|
حل مشكلتك
بسم الله الرحمن الرحيم :
أنا لقيت ان دة هيكون أحسن مكان للموضوع بتاعي وهو حل مشكلتك الموضوع دة كل واحد وكل واحدة هاتكتب المشكلة بتاعتها أو بتاعته و كلنا هانشارك في الحلول من غير تريقة وكلام مالهوش لازمة . و تعليق هااااااام ل محمد السادات أنا عملت الموضوع هنا في المنتدى الطبي أظن مفيش أي مشاكل و أنا فتحت جرس الفسحة لاقيت كل المواضيع مفتوحة يا ريت أرجووووووك بلاش تقفل الموضوع دة عشان خاطر كل الناس الي بتحبهم عالمنتدى .و صدقني أنا بجد تعبت من الحوار دة وأنا مش مسئولة عن الي هايحصل.............. أنا عارفة انك مش هاتزعل كل الناس الي انت بتحبهم شكرا |
مش مكانه هنا يا كيم
هوا ممكن السادات يحطه مؤقتا ف جرس الفسحه عبال ما يعمل العياده النفسيه بس فكرته حلوة عجباني |
مشكوووووور
شكرا على التعليق . و ياريت السادات يقول رأيه لأن فعلا انا تعبت من الموضوع دة أنا كنت حطاه في اقتراحات وحلول راح آفله وهو فعلا معذور أنا عارفة ان الموضوع مش بيده بس هاعمل ايه عايز ينقله ينقله بس بلاش يقفله. أنا عارفة ان هو نفسه يشوفني عشان يموتني بس مش مهم (مننا و علينا) و شكرا على التعليق
|
أنا هنقل الموضوع لحضرتك فى الركن العام وهيتم تثبيته بس لازم حضرتك تتابعى الموضوع |
شكرا يا محمد ومعلش تعباك معايا . ربنا يخليك للمنتدى
|
اية الأخبار يا جماعة.دلوقتي هانبدأ الموضوع بتاعنا وهو حل مشكلتك. ياريت كل حد عنده مشكلة يكتبها و كل واحد عنده حل ياريت يقوله. توكلنا على الله
|
المشكلة تكون طبية ولا ايه ؟
معلش اصلى مش متابع الموضوع اوى |
أنا عندى كام سؤال منهم انا بعانى منهم شخصياً ومنهم أسأله من باب العلم بالشىء نبدأ بالأسئله الشخصيه
أما السؤال اللى نفسى أعرف إجابته هو
|
موضوع جميل وفكرة مش بطاله وبالتوفيق للجميع وشكرا لصاحب الموضوع |
أولا بالنسبة لأنا العبد:
أي مشكلة الموضوع مفتوح أما بالنسبة لمحمد:طبعا هذا الاحساس النبيل من اجل تصليح الحياة هو شيء دال على نبل الشخصية و طبعا في الزمن (الاسود)دة مفيش حد هيحب يشوفك تكون نبيل فلازم تتوقع هذه المعاملة السيئة. و موضوع انك مخنوق كلنا مخنوقيييييييييين بس انت مشكلتك ان مهنتك بتوجب عليك ان تكون مبتسم ودي المشكلة انك مش بتعرف تعبر عن مشاكلك. وموضوع انهم بيحسبوك على (الهايفة) يسبتلك اد اية هم مش عايزينك تكون كويس يعني انت شخص ناجح. أما بالنسبة لمشكلتك الحقيقية أنا مش هقدر أفتي في الموضوع دة بس عن رأيي لما تحب حد ويطلع غلط حاول تصلحه عشان انت بتحبه . لكن موضوع انك مش هينفع تفكر في غيره دة عشان انت بتحبه. لكن موضوع ان دةقدرك فدة أنا مش فاهماه ياريت توضح يا محمد. و على فكرة انت شخص خدوم و شخصية كويسة عشان كدة صدقني انك هتلاقي أكثر الناس ضدك يبقى(نفضلهم). ياريت أكون فيدتك بأي حاجة وشكرا ليك يا فارس النت |
مشكلتي أنا
أما أنا فمشكلتي كبييييرة أنا كنت كتبتها قبل كدة بس الموضوع اتقفل . المهم
أنا مشكلتي ان مفيش أي حد فاهمني ولا حتى ماما . ماما دايما بتحرجني أمام كل الناس لازم تطلع في أي عيب مش عارفة لية . دايما بحس ان هي ضدي مع ان انا عارفة ان دة مش صح بس دة احساس . علاطول بتتخانق معايا. أنا مثلا مكنتش بغيب ولا يوم في المدرسة عشان فعلا مش عايزة أعد معاها لكن دلوقتي ثانوية عامة يعني أغلب اليوم في البيت عارفين باعمل اي(طووووول اليوم في الأودة مش باخرج الا كل فين وفين) و بجد أنا زهقت . وبابا مش بشوفه .طول اليوم في الشغل هو معذور برضوا بس بجد أنا تعبت حتى صحبتي أنتمتي طلعت بنت مش مؤدبة حاولت أصلحها وهي كانت بتحاول تخليني زيها. وماما كانت عملت مشكلة كدة أنا كنت كتبتها قبل كدة و الحمد لله لقيت ردود مقنعة. ياريت المساعدة |
هذه أوهام تشعرى بها ويشعر بها الابناء وخصوصا فى سن المراهقة وهذا شيء طبيعى مع
الجميع الذى يمر بنفس السن لا يوجد أب أو ام على الخصوص الام ان تطلع أخطاء فى ابنتها هل تعلمى افضل الناس عندى أو بالبلدى كده انا محبش حد احسن منى الا ........... ................ شوفى كام نقطة ابنى والمقصود بابنى اولادى ولد وبنت انا عندى ثلاث بنات وولد واحد لا يوجد فرق بينهم فى المعامله الحل تقربى الى الست الوالدة واحكى لها كانها الصديقة الوفية وسوف تشعرى بانها تحبك وابعدى كل البعد عن صديقة السوء واقطعى علاقتك بها فورا ونهائيا وبعد اسبوع من هذا الكلام قولى النتيجة لكى يستفيد الجميع منها ربنا يوفقكم جميعا وهذا موضوع هادف ياريت الذى يرد بكلم مقنع ومفيد والا لا يرد افضل لكى يظل الموضوع هادف ولا يتحول الى تهريج والسلام عليكم ورحمه الله وبركاته |
اقتباس:
حبيت انسان غلط يعني محبتهوش لانك معرفتش تختار الحب انك تعرف انت بتحب مين وهدفك منه ايه ومتسمهوش حب حبيته غلط يعني لو (لو بيحبك) انت مش حتقدر تسعده اوتقدره وانك لازم تنساه وتفكر فاللي يستهال حبك وانت تستهال حبه |
اقتباس:
مشاكلنا كلها نقطة نجعلها بركة نغرق فيها ليس من الصواب إن تحبسى نفسك بعيدا عن الناس لا لشئ إنه قتل لشخصك أما صديقتك فليس هذا بمستغرب فى عصرنا ، ولكن يبقى اللوم لك على سوء الاختيار |
أ.مجدي قطب
شكرا للمشاركة بس صدقني صحبتي معايا من واحنا في الk.g يعني من زماااان أوي ماما و بابا عارفين عنها كل حاجة بس فجأة السنة الي فاتت لقيتها اتغيرت و بقت مش طبيعية وحاولت أغيرها تاني بس ماقدرتش وكمان لقيتها عايزاني اكون زيها ف سبتها. وموضوع اني حابسة نفسي : من فضلك قولي أخرج من الاودة لية اذا كنت انا عارفة ان دة هايجيبلي مشاكل. شكرا أ.صوت الحق : أنا حقيقي حاولت أتكلم معاها كتير بس مش عارفة لان كل ما جي أكلمها تقولي ماتشيلينيش الهم. شكرا. أنا عارفة ان الموضوع معقد بس سامحوني وشكرا على الاهتمام |
أنا عندى كام سؤال منهم انا بعانى منهم شخصياً ومنهم أسأله من باب العلم بالشىء نبدأ بالأسئله الشخصيه
و ده بيدل علي انك انسان قوي و بيسعي للافضل وللأسف مش كلنا زيك كدا يعني مثلا تيجي تكلم واحد هيقولك ياعم فكك .. ياعم نفض .. طنش تعش تنتعش بس صدقني والله ما دام فيك الرغبه انك تصلح هتصلح و ملكش دعوه بردود اليائسين لان دول في زمانا كتير وحاول تدور علي اللي زيك و تعمل معاه تواصل و صدقني لو انت فعلا جواك انك تبقي كويس وتصلح هتصلح اديني قررتهالك مرتين
علي العموم قرب من ربنا شوية ده حل الضيق والله العظيم
اسمع اكتر ما تتكلم اللي يقولك انت غلط اعرف منه انت غلط ليه و لو طلعت غلط قول انا اسف الكلمه مش كبيرة و الله يا سادات بس اسمع منه الغلط ده هتستفاد منه هيفتح لعقلك افاق انك تفكر ياتري ده صح ولا ده غلط كلنا بنغلط بس بجد كويس اوي انك بتلاقي حد يحاسبك علي اخطائك وياريت تقابل منهم كتير عشان مع الوقت هتوصل لمنطقه معينه من التعامل ان الخطأ بتاعك هيكون فيها قليل اوي اوي اوي وبكدا تكون وصلت لحاجه شبه المثاليه كدا أما السؤال اللى نفسى أعرف إجابته هو
بمعني ان الانسان ده اكتشفت انه ميستحقش حبي خلاص انساه فورا ً ودور علي انسان يفهمك بس انا ملاحظ حاجة في اسئلتك انت شخص قوي - قادر علي تحمل المسئوليه - نبيل - تعاني من فراغ عاطفي - للاسف يمكن ارتباطك بربنا عايز يزيد شوية والله يا سادات اسألني انا انك تقرب من ربنا كتير من مشاكلك هتتحل يالا ربنا يوفقك عشان انت انسان كويس شكرا يا كيم علي الموضوع الجميل و المفيد |
بالنسبه لحاله الاضطراب اللي عندك في البيت دي يا كيم
فدي عشان بجد المرحله اللي انتي فيها جامده اوي ممكن تخليكي احسن واحده في الكون بحاله و ممكن تخسف بيكي الارض معلش هما خايفين شوية عليكي وادي ردي الاولاني تم نسخه هنا بصي يا Kim الأول اهلا و مرحبا بيكي في بيتك و بين اخواتك بالنسبه ان ماما مش بتثق فيكي عايزك تفكري في الموضوع بنظره تانيه ايه مصلحه ماما انها تروح تتأكد من الشهاده اذا كنتي الأولي ياتري هيا حاقده عليكي مثلا ؟ بالطبع لاء لاء لاء و مليون لاء ماما كان قصدها انها تتأكد من مستواكي الحقيقي عشان تاخد اللازم وبعدين حكايه انها مش فهماكي دي معلش .. هو معظم الامهات من الناحيه الفكريه كدا يعني مش هتقدر تفهم كل احاسيسك و كل مشاعرك لان فيه فجوه بينك و بينها الفجوة دي ممكن تقليليها بانك تقعدي معاها كتير و تتكلمي و تحكيلها عن مشاكلك و كدا حاولي تقربيها منك و ان شاء رب العالمين هتكونوا احسن كتير و اعرفي حاجة مهمه جدا لو خيروكي بين العالم كله و بابا و ماما اختاري بابا و ماما عمرهم ما هيحسدوكي عمرهم ما هيحقدوا عليكي عمرهم ما هيكونوا عايزينك تبقي مش كويسه بالعكس هما بقوا في الدنيا دي و بيعتبوا هما الاتنين .. عشان انتي و اخواتك تبقي كويسه و مبسوطه وعلي فكرة هيا مرحله و هتعدي و ان شاء الله هتلاقي نقطه تتلاقي فيها انتي و ماما و هتكون هيا صاحبتك الاولي و اقرب حد ليكي و هتيجي و تقوليلي ايوه يا احمد كلامك كان صح و ماما حبيبتي بقت تفهمني دلوقتي اتمني الافاده اخوكي احمد |
اقتباس:
صحبتي من سنين انا الحمد لله كل اصحابي كويسين بس صحبتي ديه نفسها تعيش حياتها حتي لو غلط فقررت اني ابعد لانها حتي مش بتسمعني معيشاني بس دور المستمعه وكل ماجي اقلها حاجه تغير الموضوع بسرعه سمعتي اكيد من سمعتها فكان لازم ابعد وعموما معظم الامهات مش بتقدر تفهم اولادها حاولي انك تكوني انتيفي المستقبل اما بتفهم اولادها حاولي تعيش مع الناس شوفي هما بيفكروا ازاي متبعديش عن الناس حتتعبي في حياتك اللي جيه وكوني صحاب جداد بس اللي تحترميهم ويحترموكي ومتتعمليش مع اي حد بثقه عاميه وياريت انا كمان اتعلم اني مثقش في الناس بسرعه لاني بثق في الناس بسرعه |
اقتباس:
أولا الأم هى أم طول عمرها عايزا تشوف إبنها أو بنتها أحسن منها وأحسن من الناس كلهم. ثانيا: الأمهات كلهم كدا طب تعرفى مش أنا ولد اهه وعندى 23سنه تصدقى بالله لما بأتخر خارج البيت للساعه واحده بالليل بس فى أى يوم بأروح الاقى والدتى مستنيانى ومسمعانى كلام هههههههههههههههه أقلك حل حلو أوى يا ريت بس تكونى بتصلى الصلاة فى ميعاده بصى يا ستى أول ما تصحى من النوم قولى لماما إدعيلى يا ماما وبوسى إيديها وخليها كل ما تشوفك تشوفك بتعملى حاجه كويسه جربى وشوفى اللى هيحصل |
شكرا على الافادة يا أسماء أ.أحمد رضا أ. ضياء :أنا الحمد لله بصلي الفرد بفرده و بصلي الفجر والحمد لله
وان شاء الله هحاول أعمل بنصايحكم . شكرا |
اية؟؟؟؟؟؟؟؟؟؟؟؟؟؟؟؟
مشكورين يا جماعة انكوا اتكلمتوا مع كيم . هي فعلا كانت محتاجة تتكلم مع حد.
بس يالا كلوا يشترك وكلوا يقول مشاكلة وانا ان شاء الله هاحاول أكمل الموضوع بتاعها |
بجد الموضوع جميل والاجمل اننا نشارك فيه انا عندى مشكله يمكن تكون موجوده عند ناس كتير وهى انى عاطفيه قوى يعنى لما بحب حد بحبه قوى ولو حصل وعمل حاجه زعلتنى بزعل منه قوى قوى اكتر من اى حد |
فاهم ياستي وانا بارضوا بضرب مثال .
|
بصي الاحساس دة شيء حلو أوي بس الأحساس الزايد بيضر صاحبه لأن زي ماحنا عارفين ان الزاد الشيء عن حده انقلب ضده
حاولي تشوفي الحاجة دي لو هي فعلا تزعل و تدايق خلاص من حقك تزعلي منها ولو عادي يبقى ليه تزعلي حاولي تخطلتي بالناس كتيير عشان تتغلبي عالموضوع دة |
اقتباس:
احساس كويس جدا لكن مع طبيعتنا المتغيره و حال الناس دلوقتي او مش الناس كلهم يعني حال الناس بصفه عامه بيحتم عليكي انك تقللي من الاحساس ده عندك فعليكي انك تبدأي انك تاخدي موقف من الموضوع ده لكنك بجد لو فضلتي كدا هتتعبي جدا و خليكي مع ربنا شوية و يبقي حبك الاول و الاخير الله و رسوله و والدك ووالدتك عايزك تفكري كدا في دول للحظه واحده قوليلي مثلا - ولله المثل الاعلي - ربنا هيحرمك من حاجة و الحاجة دي فيها خير ليكي .. طبعا لاء احنا منعرفش الغيب و مهما كانت نظره العبد بعيده فنظرة الرب ابعد بكتير جدا طيب الرسول - عليه افضل صلاة و سلام - ربنا اوحاله و قال حاجة تضر بالمسلمين .. طبعا لاء عمر بابا عملك حاجة و الحاجه دي كان قصده منها يزعلك من الباب للطق كدا ؟ عمره طبعا و كذلك ماما .. عشان هما عارفين مصلحتك اكتر منك و من اي حد يااااه تخيلي بقه انا عندى كل دول و مرتبط بيهم بزمتك لما حد يزعلني غيرهم هيشغلني في حاجة ؟ بالطبع لاء لاني هكون بحب اللي احسن منه يبقي حضرتك الحل انك ترتبطي ببابا وماما و طبعا في الاول ربنا قبل كل شئ اتمني الإفاده ملحوظه : والله العظيم انا ما بقول الكلام ده عشان اظهر بمظهر ديني او شئ من هذا القبيل انا بقول الكلام ده من واقع اني عرفت الحل فين .. في ارتباطنا بدينا .. وانا مش واخد دي عباره .. انا واخدها عن اقتناع .. و لو مكنتش مسلم .. بجد كنت هندم اوي لو عرفت ان الحاجات دي في الاسلام و الحمد لله اني مسلم .. |
هذا مثال للعضو الغير ملتزم وتم إيقافه نهائيا للمرة الثالثة
|
مشكلتك تتلخص في شوية حاجات
انك انسان مريض و غير محترم و معندكش اي شئ ينم انك تندرج تحت تصنيف البشر ومش هقولك غير " كل اناء ينضح بما فيه " علي العموم بلاش تدخل المنتدي تاني عشان الاحراج الكتير اللي بتاخده وعشان العضويه الاولي اللي اتوفقت و هيا باسم ( فرده شراب ) والعضويه التانيه اللي بالانجلش يبقي اكرمك و احسنلك انك تخرج معزز مكرم ده لو بتخاف علي كرامتك و هيتم إبلاغ الإداره بوقفك مرة تالته حالا |
اقتباس:
|
نشكر الإداره علي الاستجابه و المتابعه
ربنا يوفقكم و جزاكم الله كل خير وياريت يا جماعه طلب من الإداره ياريت محدش يشيل الرد ولا اي حاجة و يتحرر فقط و يتكتب تم التعديل بواسطه الإداره و تم ايقاف العضو نهائيا عشان اللي يدخل يبقي عارف ان فيه قوانين و ايه عواقب اجتيازها شكرا لحضرتكم |
بسم الله الرحمن الرحيم:
اية دة يا جماعة مين الأستاذ(pure Heart( و اية قلة الذوق دى واية معنى الجملة الي هو قالهاو كمان هو غلط قبل كدة؟ اية الحاجات دي (مش هاقدر أقول البنيآدمين للاحترام) ومشكور يا ميدو انك رديت علية ومشكور صوت الحق للاجابة؟ |
يلا نكمل المشاكل
انا بقى عندي مشكلة زغنونة هي صحيح حاجة رخمة بس انا الحمد لله بحاول مش اديها اهمية وهي ان صحابي ف المدرسة او اي حد بعرفه ف نطاق التعليم يعني ف درس ولا بتاع مش بيثقو ف كلامي ومش بيصدقوني وتفكيرهم محدووووووووود جدا على عكس صحابي حبايبي الي بعرفهم من النت مش عارفة ليه :confused: بصدقهم وبيصدقوني فمثلا لما بيكون فيه امتحان من بتوع الدروس حاجة كدة كلشنكان وانا مابقاش مذاكرة واكون قايلالهم كدة (مش بقولهم من نفسي والله هم اللي بيسالو ويطقسو عن بعض فمش هكذب واقول اني ذاكرت) :rolleyes: لما يلاقوني بقى جبت درجة كويسة يقولو عليا خبيثة ولئيمة وان انا اصلا كنت مذاكرة ومخبية عليهم (عشان دي صفة وحشة اووووي ومنتشرة جامد اليومين دول خصوصا ف البنات مش عارفة ليه :mad: ساعات بيكذبو علينا ف حاجات برضه انهم ذاكرو ولا حلو بس فيه ناس بتفقسهم :D ) لكن لو مدى تفكيرهم اوسع من كدة كانو ممكن يصدقو ان انا كنت فاكرة حاجات كتير من الدرس دة لاني لما ذاكرته اول مرة ذاكرته بتركيز او ان فيه حاجات جت بالفهلوة كدة :D (بتحصل كتير ف الثانوية العامة) كل اللي ف دماغهم عن الدرجات العالية يبقى دحييييييييح وحفيظ بيحفظ م الجلدة للجلدة حتى لو فيزيا تصورو ؟!! وعشان كدة لو طلبو مني ورق درس ولا اي حاجة وانا بانساه والله (اصلي جالي زمايهر بدري) نظراتهم كدة بتقول ان انا مش عايزة اجيبهم لهم وبخبيه وكدة مع اني مش شايفة اني هستفاد حاجة لما اخبيه مش عارفة حاسة اني بحكي مشكلة طفلة ف KG1 :( |
لاء يا مي مش مشكلة طالبه في كي جي لسه
دي مشكلة موجوده فعلا يمكن تعاملك برا و الاحداث اللي حصلت في بدايه تعارفك ميسمحش لاصحابك يدوكي القدر اللي انتي عيزاه يعني مثلا واحد بيكتب شعر بس اصحابه كل ما يوريهم الشعر بتاعه يقولوله ياعم انت هتشتغلنا انت بتروح تنقل من علي النت انت مش عارف ايه انت ابصر ايه تفكير محدود للغايه ؟ ده المثال بالنسبه للحل تجاهل تام ... اللي يقولك لئيمه اوك ... بعد ما يقول هيعمل ايه بقه؟ .. هيذاكر مثلا ؟ منكرهش الخير طيب لما يقول عليكي لئيمه ... انتي هتقلي مثلا ... ولا هتزيدي ... ولا ايه بالظبط انا عارف انك مش هتاخديها علي انها اهانه هتاخديها بهزار بس برده تجاهل تام وضحي وجهه نظرك مرة واحده وبعد كدا اللي يقولك اي حاجة تجاهليه علي فكرة انا بعاني من نفس المشكلة ولقيت الحل الوحيد التجاهل و الله اتمني الافاده ولو عندك حاجة عايزه تنقشيها اتفضلي |
شكرا احمد لردك يمكن المثال ضربته عليا انا بس الحقيقة انهم حتى بيخبو على بعض
يعني انا اعرف اصحاب انتيم (اتنينات يعني) وشلل (بكسر الشين:D) وبيخبو على بعض ويا سلام لو كنت واقفة باتفرج على الحوار بابقى نفسي اضحك لاني غالبا بابقى عارفة مين بيحاول يخبي وشكله بيبقى عامل ازاي وهو بيبرر ويالف ويحاول يشتغل التاني لكن على مين التاني من غير مايعرف الحقيقة عارف ان دي اشتغالة زي مثلا (وبيحصل كتير الحوار دة) :- فلانة: ها يا علانة ذاكرتي عشان امتحان الاحياء علانة: لسة والله (بتحلف) دة انا رجعت م الفيزيا امبارح مش شايفة ادامي اكلت ونمت وقلتلهم صحوني بس صعبت عليهم سابوني نايمة لحد الصبح (والدرس دة بيخلص مثلا الساعة 4) اصل حالتي اليومين دول يا فلانة تصعب ع الكافر مش طايقة ابص ف كتاب و... (وتبدا الاشتغالة) :D الغريبة ان فلانة بتبقى فاهمة الاشتغالة :confused: بتحس بيها على بعد 7كم (لحد اوضة علانة وهي قاعدة بتذاكر) بس صحيح مي مين ؟ انا ماسميش مي ع فكرة :D تقريبا مي صاحبة الموضوع |
ههههههه معلش هيا قلبت معايا مي شوية بس مش مشكلة
برده زي ما قولتلك تجاهل والله وكبري دماغك احلي حاجة انك تكوني عارفه ان الناس بتشتغلك و انتي ساكته هههههه يعني هضربلك مثال كمان عضو او عضوه جابو قصيده لشاعر عريق وانا حافظ معظم اشعاره و بيقول انها بتاعته يا سيدي بتاعتك بتاعتك المهم اني عارف انها مش بتاعتك ده احساس كويس اوي وما دام انتي بتقولي الحق ايه اللي مزعلك كبري دماغك و متتعبيش نفسك كتير والله عشت مواقفك دي بالظبط بس كبرت دماغي و لقيت ده الحل اتمني الافاده ولو فيه اي مشاكل تانيه .. نتناقش فيها يا مش مي هههههه قوليلي اسمك لو سمحتي |
انا عندي سوال هيه مش مشكله بس يهمني اجبتكم
ليا واحده صحبتي من سنين وكانت كويسه في اخلقها يعني وبعدين اتغيرت وبقت من النوع اللي انا مش بصحبه وبعدين رجعت تاني فقلتها حمدله علي السلامه بس يخساره رجعت تاني للطريق اللي مشت فيه ورافضه انها تسمع اي كلام مني انا عشان عارفه انها مش عجباني هيه بتحبني فعلا ومتعلقه بي بس انا مينفعش انا اكمل معها اكيد سمعتي حتكون من سمعتها وحياتها مش عجباني خالص فانا قررت ابعد ..............................؟رايكم محدش يقولي حاولي معها لاني حولت بس هيه رافضه كل كلمه |
اقتباس:
طيب تعالي نتفق الأول علي شوية حاجات " انك لا تهدي من أحببت ولكن الله يهدي من يشاء " انا مش هتكلم في الدين كتير لإني للأسف ليس علي درايه كبيره بيه بس باخد الشئ كمسلمه زيه زي نظريه معينه تم وضعها و لله المثل الاعلي ان ربنا هوا اللي خالق الكون وعارف خفاياه +-+ بالنسبه للمشكلة +-+ حضرتك شايفه ان مفيش اي حل ماشي معاها ؟ .. و مش متقبله اي كلام منك ؟ اوك مفيش مشكلة البنت دي اتغيرت و بقت شئ تاني غير اللي كنتي تعرفيه ؟ متفقين حضرتك قررتي انك تبعدي عنها عشان سمعتك ؟ قرار حكيم جدا بس ما دام حضرتك يأستي من الكلام معاها و بتحبيها بجد و تتمنيلها الخير هنصحك بحاجة علي قدر خبرتي المحدوده جدا و وجهه نظري الشخصيه لو بتحبيها الحب اللي بجد روحي قولي لوالدتها بطريقه كويسه بحيث متسببيش مشكلة في البيت يعني هتروحيلها و تقوليلها انا ملاحظه انها متغيره اليومين دول و خايفه ليكون حد مأثر عليها او كدا او بتمر بمرحله معينه الام هتتصرف بعد كدا و بكل حكمه الحقي صاحبتك قبل ما هيا تندم و انتي كمان تندمي انك معرفتيش تساعديها ولما تقولي لوالدتها هيكون فيه نوع من المتابعه شوية و الاهتمام يزيد شوية عشان دايما و غالبا اللي بيخلي البنت تبص لبرا عدم الاهتمام من الأهل فمدام هيا لسه في اول الطريق الغلط و مفيش اي كلام نافع معاها لازم تاخدي موقف جامد من ناحيتها وخليكي معاها الفترة دي عشان لو كلامك مثلا اثر علي اهلها و ضغطوا عليها تكوني انتي الملاذ الوحيد ليها عشان متزيدش المشكلة علي فكرة انا مش حلال مشاكل و كلام فاضي و كدا انا بدى رأي الشخصي بغرض الإفاده مش شرط يكون رأيي صح المهم اني بشاركك و بحاول اكتشف معاكي نقط ممكن تكوني انتي مش شيفاها و ممكن انتي اللي تطلعي الحل بنفسك منها اتمني الإفاده ملحوظه : لو صاحبتك بعد كل ده و مفيش نتيجه فالرسول قال " من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان " فهيبقي مفيش قدامك حل غير انك تدعليها وربنا يوفقك و يهديها و يهدي الجميع |
احمد انا معاك في كلمه انت قولتها
وللاسف مامتها عرفت صحبتي ديه ليها كذا موضوع مامتها عرفت بموضوعين منهم وللاسف اتسرفت معها بشكل معلش يعني متخلف اخدت منها الموبيل ومنعت حد يكلمها او هيه تكلم حد من التليفون بتاع البيت طب مهي ممكن تعمل اي حاجه في اي وقت وعلي فكره انا مش عوزه اسبها عشان سمعتي بس لاء والله عشان محبش اكون موجوده في حياه حد ومليش لازمه وجودي زي عدمه لان وجودي معها وجود مستمعه بس لحكياتها اللي بتتغير كل يوم هيه متعلقه بي اوي وانا خايفه اجرحها بس مش حينفع انا حاولت انا بقالي سنه كامله وتعبت معها بس في ناس كتير جدا قولولي ابعدي عشان ممكن لما تلقيكي مش مرتاحلها تمشاكي انتي كمان معها |
خلاص زي ما قولتلك ف الجزء التاني من الحل
ابعدي عنها و ادعيلها بالهدايه و ربنا يهدي شباب و بنات المسلمين |
أنا عايز حل لمشكلتي دي .أنا ليا واحد صاحبي عنده أخت في تجارة و أنا عرفت(واتأكدت)ان هي على علاقة غير مشروعة مع واحد معاها في الكلية و دلوقتي مش عارف أعمل ايه و السبب ان أنا خايف غليه هو مش عليها هي لأن والده دايما يقوله لو اختك عملت أي حاجة غلط هاتكون انت المسئول عشان انت أخوها الولد يعني المسئول .مع ان هي اكبر منه . و طبعا أنا لو قلت لصحبي يبقى مستقبله ضاع لأنه أول حاجة هايعملها هايموتها و يموته
أعمل ايه أنا عن نفسي لو مكانه طبعا هاعمل كدة بس أنا فعلا خايف علية وهو فعلا شخص كويس. |
اقتباس:
بص يا حج تيمو المشكلة صعبه بس انت اعمل حاجة في الاول كدا لو مجابتش نتيجه هيكون لازم تقوله .. عشان هيبقي عيب عليك لو مقولتلوش تروح تكلم البنت تقولها انا عارف كذا و كذا وكذا بس يكون معاك دليل قوي بس تكون متاكد عشان متحصلش مشاكل و تقولها انا مرضتش اقول لاخوكي عشان المشاكل ابعدي عن الطريق اللي انتي ماشيه فيه .. عشان هيبقي فيه تصرف تاني كدا هتخليها تلف حوالين نفسها لو مرجعتش بقه يبقي امرك لله قول لأخوها و خليك معاه في الفترة دى وعلي العموم ده حل مبدأي ضربه في دماغك .. عبال ما اسألك النهارده |
عارف يا مان انا كنت عايز اعمل كدة بس المشكلة اكبر من كدة بكتير و هي ان البنت دي (استغفر الله العظيم)
دخلت في الحرام و افهم انت بقى يعني مفيش رجوع. |
طيب استني شوية .. لما اعرف منك علي الخاص .. و كدا كدا هسألك النهارده
|
بجد بجد بجد موضوع جامد جدا والمنتدى اجمد بصراحه والناس اللى فيه جامدين جدا
بما انها اول مشاركه ليا اقول مشكلتى انا المفروض فى تانيه ثانوى مشكلتى انى مش بعرف اذاكر خالص خالص وعلى طول ببقى متوتره وخايفه المهم انى عاوزه اجيب مجموع كويس عشان لو مش دخلت الكليه اللى انا عاوزاه هموت نفسى الحقيقه يعنى وانا على طول خايفه ومش واثقه من نفسى وحاسه انى مش هجيب المجموع اللى انا عاوزاه وكمان انا باخد دروس كتير جدا يعنى فى كل ماده درسين وبرده مش عارفه اركز ومش بركز فى اى درس هى مشكله هبله يعنى بس يا ريت لو حد يقولى حاجه اعمل ايه يعنى بجد:(:(:(:(:(:( والمشكله التانيه انى دايما بتخانق مع ماما وصحابى دايما بينتقدونى على طوووووووول نفكنا من المشكله دى المهم بس اذاكر ازاى انا تقريبا اللى هيشجعنى على المذاكره المنتدى ده عشان هو جامد بس اكيد مش ده وبس :confused::confused: معلش طولت عليكم |
اقتباس:
اقتباس:
يلا معلش طولت عليكى فى الكلام |
اقتباس:
السلام عليكم و رحمه الله و بركاته في البدايه احب ارحب بحضرتك و اقولك أهلا بيكي وسط اخواتك بالنسبه للمشكلة اولا ً : عليكي في الفترة دي مؤقتا ً .. التخلي عن اهتماماتك ( مؤقتا ً ) عشان تقدري تركزي في حاجة واحده ثانيا : اعملي لنفسك جدول .. بمعني ان الساعه كذا في يوم كذا انا - ان شاء الله - هذاكر كذا و تضمني في الجدول وقت ترفيهك اثناء مذاكرتك مع نفسك * خدي 15 دقيقه راحه بعد كل 55 دقيقه مذاكره و ارجعي كملي تاني * خليكي في وضع يناسبك و يساعد علي تركيزك * ياريت يكون بعيدا ً عن أماكن النوم و غرف الجلوس اللي فيها دوشه كتير * راعي ان ميكونش اي حاجة شغاله جنبك وانتي بتذاكري ويكون فيه حاله هدوء إلي حد ما * حاولي تخلي يومك منظم * ياحبذا لو ذاكرتي في وقت بعد الفجر مباشرتا ً يعني تصلي و تقعدي تذاكري هتلاقي حاله من الهدوء و الراحه النفسيه و هتلاقي نسبه تركيزك مرتفعه جدا - ان شاء الله - في المرحله دي بالذات حافظي انك تكوني بعيد عن اي توتر او اي عواصف عاطفيه - إن صح التعبير - تقربي من ربنا شوية عشان يهديكي للطريق الصحيح ... ركزي في حاجة واحده بس خلي عنيكي علي اللي انتي عيزاه عايزه ابقي مهندسه ايوه يبقي هبقي مهندسه ان شاء الله بمعني لو لقيتي اي شئ بيأثر عليكي سيبك منه فورا ً بالنسبه انك قلقانه وخايفه و متوتره و كدا الخوف اللي مش مبالغ فيه لابد منه و كويس لكن المبالغ فيه هيجيب نتيجه عكسيه تخيلي معايا موقف كدا هنجيب خشبه عرضها 2 متر و طولها 8 متر و حطيناها في ارضيه غرفه من الغرفات وقولتلك عدى من عليها يا نهى هتقولي ده احمد ده عبيط خالص و هتعديها بسهوله هقولك طيب تعالي معايا بقه و نروح نحط نفس الخشبه علي ارتفاع عشر طوابق وقولتلك عديها يا نهى ولو عدتيها .. ده فرضا ً يعني .. مش هيكون بنفس السرعه ليه عشان دماغك فيها حاجتين الحاجه الأولي انك عايزه تعدى و الحاجة التانيه انك خايفه تقعي لكن لما كنتي تحت كنتي عايزه تعدي و مفيش اي حاجة شاغله دماغك تانيه كان الهدف محدد اني اعديها و بس بالنسبه انك بتقولي هتموتي نفسك بصي انا مش هكلمك من ناحيه الدين في الجزئيه دي انا هكلمك من الناحيه العقليه متوصليش نفسك لدرجه انك تقولي الكلمه دي زي ما انتي تمتلكي العقل و فكرتي ايه عواقب انك معرفتيش تحققي حلمك زي برده ما مفروض تفكري تفكري في عواقب انك تنتحري من ناحيه اهلك .. من ناحيه دينك .. من نحيه حياة اخواتك من ناحيه كل حاجة فكري و انا معاكي جمدي قلبك شوية .. اتعبي شوية .. ذاكري و اعملي اللي عليكي .. اوعي تخدعي نفسك عشان متصدقهاش .. وأول حاجة خليكي علي طريق الهدايه .. مع الله - سبحانه و تعالي - وربنا مش هيحطك في ضيق ومهما حصل في الآخر هيبقي ده الخير ليكي بس ادي واجبك وربنا مش هيضيع حقك انا آسف للإطاله لكن اتمني الفائده ملحوظه : انا قولتلك علي نصائح ممكن اكون معرفتش انفذها بس اتمني انك لو لقتيها تناسبك نفذيها و في الأول و الآخر دي وجهه نظري الشخصيه |
ياريت يا جماعه اللي يمر يقول رأيه في المشكلة
واللي عايز ينقح الحل اللي بطرحه ينقحه الهدف في الاخر اننا نطلع بحل واحد يخدم صاحب المشكلة انا بطلب الكلام ده من الناس الكبيره و الناس اللي عندها خبرة في موقف ممثال او خبرة عامه |
بص يا شديد مع ان انا عارف انك تقصد على الاساتذة الكبار بس انا هاقول رأيي .
انت اديت لنهى الخلاصة وفعلا لازم تبعد عن كل حاجة ممكن تعطل المذاكرة بتاعتها(بس انا خارج الموضوع)و تبعد عن كل حد ممكن يخنقها و قبل كل شيء لازم تكون على صلة حادة بالله تعالى. |
انا ليا مشكلة تانية(من غير ماتستغربوا)
انا في الفترة دي مخنوق من كل حاجة . مخنوق من نفسي ومن المذاكرة ومن البيت ومن كل حاجة بس بصراحة ماعدا هذا المنتدى و الناس الي فية و اصحابي الي في حياتي العادية انا مشكلتي اني مش بحب اكون ضعيف امام اي حد و عشان كدة دايما بداري اي حاجة مزعلاني(وللاسف هي دي طريقة التعامل الايام دي).انا عايز ابعد عن كل حاجة في حياتي وفي نفس الوقت عارف ان دة مش الحل . وانا م عارف انا زعلان من اية بالضبط بس حاسس اني مخنوق. مش عارف هاعمل اية لما اخلص الثانوي والكلية. مش عارف فيما بعد هاقدر الاقي بنت الحلال الي ممكن اثق فيها ولا هيكون بعد طلوع العين. مش عارف هل هاقدر افتح بيت واعيشه عيشة كويسة ولا الحالة المادية هاتكون زفت.............مش عارف انا لو مت هاقابل ربنا ازاي ؟انا مخنوق من البلد والي فيها............... |
اقتباس:
|
اقتباس:
i suggest enak teqra2 a lot of Qur'an and make a lot of du3aa..w7awel tsali qiyam al layl laow te2dar w tetkalem m3 Allah w t7kelo 3ala moshkeltak...w bgad 7awel teb2a 2orayeb gedan mn Allah (swt) and believe me, moshkeltak hatet7al wa7da wa7da....so...de awel 5atowa t3melha..w ba3deen neb2a nfakar fe eih elli enta el mafrood te3melo 3ashan t7a2a2 el mosta2bal elli enta 3ayzo:):)l ya Rab akoon afadt:D;):)i |
| جميع الأوقات بتوقيت GMT +2. الساعة الآن 03:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.