|
ظلمتوا الوزير - الوزير يعلن الحد الأدنى للاجور
اعلن الوزير احمد جمال الدين الحد الادنى للمعلمين
وقال ان الحد الادنى سيكون 700 جنيه وهو لمعلمين الحصة والتعاقد والمعلمين المساعدين اما من لم يطبق عليه الحد الادنى هو من يتقاضى مرتبات تفوق هذه المستويات يعنى من يتقاضى بالكادر مثلا 2000 جنيه على الدرجة الثانية لن يخضع للحد الادنى واليكم فديو الوزير وهو بيتكلم http://www.facebook.com/video/video....31062217&saved |
هو فى حد على الدرجة الثانية بياخد 2000؟؟؟
كلام فارغ |
اللهم انصرنا
الخبر اكيد ومرفق تاكيد بس لازم نتحد والتنبية للاعتصام وبلاش فرقة وانا لسة مشاهدالبية الوزير يؤكدالخبر على الجزيرة ورجاء ضم معلمى الازهر لينا لازمممممممممممم نتحد والاهم الغاء الكادر وادراجنا للحد الادنى احنا ياسيدى مش عارفين مصلحتنا والله المستعان رجاءاتصلوا بالدنياكلها اعرضوا الظلم البائن اتصلوا بشباب الثورة انتم لسة بتخافوا لية استيقظوا
كتب عاطف زيدان: اكد الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي 700 جنيه يصل 1.9 مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ 700 جنيه. واوضح مستشار وزير المالية ان عدد موظفي الدولة الخاضعين لكادرات خاصة يصل إلي 2.6 مليون موظف كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد. وشرح الجبالي ان كل موظف يتقاضي مرتبا شاملا اقل من 700 جنيه سيتم رفعه الي 700 جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل 64٪ لكن بشكل عام اذا كان هناك من يتقاضي مثلا مرتبا شهريا شاملا يصل 350 جنيها كما يدعي البعض في بعض الجهات مثل المحليات فانه سيتم رفع راتبه الي 700 جنيه شهريا أي بزيادة 100٪ لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز 400 جنيه شهريا وان اقصي زيادة وفقا للبيانات المتوافرة لدينا تصل 64٪. وحول معدل الزيادة لباقي الدرجات الوظيفية اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة 278 جنيها شهريا.. واشار الجبالي إلي ان الحكومة راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية مشيرا الي ان الحد الادني سوف يتحرك سنويا ليصل 1200 جنيه خلال خمس سنوات . واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات اضافة الي استمرار اعفاء العلاوات الاجتماعية التي تصل نسبتها الاجمالية حتي الآن 340٪ . |
يا ريت كلنا نتحد ونبقلى رجالة ونتخلى عن المصالح الشخصية شوية
لازم نهدد بعمل اضراب شامل عن اعمال الثانوية ان لم يتم تصحيح اوضاعنا |
لو صدقتم في الاعتصام والامتناع عن اعمال الامتحان
فأنا أول المشاركين معكم |
الحد الادنى سيكون 700 جنيه وهو لمعلمين الحصة والتعاقد والمعلمين المساعدين
يعنى المعلم = عامل لا يقرأ و لا يكتب فى أول يوم تعيين |
وزير ملعووووووووووووووووووووووووووووووووون
|
يا جماعه ازاي نتساوي بواحد مابيعرفش لايقرا ولا يكتب
|
http://www.egynews.net/wps/portal/news?params=126851
الخبر اهه أتأكد فى الاخبار الرسمية لمصر لازم يكون فى اعتصام ان شاء الله |
يا جماعة فية ناس بتحب تهدي المعلمين ودول غالبا تبع الوزير لتهدئة المعلمين الخبر اتأكد على جريدة الاخبار الرسمية ارحمونا بقة لازم ناس تهرج وناس تهدي وناس تتفرج انما افعال لا
|
يا جماعه لازم نعمل صفحه ونتجمع فيها الاول عشان نبقى كثير وبعدين نعمل اعتصام لو العدد قليل محدش هيعبرنا لازم العدد يكون كبير
|
لابد من العتصام يوم 8 من يونيو
ما ضاع حق ورائه مطالب |
مغامرات فطوطة 2011
الوزير بتاعنا ده مظلوم معانا احنا تملي ظلمينه وبنتهمه اتهامات باطلة ، الراجل دارس وقاري ومطلع وعارف المدرسين كويس بيقبضوا كام وعايشن ازاي ، ومن دقته في التعليق والرد عارف تماما ان مدرسينه اللي على الدرجة الثانية بيقبضوا 2000 جنيه ، فما بالك باللي على الدرجة الاولى ، وكمان من حرص سيادته على دقة الحوار استخدم تعبير الدرجة ، مع انه متأكد انه قال قبل كده ان المعلمين لهم المحروس بسلامته سي كادر افندي الله يعمر بيت أبو اللي اخترعه ، وبعدين احنا بندعي انه مش مهتم بينا ده حتى حرااااااااااام الراجل هيعمل ايه ولا ايه ( وعلى رأي فطوطة زمااان) يقطع نفسه ، يبهدل نفسه ، يبعزق نفسه ، وبمناسبة فطوطة أول مرة أعرف هو ليه كان بيلبس جزمة كبيرة في الفوازير ...... كان قزم ( إلة كده) والجزمة واسعة عليه ، طب ما يلبس اللي على مقاسه :006et4: :friendsxs3: :039uw8:
|
والله يا جماعة ده تهريج أنا معلم منذ 2004 وبقبض 530 يعنى مش هكمون زى أقل عامل فى الدولة يا ريتنى ما اشتغل الشغلانة المخزية دى
|
اللي على الدرجة الثانية بيقبضوا 2000 جنيه هو الوزير ده حماروأيه وميفهمش
|
لا ثانوية هذا العام ياأحمد ياجمال
|
لازم البلد تولع وكفاية كلام بقى لازم كام موسسة تتحرق واضرابات وتتحرق الثانوية العامة الله يخرب البلد دى
|
صدق المثل العربي القائل """ متخم يقسو على جائع """
فهذا الوزير أثبت لنا فعلياً هذا المثل .... لي سؤال معالي الوزير : كم هو مرتبك ؟؟؟؟؟؟؟؟؟؟؟ 700 جنيه بردو وياترى بتعمل بيهم ايه بتديهم للسواق بتاع حضرتك قهوه طبعا غير مرتبه اللي مابيخدوش معلم درجة أولى ياللي بتتكلم عن الدرجات وانت متعرفش غير درجات سلم فيلتك يا معالي الوزير من لا يرحم لا يرحم اتق الله فينا فدعوة المظلوم ليست منك ببعيد والله أشعر وكأننا مازلنا في عهد مبارك لم يتغير شيء والله لن يتغير ما نحن فيه إلا بتغيير أنفسنا ويتم التغيير بتغيير هذا الظالم لم نكن ممن وقفوا واعتصموا كباقي الوظائف رغم أننا أولى الناس بالوقوف للمطالبة بحقوقنا المنهوبه منذ سنين فهم يدفعونا لأن نرمي بضمائرنا عرض الحائط بإعطاء دروس ويعوودوا ليلوموا المعلم المفتري الجشع والله لا أعلم ماذا أقول فيهم فقد خلقوا بداخلنا وحشا وأطعموه ظلما وقساوة ونهب حقوق والآن يريدون قتله بوعود كاذبة .. فرحنا بالثورة وكنا معها قلبا وقالبا لأننا أردنا التغيير ولكن عندما فرحنا به وبقدومه وقلنا أخيرا ستدور عجلة الإنتاج وسيخرج المعلم من جعبته طبشوره القديم ليكتب على سبورة الفصل ويعلم تلامذته تعليما يرضي الله وضميره ولكن يأبى وزيرنا إحياء ضمائرنا فكلما أطفأنا للحرب ناراً أوقدها .................. حسبنا الله ونعم الوكيــــــــــــل :giljotiiniug3: |
لابد من اضراب مفتوح ليس ساعات من اليوم ونمشى ولابد من ان يكون امام ماسبيرو ولابد من مقاطعة امتحانات الثانوية العامة وغير كده كل واحد يروح يريح نفسه وينام ولا داعى للكلام الكثير فالحل ما اقول
|
الناس دى بتتفرج علينا من برج عالى
لما يقولك المعلم المساعد والمتعاقد يبقى 700 وكان هما دول بس اللى اقل من ال 700 يخرب بيت ابو اللى يزعلكم ما تييجو تتفرجو على المعونة اللى بتعطوهالنا كل شهر وبنصرفها فى المواصلات عشان نوصل للمدرسة اللى فى عزب نمنم تبع ادارة الواك واك يخرب بيت اللى يزعلكم |
مليونية المعلم بميدان التحرير يوم 10 / 6 هى لأحسن رد على استبعاد المعلمين من الحد الأدنى ..... انشروا الخبر يا معلمين و اشتروا جريدة الأخبار بكرة الجمعة .....!!!!
|
حسبي الله ونعم الوكيل مدرس تربيةفنية يعني لا دروس ولا زفت بقالي ١٤سنةمرتبي +الحوافز+ الكادر الملعون الي ربنا يخده=٨٠٠ جنيه يرضي مين ده أنا أدعو لإضراب عن الثانويةالعامةوالتصحيح أو تراجعوا القرار ده
|
الوزير دة عمل زي اللي بيجي في شركة النصب لصناعة الذكاء لما قلةالبطرمان دة فية اية رد وقالة انتة ذكي تييييييييييييييييت ههههههههههههههههههههه
|
اقتباس:
والله عندك حق ماهو مش عارف رجالته بيقبضو كام اصلا لما يقولك هيعمل ادنى 700 جنيه للعامل قال ايه المعلم المساعد بس اللى مرتبه ادنى طب ما يشوف اللى بقالهم 10 و 15 سنة يعملو ايه؟ http://www.facebook.com/pages/%D8%A7...93988327293062 |
فى ظل هذا الوزير الذى أعلن الحرب عل المعلمين وطرقة كلامه عنهم لا مفر من أن نعترف بالحقيقة وهى ان المعلم محتقر من الكل وذلك لتقاعسه عن المطالبة بحقه حرمان من الدرجة وكمان من الحد الأدنى لأنك محسوب غنك يتاخد كادرو إن كان عاجبكم يا معلمين أعلى ما فى خيلكم اركبوه لا درجة ولا حد أدنى
|
يا سيدى الفاضل انا لى 9 سنوات على الدرجة الثالثة منذ 9 سنوات
وباخد 650 كل مستحقاتى بالكادر والحوافذ والمفروض على الدرجة الثانية فين اللى بياخد 2000 ده قولوا عليه وهو على الدرجة الثانية ممكن يقول على درجة مدير عام ممكن نصدق حسبى الله ونعم الوكيل |
مبروك صديقى استاذ على جاد
هتتساوى مؤهلاتك بمحو الامية شكرا شكرا لسيادة الوزير |
سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلما للطلبه والتلاميذ
|
الاضراب
لن نراقب على امتحانات الثانوية يجب ان تعود للمعلم كرامته وهيبته مرة اخرى ولا نريد حد أدني لأجورنا بل نريد ان تكون مرتبات المعلمين من اعلى المرتبات في مصر لأننا نمارس أهم ,وأخطر مهنة وننتج المنتج الأساسي لأي دولة متقدمة |
دهية تخرب بيت الوزير ومساعد اول وزير المالية الجبالى احنا قولنا وفهمنا من وزير المالية ان الاجور كلها هتتحسن وعلمنا ان الكادر الخاص سوف يلغى نهائيا من جميع المصالح الحكومية 0 ( التعليم _ الشرطة_ الاطباء_القضاء_ــــــــــــــ000000 الخ)
ويتم هيكلة الاجور بصفة عامــــــــــــة لجميع العاملين بالحكومة والقطاع العام والقطاع الخاص ــــــــــ وهنا يمكن يكون فية مساواة وعدل اية الى حصـــــــــــل تانى |
الاعتصام يوم الثلاثاء
كلنا أيد وحدة |
سيادة رئيس الوزراء سوف نقوم نحن معلمي مصر باعتصام مفتوح ونمتنع عن امتحانات الثانوية العامة كفانا مهانة ومذلة فقد خرج معلمي مصر عن الحد الادنى للاجور بحجة الكادر اين هذا الكادر وانا تعيين 2000 وحتى الان راتبي بالكاد يصل 600جنيه نرجوا الاهتمام بمعلمي مصر في ان يعيشوا حياة كريمة
|
لو كلنا ايد واحده مكنش ده بقا حالنا لا امتحانات ولا للتصحيح ولا للمدارس ان لم نقف الان لن تكون لنا كرامه او حساب بعد اليوم |
سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ
|
نطالب بإلغاء كادر إهانة المعلم ، مش عاوزينه عاوزيين نكون تبع موظفى الدولة وليذهب الكادر للجحيم . الله يخرب بيت اللى فكر فيه ، طبعا عارفين مين ؟ جمال الدين باشا طبعا
|
سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ
|
انا لا الوم الوزير ولا غير الوزير
ولكن الوم نفسى وكل الزملاء الى بقينا نتكلم ونفرغ شحنة الضغط الى نحنا عيشنها فى الكلام وبس للاسف بالرغم من الشرطة ............وا لاطباء .............وغيره ممن خرج للشارع وتمسك بمطلبه الى النهاية حصل عليها ولكن منا من اهتم بالدروس الخصوصية التى هى حصيلة العام ومنا من هو سلبى ومشاهد ليس الا لومو انفسكم ولاتلومو الغير |
هو الوزير يقصد اللي علي الدرجة الثانية وبياخد 2000 جنية في مصر واللا برة مصر
|
أنا علي الدرجة الثالثة ومرتبي بالكادر 483جنية الجمعة القادمة في الميدان لرد اعتبار المدرس
|
انا مدرسة منذ عام 1985 يعنى26سنة خبرة وعلى الدرجة الثانية منذ عام 2005 ومرتبى بعد الاستاذ كادر الله يكدره وبعد الزيادات والحوافز والذى منه وبعد زيادة مايو وصل النبى حرصه الى1016جنيه:040vk0: والنبى ده كلام وبعد ده كله يقولوا ايه مستبعدنا من الحد :o الادنى وحسبى الله ونعم الوكيل
|
علي رأي نجيب الريحاني في أستاذ حمام : ( أنا بتاع كتب ..بتاع علم ..يعني طز ) :(:(:( |
انا تعيين 2000 ومرتبي بالظبط 650 بالحوافر بالكادر بالزيادة في ابريل يعني الواحد متعين من 11 سنة وماحصلش الحد الادنى
|
ياجماعة قانون الكادر فى المادة (89 ) ينص على أن كل زيادة في الأجور تمنح للعاملين بالجهاز الإداري بالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانون نظام العاملين المدنيين بالدولة ،وتطبق عليهم الأحكام الأخرى الواردة بهذا الباب .فحجة إننا نخضع لكادر خاص باطلة وغير صحيحة
وهذا نص المادة : مادة(89) يمنح شاغلو وظائف التعليم المشار إليها في المادة (70) من هذا القانون الموجودون بالخدمة في تاريخ العمل بهذا الباب أو الذين سيعينون مستقبلاً بدل معلم وقدره 50٪ من أساسي الأجر ، وتسرى عليهم العلاوة السنوية المقررة،وكل زيادة في الأجور تمنح للعاملين بالجهاز الإداري بالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانون نظام العاملين المدنيين بالدولة ،وتطبق عليهم الأحكام الأخرى الواردة بهذا الباب . ويصدر قرار من وزير التربية والتعليم بتحديد الوظائف المقابلة لوظائف المعلمين الواردة بالجدول المرفق. ويمنح شاغلو وظائف المعلمين المشار إليها في المادة (70) من هذا القانون وبقرار وزير التربية والتعليم طبقاً للفقرة السابقة بدل اعتماد بنسبة تتراوح ما بين 50٪ إلى 150٪ من الأجر الأساسي ، على النحو المبين بالجدول المرافق وذلك عند نقلهم من الوظائف المشار إليها في الفقرة الأولى من هذه المادة لشغل وظائف المعلمين بعد استيفائهم متطلبات الشغل والاعتماد المقررة لها ، مع احتفاظهم بصفة شخصية بالأجور التي يتقاضونها ولو تجاوزت نهاية الأجر المقررة للوظائف المنقولين إليها ، وبحيث يبدأ في التطبيق في موعد لا يتجاوز 1/7/2008 ويكون ترتيب الأقدمية بين المنقولين إلى وظيفة واحدة بحسب أوضاعهم السابقة فى حالة استيفائهم الشروط والمتطلبات في ذات التاريخ . الناس دى محتاجة وقفة قوية وتوحيد للجهود والمطالبة بتطبيق القانون فى بلد أصبحت لا تحترم القانون حتى بعد الثورة |
قانون الكادر يضمن حقنا فى الزيادة المقررة
اقتباس:
|
ياخ طارق ليس المؤمن بطعان ولا لعان ولا فاحش ولا بذيئ
|
ان المعلم محتقر من الكل
|
احسن ناس فى العالم نتكلم فقط عايزين نتفق على راى واحد يرجع لنا حقوقنا المسروقة فالعامل بالمدرسة هياخذ اكثر من المدرس المعين منذ ثمانية اعوام وسلملى على الكادر
|
طظ طظ طظ طظ ارحمونا إحنا فى زمن الطظ ( يعنى إيه طظ ) معلم = طظ . كادر = طظ . درجة = طظ . حد أدنى للأجور = طظ . وزير يعمل للمعلمين = طظ . تعليم = طظ . إدارة =طظ . طلاب = طظ .
|
| جميع الأوقات بتوقيت GMT +2. الساعة الآن 04:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.