|
لا تشتركوا في هذه المؤامرة الخبيثة يا شرفاء مصر
الى معلمي مصر الشرفاء
لا تشتركوا في المؤامرة المحرض الرئيس لها هم فلول النظام وأعداء الثورة لا يمكن للمعلمين أن يكونوا في صف هؤلاء المتآمرين بحجة مجموعة من المطالب لم ولن ينكرها أحد لا يمكن للمعلمين الشرفاء أن يلوثوا تاريخهم بالاشتراك في جريمة تركيع حكومة الثورة لا يمكن للمعلمين الشرفاء أن يكونوا مطية يركبها أعداء مصر وأعداء الثورة لينفذوا خططهم لا يمكن أن ينادي شرفاء مصر بثورة لبناء مصر والتبرع بالجهد والمال ونكون نحن المعلمين في الجانب الآخر نهدم ونضرب في مفاصل البلد الحيوية لن نسامح أنفسنا أبداً ما حيينا في حالة لو تسببنا في إطلاق شرارة الفوضى وإنهيار البلد لن نسامح أنفسنا لو لم نمد أيادينا لمساعدة مصرنا العزيزة في النهوض من كبوتها فلنسلك طرق أخرى للمطالبة بحقوقنا بديلاً عن الاشتراك في هذه المؤامرة |
انا موافق علي كل كلامك لكن قل لي طريقا اخر ...اذا كان وكيل الوزارة بيقول انبحوا ومحدش هيسمعلكم...وامن مجلس الوزراء بيمنع وفد المعلمين من الدخول...واذا كانت كل قضايا مصر مطروحة للنقاش الا التعليم؟؟؟؟؟؟؟ واذا كانت الوزارة بتبحث زيادات مالية ولكن للعاملين بديوان الوزارة فقط؟؟؟واذا كان عسكري الشرط زاد اكتر من 150 جنيه وامين الشرطة 400 جنيه والضابط اللي مؤهل عالي (زينا زيه)زاد 600..واحنا في انتظار 30 جنيه بتاع ال15%في شهر ابريل..والله ان مش مع اي اعتصام ولا اضراب..في وسط العام الدراسي..لا في الجامعات ولا المدارس وكل ده ممكن يتاجل للاجازة..ولكني ضد اي حد يتهم الناس اللي بتطالب بحقي وحقك بالعمالة او فلول للنظام..الناس دي محترمة جدا..ومطالبها مشروعة جداا جداا...سواء اختلفنا او اتفقنا معاهم في طريقة التعبير عن هذه المطالب او توقيت الاعلان عنها..وفق الله الجميع لما فيه خير مصر انشاء الله
|
انا موافق علي كل كلامك لكن قل لي طريقا اخر ...اذا كان وكيل الوزارة بيقول انبحوا ومحدش هيسمعلكم...وامن مجلس الوزراء بيمنع وفد المعلمين من الدخول...واذا كانت كل قضايا مصر مطروحة للنقاش الا التعليم؟؟؟؟؟؟؟ واذا كانت الوزارة بتبحث زيادات مالية ولكن للعاملين بديوان الوزارة فقط؟؟؟واذا كان عسكري الشرط زاد اكتر من 150 جنيه وامين الشرطة 400 جنيه والضابط اللي مؤهل عالي (زينا زيه)زاد 600..واحنا في انتظار 30 جنيه بتاع ال15%في شهر ابريل..والله ان مش مع اي اعتصام ولا اضراب..في وسط العام الدراسي..لا في الجامعات ولا المدارس وكل ده ممكن يتاجل للاجازة..ولكني ضد اي حد يتهم الناس اللي بتطالب بحقي وحقك بالعمالة او فلول للنظام..الناس دي محترمة جدا..ومطالبها مشروعة جداا جداا...سواء اختلفنا او اتفقنا معاهم في طريقة التعبير عن هذه المطالب او توقيت الاعلان عنها..وفق الله الجميع لما فيه خير مصر انشاء الله
|
اقتباس:
في النهاية بعتذر لباقي الأعضاء المحترمين لإستخدامي بعض الألفاظ المتدنية للرد على المتفلسفين والمتمصرين |
لالالالالالالالالالالالالالا اوافقك اطلاقااااااااااااااااااااا
بص بختصار ، اه البلد رايحة للاحسن ، لكن ده هيخد وقت للتخلص من الحاشية الفاسدة بالكامل لالالالالالابد من اعتصام قوى وموسع ومنظم ، مش بس عشان مطالبنا ، لكن عشان التعليم نفسه بنصلح حاله و اكيد انت فعلا مش مدرس ، او مدرس مرتاح ماديا ، ومش مقدر يعنى ايه مدرس يقبض 350جنية فى زمنا ده ، وكمان انت بتقوله اصبر بذكركم باعتصام بكرا ،،،،، |
ايه مؤامرة تلك التى تتحدث عنها هو المطالبه بالحق والمحافظه على كرامه المعلم التى اهدرت بالقلم الرصاص الاستيكه
وتشبيه المعلمين بالكلاب هى دى المؤامرة اكيد انت من عالم تانى |
نسيت اقول لك بصراحه انت المتامر
|
انت تاجر شاطر وبتحاول تربح حسنات
الله يكون فى عونك ناس كثيرة عايزة تقول مثلك ولكن خايفة يتقال عليهم بتوع دروس ومتآمرين مع فلول النظام اكثر الله من العقلاء امثالك |
كل له وجهة نظر يجب احترامها حتى لو اختلفتم مع الآخر
فأحسنوا مناقشاتكم واحرصوا على اختيار ألفاظكم |
غياب يوم عن المدرسة لن يخرب البلد لكنه سيعطى إنذارا لمخربى التعليم البيروقراطيين حتى يغيروا سياساتهم التى أفسدت التعليم على مر العقود الماضية فهم لا يسمعون إلا بهذه الطريقة مثل قائدهم حسنى مبارك وما لم تمر الثورة بوزارة التربية والتعليم فلن يكون لها تأثير على المدى البعيد فى مصر وستزول سريعا وستعود البلاد إلى أسوء مما كانت عليه.
|
اقتباس:
1- ان البنوك زادت الشهر ده بحد انى 750 جنيه 2- الشرطة اللى انسحبوا من الشوارع وسابوا الحرامية يلعبوا فيها زادوا 600 جنيه 3-الفراش فى البنك او الكهربا او الاتصالات او المحكمة ...الخ احسن من مدير تربية وتعليم 4-ان اول ناس تظاهروا وطلبوا الزيادة هم موظفى البنوك كل دول زادوا وبيزيدوا ومع ذلك محدش قالهم انتوا ثورة مضادة او هتخربوا البلد اما احناااااااااااااااااااااااااااااااااا اللى اساسا بنشحت لو قلنا زيادة يبقى احنا فلول الحزب الوطنى وكل فل فينا بيستهبل ومش راضى بالمية جنيه اللى بيخدها ده اسمه تسيب وتبذير ومؤامرة............الخ فلو سمحت وتكرمت ممكن تتلهى على خيبتك وخيبتنا انى احنا طلعنا مدرسين ده على افتراض انك مدرس |
والله أنا رأيي مع الزميل بلاش كلنا نتظاهر في هذه الظروف الحرجة خصوصا وهناك اتجاه في الوزارة ووزير المالية أكد ذلك أنه سيكون هناك تغيرات في الأجور في مايو المقبل
وطلبي من الزملاء ألا يتهم بعضنا بعضا فكلنا مصريين ولا أحد يزايد علي وطنية أخيه وزميله هي شوري وحرية رأي واختلاف وجهات النظر لاتفسد للود بيننا قضية |
ارفض هذا لاسلوب فى المناقشة فنحن معلمين يجب ان يرقى اسلوب حديثنا اكثر من ذلك كل راى يجب ان يحترم
|
انا اسف على رايك الشخصى لكن هناك ظلم واضح وبين فنحن المدرسين هناك تجاهل واضح اين الدرجة المالية اين العلاوة التشجيعية اين الكادر على اساس الخبرة وليس على الدرجه المحجوبة اين اين اين .......؟ صحصح ياأخىىىىىىىىىىىىىىىىى
|
جزاك الله خيراً
لكن ! ! ! رأيي مخالف لك تماما ؟؟؟؟؟؟؟؟؟؟؟؟؟؟؟؟؟؟ كم مرتبك الذى تأخده من عملك ؟ ملاليم يعنى من يوم 10 مفيش فلوس عشان كده بالتأكيد لازم يكون لديك أراضى أو عقارات ومش لازمك أساساً مرتب ............... |
من الاخر انت مش معلم انت من الى بينبحوا علشان سيدهم رضا ابو سريع
|
الاخ العزيز الفاضل
ايه رايك فى المطالب ديه نحن نطالب بحقوق المعلمين حتى يسمعنا المسئولين والمطالب هى حلم جديد مع ثوره 25 يناير 2011</strong> اين القرار هذه مطالب المعلمين هل من مجيب لنا معلمى التربيه والتعليم فى حاله نفسيه سيئه يجب حل مشاكل المعلمين بطريقه بسيطه ولاتكلف الدوله شئ الا فى بدايه1 /1/2012 1-الغاء اختبارات الكادرفورا لمن قام بالتدريس لمده خمس سنوات (دبلوم -كليه -تربوى -غيرتربوى) ويمكن تدريب المعلم دون ارهابه 2-تخفيض الانصبه بالمرحله الثانويه بمقدار اربع حصص لكل مستوى ومساواه الابتدائى - والاعدادى -والثانوى 3-اعطاء الدرجات الماليه فورا لمن يستحقها فى تاريخه وليكن 1/5/2011 4-رفع تسكين كل معلم قضى خمس سنوات فى العمل الى المستوى الاعلىويعتبر تاريخ تسكينه اولا هو نفس تاريخ تسكينه بمعنى مثل طباعه استماره الكادر اولا على حسب سنوات الخبره وبالتالى يزيد كل معلم خمسه وعشرون فى المائه اعتبارا من1/1/2012وبذلك نكون انهينا اختبارات الكادر وساد الهدؤء وزاره التربيه والتعليم والمعلمين 5- رفع مكافاه امتحانات الشهادات والتصحيح اعتبارا من العام الحالى الى عشره فى المائه تزداد حتى تصل الى عشرون فى المائه خلال خمس سنوات وبذلك لايكون عب ءعلى الموارزنه 6-رفع مكافاه الامتحاناتتدريجيا عشرون يوما لمده خمس سنوات لتصل الى300يوماوبعد خمس سنوات ترتفع من 300يوما بواقع خمسه فى المائه تدريجيا كل سنه واحد فى المائه زياده لتصل الى 300يوما فى خمسه عشر فى المائه فى نهايه خمس عشر عاما من تاريخيه 7-يكون كادر المعلم على اساسى 1/7/من تاريخ السنه وليس 30/6/من العام الماضى 8- تخفيض زمن الحصه ليصل الى 35 دقيقه للجميع ويبدا اليوم الدارسى لمدارس الفتره الواحده من الساعه الثامنه والنصف وينهى السعه الواحده ظهرا- ----وتخفيض انصبه كل ماده حصه تقليل تزاحم الفترات ويكون الوقت من المدرسه مفيدللجميع مدرس وطالب ----ولى امر 9- قرارات الخاصه بالتعليم تكون بمشاركه المعلمين قبل الاصدار لهاوتكون وواقعيه وسهله التنفيذ 10-تخفيض انصبه الموجه الى خمسه وعشرون معلم فقط فى المدن وعشرون فقط فى القرى 11- الغاء ما يسمى بالتربوى لمن درس خمس سنوات ويظل مديرى المدارس كماهم لحين الاحاله الى المعاش وتطبيق القواعد الجديده على الاماكن الفارغه لان معظم مديرى المدارس معاش فى2013 12-احترام المعلم وتقديره وعدم التحقيق معه داخل اقسام الشرطه فى امور التعليم 13-الغاء الدورس الخصوصيه ومن يريد مساعده التلاميذ لكل معلم حصه واحده اسبوعيا مجانا بعد الدارسه لتلاميذالمدرسه لجميع 14-الغاء التقويم الشامل وجعل الحصص فرديا والغاء نظام الفترات 15-ازاله الحشو من المناهج وتنقيتها ملحوظه : هذه المقترحات لاتحتاج الى اموال ولكن تحتاج الى شجاعه وزير واتخاذالقرار ويكون مصدقا من رئيس الوزاء والمجلس العسكرى ليكون صادقا وشفافا للجميع شاركونى الراى والمقترحات والبنداللى صعب وفى غيرصالح العمل والعمليه التعليميه والمعلمين ناقشونا فيه السلام عليكم ورحمه مطالب المعلمين الضروريه هيا نبى مصر من اجل تعليم افضل |
يا اخي أنا بطالب بحقي مش عاوز أكتر من حقي يبقى هذا ثورة مضادة الله يسامحك
|
أشك أساسا انك مدرس ....... أعتقد انك انت من فلول النظام السابق
حضرتك شايف ان المعلمين الشرفاء المفروض يتشتموا ويتبهدلوا ويخدوا على قفاهم ... ياعم ارحمنا بقى ونقطنا بسكاتك وان جت عليك انت في ستين ......... سلامة |
مؤامرة اية دى اللى بتتكلم عليها انت بتهرج دة احنا شغالين بالاجر يعنى ببلاش وعاوزين ناكل عيالنا واذا انت شايف ان دى مؤامرة انا هاشترك فيها وارحمونا من كلمة الثورة المضادة لانى كنت بنام فى ميدان التحرير وئابلت الوزير انا وزمايلى فى الوزارة وطلعلنا قانون كان طالع من ايام ذكى بدر وضحك علينا لان احمد ذكى بدر طلع قرار بتعيين اللى بالاجر حتى 8 -2008 وهو بيشتغلنا بكلمة اللى شغال 3 سنين ماهو محدش كمل ال3 سنين غير اللى شغال قبل 8- 2008 والحدق يفهم يعنى بيشتغالنا الوزير
|
لا لمدعى الوطنية
لو لم نصمم على رحيل مبارك لظل
لو لم نصمم على محاكمته لكان ينعم فى شرم لو لم نصمم على تغيير اسعار الغاز لما كان تغيير لو لم نصمم لما كنا لكن لو تسممنا منك و من امثالك فالموت أهون لنا فالموت أفضل من معلم بلاكرامة على فكرة أمن الإدارات عمال يلم فى أسامينا بس المشكلة مش عارفين يودوها فين مافيش أمن دولة |
رجاء
ارجوكم .........................:040vk0:القائمين على الموقع المحترم حذف هذا الموضوع المثير للاستفزاز وحرقة الدم
|
نهدم ونضرب في مفاصل البلد الحيوية:078111rg3:
سلامة مفاصل البلد :078111rg3: وسلامة مفاصلك :078111rg3:وسلامة مفاصل اللي مفهمك غلط :078111rg3: |
اقتباس:
اقتباس:
اقتباس:
اقتباس:
اقتباس:
كنا بنحاول نقولكم يا مدرسين شوية صبر لا خلاص يلا حرامية طلعوا المشارط وحطوها في قلب الحكومة والمجلس العسكري قولوا للناس هتدفعوا ولا نسقط عيالكم قولوا للناس هتدفعوا ولا نضيع مستقبل ولادكم انتم قلة ولوكنت مكان الوزير لتركتكم تدقون برؤسكم كل حوائط الدنيا |
لماذا هذه الالفاظ النابية لم نتعود على اعضاء بوابة الثانوية يتلفظون بهذه الالفاظ وكل واحد حر فى اراءه
اين المشرفين ؟ |
طظ فيك اولا ثم طظ فى كل كلمة انت بتقولها
|
ياريت نبطل نغمة الثورة المضادة وفلول النظام وياريت مثلا حضرتك تضرب لي مثال علي ما فعلته او اعلنته حكومة الثورة من اجل تحسين التعليم للاسف تجاهل للتعليم زيها زي جكومات مبارك المتعاقبة
تعرفوا الثورة بتصفي الحسابات فقط ولما تبقي تخلص تصفية حسابات مع النظام السابق تبقي تفكر في احوال البلد وللاسف شغلوا الشعب بالكرة مثل ما كان يفعل مبارك |
ب[b]رافو عليك ضربت كرسي في الكلوب وعايز تهد الفرح هو الاخ مصري عايش معانا والا من الهند يا راجل حرام عليك هو في اهم من التعليم في البلد واحنا ندمانين علي اننا بنشتغل في التعليم كل الوزارات تساوي بين العاملين بها الا التعليم تفرقة واحقاد وغل زعته حكومة اللصوص وطيور الظلام ولسة حكومة الثورة ماشية علي نفس النهج ولسه واحد زي رضا قاعد معشش في الوزارة ينعق بها وحسبنا الله ونعم الوكيل في كل ظالم
|
برافو عليك ضربت كرسي في الكلوب وعايز تهد الفرح هو الاخ مصري عايش معانا والا من الهند يا راجل حرام عليك هو في اهم من التعليم في البلد واحنا ندمانين علي اننا بنشتغل في التعليم كل الوزارات تساوي بين العاملين بها الا التعليم تفرقة واحقاد وغل زرعته حكومة اللصوص وطيور الظلام ولسة حكومة الثورة ماشية علي نفس النهج ولسه واحد زي رضا قاعد معشش في الوزارة ينعق بها وحسبنا الله ونعم الوكيل في كل ظالم
|
اعطي المعلمون الموضوع اهتماما لا يستحقه
فهو مجرد هرطقة لا يجب للمعلم أن يعيرها مجرد القراءة معلمي مصر هناك ما هو أهم من التفاهات نرد عليها وحسبي الرد بــ إن تشبيه المعلم بالكلب خير واعظ لك إن كنت معلم وإن لم تكن فدع المعلم وشأنه ولا تجعل نفسك ناصحا للمعلم إن كنت تدرك معني المعلم !!!!!!!!!!!!!!!!!!!! |
ايه مؤامرة تلك التى تتحدث عنها هو المطالبه بالحق والمحافظه على كرامه المعلم التى اهدرت بالقلم الرصاص الاستيكه
وتشبيه المعلمين بالكلاب هى دى المؤامرة اكيد انت من عالم تانى |
اقتباس:
|
دايما يشغلون الفزاعه هل من جديد لرواتب المعلمين هي هي لاتوصل المعلم لـ 10 أيام عيش حاف
هل كل المعلمين يعطون دروس وحتى لو أعطوا حاسبوا دكاتره الجامعه ما هي تعطي دروس سؤال للباشا المهم راتبك يكفيك حتى يوم كام من الشهر لابد من وقفه قويه لاقصاء الفاسدين أمثال ابو سريع وغيره الذين لايهمهم الا مصلحتهم والكرسي اذا كان رجل شريف يترك الكرسي ويرحل ولا الكرسي فيه لاصق شديد |
ما هذا الكلام المايع الباهت الهزلى غير المنطقى وغير المعقول الذى يقول به faizmattar اولاً يظهر انه غير معلم
أو انه فعلا من منتفعى الدروس الخصوصية أو انه من فلول النظام السابق يعنى عايش فى دنيا ثانية غير التى نحياها نحن ثانيا : هذا حقنا ونطالب به منذ زمن ولا أح يستجيب لنا لا الوزارات السابقة ولا حتى الحالية فالجميع متجاهل لحق المعلمين فى العيش بكرامة ... فماذا نفعل غير التظاهر والاحتجاج والاضراب ؟! واخيرا أقول له ولغيره من المثبطين للهمم : قل خبرا أو اصمت |
عن اى مؤامرة تتكلم سيادتكم ا كيد عن المؤامرة التي نعيش فيها من تدنى الرتب الذي لا يكفى شئ أم أزمة الأنبوبة التي لا نحصل عليها إلا بالعذاب أم رغيف العيش فانت لا تعلم كيف يعش المعلم فكيف يطلب حقه المنسي الرجات المالية و العلاوة وبدل الأنشطة والتغذية وووووووووووووووووو كلها حقوق المعلم لا يحصل عليها إلا من خلا قضية إذا فحقوقنا معروفة ومشروعة فلماذا تجاهلها أعطنا حقوقنا وسوى بيننا وبين موظفي الدولة وحاسبنا إن خرجنا في مظاهرات أو احتجاجات العدل أساس الملك العدل أساس الملك العدل أساس الملك العدل أساس الملك العدل أساس الملك |
اقتباس:
ويبدو أنه يوجد هنا موقعة جمل أخرى تجمع فيه بلطجية وعربجية النت للسباب والشتيمة وقلة الأدب وأغلبيتهم أعضاء جدد في الموقع!!!!! وكلمتى الوحيده لمن أساء: رسالتي هي للشرفاء فقط..... فتنحوا جانباً..... |
اقتباس:
|
يا اخي فكر في اخوانك المدرسين اللي بيقبضوا 100 جنيه
وبعدين احنا مش داخلين حرب علشان البلد تنهار علي ايدينا وده حق مشروع علي الاقل يكون فيه جدول زمني لحل مشاكلنا بدون كادر وذل مش عايزين فلوس دلوقت يا اخي المدرس بقي اقل قيمه في هذا المجتمع واخر شي ينظر اليه او يسمع له وربنا يسامح اللي كان السبب ارجوا ان يتحد المدرسين ولو مره لاننا بقينا ملطشة ومفيش حد حاسس بظروف عمل المدرس النفسية والمادية والضغوط اللي بيتعرض ليها حتي المجتمع رافض التضامن معانا بسبب القله التي تجني الالاف من ورا الدروس الخصوصيه نعم للاضراب |
أتفق معك في الرأي أن الداعين لهذا من فلول النظام البائد من الأغبياء الذين لا زالوا يستهينون بعقلية الشعب حتى المدرسين
من ضمن المطالب المضحكة حل النقابة التي أعلن الوزير سابقاً أنه ليس له أي سلطة عليها و هذا حقيقي حيث أن النقابات تتبع وزارة القوى العاملة مطلب آخر بإلغاء أكاديمية المعلم التي أنشأت بموجب القانون 155 لا أدري في دولة في العالم وزير يمكنه إلغاء قانون الأدهى أن يدعي هؤلاء أن هذه المطالب لصالح التعليم رغم أنها كلها مطالب ادية بحتة ليس فيها مطلب إصلاحي واحد |
كل هذه الردود والتفاعل مع الموضوع وصاحب الموضوع نفسه لم يرد واضح انه كان مكلف بمهمة وأداها خلاص وهى شق الصف ومن هنا نحن نقول اننا نحن معلمى مصر لا نطلب غير المستطاع من غير المقبول ان يتحدث وزير التعليم العالى عن زيادات فى المرتبات فى الجامعة ونحن الوزير يعيش فى كوكب أخر بل ويتحث عن ارضاء امبراطورية الوزارة والعاملين بها من زيادات ومكافأت وحوافز مش عارف ليه
|
| جميع الأوقات بتوقيت GMT +2. الساعة الآن 11:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.