|
اخر اخبار ادارة مطوبس التعليمية
اقتراح بان نجعل لنا موضوع موحد باسم اخر اخبار ادارة مطوبس التعليمية نتبادل فيه افكارنا وارجو من الادارة الكريمة تثبيته :av4056bb7jp3: ولكى لا تتشتت افكارنا وموضوعاتنا علشان ناخد حقنا بدراعنا ان شاء الله والله العظيم دى ايامهم طويلة لسه المدد السابقة(1) وغلطة المرتب(2) والصراف الالى(3) وتسوية الدبلومات(4) وصحيفة الاحوال(5) و...........6-7-8-9-10-11-الخ ارجو من حضراتكم التوحد فى موضوع واحد وشكرا وتعاونوا على الخير ولا تتعاونوا على الشر |
ارجو ان نوحد جهودنا ولا داعى لكثرة اللهث وراء الموضوعات
|
على فكرة احنا فى القاهرة نفس المشكلة مفيش درجات مالية ولااكننا اتعينا نعمل ايه ارجو الافادة
|
الززززززززززززززززززززززززززززززززززززززززن
الزززززززززززززززززززززززززززززززززززززززززن الزززززززززززززززززززززززززززززززززززن مش لوحدك لحد ما الادارى يتحرك ويدور لكو على حقوقكم بس ادارى الادارة مش المدرسة |
انا روحت المديرية النهارده وكلمت مدير المديرية بخصوص الدرجات وبخصوص بدل العتماد من 1/3 وبخصوص العلاوة من 2008
وتم بالتصال هاتفيا بمدير الادارة بمطوبس وقاله ان فى شكاوى من الادارة هو انتوا مش شايفين شغلكم ولا ايه طلب منى اكلم مدير الادارة طبعا كلمته وقولتله اننا روحنا اكثر من مرة الادارة ولم يتم الاستجابة قالى والله العظيم لسة كنا بنشوف الموضوعات اللى مقدمناها ومرتباتكم هتأخذوها من 1/3 ال 50% وسألته على العلاوة اللى ناقصة قالى والله هتاخدوها قولتله امتا قالى من تاريخ القرار 1/5/2008 ومدير المديرية كان سامع الحوار وعموما احنا مش هنسكت انا فى كفر الشيخ لمدة اسبوعين المرة الجاية هدخل لوكيل الوزارة بس المهم ان فى حد يروح الادارة يشوف اخر الاخبار |
اقتباس:
ممكن سؤال انا من السويس واخدنا المرتب بالزياده ال 15 % وماخدناش الكادر 3 و 4 ولا حتي بدل الاعتماد بس هل بدل الاعتماد هيتصرف برضو 3 و 4 زي الكادر ولا عن 4 بس ؟؟؟ وايه موضوع العلاوة ده مش فهماه ؟؟؟؟؟؟؟؟ |
يارؤى انا اختك من القاهرة وعندنا نفس المشكلة لو سمحتى عايزة رقم تليفونك
|
عظيم
اقتباس:
|
لا ضاع حق وراءه مطالب
|
الاخت roaaaa
انا خايف احسن يتشغلو فى امتحانات الثانوية والنقل ويطنشونا انا رحت الادارة اليوم وعرضت الكلام على قسم الحسابات والحمد لله قالولى انتم صداع ونحن خاطبنا المديرية للرد والله هاتخدو كل اللى لكم قريبا |
انتصار الحق
لا تقلق يا أخ ammhhe فبعد مكالمة مدير المديرية للأستاذ عبد المجيد شكر تم ارسال اشارة الي مدرستي وبالتالي الي كل مدارس الادارة بعمل فرق علاوة 2008 ( مبلغ 29.60 ) من 1/10/2008 الي 30/4/2011 وتعديلهافي الشهور القادمة الي 44.40 بدلا من 14.20 وعمل 50% بدل الاعتماد لشهري 3 ، 4 والشهور القادمة طبعا لا ضاع حق وراءه مطالب |
هذا انتصارنا في أول جوله
وان شاء الله في باقي الجولات |
ياجماعة يعنى ايه علاوة 2008 بالله عليكم حد يفهمنى
|
تسلموا شباب مطوبس يجب الاستمرار والمتابعة حتى يتم التعديل الفعلى
الخطوة الثانية سنوات الخبرة الماضية كى تحتسب الاقدمية فى الترقيات والفروق فى دفعات التعاقد والله الموفق |
حضرتك
موجود في استمارة المرتب الخاص بك خانة لعلاوة 2006 وخانه لعلاوة 2007 وخانه لعلاوة 2008 وهكذا الي علاوة 2011 هذه العلاوات تضاف الي المرتب الأساسي فمثلا علاوة 2008 كانت 30% من الأساسي الي هو كان 148 يعني تكون 44.40تضاف الي المرتب الأساسي بالاضافة الي باقي العلاوات الأخري حضرتك ممكن تطلعي علي هذه الاستمارة عند مسئول الماهيات في مدرستك |
الخطوة القادمة تعديل صحيفة الاحوال الى معلم مع الاقدمية 5سنوات للكل 5سنوات كاملة وفقا للكتاب الدورى رقم 6 وتعديلة رقم 7 الصادر من الجهاز المركزى للتنظيم والادارة فى 23/3/2011
هام تعديل الى معلم لاهميتها للكل اذن الشغل فى المرحلة القادمه على على السيسى |
الاخت جني كليو
الموضوع ان احنا كان عندنا غلطة فى مرتبنا ومكنش حد عاوز يعترف بيها وهذه الغلطة فى كشف المرتبات التى توقعين فيه عند القبض والحمد لله بعد الضغط اخذنا حقنا |
هما هيكونو 31 او 30 شهر×29.60=888
يخصم منهم10%=8808 المجموع=799.2 على حساب 30 شهر حتى شهر4 والعهدة على مسئول بالحسابات |
يا جماعة ذهبت لمدير الإدارة فقال لى سوف يأخذون كل حقوقهم وبثر رجعى ولم نكن نعرف ، فهذا أكبر غلط بأن مدير إدارة مطوبس يقول منتش أعرف ، على العموم أنا ذاهب الأسبوع القادم للمحافظ فمن منكم يا أخوتى يريدأى شئ فليتصل بى ــــــــــــــــ فنا معلم أول ، ولكن زوجتى مثلكم فى الإدارة فأنا معكم قلبا والبا ولن سكت ، فنا العام الماضى عملت شكوى للنيابة الإدارية فى شئون العاملين ، ولو دخلتم على جوجل وكتبت إدار مطوبسالتعليمية ستجد الفضائح التى عملتهالبعض مسئولى الإدارة فأنا لا أخاف إلا الله
إسمى أحمد سعيد - إدارة مطوبس التعليمية |
شكرا ياستاذ احمد على مجهودك الرائع وكل خطوه نخطوها للامام يعم خيرها على الجميع ولكن لابد ان نكون قوةونتحد وبلاش نغمة خلينا جنب الحيط واللا مبالاه من البعض وكله بيقول اللى هيحصل هيمشى على الكل خلينى مرتحين وفيه ناس بتتحرك ودا غلط لان الاتحاد قوه وعندما يجدون اانا متحدون سوف تتخذ القرارات سريعا ودون مماطلة وكذلك المطالب كاملة وليس جزء منها الرجاء ان يكون لكل مج=درس دور حتى يشعر انه اخذ حقه بمجهوده وليس مجهود الاخرين
|
طلعت الشيخ علي بيحاول يرجع في كلامة يعني عاوز يخصم 7 شهور من علاوة 2008 وهذا مخالفة صريحة لنص القرار الوزاري 114 لسنه 2008 |
المادة الثالثة من قانون 114 لسنة 2008 أولا : اعتبارا من 1/5/2008 يمنح جميع العاملين بالدولة علاوة خاصة شهرية بنسبة 30% من الأجر الأساسي لكل منهم في 30/4/2008 أو في تاريخ التعيين بالنسبة لمن يعين بعد هذا التاريخ ، وذلك دون حد أدنى أو حد أقصى ، ولا تعتبر هذه العلاوة جزءا من الأجر الأساسي للعامل ، وتعفى من أية ضرائب أو رسوم . ثانيا : يقصد بالعاملين بالدولة في تطبيق أحكام البند السابق العاملون داخل جمهورية مصر العربية الدائمون والمؤقتون بمكافآت شاملة بالجهاز الإداري للدولة ، وبوحدات الإدارة المحلية ، وبالهيئات العامة ، وبشركات القطاع العام ، وبشركات قطاع الأعمال العام ، وكذلك العاملون بالدولة الذين تنظم شئون توظيفهم قوانين أو لوائح خاصة ، وذوو المناصب العامة والربط الثابت وبناء عليه وسنقاتل من أجل حقنا ولو وصل الأمر الي رفع قضية أمام القضاء الاداري |
هما ولاد الحرامية دول مفيش فايده فيهم عايزين يسرقوا اى شئ والسلام والله لو لم نقف وناخذ حقنا كامل والجوء لاعلى السلطات لاخذ حقنا نستاهل اللى يجرى لنا من شوية المرتزقة دول ولاز م نوريهم اننا اقوياء ومش هنسكت تانى على حقوقنا واذا لم يتعدلوا نقوم بالتظاهر وتقديم شكاوى لتغيير جميع العاملين بالادارة وتنظيفها من الحرامية اللى معششين فيها
|
إدارة مطوبس التعليمية ونهب الحقوق من المعلمين
يا جماعة كلهم أو أغلبية الإدارة مش كويسين ولو بحثت لوجدتهم ممن يأخذون الرشاوى والهدايا والهريسة ، وبالرغم من ذلك يوجد داخل الإدارة ناس شرفاء بمعنى الكلمة فكل مكان يوجد الكويس والوحش ولكن فى الإدارة الوحش أكثر من الحلو يا جماعة أنا لا أقول شعارات ولا كلام زائف من أجل مصلحة خاصة أو ترشيح نفسى فى انتخابات النقابة الفرعية ولا شئ من هذا القبيل ولكنى تعودت بأن أحارب من أجل إعلاء كلمة الحق ولو كتبتم فى صفحة جوجل إدارة مطوبس التعليمية ستجدون الفضائح التى عملتها العام الماضى لبعض المسئولين فى الإدارة فأنا لا أخاف إلا الله بالرغم من أن الموضوع لا يخصنى ولكن بعض الزملاء رشحونى لأخذ حقوقهم والحمد لله نجحت فى محاربة أكثر من شخص فى الإدارة وكنت سبب من ضمن الأسباب التى وقفت ناس فى الإدارة 3 شهور وجعلتهم يتركون أماكنهم فى الإدارة بمعنى مسكوا عمل آخر داخل الإدارة يا جماعة لواحتجتم أى شئ فأنا تحت أمركم بدون أى شئ كل ما أريده رد الحقوق لأصحابها ولم أرشح نفسى فى انتخابات النقابة الفرعية بمطوبس علشان لا أحد يقول هو بيعمل هذا من أجل الانتخابات ومن يريد الإتصال بى 0162035847 أحمد سعيد أحمد وعيوع - معلم أول بإدارة مطوبس التعليمية ، وأيضا كنت من ثوار ميدان التحرير وقابلنا أحمد جمال الدين بخصوص مطالب المعلمين ومضيت أكثر مدارس مطوبس وفوة على هذه المطالب وتم تسليمهاللوزير عندما قابلناه وخرجت فى برنامج الحياة اليوم وتكلمت عن المهازل التى تحدث فى محافظة كفر الشيخ بصفة عامة وإدارة مطوبس التعليمية بصفة خاصة فأنا تحت أمر الجميع بصفة عامة وتحت أمر معلمى إدارة مطوبس بصفة خاصة
|
وقفة معلمون واخصائيون يريدون تغيير المسمى الوظيفى امام محافظة الدقهلية الخميس 5 / 5 /
وقفة معلمون واخصائيون يريدون تغيير المسمى الوظيفى امام محافظة الدقهلية
الخميس 5 / 5 / 2011 الساعة 11 صباحا مطالبنا
|
يا استا> احمد اللى فى الادارة شرفاء لنفسهم وحراميةن يستحملوا اللى هيحصل احنا المهم عندنا ان ناخ> حقنا من دون مجاملات وكان اللى بيديلك حقك بيدهولك من جيبة وعامل معاك جميل ايه المشكلة لم ناخد حقنا دون مشاكل ودوشة وان شاء الله دا اللى هيحصل بعد كده لان اللى هيتلاعب بعده لا يلوم الا نفسه |
انا كلمت مدير المديرية وشكرته على تعاونه معايا لما كنت عنده وان مكالمته الهاتفية لمدير الادارة كان لها تأثير وطلبت منه اننا نريد تغيير صيغة الجواب تكون مثل باقى الادارات وباقى المحافظات وبلغته انى هروح المديرية يوم الاثنين ان شاء الله عشان اخد توقيعه على تطبيق صيغة الجواب داخل الادارة
وقالى لو حصل اى حاجة انا تحت امركم المهم اننا نكون ايد واحدة ومع بعض وانا دائما بأبلغكم بكل خطوة بأعملها عشان تتابعوا فى الادارة لانى مش بروح الادارة لوجودى فى دورة فى كفر الشيخ ارجو المتابعه مع الادارة والله الموفق |
ايه رايك فى الكلام ده ياwael710
|
أنا كلمت مديرالادارة النهارده وقلتله ان احنا مش هنسكت علي الي بيعمله الأستاذ طلعت الشيخ علي
وانه عاوز يعمل فرق العلاوة 29.60 من 1/5/2009 وليس 1/10/2008 وده مخالف للقنون واحنا معانا نص القانون وهنروح لمدير المديرية تاني لان ده فساد اداري يعاقب عليه القانون فقالي بلاش تروح المديرية وانا هديلكم حقكم ، وتعلالي ومعاك نص القانون فانا ان شاء الله هروحله بكرة الادارة لان بقية الأسبوع عندي دوره في كفر الشيخ ، والادارة فتحه بكرة |
وان شاء الله مش هنسكت ، والجهات الي هنوجه لها شكوتنا هي
رقابه ادارية نيابه اداريه جهاز الكسب غير المشروع الجهاز المركزي للمحاسبات جهاز التنظيم والادارة وارسال الشكاوي والفاكسات سيكون بالتوازي بين المؤسسات السابقه |
اكيد لو حاولوا يضحكوا علينا تانى ويسرقونا مش هنسكت عن حقنا وهناخذ حقنا ومش هنتنازل عنه وهنطالب بحقنا من كل الجهات المختصة على مستوى الجمهورية
يا استاذ وائل يوم الاثنين ان شاء الله هنروح المديرية لو مدير الادارة ما عرفش يتصرف معاهم والله الموفق |
وده الكلام الصح
واحنا في كفر الشيخ في الدورة لمده اسبوعين كمان وأنا جبت عنوان الرقابة الادارية بكفر الشيخ ولو المديرية معملتش حاجة هنروح الرقابة الادارية ونقدملهم الشكوي |
يا اخوان انا عملت مقارنات بين المرتب بتاعنا ومفردات المرتب فى المحافظات الاخرى وجدت مفاجاه جديده وهى ان
الكادر او بدل الاعتماد عندنا وبعض المحافظات76.80 اى نفس الفكر العقيم بتاع الادارة اما المحافظات الناصحة والتى تبحث عن حقوق موظفيها فحسبت الكادر او بدل الاعتماد91.80 لذلك قررت ان اعرض هذا الامر فى موضوع مستقل لاخذ راى باقى زملائنا فى المنتدى مع احتفاضنا بموضوعنا الخاص حتى لا تتشتت افكارنا فى موضوعات متعددة |
يا اخوان انا عملت مقارنات بين المرتب بتاعنا ومفردات المرتب فى المحافظات الاخرى وجدت مفاجاه جديده وهى ان
الكادر او بدل الاعتماد عندنا وبعض المحافظات76.80 اى نفس الفكر العقيم بتاع الادارة اما المحافظات الناصحة والتى تبحث عن حقوق موظفيها فحسبت الكادر او بدل الاعتماد91.80 لذلك قررت ان اعرض هذا الامر فى موضوع مستقل لاخذ راى باقى زملائنا فى المنتدى مع احتفاضنا بموضوعنا الخاص حتى لا تتشتت افكارنا فى موضوعات متعددة واماكن متعددة ولكم الشكر |
برايكو ايه السبب
حتى استطيع التحرك لان التحرك فى الادارة مش نافع |
نسيت اقول لكم وانا باقرأ القانون الخاص بالعلاوة وجدت ان احنا نستحقها من تاريخ صدور القانون يعنى مش شرط ان ناخذها فى العقد المميز ممكن قبله
بس مش لازم نطالب بيه لان الفرق 6شهور اى احنا سيبين لهم 6شهور كمان |
فين اخر الاخبار الجديدة فى مطوبس برجاء التوجد الدئم كى لانفق المنتدى الجميل اخبار مطوبس
|
كلنا مشتركين في العلاوة بدايه من 1/10/2008
اما شهور 5 ، 6 ، 7 ، 8 ،9 /2010 فيه ناس مكنتش شغاله فيها عشنها كانت يالأجر وكانو مبيشتغلوش في الصيف |
لقد اتضحت الرؤيه ياwael710
ولك الشكر على التواصل |
كلنا بنكمل بعض يا أخ ammhhe
هو اسم حضرتك ايه |
انا كلمت الاستاذ طلعت النهارده وسألته على النشرة هنصرف من امتى العلاوة دى قالى انتى تاريخ التعاقد بتاعك امتا قولتله 1/10/2008 قالى خلاص هتصرفى من التاريخ ده
سالته امال ايه حكاية 1/5/2009 قالى فى ناس تعاقدها 2009 دى هتصرف من تاريخ تعاقده كل واحد هيصرف من تاريخ التعاقد بتاعه قولتله امتا الكلام ده هيحصل قالى احنا كتبنا نشرة ووزعناها وكتبنا ورقه فى الادارة عشان مسئولى المرتبات يعرفوا ويعملوا كشوف المرتبات على النظام الجديد وقالى ما تقلقوش كل حاجة هترجع لوضعها الاصلى وعرفت من مصدر آخر موثوق منه جدا ان النشرة دى كانت موجودة من زمان وهما حاطينها فى الدولاب ومحدش بيبص على اللى فيها لحد احنا ما فتحنا الموضوع وسألنا عن حقنا دى الاخبار الجديدة اللى عندى النهارده والله الموفق |
مفاجأة
إكتشفت انهم بيحسبو لنا بدل الاعتماد غلط زى علاوة2008 لانه 50% من الاساسى والحسابات اعتادت ان تصرفها على اساسى العام الماضى دون سند من القانون ويجب ان تكون91.80مثل باقى المحافظات وليس76.80 ونحن مش عاوزين اثر رجعى لان الفرق سيكون مفاجا لهم وسيقاومون صرفه لان انا عارف الكلام ده المهم ان حقنا 50%من الاساسى الجديد وليس القديم ولا يوجد سند قانونى عندهم والله الموفق لما فيه الخير |
اكيد هنشوف الموضوع ده ولو كان بالفعل على الاساسى القديم هنتصرف بإذن الله
واكيد هيكون ليها حل والله الموفق |
امبارح لما كلمت الاستاذ طلعت سالته على السنين اللى فاتت هنضمها ولا لاء قالى لاء لان التعيين من 1/3 واللى فات خلاص
النهارده قابلت واحدة صاحبتى من ادارة بيلا سألتها على الموضوع الخاص بضم السنوات السابقة قالتلى ان عندهم ضموا السنين اللى فاتت جابوا افادات بالسنين اللى فاتت وكتبوا مذكرة ووجهوها لوكيل الوزارة قام بالتوقيع عليها وبعتوها الادارة وقاموا بضم السنوات السابقة احنا لازم نشوف الموضوع ده لان السنين اللى فاتت مش قليلة وحرام تضيع علينا والله الموفق |
يا اهل الخير يامعلمى مطوبس الناس فى الادارة بيشتغلونا وكل واحد فيها بيقول راى وانتم مش بتتحركوا علشان تاخدوا حقكم وكل مرة بنرتب اننا هنروح الادارة وللاسف بنعتمد على بعض انا كنت فى الادارة النهارده ومكنش هناك ولا مدرس واحد ودخلت للاستاذ سعيد المنفى وسألته الاتى
1- انتم مش هتضموا سنوات الخبرة السابقة قال ملكمش سنوات خبرة انتم تعيينكم 1/3/2011 واحنا ملناش علاقة بالمحافظات الاخرى ولم ياتى لنا اى جديد 2 -سألته طيب فرق العلاوات قال هتصرفوا 30 شهر بس على ثلاث دفعات كل دفعة عشر شهور وهذا لم نسمعة قبل ذلك 3 - سألتة طيب ال 50% هتنضاف على اساسى السنه دى زى الناس فى المحافظات الاخرى يعنى هتكون 91 جنية قال لا هتكون على اساسى العام السابق يعنى 76جنيه انتم مستنيين ايه تانى ياله يااخونا هنضيع لو لم نطلب حقنا والله الاداره اسوأ من قبل الثورة تيوس قاعدة ومش عايزيين يعملوا غير اللى اقل من كل المحافظات والمفروض يكونوا معانا ليه مش فاهم ومش عارف لمصلحة مين |
الأستاذ سعيد المنفي يقول الي هو عاوزه
انتهي عصر ( هو كده ) يروح الأستاذ سعيد لرئيس جهاز التنظيم والادارة ويقوله القوانين والقرارات الي بتصدرها خطأ احنا معانا القوانين والقرارات الي هتاخدلنا حقنا واحنا بلغنا مدير الادارة النهارده ان هناك كتاب دوري صادر من جهاز التنظيم والادارة بيدينا حقنا في سنوات الخبر قالي طالما في قوانين وقرارات بكده يبقي الموضوع منتهي ، وقالنا د انتوا دارسين القوانين قلناله آه |
استاذوائل مع احتارمى لحضرتك انا كنت فى الادارة النهارد 2/5 الاثنين ومدير الادارة كان فى كفر الشيخ مش فى الادارة وبعدين احنا بنتكلم مع بعض ومش بنتخذ اى خطوات المهم نتحرك لان وقت الجد مش بنلاقى حد وهم فى الادارة ابرد من البرود لانهم عارفين اننا جبناء ومش هنتحرك الرجاء الاتحاد الرجاء الاتحاد وبلاش التواكل ايها المعلمون
|
اهلا بكم من جديد
قابلت اليوم الاستاذ سعيد وقرأت الاعلان بتاع الفروقات قال لى سعيد يخرب بيت النت على الى بدعه وصال وجال فى الفاضى قال ضم السنين السابقة مرهون بالدرجة هاتو الدرجة وضمو حد اقصى 5 سنوات زى الكتاب الدورى ما بيقول الفروق هتصرف دفعة واحدة اما موضوع ال91 ج انا عندى مستندات بتقول ان الكادر يحسب على اساسى العام الماضى دا على لسانه بس القانون بيقول انه بيحسب على الاساسى ولم يذكر سيرة العام الماضى دا على لسانى واحد الزملاء اعطى له كشف مرتبات محافظة البحيرة واستشهد هو بيه وقال هو فيه اكتر من البحيرة وهو قرف مننا خالص وقال انتو مصحصحيين قوى وعارفين القانون وبتدوروا على المليم كانت الاجابة ان احنا بنبحث على حقوقنا والفروقات كبيرة وبعشرات الجنيهات ودخلت لمدير الادارة وقاللى حاضر حاضر حاضر ونده لطلعت وبلغه وقال هاشوف واللى تامرو بيه اى احنا الى هنامر الى لقاء وفى انتظار دعمكم |
نسيت اقول لكم
ان اليوم تم توزيع المعلمين التعاقد الحديث على المدارس واستلام العمل باقدمية امس اقدمية واحد يوم وكمان الكوسة اشتغلت فى التوزيع كالمعتاد وكلهم تبع فلان وفلان وفلان والله الموفق |
الله يفتح عليك كده صح طول ماحنا وراهم هناخد حقنا بس المفروض نتحد مش كل واحد يروح لوحده الاتحاد قوه وهيبة
وبعدين ياسيدى المحافظات التانية بيعملوا العلاوات الاكثر فائدة لابنائها واللى هيمشى عليهم يمشى علينا ياسيدى مش ادرتنا اللى عباقرة يعنى وهما ................. ولا انا غلطان |
| جميع الأوقات بتوقيت GMT +2. الساعة الآن 08:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.