الرد من مكتب وزير التعليم بعد خبر الحد الادني
 

اللى قال الكلام ده هو مستشار وزير الماليه وكلامه اهم من التربيه والتعليم
ولم تصدر لنا اي تعليمات بخصوص المرتبات وخلافه
الكلام ده معناه ان مفيش عندهم فكره عن حاجه ولاحظ اننا لازم نتصرف بسرعه لان الموازنه هى اللى بتحدد الاعتماد , يعنى يا اما نعرف رد رسمى الايام دى او اننا ننسى خالص حكاية الاجور و ربنا يصبرنا للسنه الماليه القادمه.سيبك من كلام التربيه والتعليم , وهو اساسا كان السبب فى الكادر الخاص, ولا حصلنا كادر خاص ولا حد أدنى بسببه

انا كرهت مسمي التربية و التعليم

وارجو ان محدش يزعل مني ، اديكو شايفين مدي المهانة و الاحتقار للمهنة

هيا موته ولا اكتر ما احنا يا نعيش بكرامه يا مالهاش لازمه الدنيا احنا كده مينتهاون فى حق نفسينا انا رايح للاعتصام انا وكل اللى اعرفهم ومش راجع الا لما اعرف انا كمعلم فين من العداله والكرامه والحريه فى البلد دى مدرس زاحف على الروبه شهادات وفى الاخر زيه زى العامل فى اى مكان بل اقل بل وصلت الوقاحه والتدنى ان احنا ولا حاجه اسف لاخوانى العمال واسف على اسلوبى وبجد اسف يابلدى لانى كنت ناوى الفتره دى معملش اعتصامات او اضربات مدرس محروق دمه

ياجماعه ارجووووووووووووووووووووووووكم حد يفيدنا بموضوع زيادة المرتبات
وهل المعلم من ضمن من ستزيد مرتباتهم ام لا؟؟؟؟؟؟؟؟؟؟؟؟؟؟؟؟؟؟؟؟؟؟
وياريت وزارة الماليه يصدر منها تعليمات لأن هى المسئوله الأولى والأخيرة عن الموازنه
مش وزارة التربية والتعليم

احنا عايزين نعمل حاجة نعتصم او نعمل اضراب المهم ناخد قنا انا والله كرهت الكادر وحاسس انه عار علينا واتمنى انه يتلغى بحجة الكادر حرمونا من حوافز المحليات وبحجة الكادر منعونا من الترقية والدرجة ولسه .... احنا مالناش كبير ولا نقابة تدافع عنا عايزين حقنا

ياجماعة افهموا اللعبة ولا كادار ولا بتاع
تلاقيهم قالوا الاطباء بيفتحوا عيادات وبيكسبوا كتير
والمدرسين بيدوا دروس وبيكسبوا كتير
طيب المتعاقدين اللى بياخدوا 100 جنية ودة كل دخلهم يعملوا اية
حسبنا الله ونعم الوكيل

للاسف الكلام دا ياكد الاشاعات ان فعلا مالناش فى الحد الادنى للزياده

لازم يقول كدة لانه فعلا لا يعرف دى مش شغلته دى بتاعة وزارة المالية ولازم نتحرك بسرعة قبل اعتماد الموازنة والخبر منشور فى الاخبار واخبار مصر معقول يكون كذب

لنا الله ربنا يستر على مصر

لابد من وقفه جاده قبل بدء امتحانات الثانويه يوجد حد ادنى ام لا

وقفة





اعتصام

لا بد من اضراب يوم الثلاثاء القادم 7 يونية امام مجلس الوزراء

احنا مستنين تصريح رسمى من الوزير يوضح فيه الحقيقة
شكلنا حنعمل زى ايام الثورة لما كان العالم كلو بيتكلم وبيصرح ونستنى الرئيس السابق يقول كلمة وهو ولا هنا
حسبى الله ونعم الوكيل فى كل من يخون امانته

جمعة غضب المعلمين وامتناعهم عن الثانوية والتصحيح
 

رسالة لكل معلم :
احنا المعلمين اللي عاملين كدا في نفسنا أمته هنتوحد على موقف على فكرة انا مدرس ومتعين حكومي بس في مصر او في خارج مصر ملقيتش مدرسين بيتحدوا على كلمة ابدا صدقوني احنا نستاهل كدا واكتر لاننا اصبحنا اصنام وكل واحد بيدور على نفسه مع ان الجماعة هي اللي بتحقق المكاسب للكل وانما العمل الفردي لا جدوى منه نهائيا لذلك ادعو كل معلم محترم بيحب مهنته مخلص لها انه ينزل التحرير
موعدنا الجمعه القادمة ان شاء الله في جمعه غضب المعلمين
وانا نازل ونتقابل ونشوف يا تري صحينا ولا لسة نايمين