بعد دخول المعلمين الحد الادنى وعدم المساس بالكادر ماذا بعد
 

زملائنا الاعزاء

بعد الاعلان رسيما من وزير المالية على الموقع الرسمى لوزارة المالية بعدم شطب المعلمين كما اعلانا قبل ذلك وقبل اى موقع

من الحد الادنى والكوادر الخاصة ومنذ ان عملت بعدم الاستغناء او حذف الكادر او المساس بة
لم احدد مرتب اى زميل رغم وجود الشرائح معى كاملة
فارجوا من زملائنا بعد التعديل الجديد
ان يصبروا لحين ما نعرف الاتى
1- وضع الكادر بالنسبة للاجور حتى لا يتعارض مع الحد الادنى
2- الاستقطاعات لانها اكيد هتزيد المعاشات والتامين الصحى
3- فروق الدرجات بالنسبة للكادر لان حسابات الكوادر الخاصة تختلف عن حسابات العاملين بالدولة
4-الدقة فى عمل مرتب كل زميل حتى يطمئن
فارجوا من اخواننا وزمئنا ان يصبروا لان الوضع تغير بعد دخول الكادر لانى لم احدد ولا احسب مرتب اى زميل بعد تعديل الكادر نهائيا لعلمى انة سوف يتم حسابات المدرسين واصحاب الكوادر غير العاملين بالدولة وهذا الخبر جانى بالليل
كما ارجوا من الاخوة الذين ينتقدون نحن نعمل لوجة الله الكريم ونخدم زملائنا ولسنا وزارة او تابع لوزير
او غيرة
وبامر الله فور ورود التعليمات وقبل اى احد سوف يكون هناك حساب فورى ودقيق لكل زميل
مع تحياتى لكم اخوكم
فتحى فارس محمد
ادارة المنيا التعليمية
رئيس وحدة حسابية

ربنا يبشرك بالخير يا استاذ فتحي ويجازيك بكل الخير
انا اساسي 284.26 و اجمالي الراتب 774
يبقي هقبض كام يا وش الخير:078111rg3:

مشكوووووووووووووووووووووووووووور
انا الاساسي بتاعي
186 و 60 قرش
تعيين 1/3/2011

جزاك الله خيرا

يا أستاذ فتحي أنا جالي أحباط بعد تصريح وزير المالية بالأمس أن زيادة الحد الأدني للأجور بالنسبة للموظفين القدامي وطبعا منهم المدرسين حتكون محدودة . وأنا أتوقع الزيادة حتكون 50 جنيه . أرجوك يا أستاذ فتحي لو عندك أي تسريبات حتي لو مش نهائية أطلعنا عليها ولك جزيل الشكر

ياسيدى الفاضل / الأمير الصعيدى
برجاء من سيادتك إتباع اسلوب أفضل فى الحوار وسبق من قبل أن الأستاذة المشرفة وجهت لسيادتك تحذير .
فأرجوا من سيادتك عرض أفكارك ومعلوماتك ونقدك بأسلوب يتوائم مع وضعك المهنى ووضع المنتدى المحترم .
ناهيك عن الشخص المحترم وهو الأستاذ فتحى الذى لم نجد منة إلا التكريس لخدمتنا من معلومات وخلافة وأشهد لة بذلك . لدرجة اننى أحسست أنك موجود بالمنتدى لنقدة فقط . لذلك :
برجاء النقد المحترم المهذب الذى يليق بك وبنا وبالشخص الكريم . وشكرا لسعة صدرك

لو تكرمت
الاساسى 368.82
المرتب 1157 بدون بدل نقدى
سوهاج
جزاكم الله خيرا

جزاك الله خيرا

استاذ فتحى ربنا يوفقك لكل خير وكما قلت لك من قبل انت شمعه
تحترق من اجل الاخرين وانا اعلم انك تعمل لوجه الله ولرسم بسمه على وجوه اخوه لك
وأقول لمنتقديك لا تكونوا أعداء للنجاح ويكفى ان الرجل يضيع من وقته وجهده من اجلنا
مشكوررر جدا أخى الفاضل وجعله الله فى ميزان حسناتك

استاذ فتحى جزاك الله خيرا عن كل ماتفعله لنا وجعله الله لك فى ميزان حسناتك وان تاتى لنا دائما بالاخبار السعيدة
وارجو حساب مرتبى مع الزيادة الاساسى 354.25 الدرجة التانية 2003 مع الكادر[

معلش يا استاذ فوزى ربنا يكفينا شر فلول النظام لانهم كثروا اوى الايام دى

تحت امر حضرتك
عاوزة المرتب على القديم ولا الجديد اى بعد يوليو
لو بعد يوليو يبقى بس انتظرى حضرتكيويمن لما نعرف الاستقطاعات كام

رد
 

جزالك الله خيرا يا شيخنا الجليل ودة مش جديد على اهلنا اهل الشرقية
اتمنى ان توصل صوتى لاعداد النجاح انى لا هنزل فى الانتخابات ولا شى ولكن العمل حتى لو القررارات تغيرات ونحن فى دولة تغير القرارات سهل جدا ان العمل لوجة الله على قدر المستطاع
واشكرك حبييبى

أستاذ فتحي أنا جالي أحباط بسبب تصريحات وزير المالية أمبارح وقال فيها أن الموظفين القدامي وطبعا منهم المدرسين حيزيدوا زيادة محدودة . وأنا أتوقع الزيادة في حدود 50 جنيه . يا ريت يا أستاذ فتحي لو عندك تسريبات عن هذا الموضوع تقولنا عليها حتي لو كانت أخبار مش نهائية

رد
 

والله اخى الحبييب عندى التسريبات وكل شى ولكن خلينا نصبلا بس لما الامور تثبت على كدة
وصدقنى فيها خير كبير اوىىوىوى

موقع الماليه الزياده لمن راتبهم اقل من 700 ولا زياده للدرجات الاعلى والدرجه التالته تتساوى فى المربوط 700 جنيه مع السادسه
http://www.mof.gov.eg/Arabic/MOFNews...-a-5-6-11.aspx

مرحبا أستاذ فتحى وبجهودك
ننتظر منك الأخبار السارة
والأساسى 237
وآخر 352
تحية لك ولجمال روحك

اعتقد أن المعلمين الذين تعدى راتبهم ال700 ج لن يستفيدوا
والعوض على الله
ونحن مقبلون على امتحانات ثانوية
وربنا يستر

يا استاذ فتحى

بالنسبه لكلام حضرتك انا مقتنع به لعدة اسباب

اولا قالوا ان ميزانيه التعليم زادت 3 مليار و بعدها قالوا ان الكادر زاد هو كمان 7 مليار

ثانيا من الطبيعى ان الدرجات كلها متبقاش زى بعضها و انه يكون فيه اختلافات و دة على ما اظن هيحصل

ثالثا فيه ثلاث فئات بتاخد كوادر و معنين بالزيادة اساتذة الجامعه و الاطباء و المعلمين و تم الاعلان عن وجود الزيادة بالنسبه ليهم تباعا


رابعا انا كلام رئيس الوزراء فى كون ان التعليم هيكون له الاولويه فى الفترة اللى جايه و كلام الوزير عن كون ان الاهتمام بالعمليه التعلميه يبدا بالمعلم


خامسا اعلان الوزير اخذ المعلمين ترقياتهم فى الاسابيع القادمه



بس انا ليا رجاء انا مثلا مرتبى بالكادر 623 جنيه و اساساى تقريبا 220 جنيه هكون كام يا ريت يكون كلام مبدائى اقل رقم ممكن يكون بالمعطيات اللى كانت



و شكرا

على فكرة انا حسيت ان الاعلان عن عدم وجود الاطباء و المعلمين بالونه اختبار و لما لاقوا ان الناس بدات تتكلم

بدا تنفيذ الموازنه بشكلها الجديد


حتى فيه ملحوظه ان الموازنه نزلت الاول بشكل و من بعدها نزلت مرة تانيه باضافات جديدة

رد
 

دى الناس فعلا اللى بتعرف تفكر بدمغها
كلام صائب وراى جميل جدا
التوقعات بالزيادة ودة كلام مش رسمى لانة ممكن يتغير ودة طبع بلدنا
الدرجة الثالثة 700+278+ الكادر+48 المربوط
وانا شرحتها لكى لاجل تفكير حضرتك المنطقى ورايك الصائب
مع العلم ممكن تغييرة

رد
 

صعبة يا استاذ محمود لاسباب كثيرة جدا
لابد من فرق جامد

سيدي ان صدق كلامك وطلعت انا من الفلول الي بتنيم الناس وتوعدهم بالالاف شوف اتقدم باعتذار رسمي لك في قلب محافظتك المنيا وياريت اكون انا الي غلطان

ملوحظه انت بتتكلم كاني هدي الناس من جيبي الحقيقه احسن هو انا مش مدرس بردو يارب كلو ياخد10000

يعنى الدرجة الثالثة هتعدى بأذن الله الف جنية
أى المعينين الجدد

اسف استاذ فتحى بس يا ريت اعرف

الكادر مرتبى اللى هو 623 و لا باقى المرتب بعد ما اطرح منه الاساسى

و سؤال تانى يا ريت دا الاهم

كل درجه هتزيد عن اللى تحتها ب 678 جنيه

يعنى مثلا انا الثالثه هزيد 678 * 3 اللى هو الفرق بين السادسه و الثالثه و لا هنزيد بس 678 مرة واحدة



و شكرا على حسن استماعك استاذى الكريم

استاذ فتحي والله انا مستبشر بحضرتك كل خير لان اخبارك كلها والحمد لله صحيحه وربنا يجعله في ميزان حسناتك وارجوك لا تلتفت الي المتشائمين
استاذ فتحي انا معلم مساعد درجه ثالثه ولسه ناجح في امتحان الكادر ارجوك طمني يا وش السعد هل مرتباتنا حتبقي 700 جنيه زي الدرجه السادسه في الحكومه ولا احنا حنبقي كام ارجوك ادينا مبلغ تقريبي
وجزاك الله خير

رد
 

هههههههههههههههههههههههههههههه
لاحول ولا قوة الا بالله العظيم
يا صدقيى العزيز انا بوعد الناس انت فاكر انا محافظ ولا وزير مالية
دة قرارات وممكن تتعدل ولاحظ ان بقول انها توقعات والناس مش غيبة ولا هتروح تشترى على كلامى قولت انة لسة جارى اعداد الاجور والاستقطاعات
وعموما يا سيدى ولا يهمك
ربنا يصلح الحال

فى حالة وصول اساسى المرتب الى 700 هتكون مكأفأة الامتحانات 200 × 5% × 700 وهل تتساوى الدرجة الثانية مع الثالثة

رد
 

حاضر والله العظيم اول ما نجيب الاستقطاعات وونعرف التعديل النهائى على الاجور بالكادر لحسن يتغير هنزل برنامج كامل لاخوننا
واى خدمة لحضرتك

يا أساتذة 700 جنيه ده الشامل بتاع المرتب مش الأساسي

يا أستاذ فتحى
كلامك متفائل جدا

كأن الأمر مسلم به و واضح

مع أنه لا يوجد ما يدل على استفادة من رواتبهم أكثر من 700 ج و على الكادر

متشكرين يا استاذ فتحي علي الرد وجزاك الله كل خير

استاذ فتحى انا عاوز افهم هل الموظف اللى على الدرجه السادسه هيكون بدايه مرتبه كتعيين جديد 700 جنيه ؟ طيب اللى على السادسه وشغال من سنين هياخد برضه 700 جنيه؟ واللى على الدرجات التاليه موقفه ايه وكل درجه هتزيد كام؟
ولك جزيل الشكر

رد
 

لا يمكن ان يتساوى ابدا هيكون فية فارق بس حاضر سنعلن الفرق قريبا بامر الله

السلام عليكم
الأستاذ فتحي هل عند حضرتك خبر عن الدرجات
ابن بسيون

الاستاذ الفاضل فتحي
هل فيه شئ لو تكرمت بخصوص الماجستير في الهيكل الجديد

حبيت بس امسى عليك
يا حبيب الكل

رد
 

ربنا ما يحرمنا منك
سوف اكون قريبا جدا اول المبشرين لك بخبر هيسعدك جدا بس اتاكد من صحتة وقبل اى احد فى رسالة خاصة حبا فى شخصكم الكريم