هتعمل ايه يامتعاقد ؟
 

هتعمل ايه لو شهر سبعه جه ومتعينتش واحب اقولك ،
هعتقول استني لنصف سبعه،
وبعدين لما سبعه يخلص

وهيجي سبعه وهيخلص سبعه واحنا زي ما نحنا عارفين ليه لاننا (مش هقول مش رجاله) بس هقول لاننا لم ندرك الحقيقه وهي اننا في نظام فاسد نحن جزء منه وكلنا ساهمنا فيه


فين وعود شيخ الازهر


الاساسيين مع كامل احترامي لهم لما وزارة الماليه فكرت بس بعدم وضعهم في الاجور خربت الدنيا وبقي في تنظيم للمظاهرات وللعدم خوض الامتحانات ، اما نحنا الغلابه فمجرد الكلام بس يقولك الاستاذ المحترم متخربش البلد البلد مش ناقصه، هي جت عندنا وخربت .




واديني مستني معاكم شهر سبعه وثمانيه وتسعه وربنا يدينا عمر علشان نشوف أخر المسرحيه اللي طولت وباخت قوي

وربنا يخيب ظني في شيخ الازهر ، لان ثقته اهتزت ومهما فعل وقال فلا يمكن ان يعود كما ظننا منه

اولا هفسخ العقد

ده مش حل يا ام رهف ده استسلام

انا راسلت الجهاز المركزي للتنظيم والادارة وسألتهم عن ميعاد التثبيت فكان الرد انه يرجى الانتظار لحين مراجعة العقود وراسلتهم تانى هل متعاقدي الازهر يمكنهم استلام جوابات التثبيت مع بداية العام المالي الجديد فكان الرد انهم حقيقة لا علم لهم متى تنتهى مراجعة العقود يرجى الانتظار
هل تتوقعوا اننا هنتثبت في الميعاد اللي كلنا منتظرينه والله لو عاملين حسابنا كان حد جاب سيرتنا انما تكلمو على كل مايخص الموازتة الجديدة من تثبيت مؤقتين 37 الف من التربية والتعليم واتكلمو عن متعاقدي الاثار وميزانية الاطباء تعيين اول 1700 ج ومرتبات الصيادلة اللي زادت تعيين اول 1200 جنيه لا والحد الانى للاجور ده كوم تانى
انما ولاد البطة السودا ولا حد عبرهم
ياريت نتكاتف ونحط ايدينا في ايد بعض ونشوف احنا بالضبط محتاجين نعمل ايه علشان مانخسرش اكتر من اللي خسرناه

انا عارفة انه مش حل ومش مقتنعة بيه انا اتبهدلت في الشغلانة دي ويعز عليا انى انهيها بالبساطة دي بس لو مااصبحش قدامى غير الحل ده هاضطر اعمله وده ممكن يكون في نهاية الشهر اياه لان في قرارات مهمة في حياتى مركونة على التثبيت

كدا الحكايه بانت علي الاخر
ومفيش تثبيت يامتعاقدين الازهر

وكفايه نوم كدا خلاص معدش في كلام تاني علشان يتقال والله لو فيها خير لكان ظهر
انتوا مش وخدين بالكم من حاجه ان الازهر عايز 70 الف درجه ماليه والميزانيه خلااااااااااص بح
مفهاش مكان فاضي

كل عام وانتم طيبون والي اللقاء في وعود جديده مع ميزانيه جديده

ياكنج
عاوزين نتكاتف ياما وفد يجمع توقيعات ويقابل شيخ الازهر
ياما اعتصام يوم 500 واحد يشرفوا قدام المشيخة ومنركنش على بعض
يااما نستعوض الحكاية بقا وننتظر لما يعطفو عليناب10 الاف درجة ويقولولنا التثبيت على مراحل اصل عددكم كبير
على فكرة رد الجهاز المركزي عليا بتاريخ 5\6 يعنى اليوم

كل المتعاقدين خلاص تعبوا انا عن نفسي أقسمت بالله العظيم اني لن أدرس مره أخري وامسك الطباشيره وانا متعاقد تاني ، كدا خلاص.

وربنا يخيب ظني في موضوع التثبيت

انا من سوهاج يعني بكل صراحه موضوع مقابله شيخ الازهر دي علي متعاقدي القاهرة .
بس احنا مش هنسكت
احنا كل اللي عوزينه نحدد يوم ممكن في اخر الشهر 30/6 او 1 / 7 بس نكون فيه رجاله في كل المناطق من القاهرة لاسوان كل واحد في محافظته.

وانا عارف يا ام رهف اني الجهاز المركزي مش هيطلع 70 الف درجه ماليه بالسهوله ، وخصوصا اني محدش سأل فيه ولا هما سألين عن نفسم

يعني المفروض نحدد يوم ويبقي كلام نهائي بدون تردد

السلام عليكم اخى الفاضل اما بعد 00000000000000000000000000000000000000000000000000 000000000000000000000000000000000ارى والله اعلى واجل واعلم ان ننتظر اول سبعة ثم بعد ذلك يكون لنا الحق وان غدا لناظره ان شاء الله قريب ونقول كرم ربنا ليس له حدود وربنا يستر واخر سبعة امسك مرتب كويس اساسا والسلام

ياباشا احنا زهقنه من الكلام ده يجي سبعه اقوللك ثمانيه ويجي شهر ثمانيه اقوللك عاشره وهكذا انت نسيت كلامهم ..........................الميعاد لازم يكون بدري وبلاش 30-6 لان عاوزنها قبل شهر سبعه.........................قبل السنه الماليه مش دي الحجه..

ياجماعة همابيضحكوا علينا واضحه جدا فى الايام السابقة قرأت خبر تثبيت متعاقدى الاثار لمذا لم يقولوا لهم شهر سبعة
ثانيا العمالة المنضمة فى المعاهد بدأت تستلم عملها لماذا لم يقولوا شهر 7
ثالثامتعاقدى جامعة المنصورة ضحكوا عليهم هما كمان خدوا اوراقهم من شهر2 ولم يصدر لهم قرار التعيين فنظموا مظاهرات الاسبوع الماضى وتحدثوا مع الحافظ ثم اتصل المحافظ بالتنظيم والادارة فوعدهم بالحل يوم الاحد 5-6 وطبعا مفيش حل فعملوا مظاهرة امبارح
اذن الامور واضحة
الباقى علينا ان نعمل مظاهرات ولاندخل امتحانات الدور التانى كلنا اما يثبتونا او يفصلونا بس اهم شىء نتحد

طيب بالذمة ادينى عقلك ننتظر شهر سبعة لحد ماالدرجات المالية تكون اتوزعت وبعدين يثبتونا بشروطهم بقا وحلنى على مرااااااحل كل شهرين ياخدوا 10 الاف ولا ننبههم من دلوقتى انهم يعملوا حساب لازهرية في التورتة اللي بتتوزع واحنا اتكتب علينا نتفرج ونمصمص صوابعنا
ارجوكم احنا اتفقنا على الا نتفق بالعقل كده لو 15 \6 جه وماحدش جاب سيرتنا بجد انسوا ومش عاوزين نكون زي التلميذ الخايب اللي بيفتح الكتاب ليلة الامتحان

أدعوكم لثلاثاء الغضب أمام المشيخة بكرة
إبراهيم عطية 01527822628
الإيميل alqaed84 على الياهو

الأخ بعبشش أتصل على ونرتب نروح بكرة أن شاء الله أنا من الشرقية

الصبر خير

ماشي يااستاذ صبور لاء هو حضرتك لما تقعد 6 سنين متعاقد يبقا لسة ماصبرتش

الصبر هو اللي مل من صبرنا

متي التثبيت يا متعاقدين الازهر كل المصالح اتثبتوا الا ( الازهر )

(ابن الازهر ) يارب التثبيت

فين رجالة الازهر المتعاقدين بصراحة حاجة تكسف

يا عم خليك جدع وتعالى بكرة إذا كنت صادق فعلاً فى النية

فين الازهريين

فكره جميله
انا متابع تحركات من زمان ربنا معاك بس ياريت متبقاش لوحدك المره دي
الفرق بين الصبر والجبن حافه بسيطه اتمني الا تكون وقعت فيها
عايزين متعاقدي القاهره كلهم والمحافظات القريبه منهم
الكل جاي ان شاء الله

اين وعود( شيخ الازهر )

هم دول متعاقدين الازهر http://www.thanwya.com/vb/DSC0000092

رجالة الدبلومة http://DSC-0000092

يارب يكون خير

اخرت الدبلومة
 

http://DSC-0000092:039uw8:

يا اخوانا بلاش من التمني والله ما فيه تثبيت الا لما نعمل حاجة شيخ الازهر خلع ايده من موضوعنا خالص ومش فاضيلنا
لازم نتحد ونعمل زي الناس الدولة ورتنا الطيق وهو الاعتصامات والاضراب حتى عن الاكل والشرب لو عشرة بس قدام المشيخة واضربوا عن الطعام هتتقلب الدنيا
التربية والتعليم ثبتت اللى شغالين بالحصة السنة اللى فاتت
يعنى باين الحككاوى قوى
ربنا معانا وهينصرنا
بس لازم نتحد
الثلاثاء ان شاء الله قدام المشيخة ومش ماشيين بايتين هناك هيعملولنا ايه يعنى ولا حاجة
وهتشوفو النتيجة
ربنا يوفققنا جميعا

يا جماعة ارجوكم اترحكو بسرعو انا من سوهاج ويعز عليا انى بعد عن المشيخة والله لكن احنا بنتحرك ولو من بعيد احنا اللى بعتنا فكسات العلاوات اللى كانت مسروقة مننا ورجعناها بعون الله باثر رجعى واحنا اللى اشتكينا علشان الخمسين جنية اللى كانت محذوفة من غير سبب ورجعناها الشهور اللى فاتت ارجوكم يا جماعة بلاش تكاسل والله المتعاقدين كتاار وهياثرو بصورة سريعة وربنا معانا على الخير باذن الله ده ايميلى انا من سوهاج معلم رياضيات tafa_math2010***********

رايي اعتصام مفتوح متزايد من دلوقتى

ربنا يثبتنا عند السؤال

اتحركوا يا متعاقدى الازهر النايمين قبل ما يفوت الاوان الاستاذ بيقول لكم رايح بكره ياريت الكل يشارك كفايه كلام على صفحات النت اخرجوا وعبروا عن غضبكم لولا خروخ الناس فى 25 يناينر وتعبيرهم عن غضبهم من الاوضاع مكنش شئ حصل وبعدين بعد المسافه مش مبرر ولا انتم عايزين تتثبتوا وانتم فى بيوتكم معلشى اخرجوا واتعبوا شويه ولو يوم انا متاكده انكم لو لو اعتصمتم يوم او اتثنين بعدد كبير امام المشيخه صدقونى النتيجه هتكون فوريه وتانى يوم قرار التثبيت هيصدر

أدعو كم للإعتصام السلمى غداً أمام المشيخة ( ثلاثاء الغضب )
للمطالبة بحقنا فى التثبيت
رقمى 01527822628
الإيميل alqaed_84 عالياهو

نرجوا من الجميع الخروج غدا الى المشيخة للاعتصام
والله ربنا هيسالنا ليه سكت عن حقك
بالله عليكم انتم املنا بعون الله
وزير القوى العاملة على التليفزيون المصرى
سمعته بيقول ان مفيش درجات من سنة 82
امال الناس اللى ماتت واللى اتحالت ع المعاش درجاتها راحت فين
اكلتها السلعوة ولا محجوزة لولاد الاكابر
" كان الله فى عون العبد ما دام العبد فى عون اخيه "
نستغيث باخواننا فى القاهرة والجيزة والقليوبية هما اقرب للقاهرة
لازم يعملوا حاجة
نبوس ايديكم اخرجوا بكرة اعملوا حاجة
مش مهم المرتب يبقى 1000 جنيه او 700 المهم يا جماعة الدرجة
عشان بعد كدة تطالب بكل حقوقك وانت قلبك جامد
مش كل شوية واحد يقولك انت مكتوب بالقلم الرصاص

يارب ياريت الكل يبقى معانا بكرة
يا جماعة ياريت التواصل
01527822628
أخوكم إبراهيم عطية

على بركة الله نتقابل ماهو مغيش حل غير كدى

مش حضرتك كنت ممانع قبل كده على موضوع التظاهر او الاعتصام ! ايه اللى غيرك فجأة يا ترى ؟:040vk0::039uw8::078111rg3:

ده التربية والتعليم في سوهاج تم تثبيت (((( ابو حصه ))))))
 

تحية الى الابطال الذين ذهبوا للمشيخة
 

ما الذى حدث اليوم فى الشيخة هذا اولا وثانيا هل لنا نقابة او احد يتكلم عنا ام لا واين العدالة واين شيخ الازهر واين المساواة واين المشير والله ما اقول الا ما يرضى الله حسبى الله ونعم الوكيل وانا لله وانا اليه راجعون واسال الله العظيم ان يعطينا حقوقنا ويكفينا بحلاله عن حرامه ويغنينا بفضله عمن سواه :022yb4::039uw8::039uw8::039uw8::039uw8::039uw8::0 39uw8::022yb4::022yb4:

فاكرين انا كنت عارف الكلام ده
ولست بعلام الغيوب وانما اري بلحاظ الراي ماهو واقع
وكلمه صريحه واخيره لغاية شهر 12 مفيش تثبيت وانا علي يقين تام من كلامي
بس قولت افكركم
مش لاننا مش رجاله ومش علشان الاعتصامات
ده علشان الفساد اللي موجودفي الازهر
تقدر تقولوي درجات الازهر فين ؟
الاجابه :- نتبرع بها لوزارات اخري
العيب في القياده
الاصلاح مش من اسفل الاصلاح من اعلي
وسلمولي علي الشيخ الذي لا غبار عليه هو والشيخ يسين
حسبي الله ونعم الوكيل
الثوره لم تحدث في الازهر ولم يسمهع عنها

اللهم ارحمنا من الذل ده احنا خلاص زهقنا