الحل لمحافظة الدقهليه
 

الاعتصام امام المحافظه الاربعاء القادم لان سعادة المحافظ سمير بيه سلام ممتنع عن تنفيذ قرار التعين منذ اسبوعين
وهذا الكلام من المدريه نفسها

أولا حسبي الله ونعم الوكيل فيه و في امثاله
ثانيا فيه حاجة كمان عايز اوضحها
فيه واحد صاحبي اتصل بمسئول التعاقدات عندنا في شربين و قال له ان المديرية قالت لي احضر ضروري الأحد

هو شاطر بس في انه يعمل قرارات مش ليها اي لازمه انما انه يثبت حد دي صعبه عليه اووووي !!!!!!!!!!!!!!
حسبنا الله ونعم الوكيل

الراجل ده لازم يمشي
الاعتصام هو الحل
موعدنا الأربعاء القادم إن شاء الله

تفتكروا يا جماعه ان المحافظ لو مشي قراراته تتلغي ولا لا؟
اصله عملنا شرط محو اميه 10 افراد لتجديد العقد ومش عارفه اخرتها ايه ؟ ياريت حد يفيدني

إحنا عاوزين نتكلم فى الصح دلوقتى فية قرارين ننزلهم من على موقع الوزارة وندخل بهم للحاكم العسكرى فى المحافظة ونقولة القرارات دى متنفذتش لية دة هو الصح لا عاوزين نعمل مظاهرة ولا تجمهر ولا اضرابات ناخد الموضوع واحدة واحدة لغاية لما نوصل للصح ونعرف اية المشكلة بالظبط

رايك سليم وهو دا المطلوب فعلا وانا معاك

الحل فى الاعتصام امام المحافظة
 

انا عاوزة اعرف المحافظ ده من يوم مادخل الوزاره عمل ايه مفيد للمحافظه يبقى ازاى لحد دلوقتى لسه محافظ فين شباب الدقهليه فين الناس المظلومه فين الثائر الحق اللى بيثور عاشن الظلم ليه احنا المحافظه الوحيده اللى مش قادره تاخد حقها معندناش حدمظلوم مثلا؟
معندناش ناس مش لاقيه تاكل وبطاله وناس نايمه فى الشارع معندناش حتى موظفين بملاليم بيزقوا الشهر عشان يخلص عشان يقبضوا الملاليم اللى مبتكفيش عبش حاف
حسبى الله ونعم الوكيل فى كل مسؤل لايتقى الله
حسبى الله ونعم الوكيل فى محافظ الدقهليه وفى وزيرالتربيه والتعليم اللى لحد دلوقت مجابلناش حقنا فى رفع الاجور والمكافاه وحقنا فى المعيشه زى الناس ده اقل حق لنا فى بلدنا
حسبى الله
حسبى الله

ربنا يطمنكم بإذن الله.. يمكن يكون منتظرين اما تخلصو السنة التالتة زي ماحصل عندنا

ياجماعة سمير مشى على حد علمى وموجود حاكم عسكرى لاكن ناخد بالنا كويس لو مشفتوش الفيديو الموجود لوكيل الوزارة على هذا المنتدى ...............
بيقول فى الفيديو انه اخد قرار المحافظ بالموافقة على الدفعة الأول التى ينطبق عليها القرار 53 وهو مجهز الدفعة الثانية ال ينطبق عليها القرار 74 عشان ياخد الموافقة من المحافظ " الحاكم العسكرى على حد حد علمى " وأعتقد انه لايرفض فى ظل الظروف ........... المشكله فى تنفيذ هذه الموافقات _ ما وكيل الوزارة قال معيا موافقة ب 20000 واحد تقريبا ومشفناش اىحاجة منه .............. اعتقد التقصير من وكيل الوزارة وده ال لازم نتجمع يوم الاربع عنده لوضع حل لهذه الهزله .............

مشعاوزين بقا نعد نتكلم كتير ونعد نتكلم فى الماضى احنا فى دلوقتى عاوزين اية بالظبط المرحلة دى عاوزين فيها اية لازم نحدد ولازم نشوف هنعمل اية ولازم تبقى خطواتنا سريعة جميل قولنا لازم نروح المحافظة مين اليى هيروح واليى هيروح هيتكلم فى اية لازم نحدد النقط اليى هنتكلم فيها علشان ماندخلش نتكلم ونقول عاوزين نتثبت وخلاص لازم نبقى احنا فاهمين احنا عاوزين اية واية القرارات اليى طلعت وماتنفذتش وماتنفذتش لية ومحدش يقولى قرار75 بس هناك بعض القرارات التى تخص المتعاقدين نرجوا الاجتماع فورا على الموقع وكل واحد يكتب الاميل بتاعة دة الاميل بتاعى ielbatal***********

لا ياجماعة بلاش اعتصام ولا مظاهرة هو فعلا راى البلتاجى افضل راى نذهب مطالبنا للحاكم العسكرى وان شاء الله هيدينا حقنا

وان شاء الله الحاكم العسكرى يقف معانا زى ما واقف مع سائقين السرفيس لما حبوا يزودوا الاجرة زى المينى باص واقف على طلبهم واجبر المحافظ على الامضاء وتنفيذ المطالب وان شاء الله نوصل لحل معاه

بس نحدد ميعاد نروح كلنا ليه بدون مظاهرات ولا اعتصامات لاننا اصحاب حقوق ليه نعمل مظاهرة احنا نطلب مطالبنا بشياكة ولو مجتش نبقى نعمل اعتصام او مظاهرة

انا معاكوا
 

لازم يرحل كل هذا الجيل الذى شرب من نفس مسقة الحزب الوطنى (باى سمير سلام )

هل الأخوه يعلمون ان وكيل الوزارة تم ترقيته الى رئيس عام امتحانات الثانوية العامه
وكذلك المحافظ سمير ليس سلام غير موجود بالمحافظه
الموجود بالمديرية وكيل المديرية نجيب باشا واكل شهر مولد النبي على المعلمين
حسبي الله فيهم جميعاً ومعهم الوزير الهمام فساد وليس بجمال

عندك حق ياعلاء باشا

مشعاوزين بقا نعد نتكلم كتير ونعد نتكلم فى الماضى احنا فى دلوقتى عاوزين اية بالظبط المرحلة دى عاوزين فيها اية لازم نحدد ولازم نشوف هنعمل اية ولازم تبقى خطواتنا سريعة جميل قولنا لازم نروح المحافظة مين اليى هيروح واليى هيروح هيتكلم فى اية لازم نحدد النقط اليى هنتكلم فيها علشان ماندخلش نتكلم ونقول عاوزين نتثبت وخلاص لازم نبقى احنا فاهمين احنا عاوزين اية واية القرارات اليى طلعت وماتنفذتش وماتنفذتش لية ومحدش يقولى قرار75 بس هناك بعض القرارات التى تخص المتعاقدين نرجوا الاجتماع فورا على الموقع وكل واحد يكتب الاميل بتاعة دة الاميل بتاعى ielbatal***********

شكلهم كده هيقعدوا يدوخونا لحد شهر 7 لاني سمعت ان فيه ادارت مش عارفه تحسب فترة ال3 سنوات من امتي بالضبط وكمان قرار الوزير مش موضح النقطة دي وكمان انا بشوف الناس اللي اتعينوا فعلا تواريخ عقدهم بتاع المعلم المساعد كانت بتنتهب في شهر 3 الحالي لكن احنا عقدنا هينتهي في 7 بس اذا كان كده اومال الاسامي اللي نزلت في الادارة والكشوف دي معناها ايه ياريت حد فاهم يفهمنا

الاسماء اتبعتت الادارات علشان يكتبوا فيها تاريخ اول تعاقد والادارات كلها بعتت الاسماء للمديرية يعنى العطلة من عند المحافظ ومش من عند حد تانى ولازم ندخل للحاكم العسكرى لان ده حقنا اسوة بالمحافظات الاخرى

وياريت نبقى محددين نقاط نتكلم فيها مش ندخل ومنعرفش نتكلم ونرشح حد مننا او مجموعة مننا تقول مطالبنا وياريت يبقى معانا صورة من الورقة اللى زميلنا استلموا بيها فى المحافظات التانية عشان تبقى اثبات لكلامنا قدام الحاكم العسكرى بالاضافة الى قرارا 75 بتاع التثبيت

ياريت ياجماعة اللى يعرف حد من محافظة تانية يكلمه يبعت لينا صورة من صورة القرار اللى استلم بيه واللى موجود فيه اسمه وتخصصه والادارة بتاعته وتاريخ الاستلام

والله انا حاسه انها محافظة متخلفة وهيقولولنا استنوا لشهر 7

احنا اصلا مش عارفين التعطيل جاي من عند مين بالضبط لما سالت في المديرية قالوا ان التعطيل ممن الجهاز المركزي للتنظيم والادارة وفي زميل هنا اتصل بالتنظيم والادارة وااكد الكلام ده وفي ناس بتقول التاخير من المحافظ وناس بتقول لاي ده وكيل الوزاره هو اللي معطل

والله انا بقول ندخل للحاكم العسكرى وهو اللى هيحلها لان فى محافظات استلمت خلاص والمحافظ اللى مضى القرار اعتقد ان العطلة عند المحافظ

اية رايك ياعلاء ندخل للحاكم العسكرى بالمحافظة

موعدنا الاربعاء القادم اما مبنى المحافظة لمقابلة الحاكم العسكري بالقهلية بدون تظاهر أو تخريب

http://www.facebook.com/home.php?sk=...88913104483854#!/home.php?sk=group_188913104483854&ap=1
http://profile.ak.fbcdn.net/hprofile..._3755620_s.jpgالمعلمين المساعدين بمحافظة الدقهلية:049gc0:

فعلا مهزله حتى القرار طلع وهما صعبان عليهم ينفذوا

حسبى الله ونعم الوكيل

على فكرة ياجماعة سيادة وزير التربية والتعليم دلوقتى مش فاضيلنا لانه متحول بيتحقق معاه فى النيابة الادارية لانه مشكو منه بسبب تزويره فى نتيجة بنته فى كلية الحقوق واخدت درجات ليس من حقها بسبب الظلم ومبدأ التوريث اللى كان كائن فى الجامعات ............مش هى كانت من ابناء اساتذة الكلية المبجلين ماهو حق مشروع ليهم واحنا هههههههههه
ربنا يتولانا برحمته منهم لله فكيف تنتظرون العدالة من انسان زور وظلم

المحافظ ده لازم يتشال اولا صرف للاداريين ومنع المدرسين من حقهم فى مكافأة المولد النبوى واللى عرفته ان مش اول مرة تنزل للمدرسين مكافأة المولد سيادة المحترم كان بياكلها فى كرشه

يعنى طمع فى التثبيت بتاعنا ومش راضى يديهولنا حتى بعد الثورة على الظلم والاستبداد وهو مصمم برده على الاستبداد وطمع كمان فى الفلوس بتاعة المكافأة بتاعتنا عايز ايه بقى اكتر من كده وانتوا منتظرين ايه من واحد زى ده؟

فاكرنا عساكر ولا مساجين عنده يعملنا بالكرباج وكلامه يتسمع حد يعرفه انه خلاص مبقاش مدير مصلحة السجون يعنى بقى بيتعامل مع ناس محترمين مش مساجين

هى الناس راحت فين هتسبونى لوحدى فى اول الطريق ولا ايه احنا متفقناش على كده

احنا معاكم فى الاعتصام يا جماعه ان شاء الله موعدنا يوم الأربعاء الساعه تسعه امام محافظة الدقهلية

كل الناس اتعينت واحنا لسه زى ما احنا والله دى مهزله وقمة الاستهبال حتى المكافأة حرمنا منها

كفر الشيخ صدر لهم قرار التعيين وباثر رجعى بتاريخ 1/ 3 / 2011
عقبالنا احنا لازم نتحرك ياجماعة

ياجماعة أنتم بتتكلموا أزى!!!! لازم نعمل اعتصام .
إلى متى سنصمت على حقنا ياورثة الأنبياء؟ إلى متى سنتحمل الذل والمهانة بسبب الطغاة والفاسدين أمثال سلام وغيرهم ؟ أليس من حقنا أن نثبت ونعيش حياة كريمة ؟ لمـــاذا لم يتم تثبيتنا إلى الأن ؟ ماهى حجتهم فى هذا ؟من 2009 حجتهم مفيش فلوس والأن ظهرت المليارات فى أيدى المافيا اللى كانوا وكلين البلد .ياجماعة دى حكومة كلام واحنا شبعنا من الكلام .كفاية لحد كدة حرام دا المعلم المفروض يتعمل له تمثال مش يداس بالجزم
الدول التانية علشان تتقدم بتهتم بالتعليم لأنه أهم حاجة فى الدولة وتحسين ظروف المعلم واحنا فى بلد جعلت من المعلم متسول . لذلك لابد من الاعتصام وتحقيق المطالب التالية:
1- تثبيت المعلم المساعد
2- رفع أجور المعلمين

قم للمعلم وفه التبجيلا كاد المعلم أن يكون رسولا