الإضراب عن الامتحانات
 

لابد أن نعي أن قرار النقابة المستقلة بالإضراب عن أعمال الامتحانات لا يقصد به أبناءنا الطلاب أو أولياء الأمور
إنما هو قرار للفت نظر الحكومة الحالية وأصحاب القرار والمجتمع إلي ضرورة إعادة صياغة أولويات المجتمع
وتقديم قيمة العلم الذي هو أملنا الوحيد لبناء مصر الحديثة
النقابة المستقلة تعتذر لأبنائنا الطلاب ولإخوتنا أولياء الأمور عن هذا الإزعاج، فهي تأمل في سعة صدركم وتفهمكم للوضع
معا من أجل مصر العلم
مصر المستقبل

معليش مش فهمة دا مستقبل الاولاد هوا احنا خلاص نلوي الزراع ومش مشكلة مين المتضرر

يا ترى اى امتحانات بالضبط اللى هتضربو عنها يعنى كل السنين ولا ايه بالضبط

ماخلاص مصر وقعت وكل المتلونين جاءتهم الفرصة

فهذه النقابة المستقلة كل همها المناصب وليست مصلحة اولادنا

بصراحه انا مش فاهمه حاجه بس يعنى لو المدرسين عايزين يعملوا اضراب يعملوا عادى معندناش اى مشكله

وأنا معك يا أخي قلبا وقالبا فأنا معلم منذ ثلاث عشرة سنة وأعمل في المرحلة الثانوية العامة منذ سبع سنوات ومعي دراسات عليا في تخصصي ومرتبي حتى الآن لم يقترب من مرتب فراش في بنك أو في محكمة هذا بخلاف المناهج العتيقة التي ندرسها أريد أن أعرف المزيد عن هذه النقابة المسقلة وشكرا

أحيى النقابة المستقلة على خطواتها البناءة لإصلاح حال التعليم فى مصر والذى يبدأ بإصلاح حال المعلم - وفقكم الله.

إصلاح حال التعليم فى مصر والذى يبدأ بإصلاح حال المعلم

بصراحة قرار النقابة المستقلة بالإضراب عن أعمال الإمتحانات لا يبشر بالخير .

ارحمونا بقى خلونا نمتحن ونخلص أنتوا ما بيهمكوش غير مصلحتكم على حساب المتضررين

على رايك انا عايز اخلص دى سنة كبيسة طحن

عادي اللي بيتهموا المدرس إنه مبيهموش غير مصلحته ما هما في الحقيقه برضه مبيهمش غير مصلحتهم أو مصلحة أولادهم بس ... وبعد كده يولع المدرس بالـ 500 ملطوش اللي بياخدهم . ويبقي يتصرف في إيجار شقه بـ 300 جنيه علي الأقل وفواتير كهربا وميه وتلفون بـ 100 ومواصلات بـ 50 جنيه علي الأقل وفي حالة الإنتداب الخارجي لسد العجز بيصرف أكتر من كده. يتفضل 50 جنيه ياكل بيهم طول الشهر يعني جنيه وستين قرش في اليوم منهم بجنيه عيش يتفضل ستين قرش يجيب بيهم إيه؟؟؟ ولو عيل من ولاده تعب يبقي يرميه بقي في الشارع.. ويرجع يقولك الدروس الخصوصية بلاش قرف بقي أكتر ماحنا قرفانين.

الإضراب يبقي عن التصحيح. يعني العيال تروح تمتحن عادي والمراقبه عادي. والتصحيح والنتيجه لما نبقي نتعامل بمرتب فراش البنك.

مع حضرتك أن أنتوا مظلومين لكن أيه ذنبي أنا كطالبة أني أفضل متعلقة لأنا عارفة أن ناجحة ولا لقدر الله راسبة ولا هتنيل أدخل أنهي كلية

المصريين الشرفاء لا يمكن يشاركوا في المهزلة دي . اشمعنا دلوقت بتضغطوا على الحكومة . علشان هي محتاجة لكم اكثر من اي وقت مضى . انا شخصيا مش ممكن اتخلى عن بلدي حتى لو دفعت من جيبي

انا مش فاهم حاجة عموما لو خير ربنا يوفقكم ولو مش خير يبقى ربنا يستر علينا
بارك الله فيكم وجزاكم خيرا

المصريين الشرفاء لا يمكن يشاركوا في المهزلة دي . اشمعنا دلوقت بتضغطوا على الحكومة . علشان هي محتاجة لكم اكثر من اي وقت مضى . انا شخصيا مش ممكن اتخلى عن بلدي حتى لو دفعت من جيبي

احييك على هذا الرأي السديد

ياجماعه عايزين نمتحن بقا كفاية مرمطة فينا
والله السنة دى طويلة جدا
وياخوفى لا المدرسين يصححوا غلط عند فى الحكومة بقا واحنا اللى نتبهدل فى الاخر
مش بجمع اكيد فى ناس مدرسين شرفاء بجد
لكن فى ناس بتمشى مع الموجه وعايزة مصلحتها وبس

ايه هو ده بقى ؟!!! ..

يعنى مانتوا برده ليكم اخوات و ابناء و مش هتردوا تعلقوهم كده ... !!

يعنى مش فاهم بصراحة .. الكلام ده مينفعش خالص .. !!

ما كنتوا عملتوا كده السنين اللى فاتت ؟؟ ..

و لا دلوقتي يعنى علشان البلد محتاجاكم بتنتهزوا الفرصــة ؟؟

ممكن تاخدوا حقكم و تعملوا اعتصام لكن ماتضروش الطلبة اللى هما اساسا مستقبل مصر .. !!

بجد حسبي الله و نعم الوكيل ..