|
سؤال برئ ياترى لو رفعوا المرتبات لكم ح تسيبوا الدروس وتراعوا ضميركم ؟؟؟؟
انا وجدت السؤال ده فى احد المواقع
ممكن حد يجاوب عليه ؟ شكراااااااااااااا |
أنا مدرس منذ ثلاث سنوات ونصف
ولا أعمل ولا أحب الدروس الخصوصية لأنه إذلال للمدرس وبتعمل نوع من الفروق الشاسعة بين المعلم وطلابه |
يجب تجريم الدروس انا اول معلم اطالب بتجريم الدروس
|
زيادة اى فئة فى المجتمع ستكون فى صالح المدرسين وربنا يبارك فى الدروس الخصوصية يعنى اللى هيخدوة باليمين ستأخذوة بالشمال وعندى اقتراح بزيادة مرتبات المدرسين ثلاث اضعاف بشرط تجريم الدروس الخصوصية بعقوبات جنائية وكذلك مراعاة الضمير فى الشرح داخل الفصل مع الاعتذار للمدرسين الشرفاء الموجوديين بالفعل بيننا
|
زمان لما الطالب يحب يأخذ درس كان بأخذ عند مدرس لايدرس له فى الفصل لاحد السببين 1)مش بيفهم من المدرس 2)عاوز يحسن مستواه اما الان تلاقى الطالب اجبارى بيأخذ درس عند مدرس الفصل لاسباب منها 1) اصله لو اخذ بره سيلاقى معامله سيئة ( مش كل المدرسين ) 2) هيدلع داخل الفصل وما ادراك ما أنواع الدلع حسبنا الله ونعم الوكيل على فكره فيه مدرسين عاملين زى العصابات ربنا ينجى اولادنا منهم |
هو سؤال بريء وانا هرد ببراءة زي السؤال او اقولك سؤال تاني بريء
كم عدد والا كم نسبة المدرسين ايلي بيعطوا دروس خصوصية |
فعلا نسبة المعلمين اللى بيدوا دروس خصوصيه صغيرة لكن تأثيرهم كبير إذا لم يكن التصحيح من داخلنا
|
أنا عن نفسي ويشهد الله لا أعطى لا دروس ولا مجاميع .
|
انا مدرس منذ 11 سنة ولم اعطي درس
اتقوا الله فينا حرام عليكم كل وزارة فيها الصالح والطالح |
الاخ مين؟؟؟؟؟؟؟؟؟؟؟؟
|
أستاذنا الفاضل
مفيش أعتراض أن الدروس أذلال و مهانة للمعلم و مفيش حد يحب يتهان بس لقمة العيش فى الزمن دة صعب أنا عن نفسى و ربنا يشهد عليا: فى حياتى ما أجبرت طالب على درس و كل الفصل عندى سواء و معظم اللى بياخدوا درس معايا من برة مدرستى أصلاً بس أنا معاك, لو رفعوا الأجر لحد يضمن حياة كريمة أكون متنازل عن الدروس |
بإذن الله لن يشترك المعلمون الشرفاء في هذه المؤامرة
التي تهدف للنيل وإجهاض الثورة نحن مطالبنا معروفة ومطلوبة من الجميع لكن على رأي المثل اللي ما يشوفش من الغربال يبقى أعمى ليكن هدفنا أن تنهض مصر على قدميها لا أن نضغط عليها لتركيعها ونشر الفوضى نحن ثقتنا كبيرة في المجلس العسكري وفي حكومة شرف الحكومة التي خرجت من رحم الثورة لنعطي لهم الفرصة فالخير عندما يعم سيعم على الجميع والعكس صحيح ايضاً لدينا صفحة لوزارة التربية والتعليم على الفيس بوك لنوصل مطالبنا ورغباتنا واقتراحاتنا بدون المساهمة في نشر الفوضى والضرب في مفاصل دولة تحاول النهوض من كبوة لم يكن أحد من المسؤوليين الحاليين يد فيها |
الاجابة بالتأكيد لا لأن ابن آدم لا يملأ عينه الا التراب والى ان تقبض روحه سيظل يردد : هل من مزيد
|
مش كل المدرسي
|
انا مدرس منذ 11 سنة ولم اعطي درس
اتقوا الله فينا حرام عليكم كل وزارة فيها الصالح والطالح الرجا من الأخوه الذين يكتبون عن المعلمين يراعوا ربنا فيهم لأن المعلم يذهب اليه الطلاب ولا يجبر الطالب على الدرس اذا أردتم عدم اعطاء الدروس امنعوها من الجامعه اتركوا المعلمين وشأنهم اعطائهم رواتب تمكنهم من المعيشه بكرامه على فكره أنا معلم من 26 سنه ولا أعطي دروس وراتبي 1150 فكيف أعيش أنا وأربع أولاد بكرامه ودروس في الجامعة اتركوا المعلم وشأنه اتقوا الله في المعلمين لم نأخذ درجتنا وبعد 26 سنه أكون على الدرجة الثانية ويشرف على دفعه 93 وقد كنت مدرس أول قبل تعيينه الرجا الرد يا محترمين وزارة لا يوجد بها رد ( ليس من اختصاصي ) على قمه الهرم الرجا النظر الى زميل لك عين في الجامعة كم راتبه الآن وهو في وزارة خدميه ايضا |
اقتباس:
|
قال ايه اللى رماك ع المر قالوا الامر منه
وهو مين اللى هايجيب لنفسه وجع قلب اذا كان مرتبة محترم ومكفيه انا فى مدرستى الكل والله بيتحايل عليا حتى المدرسين علشان ادى ولادهم وانا اقول لاء انا مش ناقص وجع دماغ من مدرستى أو غيرها فاتقوا الله فينا وخد ال 360 جنية وافتح بيهم بيت أوجهز بيهم نفسك ..... وانت تعرف هم ليه بيدوا دروس |
فعلا سؤال برئ
وكله تورية |
اقتباس:
|
ياجماعة انا مدرس بالاجر لازم ادى دروس عشان افتح بيتى لكن واللة العظيم انا باشتغل فى المدرسة بما يرضى اللة وعمرى ما باضغط على تلميذ عشان ييجى عندى الدرس وعلى فكرة الدروس دى بتتعب الاعصاب وربنا يتوب علينا منها لما نتسبت ان شاء اللة لكن ارجع وائول ان دى ثقافة مجتمع وعادة اتعودت عليها البيوت وممكن تكوت وجاهة اجتماعية تخلى الاسرة تدى ابنها درس وشكرا
|
المنظومة كلها فاشلة
ويجب اعادة نظر فى المدرسة - المعلم - الطالب - المناهج والله على كل شئ قدير |
اللى خلى حسنى والكبار سرقوا هو اللى هيخلى بتوع الدروس ما يبطلوش حتى لو مرتباتهم ملايين مش آلاف
اثنان لايشبعان طالب علم وطالب مال وربنا قال : (وتحبون المال حبا جما ) قعدوا الحريم فى البيوت تلموا العيال وتجبروا المدارس على العمل والمدرسين على الشرح وبعدين لو الدولة طلبت من الأهالى منع الطلاب من الدروس وغلظت العقوبة للمدرس محدش هيجازف إنما هتقول إيه لوزير بيشجع على الدروس دا المدير والغفير والوزير بيستنوا حصتهم من أموال الدروس كل شهر وسلملى على مصر لو شفتها فى عيونهم على فكرة أنا لا أتهم الجميع بالجشع بس دى حقيقة السواد الأعظم من مدرسى الدروس |
مصر مسئولية جميع المصريين
1. فلنبدأ بأنفسنا، نلتزم بأخلاقنا ، قيمنا و نؤمن بالتغيير للأفضل 2. خليك واثق في نفسك، إيجابي، و انشر الإيجابية في كل من حولك 3. ساعد الآخرين بالوقت و المجهود و ليس فقط المال |
لماذا الربط بين زياده الاجور والدروس الخصوصيه ........... اما الطبيب فقد زاد مرتبه ولم يجرا احد ان يقول عليه قفل عيادته .... للاسف نحن مستهدفون لتبقى العمليه التعليميه منهاره وذلك باذلال المدرس
|
اقتباس:
|
والمدرس اللي اتعين من سنة 2000 ولحد دلوقتي لا بيّدي دروس ولا حتي اتنقل لبلده
ولسه مشحتطينه من مركز لمركز ومن قرية لقرية يبقي وضعه ايه عند الحكومة المحترمة؟؟ دا غير الدرجة اللي كانت من حقنا من سنة 2008 واستكتروها علينا باسم الكادر اللي مرتبنا بيه 700 جنيه فعلاً: حسبنا الله ونعم الوكيل |
سؤال أكثر براءة لماذا لايتم تجريم العيادات الخاصة للاطباء علما بأنهم يعملون فيها اوقات عملهم الرسمى فى المستشفيات وهذا هو الحال بالنسبة للمدرسين
|
| جميع الأوقات بتوقيت GMT +2. الساعة الآن 07:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.