(¯`·.¸¸.- مساجلة شعرية... مين يقبل التحدي -.¸¸.·´¯)
 

ميرسى كتير يا مون حقيقى التوبيك رائع جدا وفكرته جامدة اوى

بس انا كنت مترددة ارد على التوبيك عشان المذاكرة وكدة

بس هو حقيقى فى نظرى اهم توبيك فى قسم الابداعات ولسة كنت هطلب تثبيته لذا شكرى لاستاذ ضياء

ومرة تانية شكرا يا مون

الخمس ايام دول تمام اوى وان شاء الله انزل كلماتى قبل المهلة

بس بقولك اى هو لازم موضوع الكلمة دة؟؟ يعنى ممكن نعيد التفكير بالموضوع

لانى كنت بفكر ان انا والاستاذ ضياء نرسل ما كتبناه الى حضرتك وانتى بقى تنزليهم هم الاتنين فى القسم من غير ما يتعرف صاحب كل قصيدة ((مع إن الإسلوب بيبان)) ومثلا نسمى قصيدة (أ) وقصيدة (ب) ويتم التصويت هكذا عنهم وطبعا النقد مقبول جدا

بس فى الحالة دى موضوع الكلمة هيكشفها

وكمان الكلمة هتبقى غير عادلة بالنسبة للعضوين المتسابقين ...

بس لو مصممين على فكرة الكلمة يبقى نمشى تبع الأصول بما ان استاذ ضياء تم التأكد بقبوله التحدى كمتسابق قبلى يبقى هو يكتب الأول وانا مستعدة أبدأ بالكلمة اللى ينتهى بيها ومعنديش أى مشاكل

ومنتظرة كلمات حضرته اللى أكيد هتبقى جميلة ((مش حرام عليكى ابقى اول خسرانة فى التوبيك؟؟ :d:p ))

أتمنى أسمع آراء حضراتكو فيما طرحت

والسلام ختام:022yb4:

متابعة :)
وفقكم الله

هههههه
ده فاكر نفسه هيفلت مني :o
ده في تحدي جامد جدا عشان حضرتك مخصــــــــــــــــوص :stickjo4:


حاضر .... انتا الجاي عشان كلمتك دي :078111rg3:

أنا اقصد إن ألاء تبعتلك وأنا كمان أبعتلك وتقومي أنتى بالتنزيل بما أنك اللى متوليه الأمر وإن إحتاجتى أي مساعدة أنا تحت أمرك

تحياتي ،،،

لاء طبعا مستحيل تعرفى احم قصدى لاء طبعا مستحيل اعمل كدة :d

طبعا شئ جميل جدا المنافسة وعوزاها تبقى بسرعة عشان متشوقة بصراحة اعرف كلمات حضرتك قبل ما اكون متوشقة للنتيجة :d
عشان كدة ان شاء الله هبعت كلماتى لمون النهاردة انا كنت منتظرة اشوف آراءكو فى موضوع الكلمة بس واضح انه اتلغى وانا شايفة انه احسن بصراحة .. لأن الشعر لازم يحتوى على فكر ووجدان وممكن لما الشاعر يبقى ملزم بكلمة يبدأ بيها هيبقى فكر بس بدون وجدان واحساس .. او هيكون فيه شعور بس قليل

ههههههههههههههه بس خليها ميرندا تفاح اخضر عشان بحبها :d

امممم تمام كدة
ربنا يستر :d
ميرسى لحضرتك كتير


ويا ريت يا جماعة نسمع نقد لكل قصيدة وطبعا انا واستاذ ضياء مش هنرد على النقد الا بعد اعلان النتيجة ..

يا مون متنسيش تعديل التوبيك لانك كاتبة ان المسابقة هتبقى عن طريق ان اللى ينتهى بكلمة الآخر يبتدى بيها هى فكرة حلوة بس مش هتنفع بين اتنين متسابقين بس ...


وبما ان استاذ ضياء كتب فمش هينفع اعمل الفكرة اللى كنت بفكر فيها انى انا انتهى بكلمة هو يبدأ بيها وفى نفس الوقت هو ينتهى بكلمة انا أبدأ بيها بس كدة لازم القصيدتين يتكتبوا فى نفس الوقت على العموم هى اتلغت الفكرة

وعندى حاجة كمان يا مون
انتى قلتى ان 5 بس هيصوتو (اى حكاية رقم 5 صحيح :d ) هههه المهم كنت عاوزة اسال لو أكتر من 5 هيبقى اى النظام انا شايفة انه رقم قليل شوية ... يعنى عاوزة توضيح للنقطة دى .. أشوف هدفع كام تمن الحاجة الساقعة والرز بلبن هههههههههه

متابعة الموضوع
تحياتي

تمام فهماكى

وانا عشان التصويت على العام قلت فكرة انها تبقى قصيدة أ وقصيدة ب عشان مش يبقى فى حرج على اى عضو

وان شاء الله لو فى جديد هنقول

ثوانى بقى اقوم اعمل حاجة مهمة وبعدين هرجع ابعت القصيدة :d

انا سعدت لما قرات هذا التحدى
وطبعا شرف لاحد ان يكون متبارى فى مثل هذة المسابقات
والتى يكون الغرض الاوحد فيها هو التبارى وكسب الخبرات والافادة للجميع
لذلك اذا لم يكن هناك اى موانع فانا اريد ان اشترك فيها
واكون خصما لاى متارى اخر استفيد من خبراته استفاده بالغه
واذا تم اختيارى فانا موجود
والسلام ختام
والسلام عليكم

فكرة رائعة
وأنا متابع معكم هذا السباق الساخن جداً
وأعتقد أن البداية موفقة لأن اثنين بحجم أ \ ضياء
والعزيزة \ آلاء
سيجعلان المنافسة قوية وشرسة
أنا على أتم استعدادللمشاركةمعكم تقبلوا مروري

ماشاء الله يا غاليه موضووووع رااااااااااائع ويستحق فعلا التثبيت


وبالنسبه للاشعار ماشاء الله فعلا الاتنين احلي من بعض


لكن الذي وجدته قريبا من قلبي

الشعر الاول


وربنا يحفظك

متابعه وده بعد ازنكم

الموضوع اكثر من رائع بجد جميل اوى

وفعلا يستحق التثبيت يا سلام على افكارك يا مووون

ومتابعه معاكم باذن الله

تقبلى مرورى

قصيدتين رائعتين ولكن لي تعليق أرجو تقبله بصدر رحب :
أولاً : أنا اختار القصيدة الثانية لأن كلماتها معبرة وكنت أرى أن الشاعر لو حذف لفظ " بين " فقال: تتساقط الأشجان من أحضاني
لكان المعنى مستقيماً ومعبراً
لكنها في الحقيقة كلمات أكثر من رائعة ومعبرة جدا

* أما القصيدة الأولى فلست أدري ماذا يقصد الشاعر بقوله " ذي " هل يقصد ( هذي ) اسم إشارة أم ماذا ؟

وما رأيه لو قال " سناك الخافت رسول المحبينا "

كما أن الشاعر لو استخدم لفظ " قمري " مكان " نصفي " ( رباه كيف أجهل حال قمري ********** رباه كيف تبعدنا السنينا )

ولماذا يسلب الشاعر حق نفسه في الاطمئنان على حبيبه
وما رأيه لو قال( فما عاد قلبي يطمئن يقينا )

لكنها في النهاية كلمات رائعة
أرجومن صاحبها تقبل نقدي بصدر رحب
ودام ابداع الشاعرين وفي انتظار المزيد

الضمير ( ذي ) لا يجب ان يقترن بـ هاء التنبية ...

وأترك الباقي لصاحب النص ولكن بعد ظهور النتيجة

واررجو ابداء الرأي في الأفضل

رد الشاعر علي النقد

الأصل فى اللغة ذى اسم اشارة والهاء هنا للتنبيه

مش فرق كبير والاهم من كدة ان رسول المحبين .. المحبين هتبقى مضاف اليه مجرورة ودة بيخالف القافية .. والشاعر يقول الينا لانه يدرى انهم محبين

لكن الشاعر أحس ان الغائبين عنه واحبابه هم نصفه الثانى لذا قال هذا وما يؤكدة المعنى ما بعد البيت .. عندما قال رباه كيف تنقسم السفينة شبه نفسه واحبته بسفينة واحدة لو افترقوا اى انقسمت السفينة سيكون الغرق
وتبعدنا السنينا .. هنا السنين فاعل مرفوع ولا تناسب مش منصوبة كما كتبت

لان هذا كان واقع فى هذه اللحظة لانه حرم من الاطمئنان على أحبته لظروف خاصة.. ومن كثرة الألم فهو حتى اصبح ليس من حقه الإطمئنان على أحبته .. هذه ظروف خاصة مرت بالشاعر ليس ملزم توضيح السبب اللى خلاه مش من حقه

*************

الف شكر للنقد[/quote]

متهيألى مينفعش تعلنى النتيجة بعد صوت نقاء الروح لان كدة فى اعضاء ممكن
مش يعجبها الكلام وانا نفسى مش حاسة ان من حقى الفوز

يا ريت معلش تاجلى النتيجة

اه فعلا احنا قلنا 5 اعضاء على اساس ان فى مسابقة الرسام مش كتير اللى صوت لكن انا شايفة ان فى اصوات زيادة لازم ناخدها فى الاعتبار زى صوت نقاء الروح

وكمان لسة فى ناس قالت انها هتشارك فيعنى حتى يبقى آخرنا النهاردة .. لازم ناخد كل الأصوات فى الإعتبار

كان ممكن اعلان النتيجة قبل صوت نقاء مكنش هيبقى فيها حاجة

بالتالى انا ارجو تأجيل اعلان الفائز لحد ما نحصل على المزيد من الاصوات .... عشان محدش يزعل

وارجو تعديل ردودك السابقة لانها تكشف عن صاحب كل قصيدة

عارفة اننا بنتعبك بس استحملينا بقى يا مون:d

الموضوع أكثر من رائع ويستحق المشاهده

وشكرا علي افكارك الجميله يامون وان شاء الله متابع معكم الموضوع

معلهش أنا مع القصيدة الثانية حتى قبل ما أعرف تخص من مع احترامى لصاحبة القصيدة الأولى وكان نفسى أدخل فى الموضوع من بدرى بس حصل خير والاكتفاء ب5 أعضاء فقط ليس كافى لأن فيه ناس تحب تبدى رأيها فلنترك مهلة يومين أو ثلاثة ونجعل المسابقة فى أول الأسبوع وآخره

وأنا لو كنت عرفت المسابقة من البداية كنت أول من يشترك ولذا أنا أتقدم للاشتراك
تقبلوا مرورى ومبروك لآلاء والأستاذ ضياء