الرصيد المرحل من الاجازه الاعتيادى للمتعاقدين
 

السلام عليكم ورحمه الله وبركاته

من فضلكم اخوانى واخواتى المتعاقدين هل من الممكن اخذ الاجازات الاعتياديه للسنوات السابقه كلها مره واحده انا سمعت ان فى ناس بتعملها هل الكلام ده صحيح وهل فى حد اخذها فعلا نرجو الافاده . لانى محتاجه اجازه ضرورى

السنين السابقة لا
واللى راح خلاص...
انا سألت فى الموضوع دة قبل كدة
وقالو فى شئون العاملين ماينفعش..
للاسف.

عندنا في الشرقية ينفع بحد اقصى ستين يوم وعلى فكرة في واحدة صاحبتى جددت العقد الاخير وفيه بند الاجازات الاعتيادية 21 يوم بعد اول سنة هي فقط بتكون 15 يوم وان شاء الله يارائحة الورد سهل تحصلي عليها في اجازة نهاية العام يعنى المنطقة مابتمانعش ولا شيخ المعهد

شكرا يا ام رهف بارك الله فيكى طيب ايه اجراءتها ؟؟ وهل الستين يوم متواصلين ؟؟

لا العفو على ايه مافيش اجراءات ولا حاجة هتكتبى طلب عادي لشيخ المعهد وهو يكتب لامانع وتروحي المنطقة تمضيه من وكيل الوزارة وتختميه وتسجليه في قسم الاجازات في المنطقة وهيعطوكي ورقة ترجعي بيها المعهد تسلميها وتروحي وترجعي بالسلامة بس نصيحتى ماتعرفيهمش في المعهد ايه سبب الاجازة يعنى عومي الكلام عندي ظروف ومش هقدر اجي كده يعنى وياسلام لوليكي واسطة تاخدي شهر بعد الشر عنك مرضي كده تلات شهور يبقى تماااااام اوي

ان شاء الله متواصلين انتى بتكتبي في طلب الاجازة لمدة ستين يوم تبدا في كذا(التاريخ) وتنتهي في كذا بس

شكرا يا قمر يا ام رهف

العفو ياحبيبتي بالتوفيق ان شاء الله وادعيلى احصلك

ربنا يحنن قلب شيخ الازهر علينا ويصدر قرار تعيننا

ربنا يوفقك يا حبيبتى ويحقق لك كل اللى بتتمنيه ويريح قلبك ويسعدك

موضوع الاجازة دة بينفع بس اللى يوافق علية هما اللى بيعطلو الدنيا يرائحة الورد

اللهم اميييييييييييييييييييييييييييييييييين

فعلا يا ام رهف موضوع الواسطة دة هوة اللى ماشى

اظن في الاجازة مش هيعطلوا حاجة مشكلتهم انك تاخد المدة دي كلها في الدراسة او الامتحانات والموضوع في الاخر نصيب وربنا يهديلها ناظر المعهد لو كتب لامانع تعدي ان شاء الله

شوف الغلط بيجيب غلط والضغط الزيادة يولد النفجار

تقصدى اية حضرتك بالانفجار

اللى راح خلاص

من فضلك يا ام رهف هل الاجازه ستين يوم تاخذ مره واحده ولا كل 15 يوم تجدد؟؟

الانفجار يعنى لما مايكونش فيه تكافؤ فرص يعنى لما تكون حققت كل الشروط اللي هما حددوها وماتتثبتش لما تاخد مرتب قليل ومافيش حوافز كويسة او حتى تقدير معنوي يفرق بين المجتهد والكسول لما تسيبى ابنك رضيع عند الجيران بدون رضاعة 8 ساعات يومية بجانب وقت التربوي والاي سي دي ال لما تاخد على دماغك من اي مكان تروح فيه والموظفين معاملتهم مش كويسة ولا اكن الثورة قامت لما..............................يبقى ممكن يولد انفجار ولا لاء نرجع بقا للواسطة والمحسوبية والرشوة والحاجات الغلط اللي هتمشي المراكب الواقفة تضطر تاخد اجازة مرضية وانت مش مريض علشان تعمل اي حاجة مفيدة في الصيف بدل ماتروح تقعد قعدة غيبة ونميمة في المعهد بلا فائدة

انا شخصيا اخذت في اجازة نصف العام شهر متواصل وما رحتش جدت ولا حاجة

تمام ياريتنى مسألتك كلامك مؤلم للواقع المرير

شكرا يا ام رهف كلامك كله تمام للاسف الثوره قامت ولكن لسه فى شخصيات واخلاقيات وسلوكيات المفروض تتعدل وتتغير

كل المتعاقدين لهم اجازة 21 يوم منهم 6 ايام عارضة
سواء اول سنة او غير ذلك
وارجع بنفسك للعقد وتأكد من كلامي

مش مهم خصم الحوافز احنا حوافزنا 50 جنيه لوحد عنده ظرف ضروري يستدعي الاجازة

احنا لبنا حق فى الاجازة دى وانا قربتها يعبنى فى ورقة متعلقة عندنا فى المعهد للعامل الحق فى اخذ اجازة من رصيد اجازتة الاعتيادية بحد اقصى 60 يوم على ان ياخذ رصيد اجازتة الاعتيادية فى هذة السنة ايضا بس المشكلة لازم موافقة المعهد ويكون مفيش اى مانع واستحالة اى ناظر يوافق عشان انتى عارفة نسبة العجز فى المدارس اد اية مع ان دة حقنا دة لما حد بيطلب بس اسبوعين اعتيادى الناظر بيرفض مابالك شهرين؟

ياريت تقوليلى وصلتى لاية فى الموضوع دة ضرورى

انا فعلا سالت فى شئون العاملين وقالوا ممكن لكن اهم شئ موافقه وكيل الوزاره

هو حضرتك تابعه لمنطقه ايه؟؟؟؟؟؟؟؟؟؟؟؟

انا عقدي مكتوب فيه زي ماحضرتك قولتي لكن عقد زميلتي مكتوب فيه 21 يوم اعتيادي +6 ايام عارضة ان شاء الله في اقرب فرصة انا ناوية اروح المنطقة علشان اسأل في الموضوع ده

انا تبع البحيرة

نعم اخواني الاعزاء

يجوذ للسادة المتعاقدين بالازهر الشريف تصفية رصيد اجازاتهم الاعتيادية من تاريخ استلامهم العمل بالازهر الشريف وحتى تاريخه

بشرط كتابة طلب الى شيخ المعهد - ثم رفع الطلب من شيخ المعهد الى مدير عام المنطقة الازهرية محدد به بداية الاجازة وتاريخ انتهائها - ومحددة الاسباب والظروف العائلية او غيرها من اجل الاجازة

ولى بذلك خبرة وعلى علم بذلك الموضوع

حيث لي صديق كان يرغب باجازة للسفر الى انجلترا
فقام بكتابة طلب اجازة اعتيادية وتم رفعها الى شيخ المعهد ومنه الى وكيل الوزارة بتصفية رصيد اجازاته الاعتيادية من عام 2006 الى عام 2010 م

وسافر الى انجلترا ثم عاد العمل مرة اخرى

وشكراااااااااااااااااا
هذا للعلم

[quote=فايز فراج;3339335]نعم اخواني الاعزاء

يجوذ للسادة المتعاقدين بالازهر الشريف تصفية رصيد اجازاتهم الاعتيادية من تاريخ استلامهم العمل بالازهر الشريف وحتى تاريخه

بشرط كتابة طلب الى شيخ المعهد - ثم رفع الطلب من شيخ المعهد الى مدير عام المنطقة الازهرية محدد به بداية الاجازة وتاريخ انتهائها - ومحددة الاسباب والظروف العائلية او غيرها من اجل الاجازة

ولى بذلك خبرة وعلى علم بذلك الموضوع

حيث لي صديق كان يرغب باجازة للسفر الى انجلترا
فقام بكتابة طلب اجازة اعتيادية وتم رفعها الى شيخ المعهد ومنه الى وكيل الوزارة بتصفية رصيد اجازاته الاعتيادية من عام 2006 الى عام 2010 م

وسافر الى انجلترا ثم عاد العمل مرة اخرى

وشكراااااااااااااااااا



شكرا جزيلا مستر فايز وجزاك الله كل خير ربنا يبشرك بالخير

شكرا لكل من ساهم فى الرد

ربنا يوقفك يارائحة الورد ويحقق لكى كل ماتتمنيه

ربنا يوفقنا جميعا ويرضينا ويرضى عنا ويسعد قلوبنا ويريح بالنا ويثبتنا