|
هل تتزوج فتاه كنت على علاقة بها؟ موضوع للنقاش
السلام عليكم هل تتزوج فتاه كنت على علاقة بها؟ سؤال للنقاش محادثه هاتفيه بين محمد وعمر نبدأ بالمحادثه الو اهلا محمد انا عمر اهلاعمر ... محمد : عندي موضوع عايز اكلمك فيه بخصوص بنت وايه رايك في هذه البنت تكلمني وعايزة تتزوجني البنت محترمة وماترضى تعمل اي غلط عمر : اها طيب ليه ما تتزوجهاش ؟؟ محمد : لانها رضت تكلمني عمر : بس انت تقول انها محترمة وانت تعمقت معها؟ محمد: صحيح وهي محترمة جدا لكن..!!. عمر : لكن ايه ؟ محمد : اكيد كلمت غيري لانها كلمتني !! عمر : مش شرط !! محمد : الا شرط عمر : لكنك تكلمها من فترة طويلة ولما جا وقت الجد وقلنا زواج تهربت !! محمد : صح لكن ....... عندي مبدا اللي كلمتني تكلم غيري وتخون ..!! ويستمر الحديث الذي لا ينتهي ......... برأيكم هل تقبل ايها الشاب ان تتزوج من تلك الفتاه التي اقمت معها علاقه سابقه؟ وبرأيك ايتها الفتاه هل توافقي على الزواج من ذلك الشخص ؟ هل ينجح هذا الزواج ...؟ ام ان الشك يسيطر على الطرفين؟ واتمنى ان اسمع اراء الجميع من الشباب والبنات بأنتظاركم مصرية وافتخر |
لو بيحبو بعض وواثقين فى بعض مفيش مشكلة وتكون علاقتهم مبنية على الارتباااط مش التسلية ومن الافضل التقدم لخطبتهاااااا |
اقتباس:
كلام مظبوط بس للاسف معظم الشباب لو بيتكلمو مع بنت بيبقى للتسلية مجرد بنت بيلعب بيها وخلاص واليومين دو بالزات وياريت البنات بتتعلم شكرا لحضرتك على المرور الجميل |
بصراحة لااااااااااااااااااااا
|
اقتباس:
بصراحة انا بشكر حضرتك على الصراحة دى طيب لما لأ بتكلمها ليه من اصلو انا بقى عايزة تفسير للنقطة دى |
هى لو محترمة ماتكلمش شاب غريب
|
انا ضد مبدأ ان الواحد يجوز واحده ميشوفهاش و نظام رد قلبى والكلام ده اللى عايز ميغلطش مش هيغلط لو حصل ايه قدامه .. و الى عايز يغلط هيغلط و لا ميعرفش و لا بنت ... مفيش احلى من انك تحب بنى ادمة بجد و تخلصلها و تحافظ عليها و تخطبها طبعاً عشان انت هتبقى واخدها على انه نصك التانى .. مش على انها بنت ... النص اللى هيكملك حياتك ... و دى رأيى ...
|
هو احنا فى سنة كام ؟!
يعنى لما هو مش عايز يتجوزها ليه بيدخل معاها فى علاقة من الاول والله أنا ساعات بحس ان الشاب اللى بيفكر بالشكل ده مش طبيعى ... خياله بصورله طالما انها دخلت فى علاقة معه قبل الزواج ... يبقى هتدخل فى علاقة مع غيره بعد الزواج .... طب ليه ما يبصش لنفسه ...هل هو طالما دخل فى علاقة مع واحدة قبل الزواج ... معناها إنه هيدخل فى علاقة تانية بعد الزواج ؟؟؟ |
والله انا شايفة ان ده يختلف من شخص لاخر ...
لكن احنا كمجتمع شرقى.. بيحكمنا تقاليدنا و تفكيرنا ..لسه الرجل بيظن السوء باللى بتكلمه.. وبيعتقد حاجات كتير فيها .. وبينتهى دايماااااااا.. الموضوع بانه بيخليها غير محترمة حتى قدام نفسها .. مع العلم ان ممكن يكون فى حسن نية من البنت .. لكن كل ما هو مؤنث مظلوم .. شكراااااااا على الموضوع .. |
هو لو حبها بجد ليه يسبها على أساس مبدأ متجوزش وحدة كلمتها هو الحب بيجي كام مرة و بعدين سبحان الله يمكن تطلع بجد بنت مؤدبة و إذا سبها كده هيجرحها و المفروض قبل ما يسبها و يظلمها يسأل عنها يجوز البنت تستحق أنو ياخدها و يتجوزها و يمكن يرجع في قرارو و مبدأو ماهو ممكن يتجوز بنت مش مؤدبة بالمرة و تظهرلو فالبداية انها مؤدبة و بعد ما يتجوزها ينصدم و يعرف معنى الحسرة أنو ساب حبيبتو و اللي كمان سببها لحبيبتو:bosyht9:
|
اقتباس:
|
اقتباس:
مش هتكلم تاني عن اللى انت قولته ... ;) |
اقتباس:
|
هى كل بنت كلمت ولد تبقى مش محترمه؟
او زى ما كلمته هاتكلم غيره وتخون؟ ولو هو مش ناوى يرتبط بها ارتباط رسمى كان بيكلمها ليه من الاول والموضوع فى النهايه متعلق على ثقة الشخصين فى بعض مش اكتر هو لو عنده ثقه فيها وفى نفسه هايرتبط بها لكن لو غير كده يبقى ربنا يعينه على نفسه لانه هايفضل طول عمره يشك فى شريكة حياته لان ده طبع فيه |
اقتباس:
ولو فرضنا انك فى يوم من الايام حبيتى وكلمتى الشخص اللى بتحبيه ده هاتبقى مش محترمه؟ |
لية ؟؟؟؟؟؟؟؟؟؟؟؟؟
لأ طبعا معلش انا هقول رأى بصراحة لو اصلا البنت محترمة لا تكلم دة ولا تكلم غيرة
اما هو فلازم ميعملش كدة اصلا على اساس اللى ميرضهوش على اختة ميرضيهوش على غيرها ولكن اصلا الموضوع دة دائما بيفشل لأن اصلا هما الاتنين مبيبقاش ليهم ثقة فى بعض وبالتالى اى تصرف عادى هيعتبروة غريب وبالتالى الحياة مش هتستمر بينهم لانها علاقة غلط من الاول وكمان لية اصلا من الاول الصح انى البنت تفضل قاعدة فى البيت الى ان يأتى هو الى بيتها ويطلبها للزواج وبذلك يصبح هناك ثقة وتفاهم بينهم وكمان يبقوا رضو ربنا و عملوا الصح تقبلوا مرورى |
اقتباس:
فعل كل ماهو مؤنث الناس بتظن فيه السوء;) |
اقتباس:
ومش معنى ان اتنين يحبوا بعض انهم اغضبوا ربنا او بيعملو حاجه غلط اما موضوع ان البنت تقعد فى البيت وتستنى ابن الحلال احنا فى سنة 2011م مش فى سنة2011 قبل الميلاد وتقبلى مرورى ووجهة نظرى :078111rg3: |
اقتباس:
كلمة علاقة لها عدة مفاهيم :- - علاقة ..... الأمر بالطبع مرفوض وغير قابل للنقاش . - مقابلات متكررة .... الأمر مرفوض أيضاً (استأمنها أهلها ووثقوا فيها ومع ذلك خانت تلك الثقة , أم أن الأهل تسمح لابنتهم بمقابلة الشباب وبشكل متكرر دون وجود أي صفة له ؟!!)ومن خانت مرة تخون مرات وفي كل مرة ستجد المبرر لنفسها !! - مكالمات تليفونية وموبايل .... مرفوض أيضاً ( نفس السابق ) - مجرد حوار من الشاب لها من أجل أن يبدي اعجابه بها ويعرف ان كانت موافقة علي الارتباط به أم لا قبل أن يتقدم لخطبتها , فلا بأس بهذا الأمر ( علي ألا يستغرق هذا الحوار سوي بضع دقائق فقط ) ما هي الفائدة من فترة الخطوبة ان كان ولابد من اقامة علاقة بأي صورة من الصور ؟!! فيه حاجة كمان الغالبية لم تلتفت إليها وهي ان قبل هذا الشاب الزواج منها فمثلما أنها من الممكن أن تخونه بعد ذلك , فنفس الأمر من الممكن أن يصدر منه هو الأخر !! الأخلاق لا تتجزأ وليس لها عصر سواء كنا في القرن الحادي والعشرون ميلادياً أو قبل الميلاد ! شكراً علي هذا الموضوع . تقبلي مروري . |
لأن معنى كلمة "علاقة" في سياق عرض الموضوع بالنسبة لي = "التسلية"
فهذا رأيي ........ أنا لم ولن أجرب من الأصل -إن شاء الله- تكوين علاقة بيني وبين أي فتاة حتى لو بغرض حبي لها ..... لأن ده من وجهة نظري عيب .... ووقتها أنا هسقط في نظر نفسي ....!!! لأن ساعتها هحس إني مش راجل ومش هخاف على العار ....... لأنني ببساطة وعلى بلاطة ،لم ولن أرضاها لبنات أهلي ..... حتى الموت ! اللهم استر نساءنا ونساء المسلمين ..... واكفنا شر المخنثين وفاقدي نخوة الرجال ... ولو عاوزة الجواب لسؤالك بنعم أو لا ..... علشان مشاركتي تبقى ليها علاقة بعنوان الموضوع ...... فــــلا ....... لا يــــا مــامــــا لا ..... :blush: أكرر ........ هذا كان مجرد رأيي .... وهو في الأساس على سبيل العرض ،وليس الإقناع ..... في النهاية خطر ببالي أن أعرض عليكم آيتين من كتاب الله : " قل هل ننبئكم بالأخسرين أعمالا * الذين ضل سعيهم في الحياة الدنيا وهم يحسبون أنهم يحسنون صنعا " |
هى لو محترمة ماتكلمش شاب غريب
|
هى ونصيبها بقى
فى ولد هيشوفها محترمة فى ولد هيشوفها مش محترمة وببتتسلى على حسب نيه الولد بقى |
اقتباس:
|
اقتباس:
اولا انا مقولتش انى الحب والاعجاب دة شىء حرام او غلط لانى مش فقيهة فى الدين انا اقصد كونها هى تخرج معاة ويتكلموا مع بعض وكدة يعنى طبعا دة شىء حرام ومش محتاج تفكير ثانيا الاسلام هو اللى امرنا انى البنت تقعد فى البيت باحترامها (ومش معنى كدة انى اقصد انها متخروجش )مش للدرجة دة يعنى لكن مكنش سنة 2011 قبل الميلاد ولا حاجة وطبعا الاختلاف فى الرأى لا يفسد للود قضية |
يعنى مش راضى يتجوزها
عشان كلمها قبل الجواز المفروض هى كمان مش تتجوزوا عشان كلمها قبل الجواز :p:d النيه ايه ؟؟؟ شكرا على الموضوع الحلو |
يعنى رضينا بالهم والهم مش راضى بينا يعنى حضرت جناب المحترم اللى قاعد يقول اجوزها ومجوزهاش كان هو اللى شريف وعفيف اوى الغلط غلط والصح صح على البنت والولد يعنى لو واحد وواحدة عملوا حاجة غلط ربنا هيعاقب البنت اكتر من الولد ؟ لا طبعا
يبقى احنا لو شايفين ده انو غلط يبقى على الطرفين بلاش تخلف عايزين مساواة عشان نتقدم بقى |
والله موضوع ممتع
|
اقتباس:
بجد انا مش عارفة اقول ايه يمكن رايك صح بس فى مجتمعنا دلوقت البنت بتتعرض لضغوط كتير جدا وخصوصا لو كانت مصاحبة بنات مش كويسيين عموما نورتى الموضوع |
اقتباس:
س ده مش مبرر انهم يكونوا علاقة قبل الخطوبة يعنى يتكلمو فى التيليفون وممكن كمان يتقابلو هو لو بيحبها يعمل حاجة وحدة يسالها لو هى موافقة عليه ولو فى حد فى حياتها ولا لا وبعدن يروح يخطبها من اهلها نورت التوبيك |
اقتباس:
وللاسف ده حال معظم الشباب اليومين دول شكرا لمرورك نورتنى |
اقتباس:
لا معلش هى كدة غلطت انها كلمتوا والناس مش بتحاسب باللى فى النية الصح صح والغلط غلط نورتى الموضوع |
اقتباس:
بس الغلط غلط ياجماعة هى كلمه فى التيليفون وده فى حد زاته غلط كبير جدا رأيك يحترم نورتى |
اقتباس:
انا ريى من راى حضرتك المبادئ ما بتتجزئش فعلا حضرتك عندك حق شرفنى مرورك |
السلام عليكم ورحمه الله وبركاته انا عاوه اقولك على حاجه مفيش ولاد بيروح يرتبط ببنت الا اذا كان عارف انها محترمه وفيه ولاد عندهم مبدأ انهم يتسلو بالبنات يومين تلاته لعند لما يشوف بنت الحلال اللى هيرتبط بيها رسمى كده او كده مينفعش بالنسبه لاى بنت انها تتكلم مع واحد غريب عنها عاوز يخطبها يتقدم لاهلها مع العلم ان فيه ولاد بيرتبطو ببنات كلموهم قبل كده شكرا على الموضوع ياجميل :078111rg3: |
اقتباس:
فعلا عندك حق والله يا شوشو بس هانعمل ايه كل البنات عارفة كدة ومع ذلك بيعملو الغلط نورتى ياقمر |
اقتباس:
اه طبعا اللى تكلم وحد غريب عنها فى الحب ومش عارف ايه وتعمل معاه علاقة تبقى مش محترمة وهو كمان مش محترم ده الدين ومانقدرش نتكلم فيه نورتى |
اسمحولى ادخل فى النقاش...
انا من رأى فعلا البنت المحترمة اللى بتخاف على نفسها وبتحب دينها ..تلتزم بالقوانين اللى ربنا قالنا عليها وامرنا بيها واكيد ربنا مش هيكلفنا اكتر من طاقتنا..يعنى الحب مش حرام بس فى الطريق الشرعى اللى هو الجواز |
اقتباس:
فعلا الله ينور عليكى نورتى ياقمر |
اقتباس:
ربنا يكرمك ... اللهم ارزق كل بنات المسلمين الزوج الصالح.. اللهم ارزق كل شباب المسلمين الزوجة الصالحة.. قولوا آمين |
اقتباس:
اللهم امين امين |
اقتباس:
لا المفروض ما كانتش كلمته من الاساس شكرا على المرور الحلو |
اقتباس:
مرسى على المرور نورت الموضوع |
انا ممكن اقول حاجه هى ممكن تكون كلمت مليون واحد قبله وهو ممكن يتجوزها وهو مش عارف عنها حاجه حتى لو سأل عليها كويس
واذا كان هو رفض يتجوزنى علشان كلمنى فأنا كبنت ملهاش ماضى عايزة واحد زى ميكنش بص لوالا واحده ولا عمره عاكس بنت ولا عمره كلم بنت وده حقى زيه بالظبط فى الموضوع ده مفيش حاجه اسمها ولد وحاجه اسمها بنت الصح صح والخلط الخلط الحلال بين والحرام بين فانت لما تكلم مليون واحده انا هجبلك منين واحده عمرها مكلمت ولد ولا عرفت واحد المفروض اللى المجتمع بيفرضه على البنت يفرضه على الولد |
من الاخر مينفعش ان بنت تثق فى ولد وتتكلم وتضع لنفسها احلام وهمية بان هو ده اللى هكمل معاه حياتى;) وهو ده فارس احلامى:p لان معظم الشباب بيتكلم لغرض التسلية ولما بيفكر يرتبط بيرتبط بالبنت المحترمة تعرفى الشباب الايام دى له العذر للتفكيربالطريقة دى لان اغلب البنات سلوكهم بقى مستفز جدا ممكن البنت تكون كويسة وانها فعلا تكون بتحب الشخص ده لكن للاسف مش ينفع فى ايامنا دى:( انا بشوف بجد حاجات غريبة النهارده وانا راجعة من الدرس شوفت بنت واقفة مع 5 اولاد تقريبا :o وان مكنوش اكتر طيب دى كانت بتنيل ايه وضحك وقلة ادب:mad: لذلك الافضل ان تبدأ الحياة بينهم بعلم الاهل وبطاعة الله يعنى طالما هو اعجب بها من الاساس ليه مش اتقدم لها على طول ولا هو بيحب ياخد فكرة ويشترى بكره:p تقبلى مرورى مصرية |
اقتباس:
لا طبعا مابنفعش ده مش مبرر انها تكلمه فى حاجات ما ينفش فيها المساواة بين الولد والبنت مرورك اسعدنى |
انا ممكن اقول كمان حاجه لكل ولد الغلطه اللى انت بتعملها فى حياتك تأكد ان ربنا هيجبلك بنت تتجوزها تكون غلطط نفس الغلطه بنفس الطريقه
|
اقتباس:
كلام صح جدا ياقمر حلوة يحب ياخد فكرة ويشترى بكرة دى نورتينى والله |
اقتباس:
الاختلاط فى الاسلام حرام انا قصدى ان الولد بيعمل فى بنات الناس حاجات محرمه على اخته مثلا |
اعرف ان كلامى سيعترض عليه الكثير ولكن نحن عرب مسلمون صحيح
الاسلام حرم الاختلاط والخلوه اصلا وطالما رضينا بالاسلام دينا فقد قبلنا تعاليمه وللعلم هل يرضى الله عز وجل هذا الامر بالطبع لا الاسباب 1/عقوق للوالدين وخيانه للاهل و كان فعلا البنت بتحب اهلها مش هتعمل حاجه من وراهم يبقى ده اول ذنب عقوق الوالدين من الكبائر وقال النبى صلى الله عليه وسلم "لا يدخل الجنة عاق" 2/الخلوه والاختلاط بين شخصين لا يجمعهم رباط الشرع والدين كما ان اى فعل مرأه بدون علم اهلها حرام شرعا 3/الحب المحرم قال الله عز وجل "قل للمؤمنين يغضوا من ابصارهم ويحفظوا فروجهم ذلك ازكى لهم ان الله خبير بما يصنعون(30)وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمرهن على جيبوهن ولا يبدين زينتهن الا لبعولتهن أو ءابائهن أو اباء بعولتهن أو ابنائهن أو ابناء بعولتهن أو اخوانهن أو بنى اخوانهن أو بنى اخواتهن أو نسآئهن أو ما ملكت ايمانهن أو التابعين غير أوى الاربه من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا الى الله جميعا أيه المؤمنون لعلكم تفلحون" النور 30-31 اى ان الله عز وجل حرم حتى النظر للاجانب وكذلك ابداء الزينه امامهم حرم نظر الرجل للمرأه وكذلك الممرأه للرجل وامر بالتوبه من ذلك وهل من الممكن ان يحب شخص شخص اخر الا بالنظر له والتأمل فيه ده طبعا غير حفظ الفروج والعفه ودايما الحب المحرم عواقبه وخيمه من افكار رديئه و اثاره للغرائز واكيد طبعا مفيش حد هيغضب ربنا ويكون سعيد والشيطان عمره ما بيفرح حد يعنى هو اللى بدأ العلاقه بينهم فالنتيجه اما فاحشه او ضياع او زواج فاشل لان الله عز وجل قال "ومن اعرض عن ذكرى فأن له معيشه ضنكا ونحشره يوم القيامه اعمى " طه 124 اى ان الحياه بدون طاعه الله عز وجل ضنك وهم وغم فطبيعى الموضوع تكون نهايته سيئه اما حكايه الرجل يقبل او لا وكذلك البنت تقبل او لا حتى لو تقبلوا ونزوجوا والله الشك والغيره لا توصف وامامنا الحالات فى واقعى ومن حولى كثير مأساه وتنتهى القصه باسوء الامور وبصراحه انا متعجبه ليه اصلا يكون فى علاقه بين شاب وفتاه طيب هو باب اهلها مقفول ولا يعنى مش هيعرف ممكن حد يقول المصاريف وتجهيزات الزواج اقول له اعوذ بالله من الشيطان الرجيم "وليستعفف الذين لا يجدون نكاحا حتى يغنيهم الله من فضله " النور 33 ارجوا على من يقرأ مشاركتى ان يقرأها كامله ثم يعترض او يقبل |
الاعجاب والانجذاب لشخص اخر دى مشاعر بيحس بيها اى انسان لكن الفرق هنا في الاختيار لازم نحكم قلبنا مع عقلنا لان القلب لوحده هيضيعنا والعقل لوحده هيحيرنا والموضوع هنا في المشكله دى حكايه ثقه والمفروض الحب مبنى على اسس اهمها :- الاحترام والثقه والتقدير يعنى لو بيحبها بجد يبقي واثق فيها وميفكرش ابدا انها تعرف غيره وده رأيي;) |
| جميع الأوقات بتوقيت GMT +2. الساعة الآن 10:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.