|
اثبت ياض !!!!!!!!!!!!!
السلام عليكم و رحمة الله و بركاته تخيل لو انتا ماشي في الشارع بالليل كده و سمعت اللي بيقول "اثبت ياض عندك" و طالع عليك بمطواة قرن او حتي سوستة و بيقولك "أب باللي في جيبك" هتعمل ايه ؟؟؟ 1- همد ايدي في جيبي و انا مش عارف ادخلها اساساً من الرعشة و الخوف و اطلعله الفلوس و الموبايل و اشتري عمري ياعم و اتكل علي الله 2- ده مين ده اللي يثبتني في الشارع ؟؟؟ اديله في بطنه و اغزه بالمطواة اللي هو رافعها عليا دي متخلقش اللي يثبتني يعم :p 3- اديله في بطنه و اطلع اجري هاهااه دا انتا متعرفنيش في الجري ببقي عامل ازاي !! _____ "لو حد قالك كده يابني طلعله كل اللي في جيبك و متقاومش يمكن يضربك بمطوة ولا حاجة يموتك يابني" اكيد عرفتوا ان الرد ده بيكون من الوالدين في الغالب..ولكن قال رسول الله ( صلى الله عليه وسلم ) : "من مات دون أرضه فهو شهيد، ومن مات دون عرضه فهو شهيد، ومن مات دون ماله فهو شهيد" رواه الترمذي كما قال الله تعالي في كتابه الكريم إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآَخِرَةِ عَذَابٌ عَظِيمٌ (33) سورة المائدة ياريت اعرف ارائكم ... |
والله موضوع جميل بس اناا شاايف اللى بيستسلم ده ويطلع الفلوووس ويمشى مغلوب على امره ده جبااان وانت ذكرت حديث للنبى صلى الله عليه وسلم بيوضح ان اللى بيدافع عن ماله ويموت فهو شهيد فابقااا شهيد ولا ابقاااا جبااان يعنى وفى موقف او حااادثة حصلت فى سيااق الموضوع وسمعت عنهااا ان راجل طلعو عليه بطلجية واخدوا مراته وبنته وهو راح البيت وانتحررر طيب بالذمة ده يبقى راجل يعنى ده لو كان دافع عنهم ومااات كااان اشرفله من انه يمووووت كااافر معلش طولت عليك بقاااا شكرررا على الموضوع الرائع |
ههههههههههههههههههههههه
لسه مافيش شاب اتخلق يعملى قلق كفايه الحديث والايه اللى قولتهم مفيش انسان يرفض الشهاده اكيد وكمان المتنبى قال ان لم يكن من الموت بد فمن العار ان تموت جبانا نيس توبيك |
اقتباس:
لاننا مش بنعرف نعقلها بأي شكل من الاشكال يا عاشق يعني اللي خسر فلوسه في البورصة و انتحر ده كلام يدخل الدماغ؟؟ ولا الماس الكهربائي المتهم في اي قضية ده بنبلعها و نسكت لكن في موقف زي ده انا عن نفسي اقتل ميهمنيش لان عقر المفسدين في الارض مش حرام و اعرف يعني ايه عقر و اسعدني مرورك و كنت متوقع انك اول واحد ترد علي الموضوع علي فكرة :d اقتباس:
في ناس بتخاف من الحقن مش هتخاف من مطاوي ؟!!!! و كما قلت عن قول المتنبي شكراً لمرورك يا بيبو |
بص اقولك على حاجة ^^ ... انا و انا ماشى فى الشارع العمومى و عز الضهرية و الدنيا زحمة فى شارع فيصل لو تعرفه ... طلع عليا واحد بيتذاكى و عايز يقلبنى .. فقمت اتخانقت معاه ضربنى فى جمبى .. قمت ضاربه بطوبه بطحه جامد .. المهم مشى و انا مشيت .. فا و انا ماشى .. لقيت الاخ جايبلى 3 شايلين مطاوى ... فضلت ابوء معاهم بلغتنا الدارجة .. لقيتهم شاربين طينة .. فكده انا برمى نفسى الى التهلكة ... فديته الفلوس و الموبايل و اخدت الشريحة :d بس مسيبتش حقى .. رحت لاصحابى و رحنا العزبة عشان هما يعرفوا ناس هناك اللى ورا .. و اتكلمنا مع واحد كده بيقولوا عليه الكبير بتاعهم .. و ادانى الموبايل تانى ... بس مش ادانى الفلوس :(
مش مشكلة اهم حاجة انى كنت قدام نفسى كويس ^^ |
:av4056bb7jp3:جزاك الله كل خير وبارك فيك
وسدد خطاك وحفظك من كل شر موضوع رائع :av4056bb7jp3: |
اكيد هاديله كل اللى معايا واتصل باهلى يبعتوه كمان هههههه انا معنديش استعداد اتعامل مع ناس زى دى
بس صعبه اوى بالنسبه للبنات ربنا يسترها معانا يارب احنا بنسافر وعلى طريق شكرا للموضوهع الجدير بالنقاش بس فكره هايله اوى |
فى المواقف دى لازم ترجع للامثال الشعبية.. الجرى نص الجدعنة بس هنا يبقى الجدعنة كلها ^^
نيجى للجد.. لو حصل معايا كدا هروح موقع المفاتيح او الموبايل او اى حاجة فى ايدى على الارض وانزل اجيب طوبة و فى دماغو و اكوّموا على الارض و اخد منو المطوة و يبقى هو اللى جابو لنفسو و بعدها اتصل بالبوليس و فى اسوأ الاحوال ممكن اتصلوا بالاسعاف، و لو عرف يضربنى او يموتنى يبقى انا قاومت و بكدا محدش علم عليا.. المتنبى بيقول: اذا لم يكن من للموت بد .. فمن العار ان تكون جبانا . بس الاوحش لو كان فى حد من قريباتك معاك,, الاول ابعدها عن الموضوع خليها تجرى او تستخبى فى اى حتة و يبقى منك له راجل لراجل مع انو كدا مش راجل ^^ mg |
اقتباس:
انا من رأيى الرأى ده اديله فى بطنه واطلع اجرى:d حل سليم ميه فى الميه:p بس انا عندى تعليق :d المفروض الحرامى او البلطجى ده يكون عنده ذوق:p وميتعرضشى للبنات للولاد اه لكن البنات لا:d عشان هما يعرفوا يدافعوا عن نفسهم لكن البنات يعينى هيعملوا ايه;) دول اخرهم يصوتوا:022yb4: يارب احفظ شباب وبنات المسلمين |
موقف وحش اوى .......واعتقد اللى يتعرضله احسن له يديهم اللى معاه وخلاص ده مش جبن فى وجهة نظرى بس عشان ما يحصلوش حاجة لأن دول بيكونوا بلطجية يعنى ممكن يموت فيها وزى الموقف اللى اتعرضله usernamo وفى موقف كمان وانا راكبة الميكروباص النهارده سمعت واحد راكب جنب السواق بيقوله وهو ماشي فى المعادى الصبح وهو رايح شغله اتنين بلطجية طلعوا عليه عايزين اللى معاه كله فقاومهم هو معرفش عمل ايه بالظبط قام واحد من البلطجية مطلع مطوة وقطلعوه صدره .......ف اعتقد انه لو كان اداهم اللى معاه كان احسن له بدل اللى حصله وفى الاخر اخدوا برده اللى عايزينه كفاية كده عشان مطولش .......بشكرك على موضوعك الجميل:).....ويارب ماحد يتعرض للموقف السخيف ده |
هههههه انا مش هثبت دانا هسيب كل حاجة واجري طبعا :d وربنا يبعدنا عن مواقف زي دي وربنا يحفظنا ويحفظ الجميع |
اقتباس:
ههههههههههههه موضوع جميل جدا والله تسلم ايديك بس انا مش هطلع كل ال فجيبى واعمل كده لا انا هغزوا بمطوه |
ليه السلبية البلطجى لو عرف إن كل واحد حيحاول يعمله كده حيقاومه وممكن يتمسك حتقل البلطجة لكن هم بيلعبو على روح السلبية
|
موضوعك متميز
طيب نفترض إن الشاب دة وحيد أبوه وأمه؟ أو يتيم بىشقى على إخواته البنات؟ أو يتيم الأب وأمه مريضة وهو اللى بيشتغل وبيصرف عليها ويجبلها علاج؟ |
ادوني فرصة ارد علي الكلام ده كله بقي :d
|
اقتباس:
لكن في تاني حالة كان لازم تخلع لما تشوفه جايب العيلة دي كلها و جاي ........... الجري في الحالة دي كل الشجاعة و الوقوف نص التهور و الخناق كل الجنون :D بس كويس انك عرفت تاخد حقك المرة دي جارنا حصلت معاه من يومين معرفش يرجع حاجة و كان موبايل جديد ياعيني يلا بس نصيب نورتني بمرورك و جزاك الله كل خير اقتباس:
اقتباس:
و الله لما حرامي يشوف بنت مش هيكون عينه علي فلوس بالمنطق يعني كده و ده اللي بنخاف منه حالياً و بندعي ان ربنا يجيب عواقبها سليمة شكراً لمرورك العطر علي الموضوع اقتباس:
و الموضوع سهل طلع المفاتيح و اغزه بيها في رقبته مش هيقوم تاني اي نعم الجري نص الجدعنة لكن لازم تشغل الاول ولو ترمي شوية رمل في وشه و في اغلب الاحيان البوليس بيوصل لكن بطبيعته في الافلام العربي بيوصل متأخر شكراً لمرورك علي الموضوع اقتباس:
مكانش سرقنا احنا لكن الحرامي مش هينقي ثم هو عنده ذوق علي فكرة لما بيشوف بنت مش بيطلب منها فلوس او موبايل هو بيقتلها بس يعني و بعدها بيفكر بقي هيلحق ياخد ولا مش هيلحق عامةً ربنا يهدي الجميع و يحفظنا منهم شكراً لمرورك و علي فكرة انت من الاعضاء المتميزين في المنتدي و ده رأيي محدش قالي يعني :d اقتباس:
لكن الاصعب هو اني افقد شيء كنت متمسك بيه بالبساطة دي انا لا يمكن اسيب حقي بالشكل ده و القوة مش في الجسم في العقل انا لو اتحطيت في موقف زي ده هشغل الكرتونة المدورة اللي فوق عندي و اكيد هوصل بيها لحل لكن مش ههرب شكراً لمرورك علي الموضوع اقتباس:
امين امين امين و الجري رياضة كويسة برضه بتفيد في حالة زي دي :d اقتباس:
فكرتني الجملة دي بحكاية حكهالي واحد صاحبي غريبة جداً قالي انه و هو مروح بيته طلعت عليه بنت كده شكلها في تالتة اعدادي و قالتله اب باللي معاك قالها اهل الكار ميقطعوش علي بعض قالت يعني ايه؟ قالها يعني تيت تيت تيت تيت لسه هتمد ايدها تطلع الموس من بقها قام مديها حتة قلم ايه من بتوع زمان بقي مناخيرها جابت دم و طلعت تجري والله حاجة غريبة بس ولا يهمك منهم غزه .......انا معاك محدش هيقولك حاجة غير لما يتأكدوا ان هو اللي كان عايز يسرقك مش انتا :d شكراً لمرورك نورت الموضوع اقتباس:
هنعمل ايه في طبع متطبع في كتير من الشعب المصري ملهاش علاج ربنا يهديهم يا استاذ و شكراً لمرورك علي الموضوع اقتباس:
لان كل قرش عنده هو احق بيه من غيره لكن زي ده لابد يكون ليه سلاح يحميه و إن كان مجرد تشغيل الدماغ لان الضعيف ملوش مكان في مصر دلوقت يا يحمي نفسه يا يعيش جبان حتي و إن كان عائل او وحيد زي ما قلت و دي وجهات نظر يا استاذي و عايز اسمع تعقيبك علي كلامي |
يانهار ابيض:o يعنى انا لو طلعلى واحد وقاللى "اثبتى يابت عندك:d" المفروض انى اديله فى بطنه واغزه بالمطوة:p الله واكبر عليا بابا كتير كان بيسألنى السؤال ده ساعة لما حالات الخطف كانت منتشرة بيقولى طيب انتى هتعلى ايه لو اتثبتى;)؟؟ يعنى انا ممكن اقع من طولى بس:blush: وهوفر عليه اى مجهود فى انه يضربنى ربنا يستر علينا كلنا وشكرا على الموضوع :) |
شكرااااااااا لك
|
اقتباس:
في ناس لو جت معاها عالغز بس بتكون خير في ناس بتستعمل قوالب طوب عالراس و مفاتيح في الرقاب و ضرب بأفترا في مناطق صعبة دا الغز ده رحمة :D :D :D لكن لازم نتعود نبقي اقوي محدش عارف الجاي احسن ولا اسوأ و ربنا يحفظنا و يحمينا من بطش اهل الدنيا الموضوع نور بمرورك و جزاك الله خير اقتباس:
و تبعت رسايل يا كبير :D |
اقتباس:
فى اسلحة خفيفة للحماية اظن ان كل البنات بتشيلها دلوقت.. زى صاعق الكهربا دا، بيجيب مالآخر و مش غالى فى نفس الوقت بس لازم قبل متخرجى تكونى شحناه و ممكن يفضى فى اى وقت.. لو حد شاف فيلم فيس اوف، كان جون ترافولتا ادى حاجة لبنتو عاملة زى البتاع اللى بيأور المحشى (لا مؤاخذة فى التعبير) عشان تحمي نفسها بيه.. ممكن تشتريه عشان لو حد اتعرضلك تدافعى عن نفسك بيه و هو سهل الاستخدام اغرزيه فى فخد البلطجى و لفيه 360 فى رجلو هيفقد السيطرة على نفسو و يقع و بعديها اطلعى اجرى ^^ خيالى واسع شوية صح؟ لول .. ربنا يحمى البنات و الشباب! mg |
والله الواحد ميحكمش حيعمل ايه فى موقف زى ده .... الحياة والموت بالذات مبعرفش احدد حسب ظروفها بقى
|
اقتباس:
اقتباس:
شكرا على رأيك وعلى ذوق حضرتك |
انالوحصل معايا الموقف دة
ان مش هلحق اعمل اى حاجة من الحلول دى:confused: |
جزاك الله خيراً
ربنا يحفظ شباب وبنات المسلمين اللهم آمين |
هو بصراحة عندي رأي مختلف عن اللي موجودين..
أنا هحاول اني احتوي الموقف بذكاء شوية... أو أحاول ادافع عن نفسي(لكنن من غير ما أأذيه طبعا ولا أموته).. لو حكمت اني أهرب من المواجهة نفسها (علي اعتبار ان انا بنت ومش هبقا أد الخصم ده) يبقي ههرب.. لو ان الهروب مش حل ولو هيقولوا علي اني جبانه (وهكون خسرانه فلوسي وتليفوني) أسوأ من ان يقولوا عليا اني جبانه (وطلعت تجري بفلوسها وأهم حاجة التليفون هه؟) يعني أمر المطوه ده بعيد.. متابعه باقي الاراء |
الحكايه دى كانت بتدور فى بالى فى الايام اللى فاتت لان كل يوم بتحصل حوادث سرقة بس بتبقى عالبيوت مش فى الشارع ولو المسروق دا سلم وعطى فلوسه للحرامى الناس كلها بتقول تمام هو عمل الصح وبعدها جه فى بالى الحديث دا وقولت ازاى الناس مش واخده بالها انه كدة جبان وانه مش دافع عن ماله اللى هيسأل عنه ولو كان دافع عن ماله هيبقى شهيد انا الحمد لله محصليش الموقف دا بس لو حصلى اكيد هكون مرعوبة بس مش هخلى الحرامى دا ينول اللى هو عاوزه ابداااا وهحاول اتعامل بذكاء انى مثلا الاقى ازازاه فى الجنب اقوم ادشدشها على راسه :d بس لو هجرى يبقى ضامنه انه مش هيلحقنى (ودا مبتيأليش:mad:) عشان مش ابينله خوفى و فى الاخر اتقفش كمان:mad: لان اكتر نتيجه هتكون سيئه هى انى اموت وماقدرش احلم حلم اكبر من انى اموت شهيده بس اكيد معنديش قوة كافيه انى اضربه بس الغل هيخلينى ابستفه ههههه:d و بعدين الناس اللى بتسيب الفلوس عشان خايف انه يجرحه او كدة منين يضمن انه هيطلع سليم لما يسلم بحاجته دى؟؟ دا الحرامى لازم يوقع ببصمته قبل ما يمشى يعنى كدة كدة هتتجرح فالاحسن نعيش شجعان و مش نموت جبانين |
اقتباس:
لكن للاسف انا شفت ساعق الكهرباء ده مع عيلين بيهزروا بيه مع بعض كان شيء مستفز انهم يتعملوا سبل الحماية بالشكل ده و بصراحة كانوا بلطجية يعني :d لكنه سلاح متميز و في اكتر من وسيلة اننا نعمله في البيت مش لازم نشتريه كمان شكراً لمرورك الدنيا نورت :d اقتباس:
واحد صاحبي اتثبت قبل كده و استغل انه شاف واحد معدي و راح عامل انه معاه و مشي جنبه و هرب !! بس برضه نجهز نفسنا لموقف زي ده لانه وارد جداً حالياً اقتباس:
ربنا يدينا و يديكوا طول العمر :d شكراً لمرورك اقتباس:
و تقبل الله دعائك و شكراً لمرورك اقتباس:
لكن مش اسلم حاجتي و اهرب ده اسمه جبن و كمان لو اتخانقت انا واثق انه هيجيبلي ناس اكتر عشان يبلطجوا عليا و ساعتها هيبقي تار شخصي مش عايز فلوس ولا حاجة ده جاي ينتقم و قبل ما اعمل حاجة لازم اعرف برضه انا اقدر اعمل ايه شكراً لمرورك علي الموضوع اقتباس:
لكن بالنسبة لبنت هيختلف لانه من الاخر مينفعش بنت تمشي لوحدها لان الموقف ده اصعب بكتير من موقف الولد هنا عامةً ربنا يحفظنا جميعا و يحمينا من الناس دي مرورك اسعدني جزاك الله كل خير |
لا بجد احنا لو عشنا الموقف مش كلام صعب جدا... مطوه بحلها ..يالهوي بصراحه ..الموقف هيفرض نفسه.. هو انا لسه هفكر اساسا .. هطلع كل اللي حيلتي واديهمله :d.. بعد كدا يتلهي ف الفلوس واضربه بالمطوه هههههههههههههههههههههههه لا بجد موقف صعب جدا مش عارفه هعمل ايه ساعتها ..!! بس متهيالي عمري مهطحط ف مواقف ذى دي .. ولو اتحطيط هتبقا نهيتي :frown: اسلوب العرض جميل .. تقبل مروري |
أثبــــت .. !!!
هو انا مش هقولك هبقى جون سينا و مين ده اللى يقولي اثبت و انا أقطعه و الكلام ده .. بس أتمنى لو حصل حاجة زي كده اني ابقى لوحدي ميكونش معايا حد علشان مخافش عليه و كده .. و يا سلام لو كان لوحده .. راجل لراجل ..^_^ بس بجد لو حد عملها هحسب الموقف كويس فى دماغي و أتصرف. .بس غالبا مش هديله حاجة .. ده انا هديله على دماغه .. :] شكرا يابو حميد ع التوبيك الجميل ^^ |
الحمد لله اصلا ما بيجي الليل الا وانا (مفلسه ) ما معيش حاجه اديها لعمو الحرامي
الحمد لله ظروفنا الاقتصادية مساعدنا في حتة السرقة دي موضوع طريف تقبلو تحياتي ومروري |
انا بقا هقوله ايه ده ايه ده ايه ده !!!! احنا متفقناش علا كده يا ابو الكباتن !!:( يرضيك حد يعمل كده فى اختك !! : اه يرضينى !! قبى يابت باللى فى جيبك !! ايه ده انت معندكش اخوات بنات ولا ايه !!:o : لا معنديييش اخلصى يا بت !! طب معندكش دم !!!;) : لا برده معنديش !!! ايه ده معقولة معندكش دم !!!:slap1qk6: : اخلصى يا بت !!:040vk0: ايه قلة الزوق دى انت مش حرامى جدع علا فكرة !!:romarioxp6: : انجرى يا بت واخلصى يلا يا بت يا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،، ايه ده !!! احنا متفقناش علا كده يا معلم كده تشتمنى !!!:mad: طب مش لاعب !!!!!!!! :d:p |
بالنسبة ليا انا الحمد لله صحة تمام وكمان عارف شوية حاجات كونغ فو على كارتيه (كنت بتدرب زمان ) وان دبل الورد لسه ريحتو فيه:p وبعدين الحرامي دا بيكون واحد حشاش وبيشرب كل حاجة معنى كده اي مقاومة هضيعه مش محتاج تعب واهم حاجة تشغيل المخ في الموقف دا والواحد مينزلش اي منطقة وخلاص ولازم اي بنت او اي حد اضطرته الظروف ووقع في حاجة زي كدة لازم يكون عارف اسماء ناس ضايعة حتى لو هو ميعرفمش الا شكليا بس يكون حافظ كام اسم كدة يقولوا انا تبع فلان او اعرفه وفي الحالة دي البلطجيه بيكبروا لبعض ميهتكلمش معاه واحتمال يساعده كمان
بس المشكله انك تقوله اعرف فلان ويكون هو:022yb4: |
هطلع الجاجات الى معاية واجرى
هعمل اية غير كدة |
موضوع حميل جدآ جدآ
بس آنآ لو آتحطيت فيه بجد مش عآرفة هعمل آيه آنآ قعدت سآعتين آفكر هعمل آيه مش عرفت تقبل مروري يــــــــــــــــآرآ عطية |
-(( ده مين ده اللي يثبتني في الشارع ؟؟؟ اديله في بطنه و اغزه بالمطواة اللي هو رافعها عليا دي
متخلقش اللي يثبتني يعم)) اه حعمل كده والجرى مش نصف الجدعنه لا ده الجرى خيبه علشان اللى رافع المطوه ده اصلا خايف منى وهو رافعهخايف من رد فعلى عليه وهو عارف ان الاغلبيه راح تستسلم لكن لو استسلمت خوفه حيروح وحيتحول لشجاعه او بمعنى اصح باجاحه فايريت محدش يصدر خوفه امام اى بلطجى شكرا على الموضوع تقبلوا مرورى |
اقتباس:
|
موضوع جميل جدا
لكن راى ان البلطجى اللى يطلع عليك فى الشلرع ده مش بيكون فى وعيه ولا فى حالته الطبيعيه اديله اللى معاك وامشى وسيبه حياتك اغلى من اى فلوس وبالنسبه للحديث السلبق ذكره كلنا بنتمنى الشهاده لكن ايه اللى ضمنك ان الضربه دى هاتموتك ماهى ممكن تعملك عاهه مستديمه يبقى انت استفدت ايه وكمان ربنا قال (ولا تلقوا بأيديكم الى التهلكه) |
انا كنت كتبت رد للناس دي كلها ..بس ضااااااااااااع
والله مانا كاتبه تاني شكراً لكل اللي دخلوا و ردوا في الموضوع |
اقتباس:
ليه كده ده انا طيبه ده حتى انا نفسى اتعرض لبلطجى وربنا اخليه يدعى يسيب البلطجى ويمشى عدل انا ماما بتبقى خايفه عليا وانا رايحه الدرس المدرسيين يقولوا لماما انتى خايفه عليها ليه انتى تخافى على البلطجيه منها يلا بقى حكمه ربنا |
اقتباس:
:d .......... |
لا انا بنت ومقدرش اعمل اي حاجه بصراحه مش عارفه ممكن اعمل ايه!!!!!!!!!!!!!
|
اقتباس:
علي رأيك يا حلمي :d ________ |
والله موضوع جمييييل
انا عن نفسي لو لقيت حد بيقولي قبي باللي معاكي؟؟ هعمل حاجه من التلاته 1- اكلمه باحترام جدا كاني مخدتش بالي هو بيقول ايه هقوله:نعم..حضرتك عاوز حاجه!!! هيقولي:اه..قبي بالموبايل والفلوس؟ هقوله :بس كده..واطلعله والموبايل ..واضربه بيه علي دماغه ..واطلق ساقي للريح :romarioxp6: 2- استعبط اقوله :ايه ده ازيييييك يا عم فينك من زماااان؟:p هيقولي :ايه ده انتي تعرفيني؟؟ هقوله: ده كلام ..ايه ده ثانيه ارد علي الموبايل ..طبعا ساعتها هينسي لوهله انه كان عاوز يسرقني فانا اقوم اطلع اجري علي طول..اكيد مخه هياخد وقت عشان يستوعب الموقف وانا اطلع اجري:romarioxp6: 3- اعمل فيها انا اللي حراميه هقوله :قب انت يا معلم بالفلوس والموبايل!!:stickjo4::stickjo4: هيقول:انتي هبله ولا ايه؟ هقوله:يا بني انا معايا مسدس ومطواه وكل حاجه..انا بقول نشتغل مع بعض احسن ..استني اوريك المسدس ..واقوم اطلع برفيوم او اسبراي وارشه في عينه ..او اطلع اجري علي طووووول كالعاده:romarioxp6: ههههههه مش مهم هعمل ايه قبل ما اجري..المهم اني اجري وخلاص وشكراا علي الموضوع الجميل |
.................................................. .
يا جماعه انا اولا متعرضتش للموضوع ده قبل كدا لكن واحد صاحبي اتعرض له كل اللي اعرفه انه كسر له دراعه و اخده سلمه في اقرب كمين للشرطه و انا لو اتعرضت لكدا اكيد هيكون رد فعلي زي صاحبي خصوصا اننا في فريق تايكوندو واحد يعني الحمد لله الصحه كويسه و المفروض انى اعرف ادفع عن نفسي كويس اوي فيا ريت الرياضه دا من وجهه نظري مفيده جدا و بالنسبه للبنات تحاول متمشيش في اماكن فاضيه بالليل او يكون معاها حد اخوها مثلا.
|
اقتباس:
ربنا ما يوقعش حد فى إيدك . بالنسبة لى أنا هروح مطلع الصاعق وأعمل معاه الصح ، ولو مش معايا أو مش مشحون هعمل معاه الصح برضه . الأذية مفيش أسهل منها . بس نصيحة لأى حد هيستخدم القوة ميلطش وخلاص لازم تأذيه لأنه بيبقى مبرشم ومش بيحس بحاجة ، إسأل مجرب ولا تسأل طبيب أصل أنا وواحد صاحبى اتعرضنا لموقف زى ده قبل كده ، وكانوا اتنين وجايين يثبتونا الأول خد ضربة خطر واتكوم والتانى خد بوكسين وشه بقى كله دم وقام ولا فيه حاجة وضرب صاحبى بالمطواه فى بطنه بس الحمد لله جت سطحية بس عريضة وده من حوالى 10 أيام بس ، وبالنسبة للبنات متمشيش لوحدها فى أى حته هو فى أى وقت ولو حتى فى الضهر . |
اقتباس:
|
ايه ده
انتوا بتضحكوا عليا اخس عليكم ده انا عزوزا بس ده الواقع انا ببقى مفترسه لما حد بيفكر انه بس يضيقنى مش عارفه ليه بس انا بحب الاحترام فى الشارع فى البيت بكون هاديه وجميله اوى بس اكيد فى الشارع ببقى جميله برضه بس الاحترام واجب وميرسى يا جماعه |
هي ردود الافعال بتختلف من شخص لاخر علي حسب انا حصلي موقف زي ده قبل كده لما كنت في الثانويه العامه وانا مروح من المدرسه بس كنت في بلد تانيه المهم كان معايا 6 اصحابي وطلع علينا حوالي 10 المشكله بقي كلهم عيال معاهم مطاوي وكانوا عايزين الفلوس المشكله كمان بقي ان كان كل واحد مننا معاه ربع جنيه واحنا من بلد ارياف يعني اللي ياخد منك فلوسك متبقاش راجل المهم مسكنا العيال ضربناه واخدنا المطاوي وبعناها كمان وجبنا ثروه
تقريبا بقي متعرضتش لموقف زي ده تاني لكن زي ماقلت قبل كده طبيعه الموقف بتحكم عليك وان رد فعلك في الموقف غير لما بتكون بتتخيل الموقف وتقبل مروري |
| جميع الأوقات بتوقيت GMT +2. الساعة الآن 12:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.