تعيين معيدين ومعيدات بجامعة الازهر
 

ورد فاكس الى جامعة الازهر بتاريخ 14\3 ونصه السيد الاستاذ الدكتور \عميد كلية .......... السلام عليكم . يرجى التكرم بموافاتنا بصفة عاجلة بأسماء الطلاب والطالبات الحاصلين على الدرجات العلمية في مرحلة الاجازة العالية بتقدير مرتبة الشرف <ممتاز _جيد جدا>اعتبارا من العام الجامعى 2002 حتى عام 2008 مع اعتبار هذا الموضوع هام وعاجل في موعد اقصاه 16\3\2011 وذلك لاتخاذ اجراءات تعيينهم معيدين ومعيدات كل في كليته وتخصصه والسلام عليكم ورحمة الله رئيس الجامعة في 14\3

هل الفاكس ده وصل جميع الكليات

والله اتمنى بس حقيقي لا اعرف اذا كان وصل جميع الكيات لكن اعتقد ذلك لان لهجته فيها اهتمام شديد الى جانب انه مش محدد اسم كليه وربنا مع الجميع

يعني يا ام رهف الكلام دا ان شا الله اكيد طيب وان معايا امتياز من 2006 من كلية التربية جامعة الازهر اعرف ازاي ان اسمي موجود ارجوك الرد السريع

ربنا ييسر امورنا انا عرفت من سكرتير عميد احدى الكليات وهو اعطانى صورة من الفاكس لكن حلفني انى مااوريهوش لاحد وهو معايا ونصه زي ماكتبت وهو وعدنى انه هيشوف كشوف الاسماء اللي هتخرج من الجامعة ونظامها ويبلغني وطبعا هبلغكو لو في جديد واحنا مالناش امل الا في وجهه الكريم

طيب امتياز ولا امتياز مع مرتبة الشرف لان اللي اعرفه ان امتياز اعلي من جيدجدا مع مرتبة الشرف

لا جيد جداا مع متربه الشرف اعلى من امتياز فقط

الفاكس طالب جيد جدا مع مرتبة الشرف وامتياز مع مرتبة الشرف وانا اتأكدت حالا ان في كليات حصرت الاسماء فعلا وهترسلها غدا

بعنى كل اللى تقديره جيدا جدا وامتياز ومرتبة شرف فى السنين دى هيتعين ؟؟؟؟؟؟؟؟؟؟؟؟؟؟؟؟؟؟؟ طب ياريت ممكن حد يوضح

والله ياسما الحب الفاكس زي ماكتبته ليكو اما بقا ناويين يعملو ايه بالضبط لست ادري وانما التوفيق بالله وانا تعمدت اكتب الموضوعهنا لانى اعلم ان غالبية المتقدمين لمسابقة المعلمين بالازهر اوائل دفعات وتقديرات عالية ربنا يفرح الجميع بس رأيي الشخصي انه حصر اولي هيتم بناءا عليه تحديد شروط والله اعلم

مبروكككككككككككككككك

من فضلك ممكن رقم التليفون الخاص بالمصدر للاهمية
ــــــــــ
لو وافقتي ممكن رسالة خاصة

نفس الكلام لحضرتك يااستاذ حسن المحترم بالتوفيق لينا ولاخت حضرتك هم قالو من 2002 الى 2008 ربنا مع الجميع انا متابعة الموضوع واي جديد هبلغكو والله لان ااحنا اسرة واحدة ربنا ييسر

بص حضرتك والله الراجل قالي لو ظهرتي الفاكس ده لحد عيشي هيتقطع فيها تحقيق وهو قريبي اصبرشوية لانو قالي ان الموضوع في اطار السرية بس انا اعرف ان حضرتك كنت معيد واتفصلت امنيا اظن ممكن ترجع بسهولة دلوقتي

ربنا يسترنا

شكرا لحضرتك

العفو على ايه ربنا يراضينا كلنا

والكلام دا موجه لجميع كليات جامعة الازهر

وانا دفعة 2007 تربية وحاصل على جيد جدا مع مرتبة الشرف

وشكرا يا ام رهف

أنا تخصص تاريخ لغة عربية القاهرة . دفعة 2006 .
لا يوجد سوى شخص واحد فقط معه تقدير جيد جيدا بمرتبة الشرف . وتم تعيينه معيدا .
وأنا ترتيبى الثانى بتقدير جيد جدا .
هل هناك نصيب .
مع العلم أننى الآن ما زلت فى الماجستير بصعوباته مع العمل فى التدريس .

أنا خريج كلية التربية جامعة الأزهر دفعة 2005 بتقدير ممتاز مع مرتبة الشرف هل لنا الحق فى التقدم بالتعيين أم لا

على البركةلللللل

على البركةتتتتتت

ان شاء الله يكون فيه نصيب لينا كلنا لكن احنا مش هنتقدم بأي حاجة لحد دلوقتي [رئاسة الجامعة طلبت من الكليات حصر اسماء المتعاقدين والمفروض ده شغل موظفين الجامعة وهتعرض الاسماء على الجهاز المركزي والمفروض يصدر قرار التعيين حسب توفر الدرجات المالية
يعنى ممكن يعينو الجميع ممكن ينزلو شروط ده رأيي الشخصي

إن شاء الله إلي الأمام وبالتوفيق لنا جميعا

بعد مراجعة الخبر مع بعض اخوانا قالوا
استحالة يعين هذة الاعداد بكاملها
ـــــــــــــــــــــــــــ

طب خريجى 2009 و2010 اة ظروفهم ياريت حد يرد علينا وهو الفاكس الى خريجى 2008 فقط

والله انا كمان مستصعبة الخبر لكن اللي حصل انا قلته ومعايا فاكس عليه ختم رئاسة الجامعة وامضاء الدكتور اسامة العبد لكن ممكن يكون حصر يشوفو الاعداد ويعينو بعد كده بشروط

لأ ما تعيطيش أنا موقفي أصعب منك
امتياز في أولى وتانية وثالثة
ورابعة جيد جدا مع مرتبة
وماجستير بامتياز
الصبر مفتاح الفرج

انا عايزه حد يقوللى اعمل ايه

لا ماتعيطيش ولاحاجة ربنا اعلم بعباده وعارف ان الناس دي كانت بتشتغل بالكوسة وليها شلة ومحسوبية وياما ناس اتظلمت على ايديهم وكلية الدراسات بالزقازيق اسوأ كلية مافيش ضمير والتصحيح من غير مقياس الاعند القلة القليلة هنصبر ده مش قرار تعيين ده بداية هنشوف هترسى على ايه وساعتها الامور هتتضح ربنا ييسر ويرد لكل ذي حق حقه

انا حيد جدا مرتبة شرف 2008 من كلية التربية تفهنا الاشراف مع متبعتى لحضرتكم اقول ان نظرتى للامور مختلفة معقول هيعينوا كل الاعداد دية دا دفعتى بس حوالى 300 واحد معاهم مرتبة شرف انا بقول كدة بس علشان بعد كدة ماتزعلوش

شكراً لحضرتك يا أم رهف علي هذا الموضوع الرائع ونتمني التوفيق للجميع فلو سامحتي يا أم رهف لو عرفتي أي شيئ أكثر عن هذا الموضوع تبلغينه فأنا أعمل مدرس لغة عربية با لأزهر منذ عام 2004وحتي الأن مع العلم أنني حاصل علي ليسانس اداب وتربية من جامعة الأزهر عام 2004 بتقدير إمتياز مع مرتبة الشرف وبارك الله فيكي يا ام رهف ومتعكي بالصحة والعافية

[جزاك الله خيرا على ادبك وذوقك ولكن انا لي طلب الفاكس ده جالى من كلية الدراسات الاسلامية والعربية ممكن اي حد من خريجي اي كلية اخرى يوصل جامعته ويسأل لاني حسيت ان مقصود على كليات الدرااسات الاسلامية هو مافيش في الفاكس ما يفيد ذلك بس مجرد احساس وشكراااا

اليوم الخميس جاءني احدى اوراق الكشف اللي في الاسماء المرشحة شكله مايطمنش ومافيش عقل يقول امكانية تعيين كل هذه الاسماء واتصلت بمعيدة في القاهرة قالت انهم بيحصروا الاسماء منهم هيكون معيد ومنهم هيتوزع كوظائف ادارية في الجامعات واللي خلص ماجستيرهيتعين على وظيفة مدرس مساعد وهكذا والله اعلى واعلم

الكلام ده صحيح 100% ومبروك للجميع
النهارده اتعلق كشف باسماء الحاصلين علي هذه التقديرات في كليه الدراسات الاسلاميه بنات بسوهاج

معلش يعنى ايه اتعلق كشف هل صدر قرار بتعيينهم ولا ايه اللي اعرفه انه حصر للتقدم بهذه الاسماء لرئاسة الجامعة ياريت توضح معنى كلام حضرتك

يعنى ايه الكلام ده؟
انا دفعة 2005دراسات اسلامية اسكندرية وتقديرى جيد جدا مع مرتبة الشرف
هل هذا الكلام صحيح.ونتأكد من مين؟

اعتقد من الجامعة بتاعت حضرتك وان كان ممكن من رئاسة الجامعة

عيطى واحنا معاكى

انا ممتاز مع مرتبة الشرف 2003 كلية التربية تفهنا الاشراف والسابع فى الترتيب العام للكلية هل ساكون منهم؟

التقدير امتياز لكن مفيش مرتبة شرف
اقدم ام لا
خريج تربية الازهر 2006
وحاصلى الدراسات العليا في التربية 2008
حد يفيدني

انا تربية لغة عربية 2007 جيد جدا مع مرتبة الشرف لينا امل وهل هيتم تعين كل هذه الاعداد معيدين

مافيش تقديم يااستاذ طاهر احنا اتبعت اسماءنا رئاسة الجامعة ولسة منتظرين هنشوف هيعملو ايه

ماذا بعد ؟ نرجوا التواصل والحوار للأهمية
أنا خريج
كلية التربية جامعة الأزهر
2005
ممتاز مع مرتبة الشرف
قسم الدراسات الإسلامية
الترتيب
9

شكرا جزيلا ام رهف

ده فعلا المطلوب عاوزين تواصل انا قلت الخبر اللي عندى ياريت مجموعة من الشباب المحترم يوصل كلياته يسأل فيها او حتى نوصل رئاسة الجامعة انا شخصيا متابعة في كليتى بس هي بيسموها اقاليم الاخبار بتوصل متأخر وعاملة حسابي انزل القاهرة على الاسبوع الجاي ان شاء الله ربنا ييسر ويهدي لي بنتي بس عاوزين اي حد يعرف جديد يبلغنا

ياريت لو حد قريب من كليته يروح ويسأل ويتأكد عشان نطمن

يا رب يا أم رهف
ربنا يوفقنا جميعا