هااااام جدااااااااااااااا وعاجل
 

بعثت جميع المديريات بالجمهورية فاكس لكل الادارات التابعة لها مضمونها الاتي :-

يتم موافتنا على وجه السرعة ارسال الاتي للمديرية

1- من هم على راس العمل ومضي عليهم 3 سنوات متصلة " المتعاقدين - الأجر " كلا في كشوف مستقلة.

2- من هم ليسوا على راس العمل ولهم خبرات سابقة متصلة او متقطعة.

3- من هم على راس العمل ولم يمضي عليهم 3 سنوات " المتعاقدين - الأجر " كلا في كشوف مستقلة"


وقد حمل هذا الفاكس كلمات
استعجال اول
هام وعاجل جداااااااااا

ياريت تبقى ترفع الفاكس لمصداقية الخبر
غير ان عايزة اضيف حاجة مهمة ان الوزير بيقول ان المديريات بعتت تستفسر من الوزارة عن التفسير القانونى للقرار 75 الخاص بتثبيت المعلمين من من امضو 3 سنوات يعنى بالظبط انهى 3 سنوات وايه الشروط الخاصة بيهم ومرتباتهم وموقفهم الوظيفى والحاجات دى ولسة الوزارة حاليا بتعد فى هذا التفسير يعنى ممكن يكون الفاكس ده مجرد احصاء عشان يشوفو العدد قد ايه الاول ويظبطو بعدها القرار على ادهم والميزانيات والكلام ده
عموما ربنا يوفق الجميع ومتستعجلوش وبرضو متياسوش لان رزقك محدش هياخده غيرك

رفع الفاكس صعب لانى معنديش اسكانر
بس اللى في الفاكس كتبته بالظبط
وكله يروح مشوار بكرة لادارته ويسأل

فعلا هذا الكلام صحيح انا كنت فى الادارة عندنا فى زفتى و كان مدير التعيينات يكلف الموظفة بهذا الموضوع و قال لها اقراى الفاكس بعناية ( عاوزك تفليه )

كلامك مهم بس هوة بجد

يارب يكون خير

اه عندينا مدرس الكمبيوتر طالبين منه ينزل اسماء المدرسين المتعاقدين ويرفعهم علي النت وكمان المدرسين بالحصه شوف ازاي يله ربنا يسهلكو وتتعيينو يعني هجيبو مدرسين اجانب يردسوا للعيال ديه منته اللي هدرسو متقلقوش انتو بس مستعجلين

سلامنا للأخ عادل المداح

دة مجرد احصاء للاعداد لمعرفة العجز والزيادة

احنا فى الغربية كتبنا الاسماء وبعتناها الادارة

دا حصل فعلا بس ما فيش جديد

على فكرة الوزارة مازالت متمسكة بكل الشروط التى فى العقد واى كلام غير كدة لا بد ان يكون بمنشور رسمى وليس مجرد امنيات نحن نطلب المساواة بالازهر الشريف الذى ثبت المتعاقدين بدون شروط الا شرط الثلاث سنوات رغم ان مرتباتهم اعلى من التعليم وواضح ان نفس ال العقلية المتخلفة مازالت تسيطر على التربية والتعليم والحجة ان العدد فى التربية والتعليم كبير

يا استاذنا تفاءل شوية وبلاش احباط
لما هو احصاء قالوا على وجه السرعة ليه وحددوا الموضوع بمعاد
وايه علاقة اللى مش على راس العمل لو كان احصاء
اعتقد كل واحد لازم يكون عندة أمل " وبشروا ولا تنفروا "

وربنا يكرمنا جميعا لما فيه الخير وصالح الأعمال .......... قول آمين

كيف السبيل لنستعيد مهابة كانت بساح العلم خير قلاع
فالكادر الميمون صار مذلة أرجوحة في المنح و الإرجاع
أأعود للتدريس بعد تأبطي علل الكهول وكثرة الأوجاع ؟!
فإذا كسوتم ثوب فضل فليكن حق الجميع بغير لي ذراع

الكل بيطمئن نفسه وبس على حاجة تكسف النفس
بيقول لك بكره نتعين ونشفوف الحلم الجاى مصر بكره تتقدم بشبابها زى الني

يارب تعيين ولو حتى فى فلسطين اهوه نروح شهداء احسن من اللى قاعدين

ربنا يقدم اللى فية الخير

نتمني من الله ان يكون كلام صحيح

انا ولا متفائل ولا متشائم انا بقولك الحقيقة دة مجرد احصاء بالاعداد
اما من هم ليسوا على رأس العمل فهذا لمجرد معرفة مدى عددهم لانهم تقدموا ببعض الشكاوى واستندوا فيها على انهم تم استبعادهم السنة الاخيرة بحجة انة ليس هناك عجز او بسبب من يأخذ اماكنهم بالواسطة


وبخصوص من هم على رأس العمل واكملوا ال 3 سنوات فسوف يتم التعاقد معهم بعقد معلم مساعد تمهيدا للتعين بعد استيفاء الشروط ( اجتياز امتحانات الاكاديمية )
ومن على رأس العمل ولم تكتمل ال 3 سنوات يبقى حالهم كما هو علية لحين اكتمال ال 3 سنوات ومن ثم عقد معلم مساعد وهكذا


ولا تنسى اننا فى نهاية سنة مالية ولابد من حصر جميع الاعداد تمهيدا لارسال هذه الاعداد لوزارة المالية لتكون المخصصات المالية لوزارة التربية والتعليم كافية لرواتب الجميع


الواقع ليس بة تفائل او تشائم وانما اوراق وقوانين