|
جدول زيادات الأجور ليوليو 2011 ولا عزاء للمعلمين
وضعت وزارة المالية تصوراً مبدئياً لجدول الأجور الجديد المستحق في أول يوليو 2011 بعد رفع الحد الأدني للأجور إلي 700 جنيه بحيث يتم تحريك جميع الدرجات الوظيفية للوصول به إلي ذلك الحد الأدني يستفيد منه الموظفون المربوطون علي الدرجات السادسة والخامسة والرابعة ممن تنخفض رواتبهم ويصل عددهم وفقا لجدول الأجور 1.9 مليون موظف بحيث يحصل الموظف علي الدرجة السادسة في بداية المربوط ونهايته 700 جنيه مقابل 327 و496 جنيها علي التوالي وترتفع أجور الموظفين علي الدرجة الخامسة كذلك إلي 700 جنيه كأجر شامل مقابل 334 و590 جنيها علي التوالي والدرجة الرابعة إلي 700 جنيه شامل لبداية الدرجة و1018 جنيهاً مقابل 346و740 جنيها لبداية ونهاية مربوط الدرجة الوظيفية وتحقيقا للعدالة الاجتماعية والحفاظ علي الفروق المالية بين الموظفين حفاظا علي الثوابت المجتمعية سيتم اعتبارا من الدرجة الوظيفية الثالثة الموجود بها غالبية الهيكل الإداري للدولة سيتم زيادتها بمقدار 278 جنيها ليصل بداية مربوط الدرجة إلي 700 جنيه 1224 جنيها لنهاية مروبط الدرجة وبالنسبة للدرجة الوظيفية الثانية سيتحرك الأجر لبداية المربوط إلي 700 و1383 جنيها لنهاية المربوط وبالنسبة للدرجة الأولي سيرتفع الراتب لبداية المربوط إلي 980 جنيها و1484 جنيها لنهاية المربوط ترتفع إلي 1168 جنيها للمدير العام و1601 جنيه لنهاية مربوط المدير العام وبالنسبة للدرجة العالية ترتفع إلي 1262 جنيها لبداية المربوط و1672 جنيها لنهاية المربوط. وأكد د.سمير رضوان وزير المالية علي أنه كلما ارتفع الراتب علي الحدود المتعارف عليها والتي تعني توفير حياة كريمة لهم ستخفض قيمة الزيادة التي سيتم رفع الراتبها وذلك لتحقيق العدالة الاجتماعية. وعن الحد الأقصي للأجر كشف الوزير عن أن هناك خلافات وتصورات مختلفة عن الفرق بين الحد الأدني والأقصي وهو متعارف عليه بنسبة 1 إلي 36 ضعفاً إلا أن ذلك يحتاج إلي مراجعة حيث إن جدول الأجور بدون المكافآت تظهر أن الفارق مثالي جداً وهو 1 إلي 14 ضعفاً وهو ما سيتم تقليصه من خلال ضبط البدلات والأجور المتغيرة مؤكداً أن الحد الأدني هو خط الفقر الذي يستفيد منه 3.2% من قوة العمل. وعلمت «روزاليوسف» أنه سيتم استبعاد أصحاب الكادرات الخاصة من أطباء ومعلمين من الاستفادة من الحد الأدني للأجور أو تحريك الدرجات المالية، نظراً لأنه تم زيادتها وتحسين دخولهم بنسب وصلت إلي 100%، كما سيتم استبعاد موظفي عدد من الوزارات لارتفاع حوافزهم مثل وزارات المالية والاستثمار. مصدر الخبر: جريدة روز اليوسف.... من هنا مستنين ايه بعد كدة نروح نشحت علي باب السيدة |
لا حول ولا قوة الا بالله
|
اللى كتب الكلام ده غبى منه فيه
|
مستحييييييييييييييل يكون كلام صح
|
ازاى
يعنى حنقبض كام اول يونيو |
اكد* الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* 700* جنيه يصل* 1*.9* مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* 700* جنيه*.
|
لو الكلام ده صح هتقوم ثورة فى البلد من المعلمين والاطباء وبالتالى البلد هتقف تانى
|
المظاهرة فورا للمطابة بحقوقنا حتى ننالها
|
لا حول ولا قوة الا بالله
|
حتى الآن لم يعلن وزير الماللية عن الحد الأدنى للأجور ... و سيتم الاعلان عنه ان شاء الله خلال هذا الاسبوع......
و بعدها نتكلم |
انا من رايي نعمل اضراب مع بداية العام الجديد و نهددهم ب كده من الان
|
اعتقد ان الكلام ده صح صح لان اكتر من مصدر نشر الخبر ده من الاخبار لاخبار مصر لروزاليوسف يا حسره ماتهنيناش بنتيجه الاختبار
|
فين نقابتنا
|
الحد الادنى سيكون 700 جنيه وهو لمعلمين الحصة والتعاقد والمعلمين المساعدين
يعنى المعلم = عامل لا يقرأ و لا يكتب فى أول يوم تعيين |
الحاجة المش كويسه ان الدرجة السادسة هياخد زي الدرجة الثانية يعني العامل اللي لسه شغال هياخد زي المؤهل العالي اللي بيشتغل بقاله 10 سنين
|
وبعدين يا اساتذه
حنفضل ساكتين كل مجموعات الفيس بوك مولعه نار واحنا هنا لسه بنسأل الكلام صح ولا غلط وكمان عايزين نستني لبداية الدراسة من لا يبحث عن حقه فلا ينتظر من يبحث له وما ضاع حق وراءه مطالب كفانا خنوع واستكانة |
واحنا هنتجنن على التعيين
تعيين ايه بقى الله يخرب بيوتهم يعنى كنا داخلين جماعة ليه انا نويت اذاكر محو اميه وهتعين عامل فى اى مصلحة اهو منها مفيش تعب احنا بيطلع عنينا وهما مش واخدين بالهم مننا |
يا جماعة اكيد معمول حساب للفروق في المؤهلات و سنوات العمل عند تحديد الحد الادنى لانة لو صح هذا الكلام , فانها كارثة وعلينا ان نقوم باعتصام مفتوح. و ربنا يخلف الظن
|
يعنى ال 700 جنيه دول أساسى ولا الاجمالى ولا احنا حنقيض أقل من كدة ولا ايه
حد يفهمنى يا جماعه بالله عليكم |
اقتباس:
يا استاذ اسامه مفيش 700 اصلا احنا ناس اغنياء وما لناش في الكلام الفاضي ده الناس دي مش عايشه ف البلد فاكرين اننا بناخد الوف كل شهر مش عارفين اننا بنشحت يا ناس اتحركوا وابعتوا رسائل وكلموا الصحفيين والبرامج مفيش حد حاسس بينا ولا عارفين عننا حاجة خليهم يسمعوا صوتنا ويعرفوا احنا بناخد كام |
ياجماعة .. قبل 25 يناير ..غير بعد 25 يناير ..هههههههههههههههههههههههههههههههه
خاتوا الصابونة يا معلمي مصر ياللا ازحلقوا بقى معلش احنا قفانا عرييييييييييييييييييييييييض لأ..ونعيش وناخد غيرها |
وبعدين..
سلملي على نقابة....إيه ... إيه ..آآآآآآآآآآآآآآآآآآآآه المعلمين يا أمممممممممممممممممممممممممممم |
بصوا يا جماعة
أنا دلوقتي هأشوف فيلم غبي منه فيه يمكن أنسى شويه |
رغم رفضى للاعتصامات والمظاهرات
الا انها اصبحت للاسف طريق الحوار والوسيلة الوحيدة للحصول على الحقوق الان فلا احد يلوم المدرسين على اى اعتصامات يقومون بها وامتحانات الثانوية علي الأبواب ولن نشارك بها اذا استمر هذا الظلم فكيف يصبح مرتب من هو على الدرجة الساسة اكبر من مرتب من هو على الدرجة الثانية كيف يصبح مرتب العامل الامى مع كامل احترامى 700 جنية ومرتب المدرس بعد 12 سنة وهو على الدرجة التانية 760 . حاجة تجنن |
احنا اساساماناش كرامة لان احنا لو ليناكرامة كانو عملولناالف حساب
احنازى العرب ماناش كلمة بين بعضنا او قرار موحد اوحد يتكلم بانيابة عننا فين نقيب المعلمين اناعمرى ماشفتو فى برنامج او فى جريدة او بيتكلم عن حقوقنا كمعلمين انا بفكر والله اسيب مهنة التدريس واشوفلى اى شغلانة تانى |
انا عاوز حد يعرفنى انا مدرسه على الدرجه الثالثه منذ 13 سنه ومفرود اصعد الى الدرجه الثانيه من سنه ومرتبى 668مرتبى هيكون كام 700 يعنى هزيد 32 جنيه بس ولا ايه حد يعرفنى على الاميل ده nady6877***********
|
عليه العوض
و طول ما احنا ساكتين علي حقوقنا هنشوف اكتر |
الأفضل ان نكون عمال على الدرجة السادسة من معلمين على الدرجة الثالثة
|
ده طبيعي يحصل معانا لاننا اول من فرط في حقوقنا
|
شكرا على فضحية الحد الادنى
مؤمن يونس |
ياريت نغير اسم المعلم الى الاسطى افضل
مؤمن يونس |
حرام الانسان يقضى حياتة فى الدراسة ويتساوى المدرس مع اى فاشل
مؤمن يونس |
زغردى يام هنية المدرسين برة الميزانية
زغردى يام مينا الحد الادنى مطلعش لينا زغردى يام هيما المدرسين مالهمش قيمة زغردى ياللى مانتيش غرمانة العملية التعليمية خسرانة زغردى ياللى مانتيش غرمانة احنا الحق معانا زغردى ياللى ما تتسمى وضعى فى نار مش فى الجنة زغردى يام ميسرة وضع المدرسين تحت السيطرة زغردى يام حسين كرامة المدرس فين زغردى يا فتكات المدرس شبع اهات زغردى من قلبك و فى الصميم عاوزين نشيل وزير التعليم زغردى يام سارة هنبات فىالوزارة |
نتمنى يغيروا اسم المعلمين ويسموهم اللى ملهمش لزمة علشان الوقتى يتساوى العالم بالجاهل ياخسارة
مؤمن يونس |
اعتذر عن الحديث فقد جف القلم
|
انا عايز الحد الادنى للمعلمين 700 قرش افضل لان مفيش نظر
مؤمن يونس |
انا عندى اقتراح بدل كادر المعلم نعمل لهم نقابة ونسمهم المتسولون لانهم الطبقة التى تعمل على تطوير الشعوب
مؤمن يونس |
ولسه حتملوا ايه كمان فى المدرس
طبعا لو الكلام اللى موجود فى الخبر انهم حيستبعدوا المعلمين من العلااوت نروح نشتغل فى الزبالة احسن ما يرمونا هما فى الزبالة !!!!!!!!!!1 لان بجد كده مش نوين يعملوا اصلاح فى مصر ولا حاجة نوين على خراب مصر لان لو المعلم ما اخدجى حقه كامل وحسيت بقيمته يبقى العوض على الله فى الدولة كلها ولازم يكون لينا واقفة يمكن الوزارة الوحيدة اللى معملتش اضراب هى وزارة التربية و التعليم لو الكلام ده بجد بناشد كل المعلمين فى كل جمهورية مصر العربية مع اول قبض للتعديل الجديد لو الكلام ده حقيقى اعتصام و اضراب مستمر حتى تشعر الحكومة اننا موجودين فيها و كفاية اهانة اكتر من كده
|
ياريت تنظر للمعلم على انة اساس العلم والتقدم والتطور ولو مهتمتوش بالمعلم ورجعتولة قيمتة المادية والمعنوية اقراو على التعليم الفتحة وبكرة تشوف يامعالى الوزير
مؤمن يونس |
وزير المالية طبق الحد الادنى باستثناء المعلمين والاطباء ووزارة البترول ووزارة المالية ووزارة الاستثمار بحجة الكادر كش عايزين الكادر عايزين تساوى بأقل وزارة من الوزارات التي تم استثناءها .... ولا غلط ؟؟؟؟
موعدنا يوم الثلاثاء |
انا خبير فى التعليم ودة مش كلام فى الفاضى انا كنت اعمل خبير للكمياء فى احد الدول العربية لعدة سنوات اصلحوا حال المعلم قبل كل شيئ
مؤمن يونس |
شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا
مؤمن يونس |
وزير المالية ياريت تلغى المعلمين وتعين مكانهم زبالين
مؤمن يونس |
علشان تحسن اوضاعهم المالية وامعلمين يشتغلوا زبالين اشرف لهم
مؤمن يونس |
شكرا
مؤمن يونس شكرا |
السلام عليكم
لو الكلام دا صحيح يبقى كلنا ايد واحدة ونعمل اضراب فى امتحانات الثانويه العامه |
اعتصام مفتوح من يوم الثلاثاء 7/6/2011
|
اعتصام مفتوح يوم الثلاثاء 7/6/2011 الهدف محدد وصريح لن نعمل في ظل هذا الراتب يا ريت الكل يشارك وينشر الخبر في كل مكان |
اعتصام مفتوح يوم الثلاثاء 7/6/2011 الهدف محدد وصريح لن نعمل في ظل هذا الراتب ضرورة التثبيت الفوري لكل من مر عليهم 3 سنوات يا ريت الكل يشارك وينشر الخبر في كل مكان |
" لا يضيع حق وراءه مطالب " بصراحة أنا شايف إن الحكومة لها حق تعمل أكثر من كده في المدرسين طالما أن المدرسين في حالة من الخنوع والخضوع وقبول الذل والمهانة لكن لو وقف المعلمون كلهم وقفة رجل واحد وامتنعوا عن أعمال الامتحانات " هو امتحان واحد مش أكثر " بجد الحكومة حتعرف قيمة المعلم لأنه هو عرف قيمة نفسه لكن نقول ايه " القول ضاع " الكل بيدور على النقابة فين وكله بيندب حظه لكن فين التكاتف ؟ لا يوجد فين الأيدي الواحدة ؟ " لا يوجد " فيم كرامة المعلم ؟ " لا يوجد " فلا نلم إلا أنفسنا
|
| جميع الأوقات بتوقيت GMT +2. الساعة الآن 12:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.