دعوة الي معلمين مصر لمسيرة مليونية يوم الجمعة 25/3/2011
 

هذة مسيرة سلمية وكمان يوم الجمعة يعني اجازة
ارجوكم الممرضة رفعوا مرتباتهم ونحن في الحضيض

انا مافق عى المسيرة نحن اولى بالاهتمام لاننا من نصنع من تلاميذنا الدكتور والمهندس والشرطى والقاضى لماذا نكون نحن اقل فئة فى المجتمع مهدور حقنا و*****ة كرامتنا ...لماذا الخنوع يا معلمى مصر الشرفاء ......لماذا الخنوووووووووووووووع

يجب ان تتحقق مطالبنا
 

يجب ان تتحقق مطالبنا يجب ان تتحقق........

اخى الفاضل انت شايف البلد فى وضع لا يسر عدو ولا حبيب صبرت كتيييييييييير استحمل واصبر شويه كمان وخلى مصلحة بلدنا مصر فوق كل اعتبار على الاقل فى الوقت الراهن وانا عندى ثقة فى ربنا كبيرة ان والله اللى جاى احسن بس الصبر ونكون كلنا ايد واحدة فى الخير لصالح بلدنا ومستقبلنا والا والله حتى القبض اللى انتوا بتستهيفوه كمان مش هتلاقوه واحنا الحمد لله الجزء الاهم من مطالبنا اتحقق وهو التثيت والباقى ان شاء الله جاى وياريت متزعلش منى دى كلمة حق

]اناموافق عى المسيرة نحن اولى بالاهتمام لاننا من نصنع من تلاميذنا الدكتور والمهندس والشرطى والقاضى لماذا نكون نحن اقل فئة فى المجتمع مهدور حقنا و*****ة كرامتنا ...لماذا الخنوع يا معلمى مصر الشرفاء ......لماذا الخنوووووووووووووووع

]اناموافق عى المسيرة نحن اولى بالاهتمام لاننا من نصنع من تلاميذنا الدكتور والمهندس والشرطى والقاضى لماذا نكون نحن اقل فئة فى المجتمع مهدور حقنا و*****ة كرامتنا ...لماذا الخنوع يا معلمى مصر الشرفاء ......لماذا الخنوووووووووووووووع....لماذا

لألألألألألألألألأ .. طبعا لألألألألألألألألألأ

عشان بحب بلدى مش هخربها وخليها فوضى

عشان شوية ناس أنانية كل همها الطمع والجشع .. بدون فهم

لا بد منها ثم فى فرق لما نطلع نتشاكل وفرق لما نطلع نعتصم اعتصام سلمى واعتقد ان السلف ايامهم تختلف كان ايامها خلافه وبيعه للحاكم وان طغى ممكن يخلعوه فى المسجد
الوضع متغير احنا عاوزين اعتصام سلمى نطالب بحقنا ارحمونا بقه من الاسطوانه المشروخه دا مش وقته لا وقته ونص لان الحكومه هيا الى بتخليك تعمل كده ليه الوزاره الوحيده الى يجيبوا لها استاذ حقوق ماله ومال التربيه والتعليم ايه الى غيروا هو بيتبنى نفس الافكار القديمه
حرام لما المدرس يبقى راتبه 300 ويشوف الذل والمهانه حرام عليكم انتم مضيعوش كرامتنا اكتر من كده

يا اخوانى بالله عليكم احنا بنقول انها سلمية ...سلمية اقسم بالله سلمية حرام عليكم احنا بنضيع

يجب على كل معلم شريف يرفض الذل والمهانة والخنوع والاستكااااااااااااااااااااانة ان يخرج لهذه المظاهرة السلمية يوم الجمعة

ونريدها ان تكون سلمية كفانا مهانة وذل واستكانة

هي المظاهرة السلمية هتضر البلد في ايه
المسؤلين بيقولوا كده علشان مش عايزين وجع دماغ
البلاد المتقدمة كل يوم بنشوف فيها كام مظاهرة سلمية عمرنا ما سمعنا ان المظاهرات دى بتعطل او بتضر مصلحة البلد
و بعين اسمحوا لي احنا جهة خدمية ليست انتاجية و الاعتصام الجمعة يعني في الاجازة فين العطلة و الضرر
يا جماعه فكروا و اقفوا وقفة رجل واحد و ان شاء الله ربنا هينصرنا

ياعم سلمية ولا مش هيه نقصه خراب مش كفاية كده ولا أنت عندك اللى بيجيبلك المم حراااااااااااااااام عليكوا بأه

انا معاكم واللي خايف يطلع خلية جنب ماما لان فئة المدرسين اجبن فئة والناس اللي مش بتطلع الدروس مكفياهم وزيادة هيطلعوا لية

انا موافقة جدا محدش قال خربوا البلد احنا عايزين حقنا الصحة رفعت راتب التمريض 1100جنية وانت بتقول فئوية ومش عارف اية احنا الفئة الوحيدة المهانة فى مصر ولو سمعنا كلامك انت واللى زيك حنفضل كدة

حراااااااااام ارحمونا بقي البلد هتضيع المفروض نكون قدوة نصبر شويه لحد ما الظروف تتحسن ونطالب بحقوقنا ولو مفيش استجابة يبقي تعتصم براحتك

والله يا جماعة هما السبب فى القهر اللى احنا فيه احنا عايزين العدل يعنى ايه الصحة يبقى الدبلوم فيها 800جنيه والمؤهل العالى 1100 وغيره طيب واحنا اللى بنعلم الاجيال احنا مستعدين نتحمل لكن لما نلاقى الظلم ده يبقى بجد حرام والله هما اللى بيستفذونا حسبى الله ونعم الوكيل

لالالالالالالالالالالالالالالالالالالالالالالالالا لالالالالالالالا
اولا اصبروا شويه حرام عليكوا البلد مش ناقصه
ثانيا مليونيه ازاى دا احنا كلنا على بعض ما نجبشى اتنين مليون و طبعا جزأ مننا كبار ف السن و مالهمش ف المظاهرات و جزأ تانى مستريح للوضع دا و جزأ تالت ما لوش فى المظاهرات و يبقى مجموعه الثوار اللى مش هيكملوا خمسين ألف يلموا بقى بعضهم و ياخدوا جيرانهم و يصلوا الجمعه و على التحرير طوالى .

اولا اناأرى ان هذا ليس وقته وعلينا الصبر لان الامور لا تحتمل ذلك الان اطلاقا وثانيا الدولة مشغولة الان بالإستفتاء على التعديلات الدستورية فنود للجميع المشاركة فيها

اذا كان موظفى البنوك بيطلبوا زياده فى المرتبات سيقى احنا نقعد ساكتين واحنا مش بناخد فلسوس اصلا

كفاية خنوع ومهانة واستكانة وجبن الممرض مرتبه ارتفع 1200 جنيه والموظفين بالبنوك عاوزيين يرفعوا مرتباتهم ل7000 و8000 جنيه احنا افر فئة واجبن فئة عاااااااااااااااااااااااااااار عليكم يا معلمين مصر اين النخوة اين الرجولة اين الشهامة وعدم الرضا بالظلم احنا بنقول سلمية مش معركة حربية فى كل الدول المحترمة والمتحضرة بتقوم مظاهرات سلمية واحنا المعلمين متفشى فينا مرض الجهل والخوف والاستكانة والخنووووووووووووووووع ليه حرام عليكم ضيعتونا؟

اتعجب الي كل من يردد كلام فاضي كالببغاء ولا يفهم شئ مالضرر من وقفة او مسيرة امام ماسبيرو يوم الجمعة هاتجنن من الاراء الغريبة اللي بتتكلم وخلاص
يا جماعة الوزير المحترم لسي ما وعدتش برفع المرتبات ويوم بقرر يتكلم عن زيادة المرتبات قال هتبقي 600 جنية
يالها من كارثة ان يكون مرتب الممرضة ضعف مرتبي
ارجوكم من لن يقف في المسيرة لا يتكلم يخلية بخبتوا ومبادئة المزيفة

ربنا يسترها على المدرسين

الممرضات ام دبومات الي مش بيروحوا المستشفيات اصلا رفعوا مرتباتهم واحنا في الحضيض لازم وقفة بس منظمة ومدروسة ومعروف مطالبها في حدود امكانات البلد
او ندخل في اعتصام مفتوح بالمدارس

انا موافق على المسيره السلميه لان احنا اولى الناس اللى لو اتحسن وضعهم صدقونى البلد كلها حتنظبط لازم على كل انسان شريف يحب وطنه ويريد ان يكون انسان ذا كرامه الموافقه على هذه الوقفه الاحتجاجيه السلميه انا وكمان ناس كتير جدا اعرفهم حيكونو موجودين لازم لازم نروح يا جماعه اللى احنا فيه ده بجد مهانه امتحانات وفقر ونظره دونيه من مجتمع مش عارف قيمه المعلم بجد ده واقع لازم تايد ده لو عندك كرامه انا و الوف كتير حنكون هناك لازم نغير

الخايف يخليه في بيتهم قصدى يخليه في الدروس الخصوصية