|
اوصف شعورك وانت معلم جديد
واحنا كلنا هنا فى المنتدى بتاعنا منتدى المعلمين الجدد اكيد بعد التعيين الكل حاسس بشعور مختلف
عايزة اعرف شعور كل واحد ايه وايه اكتر حاجة خلت كل واحد فينا فرحان ومين فرح ليك من المدرسه ومين كان حاسس انك هتقبض من جيبه وايه اكتر ميزة حاسس بيها وانت متعين ايه احلام كل واحد فينا للى جاى نفسك فى ايه بعد التعيين عايزين نبقى اسرة واحدة وايد واحدة ونتناقش فى كل حاجة تخصنا وناخد راى بعض |
تعرف اننا استفدنا من منتدنا الجميل أوى كنا بنعرف بعض اخبار كل واحد من مكان ومن كل محافظة وكان دة بيدينا ثقة لاما نقول فى المدرسة اى خبر وعمرنا ما حسينا ان دة كلام نت او اخبار نت بالعكس كاننا فى مدرسة وانتم زميلى فيها اما فرحتى كانت جامدة جدا وخصوصا كنت حاسة ان المعينين منغظين ههههههه لية ما عرفش وبقولوا الاساسى هيزيد و 100% والكادر وانت فى السن دة والدرجة التالتة كمان :friendsxs3:
|
ولا اى حاجه اتغيرت.....احساسى زى ما كان.........لما ناخد مرتب محترم و المعلم يبقى ليه مكانه محترمه فى المجتمع..وقتها يبقى احساسى يتغير....انما دلوقتى بالعكس احباط اكتر على الاقل بالنسبه لي اما انتم ربنا يفرحكم و تكونوا متفائلين دائما
|
انا بقى ادبست في عزومة اننا وزمايلي المعلمين الجدد بالمدرسة .. وجمعنا مبغل كويس وعاملين اكلة دسمة ةةةةةةةةةةة
بس كله يهون عشان التعيييييييييييييين |
اكيد الكل فرحان لكن بالنسبه للمرتب والزيادة نصبر شوية وكله هييجى مع الوقت
فين العزومة بتاعتنا يا على عايزين حقنا وانا طبعا عندى مشكلة كبيرة لما اتعين انا الوحيدة الى هتعين فى المدرسة يعنى هتدبس تدبيسة محترمة ربنا يوفقنا |
ههههههههه
والله نفسي أخدم المنتدى كله .. وياريت ينفع موضوع العزومة هنا في المنتدى ... مكنتش اتأخرت المهم .. اخبار التعيين ايه يا ايمي ؟ فيه جديد؟ |
لسه مفيش
بس فيه زميل لينا فى المنتدى كتب ان عندهم فى ادارة غرب القاهرة الكشوف نزلت بس مطلبوش لا اقرار ذمة مالية ولا استمارة طلبوا صورة الشهادة وصورة ال icdl وصورة بيان النجاح فى الكادر وفيش بس مش غريبة شوية انا سمعت منكم ان الورق المطلوب مختلف ربنا معانا يا ريت الكل يدعيلى وبرده عايزة حقى فى العزومة ( رخامة معلمه على ما تفرج ) ) |
انا بقي مش حاسس باي حاجه خالص تقريبا احساسي مات بس فيه حاجه واحده عايز اعملها بعد التعيين اللي لحد الوقت مش مصدق اذا كام حلم ولا علم عايز اتجوووووووووووووووووووووووووووووووز
|
صح الاحساس عندنا عادى ملهوش طعم لان الفرحة اتاخرت كتيير فلما جات كانت عادية
تصوروا عندنا فى المدرسة زملاؤنا الاساسييين (قبلنا عنى) بهنوننا على اننا كسبنا التعيين فى جايزة او طلعت لينا فى لعبة حظ كان الحكاية دى مش من حقنا من زمان يلا بس الحمد لله ان البلد اتعدل لاحالها اهووربنا يكرمنا كلنا |
يارب يفرح باقي زمايلنا ... اللهم اااااااااااااامين
|
احساس التخلص من الظلم . بس الي مدايقني بعض الناس القدامة مش عارف مدايقهم تثبتنا لية تحس انهم هيقبضوك من جيوبهم
بعد التعيين نفسي اكون مراجع خارجي في هيئة الاعتماد والجودة |
اقتباس:
ههههههههههههههههههههههههههههههههههه اللهم كما يست فيما مضى يسر فيما بقي ربنا يرزقك الزوجة الصالحة |
انا فرحت جدا بالتعين يعنى اقدر اخد اجازة واسافر لجوزى او حتى اتنقل القاهرة لو هنستقر فى مصر حاسة انى بقيت مش مقيدة فى مكان واخدت امتيازات
بس زعلنى جدا ان الوزارات كلها رفعت المرتبات واحنا لاء يمكن حسيت انى كمعلم اقل من الكل وخاصة الدكاترة يعنى كمشكلة شخصية يمكن لو مكنش الوزارات التانية رفعت المرتبات او اكتشفت اننا اقل وزارة كنت فرحت جدا بالمرتب وادبست بردة فى عزومة دسمة لسة معملتهاش انا وزمايلى ودلوقتى دماغى مشغولة بحاجات تانية الف مبروووووووووك للكل |
انا حزنت جدا تصدقو من اليوم التعيين وانا فى مشاكل فى المدرسة والاساسيين حطونا فوق راسهم بزيادة كان التعيين بتاعنا دة هيقلل من مرتباتهم ولسة مش معترفين بينا كمعينين انا فى مدرسة رنا مايكتبها لحد فيكم كله بيحقد على كله
|
انا لحد دلوقتى مش مصدقه نفسى انى اتعينت والله انا بحمد ربنا على التعين بالرغم من ان ناس كتير فى المدرسه وخارجها متغازين من تعينا مش عارفه ليه الله يسمحهم
|
من كتر غل الناس اللي في المدرسة ومن كتر ما المعاملة اتغيرت 100% من جميع الناس ولو في حاجة جت لينا يخبوها زي ما يكون هتاخد قوتهم انا زعلانة جدا وماليش نفس اشتغل بس هعمل اية ؟؟؟؟؟
انا بشتغل وبنفض للحاقدين لان ربنا لو عايز حاجة هتحصل رغم حقد الناس فانا سيباهم يموتوا بغيظهم!!!!!! |
انا حزينه جدا من يوم التعيين والمشاكل كترت والورق واقف ومش عايز يكمل
بجد ادعولى الورق بتاعى يخلص لانى بجد مش عارفة فيه ايه لدرجة ان فى ورق اتعاد 4 مرات وبرده غلط وطبعا بحاول اشتغل وانسى المشاكل وردود الفعل الغريبة الى انا شفتها ربنا يوفقنا للخير |
اقتباس:
دلوقتى اقدر ارد عليكى يا ايمى بعد ما الحمد لله اتعينت رسمى عايزة اعرف شعور كل واحد ايه شعورى فرحانة جدا جدا بالتعيين وايه اكتر حاجة خلت كل واحد فينا فرحان انى كنت بشتغل من2007 للان تعاقد مميز معلم مساعد عشان اتعين واتثبت كمدرسة رغم انى ايام الكلية كنت بكره التدريس جدا جدا ومين فرح ليك من المدرسه كلهم والله ومين كان حاسس انك هتقبض من جيبه موظفة القبض لانها بصراحة اما كنا معلم مساعد ومثلا الشيك بتاعنا بيطلع كانت بتكسل تجيبه لوحده وتقولينا استنوا مع قبض الاساسى وايه اكتر ميزة حاسس بيها وانت متعين انى اتعينت خلاص ايه احلام كل واحد فينا للى جاى ان ربنا يكرمنى فى حياتى نفسك فى ايه بعد التعيين ربنا يكرمنى فى حياتى عايزين نبقى اسرة واحدة وايد واحدة ونتناقش فى كل حاجة تخصنا وناخد راى بعض اكيد يا ايمى نكون يد واحدة ونتناقش فى كل حاجة تخص اى واحد فينا بس ليا عندك طلب ياريت كل يوم او كل مده كده تكتبى موضوع جميل زى ده كلنا نشارك فيه باذن الله |
هو بس ادبسنا فى عزومة كبير بس احساسى بان الناس كلها فرحانة لينا قوى ومن قلبهم كان جميل قوى
|
اقتباس:
|
| جميع الأوقات بتوقيت GMT +2. الساعة الآن 05:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.