اختبارات الكادر اتغيرت بنسبة 60%....ارجو التثبيت للاهميه
 

انا سمعت ان امتحانات الكادر اتغيرت بنسبة 60% عن الامتحانات اللى فاتت وتم طبع الامتحانات على هذا بس نوعية الاسئله برضه من متعدد بس مضمون الاسئله هوه اللى اتغير يا ريت اللى يعرف حاجة يخبرنا .....علشان انا حاسس انهم هيعملو حركة نقص معانا لاهداف عندهم .....وانتم فاهمين....

دا الواحد كان عايل هم الورق القديم اللي عندة ... جاي دلوقتي تقول اتغيرت
لنا الله ... تصدق دة احساسي انهم هيعملوا حركة ندالة
ولو في جديد هقولك ....

اه انا سمعت الكلام ده غيروا 60% وكانوا عايزين يغيروها بنسبه 100% الظاهر يا جماعه فيه لعبه كبيره واحنا كبش الفدا بتاعهم ربنا يستر لو كده هنعتصم ونقلب الدنيا عليهم

يا جماعه مهما كانت الاسئله اعملوا اللى عليكم واتعبوا ان الله لا يضيع اجر من احسن عمل ومحدش هياخد اكتر من اللى مكتوب له

انت كده اكد الاحساس اللى عندى ....ربنا يستر وارجو التواصل

طب ممكن تفهمنا اتغيرت يعنى ايه ؟؟؟؟؟؟؟؟؟؟؟يعنى المهارات (الموضوعات اللى هنمتحن فيها ) اتغيرت يعنى؟
المفروض ان المهارات دى تنزل لنا على موقع الوزارة
متحيروناش يا جماعة والله انا زهقت ومش عارفة اذاكر ايه

هو لو حتى القديم حتى فاهم منه اى حاجه

أحلى حاجة أنى أمتحانا كمان بضعة أيام وحدش فاهم حاجة خالص ههههههههههههه طيب يا جماعة ياريت لو حد استلم رقم الجلوس يقول الله يكرمك يارب ،وبعدين أيه موضوع التسجيل على موقع الأكاديمية ده

ان شاء الله الاسئله زى ماهى بطلوا اشاعات

والله انا برده زهقت لان معايا الورق القديم بس لما سمعت الخبر ده قلت اعرف زميلى اللى هيدخلو معايا علشان يخدو بالهم مش اكتر وياااااااااارب يكون ده مش صحيح علشان احنا مش ناقصين

طيب والحل ايه ياجماعه
ياريت حد يفهمنا نعمل اييييييييييييه
لو سمحتم ساعدونا

الخبر صحيح وحقيقى وسبق وضعه فى المنتدى
طالب القومى للامتحانات وزير التعليم بتغيير بنك اسئلة الكادر حتى لا يكون الامتحان صورى
وتم بالفعل - حسب الخبر - تغيير 60% من بنك الاسئلة .


الله الموفق

خليكم رجال أنتم لها ،،،،،،،،،،،،،،،،،،، ولا يهمكم ،،، ايه يعنى امتحان كادر ؟؟؟؟؟؟؟؟؟؟؟؟؟؟؟؟؟؟؟؟؟؟؟

با جماعة الامتحانات لم تتغير الكلام ده اكيد من ناس في الاكاديمة انا كنت في التدريب وقالوا ان الاسئلة لم تتغير لا تسمعواللاشعات

انتهت وزارة التربية والتعليم من وضع أسئلة امتحان الكادر المقبل، والذى من المقرر أن يخوضه المعلمون المساعدون الحاصلون على مؤهل تربوى فى 1 أبريل المقبل، وبدأت الوزارة اليوم الأحد فى طبع أوراق الأسئلة تمهيداً لإرسالها للمحافظات عبر فروع الأكاديمية المهنية للمعلمين، وتتوقع الوزارة، وفق مصادر مطلعة، أن يتقدم للامتحان 75 ألف معلم مساعد منهم نحو 8 آلاف رسبوا من الامتحان السابق فى مادة أو أكثر.

وقال مصدر مسئول بالوزارة إن الأكاديمية المهنية للمعلمين بالاتفاق مع المركز القومى للامتحانات جدَّدت بنك أسئلة الكادر بنسبة 60% لإحداث اختلاف فى نمطها عن الامتحانات السابقة، وأوضح أن الدكتور أحمد جمال الدين موسى، وزير التربية والتعليم، على علم بعدم تجديدها بالكامل، وكان عددٌ من أساتذة "القومى للامتحانات" قد أبدوا اعتراضهم على عدم تجديد بنك الأسئلة بنسبة 100% معتبرين أن الامتحان سيكون "صورى" إذا أصرت الوزارة على ذلك.

وسيخوض المعلمون المساعدون امتحان 1 أبريل فى 4 مكوِّنات "مواد" هى اللغة الإنجليزية، واللغة العربية، والكفاءة التربوية ومادة التخصص، وهى نفس المواد التى كانت مقررة من قِبَل الوزارة فى امتحان تعيين المعلم المساعد "نوفمبر 2009".

وعلى غرار المرات السابقة وضعت الوزارة الأسئلة بطريقة الاختيار من متعدد فى كل المواد على أن يتم التصحيح إلكترونياً بواسطة الماسح الضوئى داخل "القومى للامتحانات"، وسيعقد مسئولو المركز اجتماعاً مساء اليوم مع أعضاء الأكاديمية المهنية للمعلمين للاتفاق على عدد النسخ المطبوعة من كل ورقة امتحان، أما أرقام الجلوس فسيتسلمها المعلمون نهاية هذا الشهر عبر موقع الوزارة الإلكترونى بعد انتهاء فحص بياناتهم.

ههههههههههههههههههههه هههههههههههههههههههههههههههههههه

ايه يعني امتحان الكادر هاتوا المادة من علي موقع الوزارة وذكروها ولا انتوا عيزنا كل حاجة علي الجاهز واعرفوا انكم لو نفذت نصيحتي والله هتستفيدوا أكبر استفادة با جماعة امتحان الكادر عايز اطلاع وشوية ذكاء والله بجد اطلاع وشوية ذكاء
واتمني التوفيق للجميع

هم يبكي وهم يضحك

حسبي الله ونعم الوكيل

حسبي الله ونعم الوكيل