|
هام بالقاهرة لكل اللى فى القاهرة
النهاردة الاسامى وصلت ادارة غرب القاهرة التعليمية بقسم التعييناتوالحمد لله والشكر للهلقيت اسمى وطلبوا مننا صورة من شهادة icdlوصورة المؤهل وصورة التربوى واصل شهادة التجنيد للذكور وصحيفة الحالة الجنائية وبيان اجتياز اختبارات الكادر ممضى من مسئول الاحصاء بالادارة
:022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4: |
اخيرا
الف ميروك يا مستر ايهاب بس ممكن حضرتك تقولى مسوغات التعييين ايه وانت اخليت من وظيفة معلم مساعد واستلمت معلم والا لسه وايه الاجراءات الى انت عملتها بالظبط والاستمارات المطلوبه ايه عشان اقدر اجهزها انا كمان بجد شكرا على الخبر الحلو ده |
الله يبارك فيكى وعقبالك يا رب بصى
1- صورة المؤهل 2- صورة الدبلومة التربوى 3- صورة شهادة icdl 4- صورة بطاقة الرقم القومى 5- صحيفة الحالة الجنائية موجهه للادارة التابعة ليها 6- اصل شهادة التجنيد للذكور 7- بيان النجاح بتاع اختبارات المعلم المساعد والافضل اطبعيها من الاحصاء فى الادارة وخلى رئيس قسم الاحصاء يمضى عليها |
كنت عاوز استفسر منك على حاجة
ما المقصود بشهادة الصلاحية ؟ |
مستر ايهاب
زمايلنا فى المحافطات التانية الى اتعينوا اطلب منهم اقرار ذمة مالية واستمارة 106 وانهم يعملوا اخلا من معلم مساعد ويستلموا على درجة معلم والا الاول نسلم الورق ده ونبقى نعمل الحاجات دى اسفه على الاسئلة الكتير والف مليون مبروك ليك يا مستر ايهاب |
شهادة الصلاحية يا ايهاب هى النتيجة الى على الانترنت الى مكتوب فيها اننا نجحنا فى كل المكونات الاربعة للكادر
ادخل بكلمة السر والرقم القومى واطبعها وامضيها من مسئول الاحصاء فى الادارة وكنت عايزة اعرف مين الى سماها شهادة صلاحية يعنى احنا قبل كده كنا ايه مش عارفة ممكن كانت صلاحيتنا منتهيه الف مبروك وبالتوفيق واوعى تنسى الحاجة الساقعة |
لا ولا يهمك بس الظاهر فعلا الاوراق دية الاول وبعد كدة اقرار الذمة المالية
بص على فكرة الورق اللى مبعوت بة الاسامى من المديرية مكتوب مسوغات التعيين السابق ذكرها والنبى ردى عليا يعنى اية شهادة الصلاحية ؟ |
رديت
اقرا المشاركة الى قبل مشاركتك |
قرتها وشكرا ليكى و انتى ادارة اية صحيح
|
ادارة شرق القاهرة
|
لا انا غرب القاهرة
|
يعنى على بال القرار ما يوصل ادارة شرق القاهرة ياخد اد ايه
الناس عندنا نايمين خالص ربنا معانا يا ريت تبقى تقولى على باقى الاجراءات الى هتبقى تعملها عشان ابقى اعرف |
والنبى مش اكتر مننا بس على فكرة غيبى يوم وروحى الادارة وخليكى وراهم لحد متلاقى اسمك وتشوفية
|
احنا بنروح الادارة يقوللنا مفيش حاجة نزلت وانتوا كده كده اتعينتوا وده لسه امبارح مش من كام يوم
انا بحس ان الواحد بيشحت منهم وبجد بحس انهم مش فاهمين اى حاجة ولا عايزين يتعبوا نفسهم ربنا يهديهم وانا وراهم وراهم مش هسبهم والف مبروك ليك بجد الواحد فرحان ان اخيرا القاهرة فيها منطقة صحيت من النوم |
الله يبارك فيكى وعقبالك يارب
|
اخيرا هتكتب الف مبروك لمعلمى القاهرة
ان شاء الله غدا هسأل عندنا فى الادارة عن الكلام ده و اخبركم بالجديد لو فى حاجة جديدة ربنا يفرحنا جميعا شكرا يا استاذ ايهاب على الاخبار الجديدة السعيدة و يا رب ما يكون تجميع ورق و خلاص و مبروك يا ايمى |
مبروك ليك يا استاذ ايهاب بس انا ليا سؤال ازاى محافظات ومناطق تعين ومحافظات لاء اشمعنى يعنى مش المفروض ان قرارنا كلنا نزل فى يوم واحد بتاريخ 14/2/2011 والله الوضع ميطمنش ليه مفيش عدالة ولا تكافؤ فرص ؟معلش انا بس بسأل لكن والله فرحنالكم كلكم فى كل المحافظات اللى اتعينت واحنا ياااااااااااارب نتعين زيكم قريب يااااااااااااارب دعواتكم معانا والف مبروك مرة تانية
|
ان شاء الله يكون خير يا بنت كايرو
ونقول مبروك لينا كلنا كلنا نروح الادارات ونسال وربنا يوفقنا |
السلام عليكم
الف مبروك يا ايمى و يا ايهاب انا روحت الادارة النهاردة و شفت اسمى الحمد لله المطلوب عندنا : 2 صورة الرقم القومى دمغات ب 8 حنيهات اقرار الذمة المالية و طبعا سألت عليه قالوا مش موجودة الا فى العتبة او مكاتب البريد الكبيرة - ربنا يستر فيش و بيتأخر بسبب حرق القسم يعنى هاخده الاسبوع القادم دوسيه للورق الحمد لله موجود و صور اوراقى مثل الرخصة الدولية و المؤهل و يا ريت تكتبولى التعيين و قرارات القيام بالعمل عندكم هتكون بتاريخ كام ؟ مبروك يا جماعة فعلا كانت و حشانى الكلمة دى الحمد لك حمدا كثيرا مباركا كما ينبغى لجلال و جهك و عظيم سلطانك |
| جميع الأوقات بتوقيت GMT +2. الساعة الآن 06:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.