ساعدوووووووووووووووووني
 

لو بصيت للعاقات هتلاقيها كلها واحد ة بس حسب المعطيات اللي انت وصلتلها إختار العلاقة

تصدق أنا مش فاهم منك حاجة اطلاقاً,
بس لو كان اللي حاولت أفهمه صح .أنت بتتكلم على البروسيسورز بتاع الكمبيوتر بتاعك؟
يبقى تسأل مهندس كهرباء قسم اتصالات"كمبيوتر ساينس", لكن أنا مهندس قوى كهربية ماليش دعوة بالكلام ده:040vk0:

أما بقى بالنسبة للمسألة:
القدرة الكهربية نوعين:
1-قدرة معطاة"اللي هي بتاعة المصدر". دي بنجبها من القانون VxI
2-قدرة مستهلكة"اللي بتاعة الحمل".دي بنجبها من القانونI^2xR أو V^2/R

يعني الهبوط في فرق الجهد من العلاقةالتانية؟؟
وبعدين علي راي اريبيان امال مسالة المصباح اللي علي التالي والتوازي هتتحل ازاي

كنت من ساعتين في الدرس والمستر ادانا مسالة علي القدرة المستنفذة وقالي دي متتحلش غير بمربع التيار في المقاومة

بعد اذن اللي كاتب المعلومة اللي فوق يوضحها

'طب ما أنا أظن كاتب كده:(
يا تستخدم ده أو ده على حسب المعطى

تناظرني في ايه ؟

لا حول ولا قوة إلا بالله. يا حبيب قلبي الـ2 حاجة واحدة:022yb4:

عموماً هما في التوازي الاضاء هتزيد ليهم هما الـ,2
وطبق القانون بعد كده

علي فكرة الحل من خمسين الف مصدر علي التوازي مش كده

ها وصلت ولا لسه.,؟؟؟؟؟؟؟؟؟؟؟؟؟؟؟؟؟؟؟

في التوالي المقاومة الأعلى .................أعلى قدرة
في التوازي المقاومة الأصغر أعلى قدرة
وكل منهم أعلى من قيمتها السابقة في حالة التوصيل على التوالي

يا برنس أعتقد أن اللي أنت بتحكي فيه ده أنا جاوبتلك عليه مش كده ولا اييييييييييييييييييييييه؟

عشان في الأول كان الجهد بيتوزع عليهم هم الـ2
لكن دلوقتي أنت حطيت الجهد كله علي كل مصباح فأدى إلى زيادة القدرة الستهلكة
والحتة اللي أهم كمان أن حتى المصباح أبو مقاومة أكبر والقدرة اللي يبسحبها أقل ولكنها في حد ذاتها ستكون أكبر من نلك التي كان يستهلكها في حالةالتوصيل على التوالي ودي تعتبر من ميزات التوصيل على التوازي؟؟
وصلتك كده, ولا ايه

على فكرة العبد لله من أحد تلامذة كتاب سيرواي واللي أنا بقوله ده منه هو
يا باشا أنت اللي عندك لبس في الموضوع ومش فاهم القانون كويس
أنا لما بقلب من توال لتوازي أو العكس زي المسألة دي التيار والجهد بيتغيروا هي اللقطة في كده

بس الكلام ده بيحصل هنا واحنا قاعدين على المنتدى بنتناقش لكن لوجيت تطبقها عملي المصباح أبو مقاومة صغيرة
لو جيت تحوله توازي بنفس الجهد اللي كان عليه هيضرب في وشك

أنا لأول مرة في حياتي أشوف شخصين بيتنقشوا ويتجادلوا عشان يثبتوا نفس الحاجة..

طب ما دكتورنا بيقول نفس اللي بيقوله أرابيان في أيه بقى؟؟

النقاش السرمدي ده على أيه بالظبط؟؟

عذرًا ع التدخل غير المنطقي بس الموضوع عامل زي ما آجي أكلم واحد أقوله:

أحمد اتجوز منى.. يروح رادد عليا ويقولي أيه الكلام ده؟؟ أنا اللي أعرفه أن أحمد اتجوز منى..:frown:

أعتذر للغاية ع التدخل مرة تانية.. لكن الأمر مش محتاج كل ده.. ما دمنا أتفقنا إن التوازي المقاومة الأكبر أقل قدرة والعكس..

وأن التوالي المقاومة الأكبر أكبر قدرة.. يبقى مش فاهم سوء التفاهم فين؟؟

يا لهوي:006et4: أنت هتخليني:bosyht9: أشد في شعري:028ja7: بص ياArabian , مش أنت فاهمها كده. الحمد لله, لما تخلص امتحانات وتروق كده هثبتلك أن الـ2 حاجة واحدة

مستلهمًا روح الفيس بوك.. هاقول..

Like


ده اللي عايز أقوله النقطة اللي هتجيلي في الامتحان في اتفاق عليها يبقى لو في أي نقاش هيبقى راااااااااائع بس كمان شهر و أربع أيام بالظبط كده..

لا يا زووم ارجع لكلامه في الأول بيقول أن الـ2 بيختلفوا لما ييجي يطبقهم لو توازي هطبق قانون ولو توالي هطبق قانون تاني وأنا بقوله هما الـ2 واحد بس أنا بستخدم واحد منهم على حسب المعطى اللي جاهز عندي وهو مش مقتنع بالنقطة دي, وغلط فيا يا حازم أنا عايزك تاخدلي حقي:(:(
لا بهرج طبعاً, محدش هنا يقدر يغلط فيا:angry2::stickjo4::stickjo4::stickjo4::stickjo4 ::stickjo4::stickjo4:

:d:d

ها يا جماعة حد عنده أي أقوال أخرى؟؟؟؟؟؟؟؟؟
طيب الحكم بعد المداولة:d

ده شيء هيسعدنا جدًا بكل تأكيد..

في انتظار الصيف على أحر من الجمر لعدة أسباب مجتمعة أضفتلهم حالًا مفاجآت حضرتك..:022yb4:

لا تعليق لسة بسأل ماما دلوقتي علي المصباح بتقولي دا مقاومة متغيرة

قولتلها مش عايزة افهم احسن

على العموم شكراً يا Arabian -ما تقوللي اسمك ايه عشان مش كل شوية أقعد أقلب من عربي لأنجليزي عشان أكتب اسمك- على الناقشة الجميلة دي أنا استفدت منها كتير. شكراً ليك ولك بردو يا حازم على الشوية اللي نزلتهم في آخر الماتش:d

هههههههههههههه..


إحنا جايين نلغبط نفسنا ع الآخر.. خلاص يا جماعة إحنا عارفين حاليًا طريقة ما بتطلع الحل صح.. نمشي نفسنا بيها بقى في الامتحان عشان نخلص من السنة اللي مش لطيفة دي.. ونيجي بقى نصحح كل مفاهمنا المغلوطة في الصيف بعد ما نروق كده..:028ja7:

أنت عارف بقى يا دكتور أن جدو كان الهداف بتاع الأمم في آخر 15 دقيقة من كل ماتش.. فقلت أمشي على نهجه..

الشكر لحضرتك على جهدك المتواصل عشان تساعدنا..

ربنا يكرمك يا رب..

:d :d والله أنتوا شباب 10/10 والقعدة معاكو متتعوضش

طب ماهي عندها حق عشان بتتغير بتغير درجة الحرارة اللي تنشأ لمرور التيار الكهربي............

أنا تحت أمرك يا باشا..............

يللا يا جماعة Arabian مشي
خلاص فركششششششششششششششش

خليها تتغير بقى والله ما هنعبرها..:d حتة مقاومة هتجننا..

عارف يا دكتور تحس أننا بقالنا سنة بندرس منهج غير الفيزياء.. لا والواحد تلاقيه منتفخ الأوداج كده أنه عارف معلومات لا بأس بها في الفيزياء.. في الآخر طلع الواحد كان بيدرس تاريخ..:bosyht9:

عندك حق والله
يعني تعرف أنا قدامي دلوقتي امتحان فيزياء لمدرسة في أنجلترا أنا لو حطيت الامتحان ده عالمنتدى
هاخد كمية شتايم:slap1qk6::slap1qk6::slap1qk6: وضرب للصبح:d:d
بس دي مش مشكلتكم انتم دي مشكلة التعليم
هما برمجوا الطلبة على حاجة معينة..........بلا بلاش نتكلم في السياسة ده لسه الجيش من شوية قبض على 1 من 6 ابريل عشان كان بيدعو للجمعة اللي جاية:stickjo4: