|
معلمى الحصة _اسيوط
http://assiutdotcom.blogspot.com/2011/04/4_19.html#more
19 أبريل, 2011 4 مطالب تشعل غضب المؤقتين بمديرية التعليم بأسيوط..ووقفة إحتجاجية ومسيرة غاضبة الخميس القادم اخبار اسيوط 19 أبريل 2011 أسيوط دوت كوم-محمد أشرف أعلن عدد كبير من مدرسو الحصة بجميع تخصصاتهم والمكافأة الشاملة عن إعتزامهم تنفيذ وقفة إحتجاجية يوم الخميس القادم الساعة 11 صباحاً،ومسيرة تبدأ من امام مديرية التربية والتعليم وصولاً لديوان المحافظة والتقابل مع اللواء ابراهيم حماد المحافظ الجديد. وذلك لعرض مطالبهم المشروعة والتى تتمثل فى الأتى: 1 - تنفيذ القرار رقم 75 الخاص بيثبيت المعلمين بالحصة الذين مر عليهم 3 سنوات للعمل بالحصة وايضا كل العاملين بنظام المكافاة الشاملة الذين مر عليهم 3 سنوات اسوة بمحافظة وسيناء والغربية . 2- من لم يكملو الـ 3 سنوات يجدد لهم العقد تلقائي ويتم نقلهم لبند 2/2 مع تنفيذ كل بنوده التي ينص عليها إلى أن يستكملوا ثلاث سنوات ثم بعدها يُثبتوا وفقاً لقرار 75 3- وضع حد للتلاعب بالقرارات العقيمة التى تصدرها المديرية. 4- رفض تام للتوقيع على العقود المرسلة للمديرية، فهى خدعة من الوزارة لانه فى حالة الامضاء على هذا التعاقد سوف تضيع كل سنوات العمل بالحصة او المكافاة الشاملة ويتم حساب الثلاث سنوات من تاريخ توقيع العقد. |
أيوة ياأستاذ أنا أرسلتلهم الخبر وهم صاغوه بالشكل ده ونشروه الحمد لله
كنت داخلة أوريه لحضرتك بس حضرتك سبقت |
تمام يااخت ابرار كويس جدا فكرة ابلاغ الصحافة بوقفتنتا وياريت لو تقدرى كمان تبلغى جريدة اليوم السابع علشان ليها شعبية كبيرة
المهم بقى ان تكون اعداد الناس يوم الخميس كبيرة علشان كلمتهم تكون مسموعة ياريت يكون هناك اكبر عدد ممكن من الناس الى شغالة بالحصة او المكافاة الشاملة علشان نقدر نحقق مطالبنا وربنا يوفقنا يوم الخميس |
ما هي هي دي المشكلة لو ماكانتش كبيرة هتبقى كارثة ووقعة بيضا ماتقولش لحد عليها
ربنا يستر |
ياريت ياخت ابرار نجمع اكبر عدد ممكن من زملائنا لان لو الوقفة ده ما جبتش نتيجة يبقى ضعنا والحمد لله ويبقى محدش ها يهتم ويسمع لينا تانى
|
وحضرتك برضه ياأستاذنا أنشر بقدر الإمكان والله المستعان
|
أولى البشريات
بشرى جميييييييييييييلة http://www.thanwya.com/vb/showthread.php?t=308778 أنا سعيدة جدااااااا بالخبر ده لأنه معناه إن صوتنا ومطالبنا ووقفتنا مش هتقتصر على أسيوط بس ولكن هتكون كمان في محافظة تاني والله إستبشرت جداااااا معنى كدة إن صوتنا لن ينقطع بإذن الله ومش هنسكت غير لما نجيب حقنا وعقبال باقي المحافظات وأنا من هنا بأدعو باقي المحافظات لوقفات مماثلة بنفس المطالب ولكن في أيام مختلفة وليس يوم واحد للجميع عشان نزلزلهم إن شاء الله ونهزهم ويكون صوتنا أقوى أين باقي المحافظات؟؟؟؟ والله ياجماعة لو ماخدناش حقنا ماحد هيعبرنا ولا هيدهولنا وما نيل المطالب بالتمني ولكن تُؤخذ الدنيا غلابا عاوزين كلنا نكون على كلمة ومطالب واحدة وعلى قلب رجل واحد وما ضاع حق وراااءهُ مُطالب وعلى الله قصد السبيل |
ربنا معاكم ان شاء الله وينصركم
وياريت المحافظ ده يكون كويس لانى بصراحة مش مطمناله ابدااااااااا |
ياريت ياخت ابرار تكون نفس المطالب على مستوى محافظات الجمهورية وفى ايام مختلفة حتى تتحقق مطالب كل معلمى الحصة
بس طمنينى قدرتى تجمعى كام شخص معاكى الى الان |
والله ياأستاذ أحنا بندعو قدر المستطاع وده في علم الغيب فسيبها كدة وإن شاء الله نأمل الخير بإذن الله
|
بالنسبة لعدم عمل وقفة واحدة في يوم واحد والله أنا شايفة كدة أفضل و معنى كدة إن صوتنا لن ينقطع بإذن الله ومش هنسكت غير لما نجيب حقنا
وبعدين ماإحنا وقفنا كلنا في يوم واحد يوم 17 أبريل عملنا إيه ولا حاجة لكن لما يكون نفس المطالب النهاردة في محافظة وبعد يومين في التانية وهكذا هيكون التأثير أقوى والصدى أعلى دي وجهة نظري وبعدين في نقطة مهمة أنا عاوزة أوضحها إحنا ماعملناش مظاهرة فئوية ولا عملنا أي حاجة لكنهم من غير أي حاجة كدة خدوا في حقنا قرارات وياريت قرارات صائبة لو كانت قرارات صائبة ماكانش حصل أي حاجة لكن للأسف أديكوا شايفين اللي حاصل فهم اللي دفعونا لكدة لكن إحنا مش غاويين تظاهر ولا تعطيل ولا أساسا من الناس اللي مقتنعة بتظاهرات فئوية في الوقت الحالي ع الإطلاق لكن هنعمل إيه دول ظلمونا وجاروا علينا وإحنا مش هينفع نسكت |
ربنا يوفقنا فلا يضيع حق وراءه مطالب
|
بإذن الله ومستنشرة خير جدا والعدد هيكون كبير والله المستعان
بس أهم حاجة التنظيم وعدم الغوغائية والهوجائية والرقي في الأسلوب ويكون مطالبنا مكتوبة في لافتات بشكل راقي وعلى الله قصد السبيل |
ياريت ياجماعة كمان ندعو العملين بنظام المكافاة الشاملة من موظفى الادارة التعليمية باسيوط او موظفى مديرية التربية والتعليم باسيوط وكذلك العاملين بالمدارس حتى لو اضطررنا ان نطلع مكاتبهم ونقولهم تعالوا شاركونا فى المطالبة بحقوقكم لتايدنا فى الاعتصام ومطالبنا كلها واضحة تنفيذ قرار 75 وايضا باقى المطالب الموضحة فى اعلى
|
ممكن ياجماعة لو فيه اى اخبار تقولولنا
|
أنا بعتذر والله يوم الخميس حصل عندي حالة وفاة وماحدش راح من عندي والله
وماعرفتش أي حاجة من وقتها لا دخلت هنا غير دلوقت ولا روحت إدارة غير إني سمعت من زميلة ليا إنهم قالولهم إن فيه أخبار كويسة هتسمعوها السبت جم السبت قالولهم يوم التلات هتسمعوا أخبار كويسة بخصوصكم إن شاء الله وعرفت إن وكيل الإدارة أو اللي بيقولوا عليه وكيل الوزارة بتاع الجديد كان في القوصية اليومين اللي فاتوا وقابلوه معلمي الحصة والمكافأة الشاملة وقالولوا إنهم سامعين إن التلات هيكون فيه حاجات كويسة في حقهم ولو ماحصلش الكلام ده هيتظاهروا قدام المديرية النهاردة أول يوم أنزل الشغل من يوم الخميس وقبل الشغل روحت الإدارة لقيت ناس هناك بتمضي العقد اللي هو إيه بقى نفس البند اللي فات اللي أنا قلتلكوا عليه في موضوعي http://www.thanwya.com/vb/showthread.php?t=307961 اللي هو ده http://dc09.arabsh.com/i/02880/h6h5k1s6d6iq.jpg http://dc10.arabsh.com/i/02880/fhrxi8hq8m2a.jpg بس جايين من فوق ومغيرين بدل 2/2 مغيرينها 2/3 والله ومغيرينها بقلم معدلين الإتنين الأولى حاطينلها سنتين بقت 3 وإتضحك علينا تاني والحمد لله وطبعا بيبيعوا مظروف فيه مصوغات تعيين المظروف ب4 جنيه وفيه 5 نسخ من العقد ده تقدم كل اللي في المظروف ومعاهم طبعا صور وأصولات من البطايق وشهادات الميلاد والشهادات بتاعتك كلها ومطلوب فيش وتشبيه بس أدي اللي شوفته النهاردة بس قابلت زميلة هناك كانت خلصت كل أوراقها وقدمت وقالتلي إن العقد مش كويس وفيه مظاهرات هتحصل النهاردة عند المديرية والعقد هيتغير تاني بكرة وفيه واحدة هناك من الإدارة أنا أعرفها شخصياً أكدتلي إن العقد ده هيتغير بكرة إن شاء الله وآخر معاد للتقديم يوم 30 ده كل الجديد بس الواحد والله هيتجنن ويتشل من الإستغفال والإستهبال والإستهتار والإستخفاف اللي بيعملوه معانا وعليهم بإيه ده كله وليه الذل ده وليه الغباء اللي بيعملوه معانا أنا عندي عقد 2/3 ده غير العقد اللي عاوزينا نمضي عليه خالص مش هو أساسا وبيضحكوا علينا ومفهمينا إنه هو وأول ماأقدر أرفعه لحضراتكوا هأرفعه وأوريهولكوا حسبي الله ونعم الوكيل لا نافع معاهم وقفات ولامظاهرات ولا إحتجاجات ومستمرين في الغباء والتخلف كأنهم بيعاملوا متخلفين بالظبط عاوزة أشوف ردكوا بالله عليكوا ربنا ينتقم من كل اللي بيتخذ القرارات الغبية دي ربنا ينتقم بجد من الظالمين |
النهاردة كنت في إدارة أسيوط وفعلا نزل العقد الجديد
3/2 اقتباس:
هحاول أرفعه ليكوا ولما رحت الإدارة اللي أنا تابعة ليها إدارة الفتح لقيت عندهم خبر إن العقد إتغير لكن لسة ماجتهمش حاجة وكل اللي مضوا ع العقد القديم هيتلغي كل ده وهيكون هو العقد ده اللي هيتمضي عليه وسألت طيب هو هيتحسب السنين اللي فاتت ولا من تاريخ إمضاء العقد للأسف مافيش حد عارف لسة لأن القرار لسة نازل ولسة مش عارفين والمفروض هيجتمعوا كانوا في الإدارة عشان خلاص يستلموا الورق من الناس على أساس العقد ده وخلال أيام هيحصل إن شاء الله هو أينعم زي ماحضرتك بتقول ياأستاذ رامي معاك تماما بس ع الأقل إبتدوا يعاملونا على إننا بني آدمين شوية وأهو كل اللي بنعمله بيجيب نتيجة الحمد لله إستبشروا خير وفعلا ماضاع حق وراءه مُطالب وطول ماإحنا بنطالب هنحقق اللي إحنا عاوزينه بإذن لله |
اقتباس:
العقد ديه لكل العاملين بالحصة و لا للى أكثر من 3 سنوات . أرجو التوضيح |
رفعت لحضراتكو العقد
شوفوه وإقروا بنودهه بتركيز وياريت تفصصوه معايا ونحاول نفهمه مع بعض بالراحة لأني شايفاه كويس جدا في نظري لو فهمناه كويس ولو هم نفذوه فعلا إليكم العقد http://dc15.arabsh.com/i/02915/3eae229jo0qa.jpg http://dc15.arabsh.com/i/02915/61moez7i636c.jpg |
بالنسبة للنقطة اللى حضرتك سألت عنها يا مستر
لو حضرتك قريت البند الخامس في العقد اللي فهمته منه إن اللي أمضى 3 سنين هيتم تثبيته بموجب القرار 75 يعني العقد ده المفروض للي لسة ماكملوش 3 سنين أما اللي كملوا 3 سنين أو اكتر المفروض هيتثبتوا ده اللي يتفهم من الكلام وفي إنتظار تعقيبكم |
اقتباس:
شكراً لحضرتك على الإيضاح .و جزاك الله خيرا |
انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5//2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط معا امام الوزارة يوم 2/ 5/2011 |
| جميع الأوقات بتوقيت GMT +2. الساعة الآن 08:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.