الاستدعاء للجيش
 

انا تم استدعائى للجيش اليوم وتم استدعائى قبل ذلك وحاولت بشتلى الطرق شطب اسمى من الاستدعاء لكونى مدرس ولكن دون جدوى حيث تم الرفض لكونى متعاقد واليوم تم استدعائى مرة اخرى

فهل يوجد احد من الزملاء عنده فكره عن هذا الموضوع وتم شطبه من الاستدعاء او الاجراءات التى يمكن من خلالها شطب الاستدعاء لى

الله يعينك وتابعنا اذا كان فى جديد

علي فكره هتروح كده دكده
اخر استدعاء لي
كان معايا واحد زميلي متعين من 2003
وبرضه قضي الاستدعاء
ربنا معاك

لا مفر من الاستدعاء مادمت داخل البلاد

انت مخلص جيش سنة كام؟اانا سمعت من واحد بعد مرور خمس سنوات علي التعاقد ؟انت مخلص جيش سنة كام؟

هو على حد علمى هجيب نا يثبت انك مدرس وتقدمه الى مكتب التجنيد اللى انت تابع له وبالطريقة دى مش هتروح .. الكلام ده كان معمول به من فترة بس مش عارف هل هو معمول به او تم إلغاؤه وربنا يعينك

القانون يقول ان المدرس ليس له استدعاء ولكن بكوننا متعاقدين هل لى الحق بالمطالبة بالغاء الاستدعاء

انت مخلص جيش امتي

هتروح امتي

هل انت باقي لك في الاستدعاء كم سنة؟

انا محلص جيش 2006 وهروح الاستدعاء 4 / 6

لو الاستدعاء جالك فى فترة امتحانات بتجيب إفادة من المعهد إنه محتاجك ولا يمكن الاستغناء عنك وتختمها من القسم التعليمى ثم من المنطقة الأزهرية اللى انت تابع ليها .
وبعد كدة توديها مكتب التجنيد . والله المستعان

بس المشكلة ان البلد دلوقتى فى حالة طوارىء وما اعتقدش ان الجيش هيعترف بالافادة دى ويسيبك .

بس انت عايز نصيحتى : -
روح يا راجل واحتسب فترة الاستدعاء دى جهاد فى سبيل الله .
أنا جالى استدعا قبلك ومفكرتش . على طول رحت وانا لسه مخلص من شوية .
البلد اليومين دول محتاجة لكل واحد .
وسدقنى ان شاء الله ربنا هيعوضك كتير فى الدنيا والآخرة

لنا مدرس زميلنا متعاقد وقدر انة يشطب اسمة
روح المنطقة وهم يقلولك هتعمل اية
اشاء اللة خير
صدقنى

ربنا معاك توكل على الله

انا جالي استدعاء من 6 اشهر وناس كثيره قالو في شطب للمدرسين بس في القاهرة قالو القرار ده اتلغى ورحت الاستدعاء وانصحك تروح هي فتره وهتعدي وم تقلقش هتلاقي كل زمايلك القدام معاك والحمد لله على كل شئ

:

اعمل الخطوات اللى بقولك عليها :
1) قانون القوات المسلحة لسنة 2010 ينص على انه من امضى اكثر من 5 سنوات على انتهاء خدمته يؤجل استدعاءه فى حالة حاجة العمل الحكومى اليه . ويؤجل للمرة الواحدة على ان يتم استدعاؤه فى المرات التالية ويمكنه الالتماس فى كل مرة للالغاء

1) اوا : اذهب لمنطقة : مكتب التجنيد" التجنيد التابع لها وهات من عندهم " مسير شطب "

2) جواب من المعهد التابع ليه او المدرسة تفيد انك على راس العمل وان العمل فى حاجة اليك كان مثلا يقول ان الدراسة مستمرة ويوجد امتحانات مع طباعة جدول الامتحانات وختمه ختم الشعار

3) صورة اصل من العقد مختومة بختم الشعار
4) ماتنساش تاخد امر الاستدعاء من مكتب التجنيد وتراجع الورق مع الظابط او الجندى الموجود بالمكتب.

5 ) هاتسافر مصر " التنظيم والادارة بالعباسية عند منزل كوبرى العباسية .
6) هاتسلم الورق للظابط وهاتنتظر تقريبا من 3 - 5 ساعات انت وظروفك
7) بعد كده هاتخد ورقة بالغاء الاستدعاء فى تلك المرة سلم الاصل لمكتب التجنيد واتاكد ان هو الغى الاستدعاء .............. وخد صورة احتفظ بها

8) هاتقولى طيب الادارة التعليمية او المنطقة التابع لها ابلغهم ولا لأ.... هاقولك الطريقة اللى انا شرحتها دى هى الاسهل لان الطريقة التانية روتينية وهاتضيع وقت مابين السفر لاكثر من محافظة..
وفقك الله وابقى ادعيلى ......... هذا القانون لسه جديد وماحدش كتير عارفه وفقك الله

تم تخفيض المدة الى ثلاث سنوات

ممكن توضيح مدة ايه اللي تم تخفيضهااااااااااااااا ؟؟؟؟؟

ربنا معاااااااااااااااااك