|
ياله من قسم يرثى له الجبين ..القسم العام يحتضر !!!
بسم الله الرحمن الرحيم طبعاً القسم هو العام .. الذى تحول الى قسم سياسى فقط .. و لاعزاء للمواضيع الاخرى ... او بالاحرى و الانسب .. قسم البرادعى و شركاه ..بغض النظر عن كرهى للبرادعى و منظره الذى يعتقد البعض انه يشبه شخصية بوجى و طمطم .. لكن لكل منا وجهة نظره .. فالبعض يرى زويل انه يشبه ميكى ماوس .. و يحدث ذلك فى احسن العائلات .. لكن كرهى للبرادعى زاد اكتر بسبب القسم هنا .. فاكثر من 10 مواضيع فى اليوم الواحد عن نفس الشخص و لنفس السبب و العلة و فى نفس الموضوع و اعتقد ممكن يكون لنفس العضو ! .. ليا سؤال بجد محيرنى .. ايه لزمة القسم اللى اسمه ملفات و قضايا مصرية و عربية ؟؟ و هل البرادعى يكون من بلاد الواق الواق و اتى بطريقة خزعبلية ... لذلك لا يجب ان يدخل فى مثل هذه الاقسام التى تدعى سياسية .. فمقامه الشزرمانياً .. اعلى بكثير من مثل هذه الاقسام ... نأتى لموضوع تانى .. التكلم عن الليبرالية و العلمانية و التوسعية و الديموقراطية و البتنجانية .. و اى مصدر صناعى تقابله .. مثل انسانية .. سعيدية .. و طنية .. و هكذا ... القسم العام يتكلم فى الليبرالية .. هل اصبح اعضاء المنتدى و الذين هم : 90% 20 سنة فيما اقل ... يتكلمون فى هذا .. و كله بيضبش .. يعنى مثلاً يتفكروا معانها ارتفاع الاسعار .. او ليه علاقة بالتراس اهلاوى .. او انها اسم خطيبة عماد متعب ! ... يا جماعه القسم العام للنقاش فى المواضيع العامة .. يا اعضاء المنتدى و يا مشرفيه .. انه قسماً عاماً .. و يوجد قسماً سياسياً ... و يوجد اقسام دينية .. هذا العام للمناقشة العام .. حول المشاكل الاجتماعية مثلاً .. او طرائف اجتماعية .. تناقش عام حول ظاهرة .. اعتقد ان الثورة ذادتنا تسلطاً او معرفة خاطئة .. و سؤال اخير بردو ؟؟ يماله ملفات و قضايا عربية ؟؟ و الله ما بيعض .. و الله اليف .. و دخوله حلال و لا ينقض الوضوء كما اذيع .. و لا حياة لمن تنادى ... * ملحوظة : الالفاظ الغريبة .. لا اعرف معناها .. فلا تسال .. |
عندك حق فعلا بس من يسمع او حتي يقراء انا لاحظة موضوعك بالصدفه(بصعوبه) من الازدحام(الازمة) اللي في القسم شكرا لك
|
إذا كان القسم العام يحتضر فالبشر أيضا يحتضرون
القسم العام مفيش مراعاة لقوانينه والبشر مفيش مراعاة لمشاعرهم خلاص كله بقى بيتصرف بطريقة لا انسانية مفيش حد بقى عنده ضمير ولا اخلاص ولا وفاء الدنيا أتغيرت يا أمجد وما عدش حد بيهموا غير نفسه فللفقيد الرحمة ولأهله الصبر والسلوان كيف لك أن تستخدم كلمات لا تعرف معناها ما الذي يضمن لك أن تأتي في مكانها الصحيح!!!!!!! اعذرني لو جاء أسلوبي حاد فأنا أمر بأذمة نفسية |
اقتباس:
اقتباس:
|
للأسف مبنعرفش ننظم نفسنا ابداً لوحدنا لازم واحد هو اللى ينظمنا
|
اقتباس:
|
اقتباس:
|
وها أنت موجود
لماذا لاتقوم بواجبك وأنا كعضو فى هذا المنتدى ومعى الكثير أطالبك أخى الكريم أن تقوم بنقل كل ماهو مخالف للقسم ربما يكون ليس من اختصاصك ولكن ستجد من تتوجه إليه ليساعدك فى ذلك قم بهذا لو تكرمت فبالقريب كان القسم العام الواحة التى نهرب من الحديث فى السياسة وقرفها إلى موضوعات الهدوء والطمأنينة والفكر المتزن رجاء قم بدور من أجل منتدى تقطنه محبة الالاف جزاكم الله خيرا وربنا يوفقكم |
القسم بئا بتاع كلو ! كنت الاول ادخل المنتدى عالعام علطول دلوقتي بدخل اي قسم الا العام ! :( عشان عارفة نوعية المواضيع ال هلاقيها بصراحة حال لايسر عدو ولا حبيب ربنا يصلح الحال |
اقتباس:
اقتباس:
|
اقتباس:
هيبلغ عن ايه ولا عن ايه يامستر وحتى لو عمل هما كم بلاغ ال هيترد عليهم والباقي وكأنه ماتعمل ! |
اقتباس:
تحدثت كثيراً في هذا الأمر ولم أجد رداً إلا العبارة المقتبسة !! |
اقتباس:
قمت بالابلاغ في مرة عن أكثر من 20 موضوع مخالف هنا بالقسم العام , ولم اجد أي رد علي أي موضوع فيهم , ومازالت هذه الموضوعات موجودة هنا بالقسم العام ! الخطأ هو خطأ الادارة في المقام الأول , ثم يأتي بعد ذلك دور المشرفين ثم الأعضاء ! لا أحد من الادارة يريد أن يعترف بالخطأ بالرغم من أنهم أول من أضر بالقسم العام !! يبدو أنهم فوق أي خطأ , وان أخطأوا , فلا يهتمون بتصحيح هذا الخطأ ! |
والله انا برضو كنت بقول في قرارة نفسي
ماهذا الضجيج الذي وصلنا اليه في القسم العام كيف صار بنا الحال الي ذلك ومع احترامي لبعض الاعضاء دون ذكر اسماء اجدهم يكتبون حوالي ثلاث مواضيع او اربعة في نفس الفكرة ((البرادعي)) وهو نفسه صاحب الموضوع الذي وضع كل تلك المواضيع المتكررة طيب ماتخليهم موضوع واحد طالما هو نفس الفكرة سبحان الله هي كتر مواضيع وخلاص والله انا ممكن اكتب برضو بالخمس مواضيع ورا بعض وكلهم ليهم اقبال ونقاش بس الواحد بيرجع يقول مايصحش لازم اعطي فرصه لجميع الاعضاء اللي عنده موضوع وعايز يكتبه يلاقي ليه مكان وعلي فكرة هو ده سبب انكم لو رحتوا لصفحه القسم العام الثانية او الثالثة ستجدون مواضيع بها مشاركتين او اكثر بقليل جدا وقد يكون الموضوع في غاية الاهمية ولكن ،،، لقد اسمعت لو ناديت حيا ،،، ولكن لاحياة لمن تنادي شكرا جزيلا جدا لصاحب الموضوع امجد واضم صوتي لصوتك بس انت متأكد ان قسم ملفات وقضايا عربية مش بيعض ولا اعمل حسابي؟؟؟؟ |
اقتباس:
حضرتك لما كنت بتبلغ كنت مشرف ولم تقوم بدورك دلوقتى بتلوم على المشرفين التانين والادارة اكيد هما غلطانين طبعا بس فيه اللى عنده امتحانات ومستقبله اهم من قسم عام وخاص وفيه الاب اللى اولاده بتمتحن ولازم ياخدو باله منهم الخطا الاكبر حاليا على الاعضااء الذين يعرفون ان هذا خطا ومفيش فاايدة أتأمرون الناس بالبر وتنسون أنفسكم |
وانا فى القسم العام بحس (خير اللهم اجعله خير):bosyht9: انى قاعده فى طبق سلطة كبير اووووووى:o لا وتلاقى الطبق مش بيخلص كل ما يجى علشان يخلص حد يجى يقلب فيه تانى وعلى فكره طعمه مش لذيذ خالص :( لانه مش فيه غير صنف واحد او اتنين من الخضراوات ليبراليه او برادعى وكلها خضراوات قصدى موضوعات سياسية تجيب الضغط وبصراحة الحكاية مش ناقصة كفايه الثانوية العامة:d واكتر حاجة غاظتنى العضو اللى عمال يقلب فى ليبرالية فى الطبق ده خلاص هو موضوع واحد كفايه وبالنسبه للقسم بتاعك فا انا شايفة انك تستقيل منه وترتاح(بهزر) صراحة مش عارفه اقول ايه تانى كفاية كده شكرا عالموضوع :) |
اقتباس:
اقتباس:
اقتباس:
|
اقتباس:
أنت تعلم جيداً بأنني تقدمت باستقالتي وأعلنت لادارة المنتدي بأنني لن أباشر عملي في الاشراف وكتبت في توقيعي بأنني مستقيل وقد رأها الجميع . فلا تحاول أن تظهر الأمور لتتوافق مع ما بداخلك !! ومع احترامي وتقديري لجميع المشرفين والاداريين , فلم يكن أحداً يقوم بعمله مثلما كنت أقوم به , وخاصة في القسم العام . ولا تنسي بأنك أحد المشرفين ولك هنا في القسم العام حالياً موضوعات مخالفة للقسم العام , ولم تكن لتظل موضوعاتك هذه أو غيرها من الموضوعات المخالفة لو لم أستقيل !! الأية الكريمة , يا ريت تذكر بيها نفسك ( كما قلت لك هنا موضوعات مخالفة للقسم العام , وهذا بخلاف موضوعات أخري كانت لك وقمت أنا بالابلاغ عنها وتم حذفها , فهل تطلب من الاعضاء الالتزام بقوانين القسم العام ولا تطالب نفسك بنفس الأمر ؟) |
اقتباس:
والى متى سننتظر من ينظمنا اذا كان المنتدى والقسم بقوا فى حالة فوضى ومع ذلك لم يحدث تغير فى اى شئ يبقى ايه الحل ! |
اقتباس:
اذا أخطأ العضو في وضع موضوعه بالمكان المناسب , فمن يصحح ويصوب له هذا الخطأ ؟!! هل تطلب من كل الاعضاء الالتزام وتظن أن هذا الأمر ممكن الحدوث ؟! فما هي فائدة المشرفين وما هو دورهم ؟! |
اقتباس:
الانسان بيؤدى فى عمله لاخر يوم مش علشان كلمة فى التوقيع يسيب الدنيا تبوظ وهو واقف يتفرج على كده الاستاذ ممدوح علشان قال هسيب الادارة بعد الامتحانات ما يعملش حااجة خاالص بقا شوف انت بطالبه ايه بس بعدين اى موضوع بنزله حتى لو كان مكتوب كشعر فى بعض الاحيان لكن بيناقش قضية واذا كان موضوع فكاهى فمفيش قسم للمواضيع دى |
ياريت يا جماعه ينصب اهتمامنا على القسم العام و كيفية إعادته كما كان .. ولا نركز على الخلافات .. يعنى بمعنى اصح .. نحاول نوجه الاعضاء دايماً اللى يعمل موضوع مخالف منردش عليه .. ده الصح .. منستناش حد يجى يقولنا خطأ ام صحيح .. فى هذا الوقت .. لازم تبقى كل حاجة بمجهودنا .
|
اقتباس:
مش كل حاجة هنستنى حد يقولنا كخ كده ! او يضربنا على ايدينا فنحن لسنا بأطفال استاذى .. |
بسم الله الرحمن الرحيم
احبائي الاعضاء لا اريد ان يتحول هذا الموضوع القيم الذي نلتمس فيه حسن نوايا صاحبه الطيبه فلا تجعلوه موضوع القاء اللوم الشديد علي الاخر فاسمحوا لي ان استاذنكم في ان تضبطوا انفسكم وكل انسان بلا شك يعلم في قرارة نفسه انه اخطأ في شئ ما وعليه فهو مجبر ان يصلح هذا الشئ ولكن دعونا من القاء التهم علي بعضنا البعض ،، ولنجعل للمنتدي احترام ولباقي الاعضاء فلن نستفيد من القاء التهم علي الاخر ،،، تقبلوا خالص تحياتي ارجو بعد هذه المشاركه الا اري من احد الاعضاء القاء لوم شديد اللهجه علي اخر او نقده نقدا لاذعا وياريت مايكونش في نقد حاليا حتي تهدأ الامور في القسم ويعود المشرفين لمباشرة عملهم ،، اخوكم استاذ محمد |
اقتباس:
- المثال الذي استشهدت أنت به في غير محله تماماً . الأستاذ ممدوح أو أي فرد من أفراد الادارة , لديه كل الصلاحيات والسلطات , بينما المشرف لا يملك هذا الأمر , فلا تخلط بين الأمرين ولا تفعل هذا الأمر معي أنا بالذات !! انا لا أعمل وفقاً لرؤية أي شخص مهما كان هو طالما كانت هذه الرؤية خطأ , فأنا لا أعين أحداً علي خطأ . وقد اتضح بأن رؤيتي أنا هي الصواب وما رأته الادارة كان خطأ ! - تبريراتك لموضوعاتك المخالفة للقسم العام هي مجرد تبريرات جوفاء , ولا عذر لك فيها , والا فلتقبل عذر كل عضو يضع موضوعه في المكان الخطأ . - لا تناقشني فيما لا علم لك به , لكي لا يبدو نقاشك بغرض أخر . |
اقتباس:
ازاي الكلام دا يا أمجد ؟ فيه ناس بتحب تتكلم في السياسة فقط وهذا حق لها . كما أنك لم تذكر لي ما هو دور المشرف ؟! الموضوعات المخالفة للقسم العام حالياً أضعاف الموضوعات المناسبة للقسم . الموضوعات المناسبة للقسم لن تتعدي 7 صفحات فقط , وباقي صفحات القسم العام كلها موضوعات مخالفة ! هل تدخل الامتحان يا أمجد دون مراقبين وملاحظين ؟ يوجد موضوعات هنا في القسم العام حالياً عدد المشاركات بها ( صفر ) ومع ذلك فلم يمنع ذلك من الاستمرار في الموضوعات المخالفة للقسم ! |
اقتباس:
كل الناس بتتكلم فى حااجة وانت بتتكلم فى حااجة تانية كلام لم يختلف عن سااابقه فى كل موضوع بشوفه على العموم انت الصح الوحيد وجميع الناس خطااااا:d سلام عليكو |
طب استاذى احنا لو مقمناش بالرد المواضيع هتروح قسم الارشيف .. و يمكن بالنظر فى الالرئشيف حل المشكلة .. انام لو رددنا سنقوم بدعم صاحبها و تشجيع بان يقوم بمثل الموضوع مرات و مرات .. و بذلك يبقى قمنا بدور مشرفين فى وقت معين لحد ما المشرفين يرجعوا ..
|
طب اعمل الموضوع فين عشان محدش يتخانق طيب ؟؟ فى قسم المحذوفات ..!
الانتحار .. الانتحار ! ...:giljotiiniug3::giljotiiniug3::giljotiiniug3: |
اقتباس:
حينما تتحدث وتوجه كلامك لي , ليكن خطابك لي بكلمة ( حضرتك ) وليس بكلمة ( أنت ) |
ختى لو حطيته فى اقسام اخرى ستحدث مشاكل ايضا لان كل شخص مقتنع بما يفعله ويقوله
|
اقتباس:
قلت لك يا أمجد بأن بعض الاعضاء تحب الحديث في الأمور السياسية فقط , وبالتالي فسوف ترد في هذه الموضوعات . وأيضاً قلت لك بأنه يوجد موضوعات عدد المشاركات بها صفر ومع ذلك مازالت موجودة بالقسم العام وكتبت موضوعات غيرها بنفس المضمون . |
الموضوع بدأ ياخد مسار تاني خالص أ/ عاشق البلانكو الابيض ارجو ان حضرتك تلتزم بآداب الحوار فمهما كان مستر علي استاذ فاضل وماينفعش نوجه ليه كلام بالاسلوب دا وياريت الموضوع يعود لمساره الطبيعي دون الدخول فمشاكل وخلافات سابقة |
بعد اذنكوا ساخلص الموضوع كله كالاتى : اولا يا امجد مهما عملنا مواضيع علشان نصحح اخطائنا ونراجع انفسنا اخطائنا هتكتر اكتر وكل واحد فينا هيطلع نفسه برئ من الموضوع ثانيا ما فى موضوع اتعمل حتى الان الا وحدث فيه مشاكل وتم ايقاف بعض الاعضاء بسبب الموضوع ثالثا مهما فعلنا فلن نصل الى الحل لاننى كمل قلت لكل منا وجهة نظر مختلفه عن الاخر فكل شخص فينا متمسك برايه فسؤالى هو كيف سنصل الى حل يرضى ويقتنع به الجميع اذا كان القسم بقى فى حالة فوضى كبيرة |
اقتباس:
يا ريت حضرتك لو عاوزة الموضوع يعود لمساره توجهى الكلام للطرفين وليس لطرف على حسااب طرف |
اقتباس:
انا قصدت حضرتك بالسطرين ال فنص اخر سطرين موجهة للجميع ! ومن غير ماخرج انا كمان عن الموضوع حضرتك عاوز تناقش نقطة ياريت نراعي الاسلوب ال بنتكلم بيه وبنتكلم مع مين .. واعتقد حضرتك شايف مين ال وصل الحوار للمستوى دا !! وعذرا لصاحب الموضوع :) |
اقتباس:
|
اقتباس:
والحل ثورة تطبيقيه لمعايير الثورة الاخلاقيه يقوم بها كل شخص علي حده وعلي انفراد وليس امام الجميع فالنصيحه امام الجميع فضيحه مهما كان نفعها وصدقها ،، تحياتي |
اقتباس:
ومن غير ما ادخل انا كمان فى حوار ملوش لازمة حضرتك معروفة بتيجى مع منين على طول |
اللى حاصل دا مش غلط من الاعضاء بس لكنه غلط من الادارة اولا ثم الاعضاء الغلط اللى على الادارة انها مش حاطة قسم من اجل مصر او قسم ملفات مصرية وعربيه فى ركن الاقسام المميزة وبما ان البلد دلوقتى بتمر بتطورات فى كل المجالات عموما وتطورات سياسيه خصوصا فبالتالى محور الكلام فى اى مكان هو المرشحين و الاحزاب والطوائف و...و...و...الخ واكيد اى عضو بيحط اى حاجة عن المرشحين او عن جماعة او خلافه بيبقى عاوز الموضوع يدخله اكبر عدد من الاعضاء فبيحطه فى القسم العام لانه اول قسم فى المنتدى ولانه اكتر قسم الاعضاء بتدخله و الغلط اللى على الاعضاء انهم مش بيحافظو على القوانين مهما كانت اهدافهم و بتيألى لما كان قسم من اجل مصر فى ركن الاقسام المميزة ماكنتش المشكلة دى حاصلة نهائى اقتباس:
اسوأ ما فى الديمقراطيه هو انها تجبرنا على سماع اصوات الحمقى اقتباس:
بس انا فاهمه كل الالفاظ لو تحب حضرتك اساعدك فى لفظ مش عارفه انا موجودة^_^ |
اقتباس:
استاذ عاشق البلانكو عليك التحدث باسلوب ارقى من ذلك لايحق لك التحدث مع نقاء بهذه الطريقة وفى الحقيقة حضرتك من تعدى اسلوب الحوار فى البداية وتخليت عن الالقاب |
اقتباس:
و انا م حضرتك .. انا فى سنك اظن .. يبقى تنادينى بإسمى عادى و يكون ليا عظيم الشرف ^^ .. و انا فاهم كويس معانى الكلمات .. لكنى قصدت كلمات اخرى : شزرمانياً - خزعبلياً .. ده قصدى ^^ |
اقتباس:
لاء كدا مش هينفع اعتقد سبق وقولت لحضرتك ماسمحش انك تكلمني بالاسلوب ده :) وبردو سبق واعترضت على حضرتك على نفس النقطة لكن كان عن موضوع تاني فانا مبدأي واحد ولتاني مرة ماسمحش توجهلي كلام بالشكل دا وانا ماكنتش ناوية ارد عشان ماخرجش عن الموضوع وهطلب بحذف المشاركات لكن عشان الاعضاء ماتفتكرش اني موافقة على الكلام دا واعتذر لصاحب الموضوع تاني لكني مضطرة |
اقتباس:
حضرتك الحوار بين اتنين ايه اللى دخلها فى الحوار واعتقد انها فى طب مش فى حقوق |
... المهم بس دلوقتى ياريت نحاول نطبق اى اقتراح او ع الاقل منردش ع المواضيع المخالفة زى ما قلت ..او نرد بقولنا مخالف فقط ...
و اعذرونا هقوم ازاكر شوية بقى ^^ يارب ما ارجعش الاقى الموضوع ولع ! |
ياجماعة استهدوا بالله
وصلوا على النبى أولا الأستاذ على رجل ذو خبرة فليساعدنا وأمجد ومحمود وتوته ( مع حفظ الالقاب - لأنكم وربنا فى سن أولادى ) ياريت أرى إيجابية أشعر فى حواركم أنكم تريدون فعل شىء فعلا - لكن ليس لى خبره فى مايمنعكم ولكن رجاء بأن تصنعوا أى شىء لمصداقية المنتدى وإلا ماكان هناك داعى لفتح الموضوع ونكتفى بالحوارات من أجل بذل مجهود أما بالنسبة لمن يعترض - فلاتقلقوا فالأستاذ على والأخت نقاء والعبد لله وكتيييير قوى كمان ولو محتاجين سيارة أمن مركزى ولادبابتين كمان:stickjo4: نحن فى الخدمة:022yb4: سنكون حائط صد ضد أى معترض حتى لو كنت أنا لنحمى المنتدى الذى يجمعنا فمن المؤكد من يتغيب لا يتغيب إلا لسبب قهرى ربنا يو فقهم جميعا:078111rg3: |
اقتباس:
وانا كمان مااسمحش انك توجهيلى تهم والناس بتعرف تدافع عن نفسها كويس مش محتاجين محامين |
يا تري أسلوب حواره عاجبك يا أمجد ؟!
عموماً , أنا في انتظار رد الادارة وتصرفها تجاه هذا الأمر . |
اقتباس:
اقتباس:
فبدأت حوارك معه بحضرتك وهو المطلوب دائما اقتباس:
اقتباس:
علي اخذ يتحدث معك قلبت الحوار من حضرتك كما في مشاركتك الاولي لهذا الاسلوب المتدني جدا في الحوار راجع اللون الاحمر لاحظ انك لا تتحدث مع طالب جامعي مثلك فراعي ذلك جيدا اقتباس:
اقتباس:
اقتباس:
اقتباس:
ولن نرضي ان ينحدر اسلوبنا بهذه الطريقه المعوجة وغير المقبولة وكيف تقول انا هعمل اللي عايزه وماحدش ليه دعوه بيا هذا لو كنت في منزلك الخاص وليس في منتدي عام فياريت تراعي الفاظك اكثر من ذلك ،، وفرق دائما بين طالب تتحدث معه وبين معلم او من يكبرك سنا |
ياجماعة استهدوا بالله
وصلوا على النبى أولا الأستاذ على رجل ذو خبرة فليساعدنا وأمجد ومحمود وتوته ( مع حفظ الالقاب - لأنكم وربنا فى سن أولادى ) ياريت أرى إيجابية أشعر فى حواركم أنكم تريدون فعل شىء فعلا - لكن ليس لى خبره فى مايمنعكم ولكن رجاء بأن تصنعوا أى شىء لمصداقية المنتدى وإلا ماكان هناك داعى لفتح الموضوع ونكتفى بالحوارات من أجل بذل مجهود فمن المؤكد من يتغيب لا يتغيب إلا لسبب قهرى ربنا يو فقكم جميعا |
| جميع الأوقات بتوقيت GMT +2. الساعة الآن 05:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.