لمن ظهرت لة رسالة " قم بمراجعة بياناتك في المركز القومي للامتحانات والتقويم التربوي
 

تيسيراً عليكم من الذهاب إلى المركز القومى للامتحانات بالقاهرة ، ولحل مشكلة عدم ظهور نتيجتكم يرجى تعبئة البيانات التالية بكل دقة على البريد الالكترونى "pat*moe.gov.eg"
أو ارسالها عن طريق الفاكس على الارقام التالية " 0227940318 أو 0238379303 "
ومتابعة موقفكم بعد ذلك على موقع الاكاديمية . . البيانات المطلوبة :
الاسم :................................................. .
تليفون : .............................................. محمول ..................................
كود المعلم :...........................................
رقم الجلوس:..........................................
الرقم القومي:.........................................
كود اختبار اللغة الإنجليزية :.....................
كود اختبار الفترة الثانية :........................
المرحلة التى تعمل بها :...........................
مادة التخصص طبقاً للعقد :......................
أى بيانات أخرى تريد اضافتها :................



يستحسن طبعا تبعتة من اميل المعلم المساعد ...........لكن انا للاسف الاميل بتاعى لم يفعل حتى الآن ولذلك ارسلتة من اميل عادي

معظمنا نسى كود الاختبار
انا كتبت عبارة ( لا اتذكر ) فى الحقل الخاص به

الاخ عاصم عبد الحميد
اعمل نسخ للفورم اللى هم باعتينو وافتح رسالة جديدة سواء على بريد المعلم المساعد او اى بريد آخر واعمل لصق
بعد كده املى البيانات وتقدر تحذف النقط اللى هم عاملينها
ومش تنسى عنوان الايميل بتاعهم
حطو فى حقل (to (

pat*moe.gov.eg

ياريت كل واحد فاكر كود كراسة يكتبة
والايمييل بدل النجمة at shift + 2

طب يعنى عادى نبعت بايميل عادى مش فارقة ولا لازم ايميل الوزارة

(اى بيانات اخرى ) اللى مكتوبة اخر حاجة
ممكن نكتب فيها محافظتنا والاداة بتاعتنا ولا مش شرط
طيب عنوان الرسالة اللى هانبعتها هانكتب بس عبارة البيانات المطلوبة ولا هانكتب حاجة تانية
وممكن نبعت فاكس بردة ولا لو ارسلنا ايميل مش نرسل فاكس
ارجو الرد وجزاكم الله خير

يا جماعة انا كنت في الاكاديمية امبارح وعملنا مظاهرة وبعد كدا وعدونا ان النتيجة هتظهر بعد 10 ايام علي النت وعشان المشوار نملي الاستمارة اهم شئ فيها اسمك مضبوط ورقم الكود ورقم القومي والتخصص بعدا كدا مش فاكر كود الكراسة مش مهم انا عن نفسي مش فاكرها وعلي فكرة كل المشاكل بسبب تغير التخصص او خطا الملاحظ اللي كان في اللجنة يعني معظم الناس ورقهم مظبوط دا اللي فهمته هناك واطمنوا ان شاء الله خير

ياريت اللي عندوا اميل معلم مساعد يبعت منة احسن
وبعدين انتو مش معاكوا صورة من رقم الجلوس
لازم تبعت الحاجات اللي قايلين عليها بدقة علشان ميتلككوش علينا اكتر من كدة

نسيت اقلوكم ان علامة "أت" بتاعت الاميل مش بتظهر في المنتدي وظاهر بدلها علامة نجمة في عنوان الاميل اللي هترسلوا علية وعلشان تكتب الات دي اضغط على shift + رقم 2

يا جماعة حد فاكر كود اختبار الانجليزى وكود اختبار الفترة الثانية ولا مش لازم نبغته ولا ايه ؟؟

جزاك الله خيرا انا كنت ناسي:022yb4::022yb4::022yb4::022yb4:

انا اعرف الانجليزى ابتدائى
8001/8002/8003 حد فاكر تخصص لغة عربيه ابتدائى الرجاء الرد

كود اختبار اللغة الإنجليزية :.....................
كود اختبار الفترة الثانية :........................
يا جماعة الكود المقصود بية اللي ظهرلك في الموقع بتاع الوزارة يعني مثلا كود اللغة الانجليزية e100 وليس كود الكراسة بتاعت الامتحان

انا كنت يوم الخميس فى المركز القومى هما عايزين رقم الكراسة بتاعة الامتحان
بس محدش فاكره فقالوا سيبوا فاضى واحنا هنجرب كل الاكواد على اجابة كل واحد

الايميل اللي كتبينه مش بيستقبل رسايل اصلا ابعته فاكس أحسن

هما لو عوزين يحلو المشكلة دى هيحلوها هما بيتلككو منهم لله
هو يعنى لو ضرب الكود اللى ورقة الاجابة هيبان قدامو اذا كان كود كراسة مدرس عربى ولا رياضة ولا اخصاءى ولا اى حاجة
احنا مدرسين وعرفين كلنا نظام التصحيح والمراجعة بس منهم لله

وحسبنا الله ونعم الوكيل

الفاكس مشغول على طول والايميل مش بيرسل والرقم الثانى خارج الخدمه ما الحل الالكترونى يامسئول

نفس المشكلة الايميل لم يستقبل الرسايل ارسلتها من كذا واحد من بتاع الوزارة ارسلى رد ان صندوق الوارد للمرسل ممتلىء ونرسلها لاحقا وارسلتها من الياهو نفس الموضوع محاولات من امس ....
ومش عارفين الحل ايه ؟
بس الغريبة المشكلة معى ومع زميلتى نفس التخصص وكنا نفس اللجنة احنا دراساات اجتماعية نفس المشكلة فهل هناك ياترى علاقة ؟
وعندنا اتنين تانين تخصص اخصائين نفسين نفس المشكلة فياترى نفس التخصص ايه السبب هل كلا منا كتب بياناته خطأ ايضا !!
فياريت حد يرد عليه ويقولى هل هناك من محجوب نتائجهم نفس تخصصه ولا ايه مش عارفة
ارجو الافادة وجزاكم الله خيرا

يعني الواحد يروح القهرة على المقطم ولا اية
الواحد احتار الصراحة
وبعدين لو روحنا اية هو الورق المطلوب
حاجة تحير

وبعدين ياجماعه
طب احنا ذنبنا ايه فى المشكلة دى
ياريت اللى لقى حل يقولنا عليه ضرورررررررري
حتى البيانات اللى طلبينها مش مفهومة
مين حيفتكر كود الاختبارات
حتى لو افتكرت واحد مش حفتكر التانى
حسبي الله ونعم الوكيل

حد يفتكر كود كراسة الاخصائى و الجغرافيا ( ثانوى )

يظهر كده/




عاوزين حد ذهب نشوف يقول عمل ايه ممكن نروح لااحد يقابلنا اصلا

طب ياجماعه احنا من المحافظات
لو حد من القاهرة وراح المركز القومى وفهم حاجة يااااريت يفهمنا ضروررررررري

يا جماعة انا كنت في المركز القومي يوم الخميس وكل الاخطاء اخطاء تخصص او كود او خطا الملاحظ اللي كان عليك في الامتحان والمهم دلوقتي انكم تبعتوا ورقة فيها بياناتكم زي ما مطلوب ومش مهم رقم كود الاختبار واابعتوا الورقة فاكس بسرعة ياريت عشان النتيجة خلال اسبوع من النهاردة

يارب انت اعلم بحالنا
يارب

حد راح المركز السبت او الاحد اسقبلوه ولا ايه عمل ايه بالرجاء الكتابه علشان لانسافر على الفاضى احنا من الصعيد

ياجماعه يامدرسين القاهرة
مفيش اخبار جديدة الله يكرمكم

حسبي الله ونعم الوكيل

في كل من تسبب لنا بالبهدلة

انا من اسيوط

المفروض اسافر القاهرة ولا استني شوية

ارجوكم يا جماعة وخاصة معلمي القاهرة

إذا جد جديد افيدونا

معلم مساعد مطحون

أنا رحت النهاردة المركز قي المقطم ودخلونا قاعة و وزعو ورقة فيها البيانات ديه:

الأسم ثلاثي:
محافظة :
رقم الجلوس :
كود التخصص :
هل تم تغييير المادة أثناء اللجنة
نعم لا
المادة التي قمت الامتحان بها :

إمضاء الشاكي
وقالولنا تابعو خلال عشر أيام علي النت
وليس هناك أي مشاكل في الدخول للمركز

العنوان 28 شارع المدينة المنورة متفرع من شارع 9 المقطم

خبر من اليوم السابع

تنتهى وزارة التربية والتعليم بعد غدٍ الخميس من مراجعة بيانات المعلمين المساعدين المحجوبة نتائج اختبار الكادر الأخير عنهم.

وأوضح مصدر مسئول بالوزارة أن المركز القومى للامتحانات والتقويم التربوى بالمقطم قارب على الانتهاء من تعديل البيانات الخاطئة والتى تسببت فى حجب نتائج 4300 معلم.

وأوضح المصدر أن الوزارة ستبدأ إعلان نتائج هذه المجموعة من المعلمين بمجرد الانتهاء من تعديل البيانات، أما المعلمين الذين حُجِبَت نتائجهم بسبب عدم استيفاء ملفاتهم فقد بدأت الأكاديمية المهنية للمعلم استقبالهم فى فروعها بالمحافظات، وعددها 15 فرع، لاستكمال أوراقهم وأهمها المؤهل التربوى والتقارير السنوية.

ودعا المصدر المعلمين الذين لم يستوفوا ملفاتهم إلى الإسراع بالتوجه لفروع الأكاديمية بالمحافظات لتسليم المتبقى من الأوراق حتى يتمكنوا من الحصول على نتائجهم.

وكانت "التعليم" قد أعلنت نتيجة الاختبار الأخير للكادر منذ أسبوع، ويصل عدد المعلمين الذين اجتازوه 62 ألفاً و205 معلمين، سينتقلون من درجة "معلم مساعد" إلى درجة "معلم"، فيما لم يجتز الاختبار 3 آلاف و698 معلماً، فيما تم تأجيل امتحان 5 آلاف معلم بعد تظاهر المئات منهم داخل لجنة اختبار معلمى الجيزة والسادس من أكتوبر،
فيما حُجِبَت نتائج 4400 نتيجة وجود أخطاء ببيانات 3400 منهم وخوض 1000 للاختبار دون استيفاء ملفاتهم.

ياجماعه أني بعت بياناتي على اميل المركز القومي للامتحانات و بعتهم عن طريق الفاكس مرتين ياريت حد يقول النتيجه امتى