|
وزير المالية: 700 جنيه حد أدنى للأجور خلال العام المالى القادم
أعلن الدكتور سمير رضوان وزير المالية، أنه سيتم تحديد قيمة الحد الأدنى للأجور، بواقع 700 جنيه كحد أدنى، وتصل إلى 1200 جنيه خلال خمس سنوات، وذلك فى العام المالى القادم.
جاء ذلك خلال المؤتمر الذى يعقده وزير المالية لعرض الموازنة العامة للدولة. |
خير ان شاء الله طيب والناس الى الى متعينين وليهم 4 سنين واو 3 سنين اقدمية يا ترى محسوبة ولا
|
ده اخر كلام ولا فيه كلام تانى!!!!!!!!!!!!!!!!!!
|
هو قال انى ال700 للدرجه السادسه وليس الثالثه الل احنا اتعين عليه
وكمل انها للعمال اللى لسه دبلوم انا مش عارف احنا هنبقى كام |
E]الحمد لله على كل شى بس الكلام دة هيطبق متى
|
ربنا يسهل والاسعار ما تغلاش وتاخد الزيادة
|
المفروض تطبق من اول الميزانيه الجديده اى اول السنه الماليه1/7 لكن عندى سؤال لازم كل المعينين فى الحكومه ميقلوش عن الحد الادنى ارجو الرد لان كان الحد الادنى قبل هذا 400 جنيه وكان فى ناس بتقبض 95 جنيه
وكنا بنقبض 300 جنيه او لان كنا متعاقدين |
ربنا يسهل يعنى العامل يأخذ 700 واحنا درجة تالتة ان شاء الله هنزيد عن كده بس ربنا يستر من زيادة الأسعار وبالذات البنزين والسولار اللى عليهم كل حاجة
|
ربنا ييسر الامر ويكون فعلى ونلاحظ الفرق قريب بدون غلاء الاسعار
|
علي فكرة الكلام ده في لعب كبير جداً والناس مش واخدة بالها اولاً انه هيكون للعمال والناس في الدرجة التالتة والخامسة فقط
2 - هيطلعوا المدرسين منه بحجة الكادر الخاص وبكرة تشوفوا |
لا المدرسين مش هيخرجوا منها انا تابعت الحوار كاملا قال بالنص كل المعينين حكوميا لاول مرة وأميين 700 جنيه ودة بصراحة اقل من خط الفقر الراجل قال كدة انت بقااااااااااااااا كمعلم هتعدى اكتر من كدة خاصة انك معين هتقولى والكادر هقولك انت بتاخد بالكادر 485 دة كمان بالثلاثين فى المية اللى كانت ايام الرئيس السابق يعنى فى ناس بتاخد 450 اذن انت هيطبق هليك الكلام دة مية فى المية وكمان فى بند اخر ان اعضاء هئية التعليم العالى زادت المرتبات 100% وكذلك الاطباء
|
الحمد لله والله يجماعة دى بركة الجواز انا لسة هكاتب كتابى اول شهر يوليو دة
وكدة الحمد لله دى وش خطيبطى |
الدرجة الثالثة 1500 جنية هو دة اللي قالوا سمير رضوان في مداخلة مع قناة اوربت مع عمر اديب
|
ارجو التوضيح هل الحد الادني سيطبق علي المعلمين ام لا
|
أنا حملت حلقة عمرو أديب اللي كان فيها مكالمة وزير المالية سمير رضوان
وقال الحد الأدني 700 جنية ودا للي علي الدرجة السادسة وقال ( العامل الأمي الذي لا يقرأ ) ثم كل درجة أعلي تزيد 287 جنية يعني الدرجة السادسة 700 الدرجة الخامسة 700 + 287 = 987 الدرجة الرابعة 987 + 287 = 1274 الدرجة الثالثة ( اللي احنا فيها ) 1274 + 287 = 1561 ودا كان رد الوزير علي عمرو أديب بالنسبة للفرق بين الدرجات المالية بس أنا عايزة أعرف هايحسبوا الكادر إزاي بقي ؟؟؟؟؟؟ لأن هدف النظام دا تقليل الفارق الكبير بين الأساسي وإجمالي المرتب يعني هايكون 50 % من 1561 ولا ايه ؟؟؟؟؟؟؟؟؟؟؟؟؟؟ |
احساسى بيقول انه مش هيطبق عالمدرسين بحجة ان لينا كادر وقانون 155
|
اقتباس:
ودي خطة عشان الارتفاع بمستوي الفرد والخطة علي خمس سنوات وفي السنة الخامسة سيصل الحد الأدني للأجور 1200 جنية يعني سيرتفع الحد الأدني كل عام خلال الخمس سنوات وطبعا هايطبق علي كل الوظائف |
اقتباس:
|
مستشار وزير المالية*:1.9* مليون موظف يستفيدون من زيادة الحد الأدني للأجور بتكلفة* 7500* مليون جنيه رفع جميع الرواتب الدنيا إلي* 700* جنيه وزيادة بقيمة* 278* جنيها لباقي الدرجات 03/06/2011 12:48:08 ص http://s7.addthis.com/static/btn/v2/lg-share-ar.gif كتب عاطف زيدان*: http://www.akhbarelyom.org.eg/files/...2011124804.jpg اكد* الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* 700* جنيه يصل* 1*.9* مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* 700* جنيه*. واوضح مستشار وزير المالية ان عدد موظفي الدولة الخاضعين لكادرات خاصة يصل إلي* 2*.6* مليون موظف كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد*. وشرح الجبالي ان كل موظف يتقاضي مرتبا شاملا اقل من* 700* جنيه سيتم رفعه الي* 700* جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل* 64٪* لكن بشكل عام اذا كان هناك من يتقاضي مثلا مرتبا شهريا شاملا يصل* 350* جنيها كما يدعي البعض في بعض الجهات مثل المحليات فانه سيتم رفع راتبه الي* 700* جنيه شهريا أي بزيادة* 100٪* لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز* 400* جنيه شهريا وان اقصي زيادة وفقا للبيانات المتوافرة لدينا تصل* 64٪*. وحول معدل الزيادة لباقي الدرجات الوظيفية اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة* 278* جنيها شهريا*.. واشار الجبالي إلي ان الحكومة* راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية مشيرا الي ان الحد الادني سوف يتحرك سنويا ليصل* 1200* جنيه خلال خمس سنوات* . واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات اضافة الي استمرار اعفاء العلاوات الاجتماعية التي تصل نسبتها الاجمالية حتي الآن* 340٪* . http://www.akhbarelyom.org.eg/images/print_image.gif عدد القراءات 878 /**/ |
| جميع الأوقات بتوقيت GMT +2. الساعة الآن 06:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.