اجازه بدون مرتب
 

الي الاخت سها حضرتك خلصتي اجراءات الاجازه بدون مرتب

اة انا خلصتها ووصلت لحد انى اخدت ورقة من الادارة اخلى بيها من المدرسة من تاريخ القيام بيها والورقة لسة معايا لما اخلى بعد كم يوم
انا بعد ما اخدت الاخلاءات من الادارة وقدمتها فى المدرية ومضيت الاجازة من كذا حد اخدت بعدها بكم يوم ورقة من المديرية للأدارة تفيد انهم وافقو على الاجازة من تاريخ القيام بيها وفى الادارة عطونى ورقة للمدرسة

يعنى بجد لينا اجازه بدون مرتب؟ طيب حضرتك محافظه ايه بالظبط؟؟؟؟؟؟؟؟؟

محافظة بنى سويف يا جماعة حكاية الاجازة دية اكيد والاكيد بردة انكم ممكن تلاقوا فيها تعقيدات بس ربنا يسهل فى الاخر
اجازة بدون مرتب سنة لمرافقة الزوج

يعني مش لازم يعدي علينا ستة شهور علشان ناخد اجازه ولا الاجازه بدون مرتب لمرافقة الزوج مش لازم يعدي عليها ستة شهور وممكن تكمليها بعد ما ترجعي

ربنا ييسر لك امورك واحنا كمان يارب استرها معانا وسهلها

قالوا عندنا فى الادراه لازم ست شهور ورجعوا قالوا طالما لسه ماخدتوش درجه ماليه يبقى مش ليكوا حق فى الاجازات

ياريت يا سها تقوليلى على الخطوات اللى انتى عملتيها والفلوس لو دفعتى عشان انا نفسى اخد اجازة بس رعاية الطفل وحاسة ان الادارة هنا هايعارضوا جامد انتى اخدتى ورقة من المديرية فالاول تفيد بان ليكى حق فى الحصول على اى نوع من الاجازات بدون شرط مرور 6 شهور ياريت لو تفيدينى انا محافظة المنيا

بصى انتى بتكتبى طلب اجازة لمدير الادارة اجازة بدون مرتب لرعاية الطفل والمدير بيمضى عليها وبعدان بتروحى تمضيها من مدير الادارة وبتاخدى الاخلاءات من الادارة وبتروحى المديرية
دة العادى او الطبيعى لكن ممكن حد يوقف الكلام دة بسبب ان فى ادارات كتير متعرفش الكلام الجديد بتاع الاجازات يعنى انا مثلا مدير الادارة قالى ملكوش اجازة ودة كان كلام مديرة شئون العاملين بالادارة اللى كانت موجودة وانا بكلمة قولتلة لاء انا سألت فى المديرية قالولى عادى لينا علشان احنا كنا شغالين قبل كدة قالى هاتيلى ورقة بكدة وفى المديرية كانت ست كويسة وكتبتلى ارجوا اعطاءها الاخلاءات المالية
فأنا رأيى أسألى فى المديرية الاول علشان تبقى على اساس لو انتى مش من بنى سويف
انا دفعت 30 رسوم و90 نقابة واجازة رعاية الطفل الحكومة بتدفعلك التأمينات يعنى انتى بتدفعى مبلغ بسيط جدا لا يذكر غير مرافقة الزوج او التعاقد الخارجى بيدفع فيها فلوس كتير

الاخت خوخة هو حضرتك محافظة ايه ؟؟؟
وعايزة تعملى اجازة مرافقة زوج برده ؟؟

شكرا يا سها وياريت تبقى توافينا بالاخبار اول باول
بس معنى كلامك انهم عندكوا فالمديرية ماشترطوش موضوع الدرجة ؟
يارب وقعنى فناس سلسة وسهلة مش معقدة وتمشى اجازتى واجازات كل الناس يااااااااااارب

ربنا يوفقكم وعقبالنا في الازهر نفسي انام واصحى الاقي نفسي اخدت اجازة مرافقة زوج او رعاية طفل

ياريت تقولولى الاجراءات الخاصة بالاجازة عشان عايز اقدم على اجازة وسالت فى المنتدى قاللولى بعد 6 اشهر

يا جماعة الدرجات الدرجات المالية احنا ليس لنا درجات مالية حتي الان ولا بعدين وحسبي الله ونعم الوكيل ده رد التنظيم والادارة

مين قالك ياعم يعني احنا عقد ولا ايه طب هقولكم حاجه بما اننا لسنا عقود لا نندرج تحت مسمي العقود وده كلام رسمي وبما اننا لسنا علي درجه ماليه وده كلام لم نتاكد منه طيب احنا ايه بقي حد يجاوبني يعني لا عقد ولا درجه تبقي ايه بالظبط

انا نجحت فى كادر 1/4 ولكن لم يتم التثبيت حتى الان ممكن اخذ اجازة بدون مرتب للسفر مثلا

ياريت الرد

وشكرا

[quote=eteacher;3516626]انا نجحت فى كادر 1/4 ولكن لم يتم التثبيت حتى الان ممكن اخذ اجازة بدون مرتب للسفر مثلا

ياريت الرد

وشكرا[/quote



وانا كمان

أنا من الدقهلية وعاوز اسافر تعاقد خارجى. هل هيعطونى اجازة؟

يا ريت يا جماعة اللى عمل اجازه فى الدقهلية يقول هو عمل ايه بالضبط علشان لو ممكن ناخد اجازة للسفر للخارج

ياجماعه
مرافقة الزوج

لا تحتاج ل 6 شهور

اما باقى الاجازات لكى تاخذها لابد من مرور 6 شهور

يا جماعه المعينين الجدد مش لازم يستنوا لانهم كانوا شغالين قبل كده وممكن ياخدوا اجازه بدون مرتب لاي غرض

أنا من الدقهلية ورحت المديرية يوم 13/6 اسأل عن اجازة بدون مرتب للسفر ردت الموظفة وقالت لسه ماجاش حاجة ليكم انتو اجازتكم زى ما كانت فى العقد لان انتوا لسه مانزلتوش على درجة.

حضرتك يا استاذ ايمن سألت مين في المديريه

يا خبررررررررررررررر ؟ يعنى ايه ملناش اجازات؟ طيب هنعمل ايه يعنى احنا اصلا متعيناش.؟

ربنا ييسر الامور يا رب

يارب استر,,,,

ياريت ياجماعة كلنا نسئل ونتأكد من الكلام دوت يعنى لنا اجازة ولا ملناش؟؟؟؟؟؟

??????????????

انا من طنطا ورحت ااخد اجازة بدون مرتب عشان اسافر خدمات حجاج لكن الاجازات بتاعت المديرية رفضت وقالت لسة مجاش حاجة عن الموضوع ده وا/ محمد مصطفى مدير الاجازات المديرية راجل محترم جدا وساعدنى قبل كدة فى اخذ اجازة نصف اجر ولم يخصم منى شئ خالص واخدت المكافاة كاملة وكنت اول من يعملها فى محافظة الغربية من ثلاث سنوات طبقا لكتاب دورى بتاريخ 31/8/2008 بشان اجازات المتعاقدين لكن الاجازة الكالة محصلتش ارجو الافادة
‏(الميل يكون عالخاص)

معلش يااستاذ احمد يعنى ايه اجازة نصف اجر للمتعاقدين ونظامها ايه وموجودة فين من فضلك
احنا متعاقدين الازهر لسة مااتثبتناش
ممكن تقول لي الاقي صورتها فين يمكن اعرف اعمل حاجة
محتاجة اجازة ضروري

??????????????????????????????///

ياجماعة كل محافظة بتقول كلام غير التانية وكل موظف سواء فى المديرية او الادارة بيفتى من غير مايرجع لحد وكانه هو اللى عامل القوانين وسياستهم كلهم عقدها يارب