|
الذئب والضحية !!!
ازيكم يااا احلى اعضااااء جمعة مبااااركة امبااارح كااانت فى عضوة منزلة موضوع فى القسم العااام كاااان اسمه رسالة غرررامية وبيتكلم عن الشباااب وانهم ذئاااب بشرررية وبيضحكوا على البناااات يااا عينى ويفترسوهم والبنت يا عينى فريسة طيبة على نياااتها مفيش فى ايدهااا غير انها تستسلم لهذا الذئب مكنش ناااقص غير انهااا تقول مصاااص دماااء كمااااان وشفت عضوات ايدوهاااا فى الكلام ده بصررراحة انااااا موت على نفسى من الضحك طيب اذا كااانت البنت معتقدة ان الشااب هيضحك عليهااا بتوافق انهااا تحبه ليه ويدخلوا فى علاقة يتمنوااا انهااا تنتهى بالزواج وهل كل الشباااب فاااسد بيتسلى بالبنااات وبس اتمنى اسمع اراء حضراتكم فى الموضوع ده ويا ريت لو كل طرف يقول رايه فى الطرف التاااانى |
هههه ؛ صراحة ما رآيت الموضوع السابق
لكن أحياناً يحدث ذلك .. |
حاسب على نفسك من مستر على ^^... بص اقولك على حاجة .. لازم الاتنين يقتنعوا عشان تقوم علاقة ... و بقدام البنت اقتنعت .. فهى تبقى كده تبيح له .. انه يتكلم معاها .. يحبها و كده .. كون فى يوم الايام .. حبه ليها قل .. و قالها كده .. هى تفتكره انه كذاب و ضحك عليها .. مع ان هى اللى اباحت كده من الاول ... و ساعات البنات هى اللى بتغدر ... و هما مش ملائكة الرحمة اللى نازلين من السماء مثلاً ... بس اقولك على حاجة ... هما دايماً الاحسن مننا .. و دى عن ثقة .. بيغلطوا اه .. بس بيعتذروا .. احنا بنغلط .. و بنغالط .. و نتكبر .. انا عمرى ما اعترفت انى غلطان قدام اى بنت عرفتها .. و اكيد انت كمان .. إلا قليلاً يعنى .. و على فكرة .. حاجة كمان .. انت لما بتحزن .. بتعمل نفسك قوى و مش بتفضفض ... هما ممكن تبقى انت الانسان الوحيد اللى يشوف دمعتها ... اينعم مش كل الدموع تصدق .. بس معظم دموعهم .. مميتة .. انا عن نفسى .. لما بشوف بنت بتدمع .. ممكن اعمل اى حاجة عشان اخليها تبطل ... بس لو لقيتها بتضحك عليا .. ممكن اقتلها ....
انا رأيى زى ما قلتلك انهم مش ملائكة ... بس هما احسن ممننا دايماً |
احنا بنفسر ونشوف الموضوع كدا على اساس ان البنت عاطفتها زيادة وانها بيضحك على عقلها بسهولة وان الشاب دايما هو الشخص السيء المستغل لظرف او اخر عشان يوصل لمبتغاه لكن ومع اني بنت لكن بشوفها ظالمة شويتين لان النظرة كدا مش موضوعية مافيش علاقة هتقام وتستمر وتتعمل الا برضا الطرفين يعني اكيد البنت هي كمان مرحبة بيها لكن نقطة اتهام الشباب بتيجي فإنهم بيستغلو ان البنت تعبانة نفسيا مثلا مش لاقية اهتمام وحنان داخل اسرتها ماحدش بيسأل عليها لكن الغلط بيقع عليها اكتر منه انها سمحت ليه بتعدي حدوده معاها ومع ذلك فيه نوع من الشباب هو ال بيسعى لبنت او ماشابه ومع ذلك بردو كنت اصدق حكاية انه ضحك عليها او كل بعقلها حلاوة زي مابيقولي زمان لكن دلوقتي لا خلاص انا وانتي وهي وهي من كتر القصص والوقائع عارفين اساليبهم وطرقهم ومااكثرها وشعارهم ال ماينفعش معاها دي ينفع معاها دي :d لكنها فالنهاية معروفة ومكشوفة وكفاية القصص والبلاوي ال كل يوم بنسمع عنها فيعني مابقاش زي زمان الوحدة منا من كلمتين تصدق وفالاخر تقول ماهو ال ضحك عليا !!! لأنك كدا بتضحكي على نفسك للاسف ! -_- لكن فالنهاية الخطأ عالاتنين لأننا بقت كل حاجة واضحة جدا ومعظم العلاقات بتبقى تسلية او ممكن نقول كل واحد بيكمل الحاجة ال هو فقدها وحتى العلاقات ال بتبقى ناويين بجد يكملوها للاسف معظمها بيفشل ومش عارفة لحد الان ليه :excl: فيعني لا احنا ليلى ولا الشباب الذئب لان كل واحد وواحدة هيعملو علاقة عارفين النتيجة مسبقا ياما نهاية سعيدة و يعيشو فسبات ونبات ياجرح والم واكتئاب فلازم نتحمل النتيجة ... لكن ورغم الرغي دا كلو فيه شباب عاوزين قنبلة وتتفجر فيهم بجد :d:mad: ومع احترامي للجميع طبعا :022yb4: وسوري عالاطالة |
باختصـــار .. ^^
زي ما فـــي ذئاب رجـــالة :d و ضحايا بنات ^^ .. برضه فى العكس .فى بنات بجد بتستغل الشباب أى كان ماديا أو .. او .. و بيبقوا البنات الذئاب و الشباب هما اللى ضحايا .. يعنى مفيش قاعدة عامة .. كل جنس و فيه الكويس و فيه الوحش .. وبس |
اقتباس:
|
اقتباس:
شكل الموضوع دا هيبقى دفاع عن الشباب واطاحة وطحن البنات :d مع احترامي ياقمر لكلامك الا انك جاية حبتين علينا يعني عاوزين نكون موضوعيين بئا لا لينا ولا علينا ;) الاتنين غلطانين وزي ما العضو محمد حلمي اختصر الموضوع مشكور فيه كدا وكدا فمش ينفع نقول احنا اس الفساد والغالب داحنا هنبقى مربيات اجيال :p وانا كنت شاهدة عيان على حادثة عكس حادثة اخوكِ الولد سابها بعد مالمسكينة ضيعت منها عرسان كتير لكني برغم كدا ماينفعش اقول انهم اس فساد وفالغالب غدارين ;) انا كبرت الخط المرة دي عشان مش اتعب مستر علي :blush: |
انا شايف ان الغالبية الكبرى بيكون العكس .... الشاب لما بيعرف بنت وتنشا علاقة بيبقى تاثيرها عليه كبير جدا لدرجة انها بتمتلكه وبتحركة زى ما هيا عايزة وبتتحكم فيه تحكم كامل ..... دا رايى الشباب هما الضحية والبنات هما المستبدين
|
صح يا نقــاء ... مفيش حاجة أسمها فى الغالب ..
فى حاجة أسمها تربية و أخلاق و دين و مبادئ .. و الحاجات دي مش بتتجزأ بالنسبة للولد او البنت .. كل واحد و على حسب نشأته .. يا أما يطلع كويس يا أما مش كويس .. لكن صفة عامة موجودة فى الشباب أو البنات , مش مقتنع بيها .. ده رأيي ^^ |
اقتباس:
!!! |
أه و الله عندك حق انا شفته امبارح بردو... عامة انا مش بحب اى نوع من انواع التعميم او التغليب اينعم فى شباب ذئاب فعلا بس فى كتير محترمين و للاسف الشاب المحترم غالبا بينخدع فى ذئباية :p
هو شكسبير وزنها كويس اوى: أغبى امرأة تستطيع أن تخدع أذكى رجل ،، وأذكى امرأة تنخدع بسهولة من أهبل رجل (منقول) MG |
عبروا عن رأيكم في الموضوع دون التطرق
لأمثلة عن قصص حب وكلام فاضي يوجد ألفاظ أخري ممكن استبدال الكلمة بها ( وأهو تضحكوا عليا :d) وأنا ان شاء الله سأطلع علي كل مشاركة :stickjo4: |
اقتباس:
|
اقتباس:
وكمان موجه لغيرك لكي لا يقوم بنفس الشيء . |
والله هو غلط من الطرفين
|
اقتباس:
شكرا لمرور حضرتك الكريم اقتباس:
حضرتك قلت رضااا الطرفين اذا لو حصل حاااجة بعد كده تتحمل مسئولية اختيااارهااا وما يبقاااش هو الجااانى وهى المجنى عليهااااومش دايمااا هما المظلومين اوقااات كتيرررر بناااات ما بتكتفيش بحب واحد او معرفة شخص واااحدوفعلا زى ما قلت حضرتك الراجل بيحس ان الاعتذار تقليل من كرررامته وبيحس انه لو اعتذر هيقل فى نظرهااااا شكرررا للمشاااركة الجميلة |
اقتباس:
اكيد زى مااا حضرتك قولتى هى علاقة بين اتنين وهمااا الاتنين مسئولين لكن اناا شااايفك منحااازة شوية للبنااات وبتقولى عارفين اساليبهم وكده ماا فى بنااات كمااان ليهاا اساليب وبتحاااول توقع الشبااااب وربنااا يهدى الجميع شكرررا للمشااااركة الرررائعة |
اقتباس:
كلامك سليم يااا محمد وانت جبت من الاخر والله شكرررا للمشااركة الجميلة |
اقتباس:
والله ده على حسب شخصية الشااااب شكرررا للمشاااركة المتميزة اقتباس:
ههههههههههههـ حلوة اوووى ذئبااااية دى شكررا للمشاركة الرائعة |
اقتباس:
ما تسيب الناااس تااخد حريتهااا يا مستر:p ده احنااا بعد الثورة بس كنت اتمنى اسمع رايك فى المووضوع اقتباس:
شكرررا للمشاااركة الطيبة |
اقتباس:
منحازة للبنات :o يعني انا لازم اقول احنا الوحشين وانتو المظلومين عشان اكون موضوعية ؟ :bosyht9: اما بالنسبة للاساليب اه مع حضرتك ان فيه بنات بتعمل ال الشباب ماتعملوش وربنا يهدي الجميع لكني قصدت ان اساليب الشاب في ايقاع البنت متعارف عليها عشان مش بنت تيجي وتقول اصلي ماكنتش اعرف ؟ وهو ضحك عليا وخدعني يعني ماتخليش نفسها مظلومة وهي اساسا السبب فال جرالها |
اسم الموضوع حلو اوى الذئب والضحية كأننا عايشين فى غابة او بنقرا حدوتة قبل النوم:d .. مفيش ولد يقدر يجبر البنت على حاجة هى بتعمل كل حاجة برضاها:blush: والبنت اللى بتقول ان الولد هو اللى ضحك عليها تبقى غلطانة لأنها هى اللى بتضحك على نفسها ... هو فى حاجة غريبة فى المنتدى فى الفترة الاخيرة انا شايفة معظم المواضيع بتكلم عن الولاد والبنات بالأخص:stickjo4: ومواضيع جواز ومتعلقاته ومواضيع كتير شبه بعضها:p هى ايه الحكاية ؟ |
اقتباس:
هي دي الحرية ؟!! والثورة تعني أن كل واحد يعمل أو يقول اللي يعجبه حتي لو كان مخالف للقوانين ؟! أي كلام في الحب والكلام الفاضي دا ممنوع هنا في المنتدي , وخاصة القسم العام . رأيي ان شاء الله أقوله لما أفضي . |
اقتباس:
لا طبعااا مش لازم تقولى انتو وحشين بس تتكلمى عن الطرفين وليس طرف على حساااب الاخر اقتباس:
هههههههههههههـ حدوتة مرة وحدة طيب يااا رب تكونى حضرتك استمتعتى بيهااااا شكرررا للمشاااركة الجميلة |
اقتباس:
لم أقصد ما فهمته يااا استاااذ على |
التوبيك فكرته كويسة بس اللى فعلا مش كويس ان فيه بنات بتحسس نفسها بكدة ان الولد هو اللى ضحك عليها .. خصوصا لو اتجرحت هى ممكن يكون ظلمها .. بس هى لازم تلوم نفسها انها من البداية عملت كدة الكلام دة نفسى اقوله لكذا بنت .. مفيش حاجة اسمها يتضحك عليها اومال احنا عندنا عقل لى؟ انا شايفة ان هى دى المشكلة الاساسية للموضوع دة ان البنات بتستخدمه كحيلة دفاعية .. مع انى شايفة انها متلومش غير نفسها لو حصل اى شئ لكن فعلا فى بنات بيضحك عليها ************* وفى المقابل فى بنات مبيفرقش معاها حاجة وهى اللى بتضحك على الطرف الآخر ودة قليل ونادر بس بتحصل .. لما يصدقها ويتصدم فيها دى تكفى انها تبقى ضحكت عليه وبردو ساعتها ميلومش غير نفسه لأنه اكيد مفكرش بعقله ومشى ورا احساس بس *************************** أما عن رأيي فى الطرف الآخر فهم بنى آدمين لا أكثر بمعنى أصح هم زيهم زيينا .. فى منهم الكويس وفى منهم الوحش واحنا عندنا عقل نميز بيه بين الكويس والوحش .. وكمان نميز باى يصح واى ميصحش .. ونميز بين الصح والغلط ********************************* اما بالنسبة لنقاء فهى مش تحيزت ولا حاجة هى قالت فى شباب يستحق الحرق واى نوت؟ وفى كمان بنات تستحق نفس المصير ههههههه شكرا على التوبيك |
على فكرة زى ما فى أولاد بيضحكوا على البنات
فيه كمان بنات بتضحط على الراجل وبتخدعه وبصراحة بلاقى بنات كتيييييييير شاطرة فى الحكاية دى وخصوصا فى الزمن اللى احنا بقينا فيه ده زمن مش فيه أمانة بين الطرفين الا نادرا بس على ما أعتقد انه طالما فيه صدق و امانة وثقة بين الطرفين مش هتحصل الخيانة بينهم مش هيحصل خلاف ما بينهم وطالما العلاقة مبنية على رضى الله فأكيد ربنا هيحميهم ويمنع عنهم الفراق والخداع ولكن بالنسبة للبنات اللى بتضحك على الرجال ممكن يكون عندها مشكلة نفسية يعنى ممكن تكون اتخدعت قبل كده من شاب وبكده هتفقد الثقة فى باقى الرجال |
اقتباس:
رائع ان اسمع الكلام ده من بنت وجهة نظررر جميلة جداااااااااا شكرررا لمرورك الرائع |
اقتباس:
ممكن وممكن تكون عدم تررربية واهتمااام من الاهل شكرررا للمشاااركة الجميلة |
سبق وأن قلت بأنه لم تعد البنت الساذجة موجودة وخاصة بعد انتشار وسائل الاعلام المختلفة .
النسبة تكاد تكون متساوية . مشكور علي هذا الموضوع . تقبل مروري . |
ايه دا كان نفسي اشوف الموضوع ..:d رساله غراميه ف المنتدي يا لهوي .. بصراحه يعني ..اي عيب بيبقا الاكتر ع البنت لان دا مجتمعنا مجتمع شرررقي ..بيحكم بالنظره دي وصعب اوي اننا نغيرها .. لكن رايي الغلط والعيب مش بيفرق ما بين بنت او ولد دا غلط يتعاقب دي غلطت تتعاقب .. بصراحه هما الاتنين ياخدوا ع دماغهم .. ههههههههههههههههههههههههههه بصراحه اتصدعت من توبيكات الولد والبنت الولد والبنت.. ربنا ياخدهم :d ..قصدي ربنا يهديهم تقبل مروري حضرتك |
المشكلة ان فى عالمنا ده
بقت كل حاجة كويسة نادرة يعنى انا عارفة ان صعب بردوا تلاقى بنت ساذجة دلوقتى بس فعلا بنات كده مش هنقول ساذجة بس أهلها رفوا يربوها كويس على الحاجات الصح واكيد طبعا مش كل الولاد وحشين فيه منهم الكويس واللى عارف ربنا وبيتقيه بس بردوا دول نادريين واكيد كل ده بيرجع فى الاول والاخر على التربية اللى الواحد اتربى عليها وبيرجع لمدى رجوع الانسان لربه والاستعانة به سبحانه وتعالى |
الغدر متوقع من اى حد سواء بنت او ولد سيان والغلط واحد عليهم وكما تدين تدان يعنى الولد اللى هيغدر ده هيروح من ربنا فين ؟؟ واللى يقال عنها ضحيه ما احترمتش كلام ربها ليه ؟؟؟ |
اقتباس:
شكرررا لمرور حضرتك اقتباس:
ههههههههههههههههههـ حضرتك كده ظلمتى الطرفين بلا ربنااا يهدى زى ما قولتى فى الاخر شكرررا لللمشاااركة الجميلة |
اقتباس:
ونعمة بالله واكيد الناااس الكويسة عملة ناااادرة الايااام دى ربنااا يهدينا جميعاااا شكرررا للمشااركة الجميلة اقتباس:
اكيد طبعااا زى ما قولتى يااا اختى لازم نلتزم بتعاليم الدين بارك الله فيكى وجزاك خيرررا |
علي فكرة يا جماعة مستر علي حذف القصة لأنها كانت تتحدث في الحب..
وانا رأيت القوانين ولاقيت مكتوب فيها: اقتباس:
وكنت حاطة القصة للعبرة... ولكن أرجو ان يكون الأمر قد وضح الان!!!!! |
مش كل الشباب ذئاب ولاحاجة لو كدة مكنش حد اتجوز بس هو البنت يمكن اللى عملت الموضوع _انا مشفتهوش_ حصلها موقف ومن كده بتقول ان الشباب ذئاب بالعكس ده فيه بنات بيكونوا افظع بيعرفوا ازاى يوقعوا الشاب بيكونوا تعابين بجد يعنى الذئاب موجوده فى البنات والاولاد... وبشكرك على موضوعك بس انا حسيت انك عايز تقتلنا :d |
اقتباس:
ليه يا مستر ؟؟؟ لسه فيه والله بنات ساذجة وانا كنت منهم:d |
اقتباس:
احسااااس مش صحيح اكيد:d علشان انتو النص التااانى المهم بس دايماا متااحملين على الشباااب ودايمااا تقولواااا انهم هما السبب فى كل حاااجة شكرررا على المرو الجميل:) |
اقتباس:
متحاملة ؟؟؟؟:stickjo4: شكلك مقرأتش الرد كويس:slap1qk6: ما انا قلت فيه بنات كمان كدة واولاد كده .......انت هتوقعنى فى الغلط ليه انا عندى تلاتة اخوات ولاد:bosyht9: |
اقتباس:
انااا مقصدش كلام حضرتك انا بتكلم بشكل عاااام يعنى ومن تعليقك على اخر جزء اللى هو اناا حسيت انك عاااوز تقتلنااااا |
الى مشرفى القسم العااام اناا كل يووم ادخل الموضوع الاقئ مشاااركة اتحذفت زى مشاااركة عضوة هناا وهى مش خاارجة عن الموضوع دى مش طريقة تعااامل ابداااااا ما تحذفوووا الموضوع بالمرة طيب:angry2: |
شكراااا لك
الغدر منتشر جدا بين الطرفين. الاضرار اكبر بنسبة 99%لفتاة و ده لان طبيعتها الطيبة و الرقة . |
اقتباس:
ايه دا ! هو انت حافظ المشاركات بتاعت الأعضاء ؟! وكمان عارف اذا كانت خارج الموضوع ولا لأ ؟! طريقة كلامك مرفوضة !! لك الحق في الاستفسار بهدوء عن موضوعك أو مشاركاتك فقط !! وليس لك الحق في السؤال عن مشاركات الأعضاء , فكل عضو يستطيع أن يفعل هذا ! ولا تنسي بأنك لم تذكر اسم العضوة التي قمت بحذف مشاركتها !! لا تتدخل فيما لا يعنيك . |
لو سألتنى
فيه بنات سذج هقولك كتير و مش نادرين و لا حاجة زى ما الناس فاكرة كل الحكاية انهم أحيانًا انطوائيين و أحيانًا بيتظاهروا بالقوة ، الإنسان بطبيعته ما بيحبش يبين أنه ساذج و الطيور على أشكالها تقع سواء ولد بنت أهبل أو بيستهبل لازم يكون الكل فاهم كده و فيه ناس موهوبة فى إنها تبهدل و كل مشكلة ليها حكمها كل حالة ليها ملابساتها و ظروفها و بيئتها و زمنها المميزة قمة العنصرية إننا نتكلم عن الموضوع ده بصفة عامة و نتكلم عن إحصاءات كأننا عارفين كل اللى بيحصل و بعدين احنا فى منتدى لطلبة الثانوى لازم نراعى كده و مندخلش فى تفاصيل الواجب إننا نحذرهم و ننبههم من الموضوع ده و انتهى |
اقتباس:
بمااا انه موضوعى من حقى اعرف المشااركات اتحذفت ليه ؟؟؟؟؟؟؟؟؟ |
اقتباس:
شكرااا لمرور حضرررتك اقتباس:
اكيد كلام حضرررتك مظبوط بس حتى لو دخلنااا فى جوووانب كثيرة للموضوع فده بيفيد الطلبة علشااان ما يحصلش معاااهم كده شكرررا للمشاااركة الجميلة |
آلسلآم عليكم ورحمة آلله وبركآته
بجد آلموضوع جميل جدآ وآنآ هقول رآي وهو مش هيختلف كتير عن آرآء آلنآس آلمحترمة آلي قبلي وهو آن في ولآد بيقدروآ آنهم يضحكوآ ع آلبنآت ويدخلها من طريق وحآجة هي بتحبهآ عشآن يلفت آنتبآهآ ويخليهآ تحبوه بس آلنوع ده من آلشبآب آلي غير محترم آنمآ في شآب ممكن يكون بيحب وآحدة بس مش يكلمهآ لآنه محترم وآكيد مش هيضآيقهآ ولو هو بيحبهآ يدخل من بآب آلبي ولآ آيه ؟؟؟؟؟ وآلبنآت بقي مش غبية عشآن حد يضحك عليهآ هي لو متربية تربية صحيحة عمرهآ مآهتكون ضحية في يوم من آلآيآم بس كده هو ده كلآمي وآسفة ع آلآطآلة وتقبلوآ مروري يــــــــــــــــــــــآرآ عطية |
اقتباس:
وعليكم السلام ورحمة الله وبركاااته اكيد رائ حضرتك محترررم واكيد لو بيحبهااا هيعمل زى ماااا بتقولى شكرررا للمشاااركة الجميلة |
اقتباس:
قلت لك ليس من حقك أن تسأل عن مشاركات غيرك ! وطلبت منك ذكر اسم العضوة التي حذفت مشاركتها , ولكنك حتي الأن لم تذكره !! لا تجادل فيما لا تعلم ولا تتمادي في ذلك . |
| جميع الأوقات بتوقيت GMT +2. الساعة الآن 09:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.