|
!!! كن قليل الأدب كى تكسب إحترام الناس !!!
بسم الله الرحمن الرحيم السلام عليكم ورحمه الله وبركاته الطيبه والأخلاق الحميده هكذا هم اغلب الناس دوماً يفسروا طيبتك وتعاملك برفق معهم على أنه ضعف منك هكذا يظن الكثير وعلى هذا النحو يعاملك معظمهم عندما تتنازل عن حق لك فقط لكي لاتجرح مشاعر الخرين فهم فى ذلك الوقت يلقبونك بالضعيف ( الجبان ..... مسميات أخرى حيائى يمنعنى من كتابتها ولكن أعلم أن الجميع يفهم مقصدى ) ويصرخون فى وجهك .ألا تستطيع أخذ حقك منه ... إنت جبان إنت مش راجل والكثير من هذا القبيل ..!!! لم هذه النظره التى ينظرها لك الكثير عندما عندما تعطي شيئاً مما تملك لأحد ما ليس لشئ بل رغبة في عدم إحراجه فيفسرو ما فعلته على أنه ضعف عندما تصفح عن من أساء إليك ... فقط لكي لا تنشأ الكراهية والعداوه بينكما ... فيقال لك أنت جبان لا تسطيع أخذ حقك ....!! عندما يكشر البعض عن أنيابه باتجاهك ... وتقابلهم بالإبتسامة العذبه ... فتسمع بعض الكلمات التى لا يمكن لبشر تحملها ...!! عندما تتلطف ،،بالأسلوب تستخدم العبارات الرقيقة تجاه الآخرين ... يتقال عنك دا شبه المرأه دا بتاع كلام ( حلنجى )..!! إذاً بعد أنا قرأت وبالأكيد قد مررت بالكثير من ذلك .. فإليك بالحل الوافي .. والدواء الشافي ..والجواب الكافي ..وإنتظر النتائج ... فلتقل أدبك ... وتتهمج في أسلوبك ... وتسلب الآخرين حقوقهم إضافة إلى حقك ... وتكشر عن انيابك في ظل الآخرين متبسمين ... ولاتعطي بل تمنع ... ولاتتهاون بل تصرخ ... ولاتغفر الأخطاء بل أنعت من فعلها وعليك بالزجر فإنه لهم رهبه وخوف ... !! وإستخدم أقبح العبارات في النقاشات .. وتلفظ بأوقح الألفاظ في الحوارات ...!! عندئذ ... سيعمل الآخرين لك ألف حساب ... سيخافوا منك ... سينتظروا ردة فعلك ... لن يحاولوا إيذائك ولو بكلمة ... يترقبون ماتريد .. ينفذون دون طلب ... *********************************** أليس هذا هو حال المجتمع الذى نعيش فيه يرفض أن نكون متحلين بالصفات الحميده الأدب والإحترام وما إلى ذلك ويحرضنا على أن نكون من ذوي الكره والإنــتــقام هل هذه حقيقه واقعيهـ أمـ أنا أتخيل ذلك...!! بس هيا دى الدنيا الى احنا عيشنها فعلاً ولا انتو ايه رأيكم :(:(:(:( |
وان كان اغلبيه المجتمع تحترم من يقل ادبه
ابداء انت بنفسك ولا تحترمه وشكرا ليك علي موضوعك الجميل |
والله انا مش هتكلم كتير يا سادات في الموضوع ده
بس ما دام انت شايف انك بتعمل حاجة صح سيبك من كلام الناس عمرك ما هتعجبهم لو وقفت علي صوابع ايديك وطلعت بيها السلم سيبك من كلام الناس مش هيجوا يقفوا معاك في مشكلة هما اللي مكبرينها الناس بتحب تتفرج علي المشاكل ده الملخص شكرا علي الموضوع الجميل يا محمد باشا |
والله يا محمد مش عارف اقولك ايه بس فعلا فيه مواقف تتطلب الامور دى فعلا بس الغالب بيكون اخذ الحق حرفه بمعنى ممكن تعمل اللى انت بتقول عليه ده بس ماتعرفش تاخد حقك فى المجتمع وممكن تكون ذو اخلاق عاليه وتكون مؤدب وتعرف تاخد حقك فى المجتمع يعنى ممكن وممكن حسب الظروف اللى بتكون حواليك والناس اللى بتتعامل معاها وشكرا لموضوعك الرائع والجميل ده واسف للاطاله فى الرد بتاعى |
اقتباس:
بس تفتكر إن ده هيغير حاجه دا بقع طبع والطبع يغلب التطبع يعنى القذاره وقله الأدب واللماضه بقت سمه من سمات المواطن المصرى الولد بيتولد من بطن ولدته بقله ادبه وسخته وقذرته وطبعاً كلنا لمسين ده وحسينه فى الشوارع المصريه |
اقتباس:
ومينفعش إنك تبعد عنهم لأن كده كده هتتحك بيهم فى حياتك اليوميه |
ازيك يا سادات ..
فعلا يابني والله عندك حق في كلامك كله .. وانا كنت كده .. طيب يعني وباعدي .. انما من فترة قريبة أوي اتعلمت ان الواحد المفروض يبقى رخم وهزاره تقيل ع الناس ويبدأ العداوة ويصالح بمزاجه ( حتى لو هيبدأ الصلح ) .. يرد الضربة ضربتين وهو اللي يبدأ اللسع قبل مايتلسع .. وساعات يبقى طيب ودمه خفيف .. :) يعني بغزالة ومالوش أمان .. بمعنى اصح لو كنت غامض بردو في تصرفاتك الناس هتحترمك ومحدش ياخد عليك .. ;) مـ الآخر .. الهجوم خير وسيلة للدفاع !!! بس رأيي ده مش على كل الناس .. على معظمهم بس .. انما المحترمين عاملهم باحترام وطيبة طبعاً :) كلامك واقعي ونصايحك مفيدة وصحيحة عملياً .. لكن نظرياً ما ينفعش موضوعك يتحط في كتاب اسمه ( كن قليل الأدب تكسب احترام الناس ) :d ده رأيي حتى لو حد اختلف معايا :) شكرا على موضوعك يا باشا :) |
اقتباس:
يا استاذ حسام حضرتك طول برحتك انا بحب أقرأ رد حضرتك جدااااااااا حتى لو هتناقش كل كلمه فى الموضوع فعلاً أخدان الحق حرفه وصنعه بس فيه ناس مينفعش معاهم غير قله الأدب والنزول لمستوى وضيع ومنحط عشان تقدر تعيش معاهم وتتعامل معاهم ولو إتعملت بالفطره والإحترام هتاخد على ( قفاك ) أسف على اللفظ بس هى دى الحقيقه |
وان كان اغلبيه المجتمع تحترم من يقل ادبه
ابداء انت بنفسك ولا تحترمه وشكرا ليك علي موضوعك الجميل |
كلامك صح ميه فى الميه !!
|
بس ازاى نقدر نتحكم فى اخلاقيتنا بعيد عن ده
ازاى نقدر نتعامل مع الغير حسب شخصيته ؟ |
اقتباس:
بص انا هسألك سؤال ( انت محترم ولا لاء ومولود محترم ولا لاء وبتعامل الناس بأحترام ولا لاء) ومين غير ما انت ترد طبعا انت راجل محترم واحترامك زايد كمااااااااان مختلفناش يبقي زي ما انت حضرتك محترم في زيك كتير مولدين محترمين وبيعاملوا الناس بأحترام يبقي مقدرشي احكم علي الكل ممكن اقول 60 % مثلا وشكرا ليك مره تانيه |
اقتباس:
ونفس الكلام ينطبق على باقى الأمثله |
موضوعك جميل وزي العسل وميت فل و14 وانا هعلق علي نقطتين بس
اقتباس:
بس مش معني الكلام الي قولته دا اني لازم اكون قليل الادب ولا حاجه لا انا اقدر اكون محترم واقدر اخد حقي وموضوع جميل يا محمد |
اقتباس:
وفعلاً فيه ناس محترمه تستحق إننا نتعامل معاهم بإحترام لكن المعظم كلنا عارفينه |
تفتكر هو ده الحل
اننا احنا اللى نتغير وللاوحش احنا كده عايزين نصلح غلط بغلط اكبر منه معتقدش ان هو ده الحل وبعدين فى طيبه بتبقى زايده عن حدها لدرجة انها بتتحول الى شئ سلبى وهو ما يسمى بالجبن يعنى خليك طيب زى مانت عايز بس مش فى كل وقت ومش مع اى حد وميرسى يا سادات موضوع رائع |
معتقدش ان دة الحل علشان نعرف نتاقلم مع الناس اللى حولينا وعلى فكرة دة بتوقف على عقلية واسلوب الناس اللى بتتعامل معاهم
يعنى فى ناس اسلوبها عالى وراقى فى الكلام والتعامل اظن دول مش محتاجين اننا نغير انما فى ناس مستحيل ينفع معاها الاحترام والطيبة فبيضطروا ان الواحد يقى زيهم مع انى مش احبذ دة فالحل الوحيد ان الانسان يفضل على طبعة ولو حب يعيرة يغيرة للاحسن مش للاوحش شكرا على موضوعك سادات |
معتقدش ان دة الحل علشان نعرف نتاقلم مع الناس اللى حولينا وعلى فكرة دة بتوقف على عقلية واسلوب الناس اللى بتتعامل معاهم
يعنى فى ناس اسلوبها عالى وراقى فى الكلام والتعامل اظن دول مش محتاجين اننا نغير انما فى ناس مستحيل ينفع معاها الاحترام والطيبة فبيضطروا ان الواحد يقى زيهم مع انى مش احبذ دة فالحل الوحيد ان الانسان يفضل على طبعة ولو حب يعيرة يغيرة للاحسن مش للاوحش شكرا على موضوعك سادات |
النهاردا بس عرفت قوانين التعامل مع الناس
وهيا انك ماتحترمش حد ماتعملش حساب لحد ماتثقش فحد ماتجاملش حد ماتسبش حقك لحد ماتحبش حد ماتضحيش عشان حد خلاص دى بئت غابة ماعادش فى بشر نزل منهم منتج واحد فى السوق وخلص يعنى حاجة انقرضت انسى المبادىء والاخلاق انسى كل الناس انسى اللى حبيتهم وحبوك انسى انسى وماتعملش غير لنفسك وبس عشان ماحدش هينفعك غير نفسك وماحدش هيقول ع اللى بتعملو صح ايا يكن اللى عملتو اسفة رغيت كتير شكرا يا سادات زود النكد والغم زود زود ماهى خربت |
اقتباس:
بس المشكله فى التعامل معاه أو معاااااااااهم لازم تنزل لنفس المستوى |
اولا انا بشكرك يا محمد على الموضوع الرائع وانا عجبنى جدا جدا
بس يا محمد انت لما بتعامل الناس بتعامل ربنا فى الاول ودى حاجة بتبقى بينك وبين ربنا وانت غلطت فيهم مغلطتش مش بيعجب حد والكل بيتكلم سواء انت صح ولا غلط هو ده مجتمعنا عشان كدا مدام انت واثق فى نفسك وانك ماتبعملش حاجة غلط يبقى خليك فى الصح واللى يتكلم يتكلم وعادى جدا كبر دماغك وصدقنى طول ما انت صح مهما اى ح يتكلم ربنا هيجبلك حقك لحد عندك لانك مابتغلطش فى حد |
عندك حق يامحمد
الناس فعلا كده لما تسكت بيحسوك ضعيف ولازم تثبت وجودك بااسلوب غير محترم وليس له وجود في الدين الاسلامي بس انا بعترض معاك احنا لازم نتعامل بالاسلام والسلام عمره ماقال كده لازم نسامح عشان ربنا يرضا عنا وشكرا للموضوع وجزاك الله خيرا لطرح هذه المشاكله |
اقتباس:
اقتباس:
ما هى دى المشكله |
اقتباس:
إنت فاهم يعنى ايه عايش فى وسط 100 واحد 60 منهم معندهومش أخلاق و20 بيفكرو يمشو صح ولا غلط و 10 تايهين و10 إحتمال يكونو محترمين |
اقتباس:
طب قوليلى إزاى هتخدى حقك منهم غير لما تنزلى لمستواهم |
اقتباس:
إنت فاهم يعنى ايه عايش فى وسط 100 واحد 60 منهم معندهومش أخلاق و20 بيفكرو يمشو صح ولا غلط و 10 تايهين و10 إحتمال يكونو محترمين |
محمد الموضوع مش معقد
واحد محترم بيعاملك فوق دماغك من فوق واحد مش محترم ياخد فوق دماغه وساعتها مافيش حاجة اسمها انا محترم عشان المحترم فى موقف زى ده بياخد على شاشته#!!! |
اقتباس:
منور يا عادل بس مش ملاحظ إن كلامك عكس بعضه |
اقتباس:
عارف إن ده مش الحل بس تعرفى دلوقتى والله أنا مش عارف أنا هقولها إزاى بس للأسف هو ده الواقع الوحش بس هو اللى بيقدر يعيش الشهاده مش بقت بتعمل حاجه وعلى رأى ريكو وأحمد حلمى راحت عليكى يا دنيا وراح زمن الشهادات وبقيتى يا دنيا ماشيه على السقفه وعلى الصاجات |
اقتباس:
بصى سؤال بسيط إنتى وإنتى ماشيه فى الشارع بتقبلى كام واحد ماشى فى حاله وملوش دعوه باللى رايح واللى جاى ولا بيعاكس فى دى ولا بيرزل على ده على فكره يا جماعه انا مش عامل دعوه للفساد بس أنا صعبان عليا الحل |
اقتباس:
الحقيقه بتزعل الحقيقه مره بس أعمل إيه لازم تتقال ولازم كل واحد يعرف هو ايه وعايش فين |
اقتباس:
بس الحياه اللى إحنا عيشنها بقت رخمه أوى يا سمر |
علي فكرة مش كل الناس بتفسر الاحترام بالطريقة دي
انا معاك ان في ناس كتير بتفسره كدة بس دة مش دافع علشان تكون قليل الادب علشان تاخد احترام الناس ولك جزيل احترامي شكرا علي موضوعك |
اقتباس:
الاحترام شىء جميل بس لما يبقى لسه فيه حاجه اسمها احترام الحياه بقت نيله وميغلم بيها الا ربنا سبحانه وتعالى |
اقتباس:
ميدو مشاكل الناس راحت القمر فعلا الواحد لازم يعيش على الونجين |
خلاصة الكلام يا سادات اننا بنراعي ربنا ف الاول وف الاخر في اي حاجة ومنها تعاملاتنا مع الناس وكمان اللي هيقول عليا جبان او "عبيط" ده انسان جاهل ومش فاهمني فمش دة اللي احطه ف دماغي واقارن بيه الناس الكويسة اللي لسة موجودة ولو انا مضطرة اتعامل معاه هاتعامل بحدود لكن مش هغير من طباعي وشكرا ع الموضوع
|
اقتباس:
عارف إن فيه ناس محترمه بس الواحد يتعامل إزاى مع باقى الناس دى ومتقوليش متتعملش معاهم يعنى مهو عشان أتعامل معاهم لازم أكون قليل الأدب |
اقتباس:
بس ايه هى الحدود دى ؟؟؟؟ !!!! وياترى انا لو رعتها هو هيرعيها ؟؟؟؟ !!!! ولو مرعهاش مش هتعامل معاه ولا هكون مضطر للتعامل ؟؟؟؟ !!!! أسأله كلنا لانز نسـألها لنفسنا |
يا سادات الناس اللي بنضطر اننا نتعامل معاهم مثلا زمايل ف الشغل فبنتعامل معاهم ف حدود الشغل خد ده وهات ده مش انه مثلا اهزر معاه واروح واجي معاه ارفع التكليف مثلا يعني ماخليهوش ياخد عليا
و انت ليه مكبر الموضوع الحياة دي زي ماتقول كدة فن فيه اللي بيعرف يعيشها وحاببها ومرتاح (نسبيا) وفيه اللي ضارب لخمة اوي او مهزار اوي فبيتهزا والاتنين ف الاخر بيعيشو بس لو بقيت قليل الادب زي ماعنوان الموضوع بيقول هكسب احترام ناس لكن هخسر قصاده احترام وحب ناس اكتر وهخسر احترامي لنفسي |
شكرا ليك اولا على الموضوع
بجد الموضوع ده يستاهل النقاش لان بجد دى مشكلة لان كتيييير الواحد بيعامل ربنا فى تعامله مع الناس بس الكل بيفسرها ان كدة ضعف فى الشخصية وانك لما تسامح حداو تعمل فيه معروف يبقى كدة بتلغى شخصيتك وليه متتفسرش ان دى طيبة مش اكتر بس بصراحة فى زمنا ده مينفعش فيه الطيبه نهائى حتى الانسان الطيب من كتر مبيشوف من الناس غصب عنه لازم يتغير والا اعتقد انه استحاله يقدر يساير ويعيش فى الزمن ده انا مش بكلم ان الواحد يتصف بصفات مش كويسة بس حتى الواحد فى تعامله مع المحترمين ال مش مستوى منحط ولا حاجة بردك بضطر ان تفرد سلطتك عشان ال قدامه سورى (مش يركبه )انا متاسفة على اللفظ بس اعتقد ان وصلكم ال عاوزة اقوله |
شكرا ليك اولا على الموضوع
بجد الموضوع ده يستاهل النقاش لان بجد دى مشكلة لان كتيييير الواحد بيعامل ربنا فى تعامله مع الناس بس الكل بيفسرها ان كدة ضعف فى الشخصية وانك لما تسامح حداو تعمل فيه معروف يبقى كدة بتلغى شخصيتك وليه متتفسرش ان دى طيبة مش اكتر بس بصراحة فى زمنا ده مينفعش فيه الطيبه نهائى حتى الانسان الطيب من كتر مبيشوف من الناس غصب عنه لازم يتغير والا اعتقد انه استحاله يقدر يساير ويعيش فى الزمن ده انا مش بكلم ان الواحد يتصف بصفات مش كويسة بس حتى الواحد فى تعامله مع المحترمين ال مش مستوى منحط ولا حاجة بردك بضطر ان تفرد سلطتك عشان ال قدامه سورى (مش يركبه )انا متاسفة على اللفظ بس اعتقد ان وصلكم ال عاوزة اقوله |
موضوع مهم فعلا يا محمد
بس هقلك على حاجة ممكن الى انت بتصفح عنوا دة بدال ميشكرك او على الاقل يعرف قمتك بياخد الحكاية دى ضدك و مبتعرفش تاخد حقق بعد كدة لا معاة ولا مع غيروا و دى عن تجربة و ميرسى على الموضوع يا جميل |
مع الاسف كلامك صحيح يا اخ محمد والوقف ده حصل معايا شخصيا فى بدايه عملى كمدرسه
كنت بعامل الطلبه كانهم اخواتى لكن للاسف طيبتى اتفهمت غلط لكن باستعمال الشده معاهم الوضع اختلف ومش عارفه ليه عموما شكرا على موضوعك بارك الله فيك |
موقفك مع الطلبة مختلف لان معاملة الطلبة لازم تكون معاملة جادة وحازمة فى بعض المواقف علشان ما تتفهمش ضعف
|
اقتباس:
صوابع ايدك مش زى بعضها طرق معملتك مع دا ومع دا انت اللى بتحددها لما تعرف شخصية اللى قدامك واغلبها طبعا اللى [QUOTE][ فلتقل أدبك ... وتتهمج في أسلوبك ... وتسلب الآخرين حقوقهم إضافة إلى حقك .../QUOTE] وشكراً لموضوعك |
والله المجتمع هو إل غلط
فيها إيه يعنى لو احترموا الناس المحترمة هما فاكرين إن الاحترام دا ضعف منهم وشكرا على الموضوع يا محمد |
موضوع جميل ورائع
و جزاك الله خيرا وشكرا لك |
موضوع جميل ورائع و جزاك الله خيرا وشكرا لك |
أنا رايى ان وارد انك تقابل ناس بالشكل ده بس مش معنى كدا تكون زيهم حاول تتاقلم بشرط انك متخالفش مبادئك واخلاقك
وبعدين دى فئه أو قطاع من المجتمع وليس كله على اى حال جزاك الله خيرا على الموضوع |
| جميع الأوقات بتوقيت GMT +2. الساعة الآن 03:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.