليكم ورحمة الله وبركاته اخوانى المعلمين كلكم عارفين انى من اول الناس اللى طالبت بالاعتصام من بداية 30 يناير وقمت بانشاء صفحة معلمون معتصمون لجمع المعلمين فيها المهم قامت الثورة قبلها وفشل اعتصامنا فى 30 يناير وصدقونى 30 يناير كان اقوى ميعاد تم تحديده وجمع أكبر عدد متفق عليه فى ظل المواعيد المتخذه من بعده وفى وضعنا الحالى بعدالثورة قمنا بعد الثورة واعتصمنا بعد كل الوزارات والحمد لله على كل حال مش هنتكلم وانتو عارفين لكل واحد بيفكر فى الاعتصام دلوقتى ياريت بجد .. لازم نصبر على البلد ونديهم فرصة يعدلوا الأوضاع فى ظل حكومة عصام شرف الحالية كل واحد يحط نفسه مكان المسئولين دلوقتى الموضوع صعب جدا ولو انت مكانه بجد هتتعب لما تلاقى كل الناس طالعة باعتصامات .. طيب هتشتغل ازاى لازم نبدأ بأنفسنا والوقت مش مناسب نهائى وعلى فكرة كثرة تحديد المواعيد للاعتصام ودا بيفقد مصداقية اعتصامنا والمواعيد المتخذه لدى الكثير و اللى بيقول اعتصام دلوقتى صدقونى بيأكد على تشتيت المعلمين وتفرقتهم فياريت الهدوء والتفكير بعمق وصدقونى نديهم فرصة يقدرو يوقفوا البلد على رجليها وبعدها نقرر لو لم يتم التغيير ساعتها الكل هيجتمع ويقف ايد واحدة ويكون متفق .. لا معارض وساعتها بجد ممكن .. ممكن المعلم يعمل حاجة ودلوقتى ياريت نفكر فى شغلنا وحق بلدنا علينا كمعلمين .............. |
هو ده الكلام المظبوط الوقت الحالي هو وقت العمل فقط
|
أوافقك الرأى
فى البداية عندما قررتم الاعتصام لم تكن مصر تمر بتلك المرحلة الحرجة التى نمر بها الآن ولكن تطور وتدهور المور يجعل من العقل أن نصبر قليلاً لا نقول ليس من حقكم التعيين بل هو حقكم مؤكد لا نقول اسكتوا عن المطالبة بالحق ولكن ليتخذ الطلب اشكال اخرى غير الاعتصام والمظاهرات وعندما تمر الأزمة بسلام مؤكد سيعم الرخاء على الجميع وتحقق مطالبكم إن شاء الله خالص تقديرى لتقديم مصلحة البلاد فوق مصالحنا الشخصية |
عندكم حق والله
ياريت نعطى الحكومة فرصة تشتغل الاول |
كلامك جميل جدا
وهو ده اللى كلنا نتمناه مصلحة بلدنا أولا |
جاااااااااااااااااء وقت العمل
لابد من اتاحت الفرصة للعمل وفقنا الله لما يحب و يرضى |
اقتباس:
ولما المعلم ياخد قرار يبقا الكل مجتمع عليه ويكون الوقت مناسب اقتباس:
لكى منا كل التحية وندعو سويا للصبر على حكومة عصام شرف الحالية والله الموفق |
تحيا مصر .. بالعمل والاستقرار .. وليس بالأعتصام
أشكر صاحب هذا الموضوع بشدة |
كل الشكر لكل من تفاعل مع الموضوع
والله المستعان على ما نحن فيه |
انا مش معاك يا احمد الثورة خرجت حسني والعادلي وكام واحد من البلد لكن لسه البلد منضفتش علي الاقل عندنا اعتصامات الناس هي دليل الظلم اللي اتعرضوله واللي بيتعرضوله وساعة لما يقدروا يقولوا لا تحوشهم انت والله هذا ما يصح
|
اقتباس:
الثورة لما قامت زى ما قلت نضفت البلد من حسنى وغيره وزى العادلى وغيره ....... انما المعلم دلوقتى قايم على رجل واحدة ومش قادر يقف ودا لان فى انقسام ما بين مؤيد ومعارض والسبب ان الوقت الحالى غير مناسب نصير شوية وبعدها نقرر الوقت لو مناسب يا سيد كان الكل اتفق وبدون تفكير ولا احنا صبرنا كل السنين مع حكومة فاسدة مش قادرين نصبر شوية مع حكومة ان شاء الله نتفائل بها خيراً |
لا يعم مش قادر اصبر لما اشوف كل الناس في كل المحافظات بتبارك لبعضيها يبقي مش هصبر لما اشوف المحافظة الواحده فيها ادارة بتستتلم وادارة لا يبقي مش هصبر البلد لسه منضفتش ومش هنضف وبعدين جت علينا احنا ميريحونا يا اخي ما احنا ياما هلكنا من الحصص ووالذل ولا لازم نفضل راضيين عشان البلد ان كان كده يا سيدي انا سايبلكم الوطنيه وانا مش وطني اذا كان القبول بالظلم والمذله وطنيه يبقي انا مش وطني ياعم ومش عايزها الوطنيه احنا عشنا طول عمرنا مواطنين درجه ثالثه ومش هينفع نستمر
|
هو دا الكلام المظبوط ندى فرصه للناس تشتغل
|
دقت ساعة العمل الي الامامممممممممممممممممممممممممممم
|
هوووو ده الكلالالالام يا مستر احمد
بس توقيعك بيقووول غير كده معلش ياااريت تغيره |
هو طبعا لازم الحكومه تاخد فرصه , لكن وزير التربيه والتعليم لازم يتحرك شويه , نفسى اشوفه مره يقول ان من تنطبق عليه شروط معينه سيتم تعيينه فى يوم او شهر محدد, وان اجور المعلم سيتم وضع حد ادنى لها يكون معقول,لكن تحس انه مش فارقه معاه ولا كانه وزير التعليم,يعنى لازم توصله مطالبنا ويكون ليه رد قاطع و محدد
|
اقتباس:
على فكره الكلام ده مش صحيح مع احترامى الشديد لحضرتك الناس انقسمت لان كل اللى اتعينوا وامتحنوا كادر ونجحوا ملهمش مصلحه فى الاعتصام وبعد كدا لما صدر القرار بتثبيت كل اللى عده عليه 3 سنين هما كمان بقى مش من مصلحتهم يعتصموا خلينا صرح كل واحد بيدور على مصلحته الشخصيه واى واحد بيقول غير كدب يبقى بيكدب على نفسه وعلى اللى حوليه |
اقتباس:
يا حاج احمد يا بتاع الالعاب تعددت الاسباب والموت واحد تغيرت الاشكال ولكن العقول كما هى مازال المرتشى مرتشى مازال الموظف الروتينى كما هو روتينى مازال الادارى الكسول اكثر كسلا ما زال عدم تحمل المسئولية كما هو اوعى حد يفتكرنى متشائم لا سمح الله ولكنى مصاب بخيبة امل |
اه يا حزين
|
البلد لسه منضفتشى بس مش معنى كدة الاعتصام معنى كدة ان الحكومه تبقى سريعه فى خطواتها شويه ضد الفساد اللى لسه مالى البلد واللى مشجع الناس على الاعتصامات لحد الوقت ده
|
اتفق معك فى الراى استاذ احمد
نديهم فرصة لحد البلد ما تقف على رجليها الاول وربنا يوفق الجميع |
اقتباس:
بصى يا ريهمسة احنا مش هنضحك على بعض وقوف دلوقتى محدش هيقف اذا كنا قبل القرارات اللى نزلت والناس كانت بتكسل تخرج من بيتها والله راح كانوا معدودين يبقا ايه لازمة الكلام دلوقتى ومحدش بيروح يبقا لازم نصبر ونسيب الحكومة تشتغل ونشوف ولو مفيش تغيير ساعتها نشوف هنتفق ولا لأ |
ربنا يكرمنا اجمعين
ويحمى مصر |
كلام جمييييييييييييييييييييييييل جدا جددددددددددددددددددددددا
عندي سؤال ياريت احصل علي اجابة كل ماأحب اضيف موضوع او احصل علي احد الملفات المرفقة للأعضاء تظهر هذه الرسالة , لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر: حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟ إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة. محدش يعرف ايه السبب |
اقتباس:
أستاذى الفاضل الناس من قبل صدور أى قرار كانت متخاذلة وكان عدد قليل اللى بيروح الاعتصام دى الحقيقة واللى راح معان عارف دا كويس قوى وازداد الانقسام اكثر بعد صدور القرارات بالتعيين للبعض والبعض الآخر لا هذه هى الحقيقة ولعم حضرتك توقفى عن الاعتصام كان بعد احداث اعتصام 20 فبراير وقبل صدور اى قرار حقيقى للوزارة واتمنى ان نتحد لكن الوضح الن صعب فلم نتحد قبل كيف لنا أن نتحد الآن |
سؤال يامستر احمد
انت فهمت اللي اقصده من كلامي !!!!!!!!! |
اقتباس:
معلش يا ريهمسة لو ردودى غير كافية ياريت توضحى |
عندي سؤال يا ناس
كل ماأحب اضيف موضوع او احصل علي احد الملفات المرفقة للأعضاء تظهر هذه الرسالة , لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر: حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟ إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة. محدش يعرف ايه السبب |
اقتباس:
لا أتذكر اذا كان المنتدى يتطلب عدد 50 مشاركة لتحميل الملفات أم لا جرب وحمل المرفق الآن فعدد مشاركاتك تعدى ال 55 مشاركة وان لم تفلح فى التحميل راسل احد مشرفى المنتدى لحل هذه المشكلة والله الموفق |
باااارك الله فيك يا احمد
اسفففففففففففه |
اقتباس:
ابدا ياريهمسة انا اللى بعتذر لو كان ردى غير واضح شوية وفى النهاية الهدف واحد |
| جميع الأوقات بتوقيت GMT +2. الساعة الآن 04:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.