هام لخريجى التربية العام ومايعادلها ويعملون بالمرحلة الابتدائية
 

1. خريجوا التربية العام ومايعادلها من الاداب والعلوم ودار العلوم ويعملون بالمرحلة الابتدائية سواء معينن او تم تثبيتهم
2. يعملون معلمون فصول بالمرحلة الابتدائية وهم لايحملون مؤهلات تتسق مع هذه المرحلة (التربية العام وما يعادلها )
3. من تم تثبيتهم اخصائى مكتبات وهم حملة المؤهلات السابق ذكرها

فقط تم تحديد موعد لواقفة امام مبنى الوزارة بالقاهرة ( وزارة التربية والتعليم ) يوم الخميس الموافق 21/04/2011 الساعة الحادية عشر صباحاً
للمطالبة بتغيير المسمى الوظيفى
وتعديل المرحلة اوالنقل من المرحلة الابتدائية للمرحلة الاعدادية الثانوية والمطالبة بالتثبيت وفقا للمؤهل الدارسى وليس امتحان الكارد
وعلى الجميع ان يشارك معنا
مع العلم بان الحق لن يعود لاصاحبه بمجموعة تشارك والباقى ينتظر النتجية علينا جميعاَ المشاركة الجادة والفعلية و
كما اخبركم باننا لن نيأس فى المطالبة بحقنا وماضاع حق ورائه مطالب
فقد ظلت الثورة طيلة 17 يوماً حتى تمت
ونحن لن نيأس ونحاول ونحاول مرات ومرات حتى نصل لهدفنا ولن ينفذ صبرنا بل على الشق المقابل ان ينفذ صبره حتى ينفذ لك

لا للاعتصامـــات
لا للاعتصامـــات
لا للاعتصامـــات
لا للاعتصامـــات
لا للاعتصامـــات
لا للاعتصامـــات
لا للاعتصامـــات

لو انت زى الناس دى
كنت اول واحد هتعتصم

انا تربيه عام و اعمل فى المرحله الابتدائيه لكن مش وقت اعتصام خالص
.فيه حاجات كتيره اهم واخطر من كده. الدوله مش ناقصه اعتصامات

ماضاع حق وارئه مطالب

ياريت حد يقولى
انا اشتغل ازاى فى ابتدائى
انا تربية فرنسى
بالعقل كده فيه فرنساوى فى الابتدائى

يأستاذي الله يكرمك
انت شايف الأساتذة الأفاضل رايحين يخربوا ولا يبلطجوا لا سمح الله

دول هايقفوا يقولوا
احنا واقع علينا ظلم يافندم وياريت تعدل الظلم دا من عندنا

لأن ناس كتير عدلت واحنا معندناش واسطة نغير
علشان كدا جينا الوزارة بس

هل كدا غلط ولا كدا هاتبوظ الدولة !

اقتباس:

المشاركة الأصلية كتبت بواسطة abou wafaa (المشاركة 3313759) يأستاذي الله يكرمك

الله ينور عليك
هو ده اللى هيحصل ان شاء الله

السلام عليكم ورحمة الله وبركاته
 

انتى فيه من زمان يامسيو عاطف اخبارك ايه

النت كان عنده مسروق

أنا معاكو طبعا لأن أنا وضعي سئ للغاية لأني أعمل معلم بالحصة حاسب آلي إبتدائي وأنا في الأساس حاصل على بكالوريوس علوم وتربية طبيعة وكيمياء

ياناس أنا بمشي أكلم نفسي

بس ياريت حد يقولنا عنوان وزارة التربية والتعليم

السلام عليكم ورحمة الله وبركاته
 

أهلا وسهلا بك
عنوان الوزارة من رمسيس تركب المترو اتجاه حلوان تنزل محطة سعد زغلول تطلع فوق تلاقى الوزارة

والله انا الدنيا كلها سودة فى وشى وبكلم نفسى واتخنقت
ومش لاقى حل
وشغال فى الابتدائى كانى مش شغال لانى مش بشرح ولا حاجة ومرتبى على كده حرام فى حرام
ربنا معانا
على فكرة كل اخبارى مع ا/ محمد فيثاغورث

ياريت يا اخ تقولى
انا اشتغل ازاى فى ابتدائى
انا تربية فرنسى
بالعقل كده فيه فرنساوى فى الابتدائى

ممكن أعرف حضرتك طالما فرنسى دخلت إزاى ابتدائى أساساً
حقولك حاجة كويسة ممكن تعملها فى الابتدائى وخصوصا سنة أولى علمهم فقط الحروف الهجائية قراءة وكتابة بجد دى بس هتأخد عليها ثواب أفضل من التدريس لطلاب الجامعة .أو الأرقام أو الحروف الانجليزية فيه أكتر من طريقة تحلل بها الفلوس اللى بتأخدها بدل ما تقول أنا حاسس أنها حرام . وأكيد يامسيو لو طلبوا من حضرتك تعطى درس خصوصى كل المواد حضرتك مش هتتأخر وهتشرحها أحسن من مدرس المادرة نفسها.
ربنا ييسر الأمور للأفضل يارب.

انا تربية عام واعمل بابتدائى وانا معاكم ولازم ندور على حقنا من دلوقتى ولازم صوتنا يعلو اكتر مفيش حاجة اسمها البلد مش ناقصة لو مكناش نتكلم من دلوقتى مش هنتكلم بعدين لانهم هيخرسونا صدقونى دا حقنا وربنا هيحاسبنا لو مقلناش كلمة حق احنا مش بنخرب ولا بنعمل شر احنا بنعلى صوتنا ونقول مطالبنا الصح مش طمع

ياجماعة مدرس الإبتدائي له متطلبات خاصة تختلف عن متطلبات مدرس المرحلتين الإعدادية والثانوية
وللأسف تقييم المدرس من منطلق مؤهلة وليس امكانياته

ياريت كلنا نرسل الرسالة هذه على هذه الاميلات
minister*moe.gov.eg

cservice*email.emoe.org

الرسالة

الاستاذ الدكتور الفاضل / وزير التربية والتعليم
تحية طيبة وبعد
لقد تشرفنا بسيادتكم لتوليكم منصب وزير التربية والتعليم بعد الثورة لما تتمتع سيادتكم به من شرف ونزاهة ورقى وأننا وجدنا فى سيادتكم أبا لنا ومسئولا عنا وعن العملية التعليمية
فنحن المعلمون والأخصائيون المساعدون والمتعاقدين على مستوى الجمهورية الذين تم تثبيتهم قريبا قد توجهنا إلى سيادتكم أكثر من مرة إلى وزارة التربية والتعليم بالقاهرة وكنا آملين أن نقابل سيادتكم وقتها ولكن كل مرة كان يتم مقابلتنا ومقابلة مشكلتنا بكل استهزاء وعدم أهمية ولذلك فأننا قد لجأنا إلى سيادتكم ولم نعطل عملا أو نفعل أى شيئا مخالف ولكن كان المقابل أن موظفين الوزارة قاموا بعدم الاهتمام لمطالبنا أو النظر لها أو الاهتمام بها
ولذلك سيادة الوزير فنحن مجموعة معلمون وأخصائيون يريدون تغيير المسمى الوظيفى والمرحلة نتقدم لسيادتكم بطلب المقابلة مع سيادتكم لعرض مطالبنا التى هى حق لنا
والمطالب هى
1. تغيير المسمى الوظيفى لخريجى كلية التربية العام ويعملون بالمرحلة الابتدائية كمدرسين ابتدائي ومدرسين فصل إلى مدرس إعدادي ويعتبر منتدبا على المرحلة الابتدائية كسد عجز ويكون له الأولوية فى سد العجز فى المرحلة الإعدادية فورا فى تخصصه
2. تغيير المسمى الوظيفى لأمناء وأخصائيين المكتبات من التخصصات الأخرى إلى معلم فى مادته الأصلية بدلا من اخصائى كل وفقا لمادته الأصلية ويعتبر منتدبا على المكتبات وله الأولوية فى سد العجز فى تخصصه الاصلى وفى مرحلته الأصلية فورا
3. احتساب المدد السابقة من التعاقد الى مدة الخدمة
4. من نقل نقلا كليا إلى المرحلة الإعدادية قبل امتحان الكادر فله الحق ان يثبت على المرحلة الإعدادية وليس على العقد لان النقل يلغى بذلك العقد
5. يتم التعيين والتعاقد فى المدارس الابتدائية من خريجين كلية تربية تعليم ابتدائي ( اساسى ) حتى لا تحدث المشاكل والأخطاء الموجودة الآن
كما يتم التعيين أو التعاقد فى المدارسة الإعدادية والثانوية من خريجى كلية التربية العام وخريجى كليات الآداب وما يماثلها ومعه مؤهل تربوى
يتم التعيين او التعاقد فى وظيفة آمين أو اخصائى مكتبة من خريجين تخصص وثائق ومكتبات
ولذلك نرجو من سيادتكم مقابلتنا قريبا كما نؤكد لسيادتكم أن وكلاء الوزارة بالمحافظات والموظفين يعاملونا بكل سخرية وتكبر كأن شيئا لم يحدث فنحن تقدمنا لسيادتكم لان أملنا فى الله ثم فى سيادتكم لحل مشكلتنا
كما نرجو من سيادتكم أن تحل مشكلتنا ومطالبنا بقرار وزارى من سيادتكم ملزم لكل المديريات بالجمهورية
فنحن لا نريد أن تصل مطالبنا الى القيام بعمل وقفات بل نطلب من سيادتكم تحديد مقابلة لنا قريبا لعرض مطالبنا
ولسيادتكم جزيل الشكر والاحترام
مقدمه
معلمون وأخصائيون يريدون تغيير المسمى الوظيفى والمرحلة

مجموعتنا على الفيس بوك

http://www.facebook.com/pages/%D8%AA%D8%BA%D9%8A%D9%8A%D8%B1-%D8%A7%D9%84%D9%85%D8%B3%D9%85%D9%89-%D8%A7%D9%84%D9%88%D8%B8%D9%8A%D9%81%D9%89-%D9%84%D9%84%D9%85%D8%B9%D9%84%D9%85%D9%8A%D9%86-%D9%88%D8%A7%D9%84%D8%A7%D8%AE%D8%B5%D8%A7%D8%A6%D 9%8A%D9%8A%D9%86-%D8%A7%D9%84%D8%B0%D9%8A%D9%86-%D9%84%D8%A7%D9%8A%D8%B9%D9%85%D9%84%D9%88%D9%86-%D9%81%D9%89-%D8%AA%D8%AE%D8%B5%D8%B5%D8%A7%D8%AA%D9%87%D9%85/195794310442818#!/home.php?sk=group_103689616379008

انا كمان اتخنقت من الوضع ده بس ياتري الاعتصام هو الحل انا اصبحت كالانسان التايهه في زحمة قرارات محتاجه لفك شفراتها

لك الله يامصر

موعدنا ان شاء الله الخميس القادم الساعة 11 صباحاً امام البوابة الرئيسية لوازرة التربية والتعليم بالقاهرة

لابد من وقفة رجالة ايها المعلمون لقد
اتخنقنا من من موجهين لايفقهون شىء عن المادة العلمية ولا يتركوا رحمة ربنا تنزل كل هامهم اننا نفضل ابتدائى ويزلوا نفسنا افيقوا ايها المعلمون لقد اتخنئنا من وظيفة نمارسها لانستطيع ان نتتج فيها اتحركوا بهوبلاش الفكرة اللى فى دماغ ناس لسه بتفكر اللى هيروحوه يقضوا وبلاش فكرة اصل مدير الادارة هيندبى السنة جاى ده هو وعدنى هههههههههههههههههههههههه افيقوا من الضحك على...............................................

كفاية حرام