استفسار رخم
 

السؤال بيقول
في الدائره الموضحه بالشكل
http://www.2shared.com/photo/JJk7fgmH/untitled.html

اذا نقصت R1 فان
1) تزداد قراءة A1 و A2 و A3
2) تزداد قراءه A1 و A2 بينما تقل قراءة A3
3) تزداد قراءه A1 و A2 بينما تظل قراءة A3 ثابته
4) تقل قراءة A1 و A2 و A3

المشكله هنا عدم ذكر r
ففي كتب عامله الاجابه رقم 3 علي اساس r معدومه زي الوسام
في كتب تانيه عامله الاجابه رقم 2 علي اساس وجود r

ايه هي بقي الاجابه الادق??!!!

رابط الرسمه
http://www.2shared.com/photo/JJk7fgmH/untitled.html?

الاجابة رقم 2 صح اعتقد ذلك
لان الاميتر الاول يزداد بسبب نقص المقامة الكلية في الدائرة
والاميتر الثاتي يداد بسبب نقص المقاومه
بينما الاميتر الثالث يقل بسبب معظم التيار يمر في المقاومة الاولي
ارجو العليق ؟

يا جوزيف اولا كل سنه وانت طيب
ثانيا السؤال هو نفسه مفيش تغيير بالمعطيات
والاجابتين صح حسب r زي ما قلت فوق
لان لو اعتبرت r موجوده لانها مساله كلاميه بتقوم علي القواعد
يبقي فرق الحهد هيتغير نتيجه لزياده الهبوط في الجهد لان التيار الكلي زاد
وبالتالي بتقل a3

كلامك مظبوط بس انا قصدي ان الاجابتين صح
انا عاوز الادق

اوك بس المشكله ان الاستاذ بتاعي بيقول المساله كلاميه
يعني وجود مصدر للتيار لازم يكون في مقاومه داخليه

بس فعلا لازم يكون محدد في الامتحان بدقه

تمام كده المساله
طب لو حاطط مقاومه توالى مع دووول؟؟؟

هتبقي الاجابه في جميع الاحوال

2) تزداد قراءه a1 و a2 بينما تقل قراءة a3

تمااااااااااام:022yb4:

أولاً: الإجابة الدقيقة هي: تزداد قراءه A1 و A2 بينما تظل قراءة A3 ثابته
ثانياً: يا جماعة بلاش التهريج بتاعكوا ده لما بتقولوا ان الاتنين صح. ازاي
انتوا ناس فيزيائين يعني لازم تكون اجابتكم دقيقة ومحددة
ثالثاً"التفسير": أنا بس عايز أسأل الناس اللي بتقول ان a3 هيقرأ قيمة أقل ده دليل على انه عمره في حياته ما سمع عن حاجة اسمها (قانون أوم)-مع احترامي ليه- هي قيمة التيار تعتمد على ايه؟ فرق الجهد بين الطرفين, وقيمة المقاومة. طب وهو في أي حاجة منهم هما ال2 اتغيرت؟ لأ مفيش, يبقى إيه بقى اللي هيغيرلي قيمة التيار , ركز أرجوك قبل ما تحل

أيواً أنا مهندس كهرباء ويشرفني إني أساعدكم في الفيزياء الكهربية
بالتوفيق ان شاء الله

الف شكر ليك يا استاذ حاتم
لكن اللي قال ان a3 اقل ده علي اساس ان فرق الجهد هيقل!!!
لانه اذا نقصت R1 هتقل المقاومه الكليه للدائره و بالتالي تزداد شده التيار
ومن قانون اوم للدائره المغلقه
V=VB-Ir حيث r المقاومه الداخليه
فبزياده التيار الكلي I يقل فرق الجهد علي الدائره لثبوت VB
وبما ان فرق الجهد علي الدائره هو فرق الجهد علي المقاومه
اذن من قانون اوم V=I*R يقل شده تيار A3

وكمان التعويض المباشر باي قيم مع الاخذ في الاعتبار r الداخليه هيطلع نفس الكلام!!!

يا حبيب قلبي غرق الجهد ده المصدر اللي جايلي من -شركة الكهرباء- :d مش بيتغير
يعني الجهد في البيت عندك كام 220 فولت مش كده؟
طب لما تطفي الأنوار اللي في البيت كلها هيبقى الجهد عندك بصفر؟!!!!
طبعاً لأ. بس هي دي الفكرة وصلت ولا ايه؟
وشكراَ

فرق الجهد هنا من بطاريه!!!!!
وفرق الجهد بيتغير تبعا لقانون اوم للدائره المغلقه !!!!!!

هو قالك ان الجهد اتغير
جابلك سيرة الحوار ده ولا ده اجتهاد من عندك؟؟؟؟!!!!!!!!!

يا استاذ حاتم احنا بنحسب فرق الجهد علي البطاريه من قانون اوم للدائرة المغلقه
V=VB-Ir

وطبعا VB ثابته (قوه دفع البطاريه) و r ثابته (المقاومه الداخليه للبطاريه)
وبالتالي لما I تزيد (شده التيار) تقل V (فرق الجهد علي الدائره)

يعني الكلام ده تعويض مباشر في القانون!!!!!!

انتوا بتعقدوا الدنيا على نفسكوا وده سببه انكوا أي حاجة زي ما محمد بيعمل الطع المعادلة وعوض مش بتدي لنفسك فرصة تفكر وتعرف "المعنى المطلوب من السؤال"
اللي أنا قصدي عليها يا محمد انها جاية من شركة الكهرباء هي vb اللي انت قولت عليها ثابتة أما بالنسبة للمقاومة الداخلية دي حقيقة لا تؤثر تأثير حقيقي على الجهد المتولد على أطراف المولد"البطارية لأن النخفاض في مستوى الجهد بيكون قليل بالنسبة للجهد المتولد اللي هو vb
اتمنى تكون فهمت قصدي

وبالتالي أقدر أعتبر ان تقريبا Vb=V

انا فاهم قصدك والله يا استاذ حاتم وممكن الكلام اللي حضرتك بتقوله يكون هو الصح من الناحيه العمليه
بس احنا علينا الناحيه النظريه
و نفس الفكره دي عليها مسائل كتير في كتاب المدرسه والدليل!!!!!!!!!!
و الحل بنفس الطريقه!!!!!!!! ومش ممكن اهمل r الداخليه مهما كانت قيمتها!!!!!!!!!

و من الناحية النظرية بردو: مش ممكن تهمل قيمة المقاومة الداخلية أنا معاك, كلامك مظبوط
بس هو هنا مجبلكش سيرة عنها ده قالك كمان اهملها يبقى خلاص

الاجابه الصح رقم 3
السبب

بما ان المقاومتان متوصلتان على التوازى اذا فرق الجهد متساوى بين طرفى كل منهما اذا لما تقل R1تزداد A2 ليبقى فرق الجهد يساوى فرق الجهد فى الفرع الاخر وبالتالى تزداد قيمه A1 لتعويض هذه الزياده فى شده التيار وتبقى A3 كما هى عشان كده مش هنحتاج r

اسمحلي د /محمد بهذه المشاركه المتواضعة والتي أتمنى من كل قارئ لها الإنتباه:
أولا : أستاذك مُحق في أنه في حالة عدم التأكيد على إهمال المقاومة الداخلية معناها أنها موجودة { لاتهملها}.
ثانيا: لاتوجد إجابة دقيقة وإجابة أدق طالما أن صيغة السؤال اختر الإجابة الصحيحة خلاف الصيغة {اختر أدق الإجابات}.
ثالثا: اقتبس من ردودك على المداخلات الآتي لأنه كلام جميل وصحيح ودال على تفوقك ماشاء الله:
V=VB-Ir
(وطبعاVBثابته (قوه دفع البطاريه) وrثابته)المقاومه الداخليه للبطاريه)
وبالتالي لماIتزيد (شدهالتيار) تقلV (فرق الجهد علي الدائره
يعني الكلامده تعويض مباشر في القانون!!!!!!
þ ومن قانون اوم للدائره المغلقه
V=VB-Ir حيث r المقاومه الداخليه
فبزيادهالتيار الكلي I يقل فرق الجهد علي الدائره لثبوت VB
وبما ان فرق الجهد عليالدائره هو فرق الجهد علي المقاومه
اذن من قانون اوم V=I*R يقل شده تيار A3
þ لو اعتبرت r موجوده لانها مساله كلاميه بتقوم علي القواعد
يبقي فرق الحهد هيتغيرنتيجه لزياده الهبوط في الجهد لان التيار الكلي زاد
وبالتالي بتقل A3{ انتبه لهذه الإضافة القوة الدافعة للمصدر تنقسم في هذه الحالة إلى جزءين فرق جهد داخلي Vinسيزداد لزيادة تيار الدائرة وفرق الجهد الخارجي Vout سيقل لأن VB ثابتة ونقص Vout يُقلل تيار المقاومة الثابتة R2 والتيار الكلي زاد فيزيد تيار المقاومة التي قلت لأن التيار الكلي مجموع تياري الفرعين { أحدهما قل}
الخلاصة عليك الإلتزام بهذة الإجابة :
þففي كتب عامله الاجابه رقم 3 علي اساس r معدومه زي الوسام
{ بشرط أن يذكر ذلك صراحة أو يكتب r=0 فوق البطارية}.
þفي كتب تانيه عاملهالاجابه رقم 2 علي اساس وجود r{ في حالة عدم ذكر أن الداخلية مهملة}.
جزاكم الله خيرا يا بُنيّ فواضح أنك طالب متفوق بارك الله فيك وأكثر من أمثالك في مصرنا الحبيبة وأتمنى لك مستقبل مُبهر
إذا كان بعض الجمل غير واضحة أرجو تحميل الملف التالي
http://files.thanwya.com/do.php?id=4713

لاشكر على واجب مهندس حاتم
وأنا بدوري اشكرك على رُقّيك
أتمنى لك التوفيق في الدارين