الكويت تعاود التعاقد مع مصر واللجنة هتنزل في شهر يوليو بالتوفيق لكم جميعا
 

بعد غياب عنكم لفترة نظرا لأنني أنتظر خبر سعيد لكم إليكم الرابط :

http://www.alraimedia.com/Alrai/Arti...&date=30052011





التربية» تعاود التعاقد مع المعلمين من مصر وتونس

ارسال | حفظ | طباعة | تصغير الخط | الخط الرئيسي | تكبير الخط




| كتب أحمد المطيري |

أعلنت وكيلة وزارة التربية تماضر السديراوي «موافقة وزارة التربية على تشكيل لجان التعاقد الخارجي من مصر وتونس لاستقدام المعلمين والمعلمات في مختلف التخصصات التي تحتاجها المدارس بمختلف المراحل التعليمية»، مبينة ان اللجنتين «سوف تغادران الى البلدين فور الانتهاء من الاختبارات في شهر يوليو المقبل، وستشكل اللجنتان برئاسة مديرين للعموم من المناطق التعليمية يتم ترشيحهما لاحقا».
واضافت السديراوي في تصريح للصحافيين عقب اللقاء الذي جمعها صباح امس مع الوفد المصري الذي يرأسه مساعد وزير الخارجية للشؤون القنصلية في مصر السفير محمد عبد الحكم ان زيارة الوفد «تأتي في اطار جولة خليجية لمناقشة العديد من القضايا المشتركة ومنها الجانب التعليمي»، لافتة الى انه «تمت مناقشة موضوع زيادة رواتب المعلمين غير الكويتيين اذ تم التأكيد على ان الكويت لا تألو جهدا في تحسين الاوضاع المعيشية سواء للكويتيين او غير الكويتيين».
وأشارت إلى «حرص وزير التربية وزير التعليم العالي على ايجاد كل السبل المتاحة لتهيئة الاجواء المناسبة التي من شأنها رفع مستوى المعلمين المادي حيث رفعت الكويت بدل السكن للمعلمين غير الكويتيين من 60 دينارا الى 150 دينارا أخيرا».
وأفادت السديراوي ان الاجتماع «ناقش ايضا موضوع معادلة الشهادات المصرية للطلبة الكويتيين وتسهيل اجراءاتها لاسيما وان الموضوع تتم متابعته بالتعاون مع وزارة التعليم العالي اضافة الى معادلة الشهادات في قطاع التعليم الخاص».

جزاك الله كل خير وربنا يكتبلك الخير امين

Abdouragab شكرًا على الموضوع
ممكن تقولنا هل فى تسجيل الكترونى أو ممكن يدوى ؟

نبعت ازاى طيب يا ريت حد يفدنا

على حد معلوماتي اللجنة هتنزل تختبر الناس اللي قدمت في شهر 11 وكان التقديم نازل في جريدة الاهرام والجمهورية وكان المفروض تنزل اللجنة في شهر3 لكن بسبب الظروف الراهنة في مصر قاموا بالغاء التعاقد مع مصر ثم اليوم قرروا التعاقد مرة اخرى والله أعلم

هل طالبين حد تانى ؟ مش مقدم قبل كده ؟

والله معنديش معلومات عن انهم طالبين تاني ولا لا باذن الله لو اي خبر جديد هاكون متابعكم باستمرار باذن الله تعالى وربنا يوفقكم جميعا يارب

جزيت خيرا ورزقنا الله جميعاً طريق الخير

ربنا يبارك فيك ياأخ عبدالرحيم انت بصارحة بتحب الخير للجميع وربنا يوفقنا جميعاً

يا هلا بيك يا أستاذ عبده

قرأت فعلآ اليوم هذا الخبر وربنا يجعلنا نصيب فيها يارب

يارب يجعل لكم نصيب في كل خير يقدره المولى عز وجل

فينك يا استاذ عبده من زمان المنتدى كان مضلم من غيرك

شكرا يا حودة بس المنتدى منور بيك وبزملائنا الكرام ، وبعدين معنديش اخبار جديدة فكنت بدخل اتصفح المنتدى ع السريع وامشى المهم ربنا يوفقكم جميعا

ربنا يوفقكم جميعا

اللهم آآآآآآآآآآآآآآآآمين

صراحة اخبارك يا استاذ عبده بتحسسني ان فيه امل في بكرة

لان من فترة حسيت ان المنتدي اتقلب حاله او تم الاستيلاء علية من مدرسي الحصة والمعلمين المساعدين حاسس انهم انقرضو

شكرا يا استاذ عبده علي مجهودك
كنت عاوزه اعرف يا استاذ عبده المرتب كام في الكويت

رب هنا رب هناك وهقول رايي لوجه الله ليه واحده صاحبتي راحت سنتين مدرسه لغه انجليزيه قالتلي العيشه في الكويت غاليه جدا والاكل والمواصلات تحديدا ناااااااااااااااااااار وكان قرارها تعد وسط اهلها علي كام مجموعه والمرتب ولا وحده الغربه ومشاكلها خصوصا للبنااااااااااااااااااااااااات انا مش بخوفكم بس والهي هوة ده الي حصل

عرفت اننا اتعينا ولا لئة انت لما كنت ما بتظهرش بنحسبك سافرت والله وميرسى على تعبك معانا

شكراا ليك اخى الكريم

الراتب للذكور هنا 530 دينار وللاناث 370

السلام عليكم يا استاذ عبده
معلش عشان عدد المشاركات بتاعتى صغيرة مش عارف ابعتلك على الخاص
ممكن حضرتك لو تعرف تجيبلى مقرر مادة الالكترونيات ولو حتى اسماء الفصول
واكون شاكر ليك
سلاموا عليكم

السلام عليكم.. الحمد لله انا قدمت في شهر يناير بس ياتري التواصل معاهم هيكون ازاي

دا يطلع كام مصرى ؟؟؟

اولا : مقرر الالكترونيات هحاول ان شاء الله اشوفه
ثانيا : التواصل هيكون معاهم عن طريق اللجنة اللي عتنزل مصر وتتصل بمن قدم في المسابقة للاختبار في القاهرة بفندق سفير بالدقي
ثالثا: الراتب بالمصري للذكور يعمل خوالي 11 الف جنيه وللاناث يعمل حوالي 8 الاف جنيه

ربنا يكتب لنا الخير جميعآ ويجعل لنا نصيب فيها السنة دى

يارب

شكرا يا استاذ عبده على اخبارك اللى دايما فى الجون ههههه بجد انت انسان محترم وبتحب تساعدنا دايما ومن زمان اوى مشفتش تعليقاتك بس اكيد بتغيب تغيب وترجعلنا باخبار حلوة يا رب توفقنا جميعا ........

اللهم اجعلنا من المقبولين للعمل بدولة الكويت

شكرا ليك يا استاذ عبده وتقدر تجيبه
وربنا يقدرك دائما على فعل الخير

السلام عليكم استاذ عبده من فضلك لوسمحت هل عند حضرتك علم عن كيفيه التقديم لهذه المسابقه دلوقتي

ربنا يبارك لك يا استاذ عبده ويهون عليك غربتك

ممكن نتقل عليك شويه وياريت لو حد من زمايلك امتحن انجليزى تقولنا الاسئلة بتبقى ازاى وواحدة صاحبتى مقدمة لغة عربية ياريت تفيدنا فى الموضوع ده . وجزاك الله خيرا

ياريت لو سمحت يا أستاذ عبده تقولى بما انك تخصص لغة عربية وانا لغة عربية ايضآ

لو هبدأ أراجع أراجع فى ايه بالضبط

فصل تلميذ مصرى من مدرسة كويتية بسبب سؤال عن الثورة
وده الرابط بتاع الخبر


http://www.youm7.com/News.asp?NewsID=427129&
تفتكرو ممكن يدورو علي المدرس المصرى بعد كدة وربنا يستر